កម្មវិធីបណ្តុះបណ្តាលជំនាញវិជ្ជាជីវៈ ចូលរួមលើក​កម្ពស់ជីវភាពរបស់អ្នកប្រកបរបរសេដ្ឋកិច្ច​ក្រៅប្រព័ន្ធ

ប្រធានសមាគម​ប្រជាធិបតេយ្យ​ឯករាជ្យ នៃសេដ្ឋកិច្ច​ក្រៅ​ប្រព័ន្ធ (IDEA) លើកឡើងថា កម្មវិធី​បណ្តុះបណ្តាលជំនាញវិជ្ជាជីវៈ និង​បច្ចេកទេស ១.៥លាននាក់​របស់​រាជរដ្ឋាភិបាល មិនត្រឹមតែជួយ​ដល់យុវជន​ឱ្យ​មានជំនាញ​ប្រចាំជីវិត​ប៉ុណ្ណោះទេ តែ​ក៏​បាន​ជួយ​​លើក​កម្ពស់ជីវភាព​របស់​អ្នក​ប្រកបរបរ​សេដ្ឋកិច្ច​ក្រៅ​ប្រព័ន្ធផងដែរ។

លោក វន់ ពៅ ប្រធានសមាគម​ IDEA មានប្រសាសន៍ថា កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ១.៥ លាននាក់ គឺជាឱកាសថ្មីស្រឡាងមួយសម្រាប់បងប្អូនប្រជាពលរដ្ឋដែលមានជីវភាពខ្វះខាត ជាពិសេសអ្នកប្រកបរបរសេដ្ឋកិច្ចក្រៅប្រព័ន្ធអាចសិក្សាជំនាញវិជ្ជាជីវៈដោយឥតគិតថ្លៃ និងទទួលបានប្រាក់ឧបត្ថម្ភសម្រាប់បង្កើតជំនាញថ្មីមួយទៀត ក្រៅតែពីការលក់ដូរបន្តិចបន្តួចដែលមានប្រាក់ចំណូលទាប។ លោកបញ្ជាក់ថា កម្មវិធីបណ្តុះបណ្តាលថ្នាក់ជាតិនេះអាចកែប្រែជីវភាពរបស់ពលរដ្ឋដែលជាអ្នកសេដ្ឋកិច្ចក្រៅប្រព័ន្ធ ព្រោះជំនាញវិជ្ជាជីវៈដែលពួកគេទទួលបានជាឱកាសក្នុងការបង្កើតរបរថ្មីដែលមានប្រាក់ចំណូលសមរម្យជាងមុន។ លើសពីនេះអ្នកសេដ្ឋកិច្ចក្រៅប្រព័ន្ធអាចផ្លាស់ប្តូមុខរបរថ្មីបានបន្ទាប់ពីបានសិក្សាជំនាញ។

ជាមួយគ្នានេះ លោក វន់ ពៅ ក៏បានអំពាវនាវឱ្យអ្នកសេដ្ឋកិច្ចក្រៅប្រព័ន្ធឱ្យមកទទួលយកឱកាសក្នុងការសិក្សាជំនាញដ៏សំខាន់មួយនេះដើម្បីផ្លាស់ប្តូជីវភាពអនាគតរបស់ពួកគេ។

ឯកឧត្តម យ៉ោក សុទ្ធី នាយកវិទ្យាស្ថានជាតិបណ្តុះបណ្តាលបច្ចេកទេស NTTI នៃក្រសួងការងារ និងបណ្តុះបណ្តាលវិជ្ជាជីវៈ មានប្រសាសន៍ថា កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស (TVET) ១.៥លាននាក់ របស់រាជរដ្ឋាភិបាលអាណត្តិទី៧ បាននិងកំពុងដំណើរការរយៈពេល១ឆ្នាំមកហើយ ដោយកម្មវិធីបណ្តុះបណ្តាលថ្នាក់ជាតិមួយនេះដើរតួនាទីយ៉ាងសំខាន់ក្នុងការបណ្តុះបណ្តាលកម្លាំងជំនាញនៅកម្ពុជា និងកែប្រែអភិវឌ្ឍន៍សមត្ថភាពរបស់យុវជន និងពលរដ្ឋកម្ពុជា។

បើតាម​នាយកវិទ្យាស្ថាន NTTI កម្មវិធីបណ្តុះបណ្តាលជំនាញវិជ្ជាជីវៈ ១.៥លាននាក់ បានដំណើរការយ៉ាងរលូន និងទទួលបានពលរដ្ឋចុះឈ្មោះរៀនជំនាញរាប់ម៉ឺននាក់ក្នុងរយៈពេល១ឆ្នាំមកនេះ។ ដោយឡែកយុវជនដែល​បាន​បញ្ចប់​ការ​សិក្សាជំនាញទាំងនោះ ក៏​ទទួលបានការងារធ្វើសមរម្យ, កំពុងចុះកម្មសិក្សានៅតាមក្រុមហ៊ុនឯកជននានាក្រោមកិច្ចសម្របសម្រួលរបស់ក្រសួងការងារ និងបណ្តុះបណ្តាលវិជ្ជាជីវៈផងដែរ។  

សូមជំរាបជូនថា រាជរដ្ឋាភិបាល​បានប្រកាស​ដាក់​ឱ្យ​អនុវត្ត​ការ​បណ្តុះបណ្តាលជំនាញវិជ្ជាជីវៈ ១.៥លាននាក់ កាលពីខែវិច្ឆិកា ឆ្នាំ២០២៣ ដោយ​ជ្រើសរើសយុវជនក្រីក្រ ​យុវជន​មក​ពីគ្រួសារងាយរងគ្រោះ កម្មករ​និយោជិត អ្នកសេដ្ឋកិច្ចក្រៅប្រព័ន្ធ ចំនួន ១លាន៥សែននាក់ សម្រាប់ធ្វើការបណ្តុះបណ្តាលជំនាញបច្ចេកទេស និង​វិជ្ជាជីវៈ ដើម្បីឆ្លើយតបទៅនឹងតម្រូវការទីផ្សាររបស់ប្រទេសកម្ពុជា ជាពិសេស​នៅក្នុងវិស័យ​ឧស្សាហកម្ម និង​វិស័យផ្សេងៗ​ទៀតដែលកំពុងមានតម្រូវការ។

យោង​តាម​របាយការណ៍​របស់ក្រសួងការងារ និង​បណ្តុះបណ្តាលវិជ្ជាជីវៈ គិត​ចាប់ពីខែវិច្ឆិកា ឆ្នាំ២០២៣ មក​ដល់​ខែវិច្ឆិកា ឆ្នាំ២០២៤ កម្មវិធី​បណ្តុះបណ្តាលជំនាញបច្ចេកទេស និង​វិជ្ជាជីវៈ ១.៥លាននាក់ ទទួលបាន​ការ​ចុះឈ្មោះចូលរៀន​ពី​យុវជន កម្មករនិយោជិត ក៏​ដូចជាអ្នក​សេដ្ឋកិច្ច​ក្រៅ​ប្រព័ន្ធ សរុ​បប្រមាណជាង ៧៣០០០នាក់ ក្នុងនោះ​បាន​បញ្ចប់ការ​សិក្សា​ចំនួនជាង ១៤០០០នាក់ ដោយ​ពួកគេ​ទទួលបាន​ការងារធ្វើ និង​មាន​ចំណូលសមរម្យ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាលាជាតិផែនការ និងស្ថិតិឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 12/02/2024

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ចំនួន២០កន្លែងនៅសាលាជាតិផែនការ និងស្ថិតិសម្រាប់ឆ្នាំសិក្សា២០២៤-២០២៥។ អាហារូបករណ៍...

ឱកាសសិក្សាអាហារូបករណ៍ចំនួន១២០កន្លែងនៅវិទ្យាស្ថានបច្ចេកវិទ្យាកម្ពុជា សាខាខេត្តត្បូងឃ្មុំ

ព័ត៌មានអាហារូបករណ៍, ព្រឹត្តិការណ៍

• 18/10/2024

វិទ្យាស្ថានបច្ចេកវិទ្យាកម្ពុជាសាខាខេត្តត្បូងឃ្មុំ ប្រកាសជ្រើសរើសនិស្សិតចូលសិក្សាថ្នាក់កម្រិតវិស្វករ ចំនួន១២០កន្លែង។ អាហារូបករណ៍ប្រឡងជ្រើសរើសសម្រាប់កម្រិតវិស្វករ សិក្សារយៈពេល៥ឆ្នាំក្នុងដេប៉ាតឺម៉ង់ចំនួនបួន។

ឱកាស​អាហារូបករណ៍ ១០០%​ ចំនួន១៦កន្លែង សម្រាប់សិស្សធ្លាក់ ឬជាប់បាក់ឌុប នៅ CGTI

ព័ត៌មានអាហារូបករណ៍, ព្រឹត្តិការណ៍

• 01/07/2025

វិទ្យាស្ថាន​បណ្តុះបណ្តាល​ឯកទេស​សម្រាប់​ឧស្សាហកម្ម​កាត់ដេរ (CGTI) កំពុង​ប្រកាស​ផ្តល់អាហារូបករណ៍​ចំនួន១៦កន្លែង សម្រាប់​សិស្ស​ដែលជាប់ ឬធ្លាក់ថ្នាក់ទី១២ គ្រប់ឆ្នាំសិក្សា​ទាំងអស់។

SEAR​CA ​ផ្តល់​អាហារូបករណ៍​ពេញ​ថ្លៃ​ថ្នាក់​អនុ​បណ្ឌិត​-​បណ្ឌិត​ ​ក្នុង​ឆ្នាំ​សិក្សា​២០២៧​-​២០២៨​

ព័ត៌មានអាហារូបករណ៍, ព្រឹត្តិការណ៍

• 02/09/2026

SE​AR​CA ​(​Southeast ​Asian Regional ​Center for ​Graduate Study and ​Research in ​Agriculture​)​ ​បាន​ប្រកាស​ផ្តល់​អាហារូបករណ៍​ពេញ​ថ្លៃ​សម្រាប់​ថ្នាក់​អនុ​បណ្ឌិត ​និង​ថ្នាក់​បណ្ឌិត​ ​ក្នុង​ឆ្នាំ​សិក្សា​២០២៧​-​២០​២៨ ​នេះ

អាហារូបករណ៍ថ្នាក់ Diploma បរិញ្ញាបត្រ និងបរិញ្ញាបត្រជាន់ខ្ពស់ នៅប្រទេស​ព្រុយណេ ឆ្នាំ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 18/12/2025

ស្ថានឯកអគ្គរាជទូតកម្ពុជា​ប្រចាំ​ប្រទេស​ព្រុយណេដារូស្សាឡាម បានប្រកាសថា រាជរដ្ឋាភិបាលព្រុយណេ នឹង​ផ្តល់​អាហារូបករណ៍​ដល់​និស្សិតបរទេស​ទៅ​សិក្សា​នៅ​ប្រទេស​ព្រុយណេ​សម្រាប់ឆ្នាំសិក្សា២០២៦-២០២៧

ក្រសួងអប់រំ ជ្រើសរើសនិស្សិតអាហារូបករណ៍ទៅសិក្សា​នៅសាកលវិទ្យាល័យ SUSTech ប្រទេស​ចិន ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 18/03/2025

ក្រសួងអប់រំ យុវជន និងកីឡា ប្រកាសប្រឡងជ្រើសរើសសិស្សនិស្សិតចំនួន១០រូប ឱ្យ​ទៅសិក្សាថ្នាក់បរិញ្ញាបត្រនៅ សាកលវិទ្យាល័យ SUSTech ( Southern University of Science and Technology) នៃសាធារណរដ្ឋប្រជាមានិតចិន...

វិទ្យាស្ថានពហុបច្ចេកទេសភូមិភាគ​តេជោសែនសៀមរាប ផ្តល់អាហារូបករណ៍ដល់យុវជន២៤០នាក់

ព័ត៌មានអាហារូបករណ៍, ព្រឹត្តិការណ៍

• 25/04/2024

វិទ្យាស្ថាន​ពហុបច្ចេកទេស​ភូមិភាគ​តេជោ​សែនសៀមរាប បានប្រកាស​ពី​ការផ្តល់អាហារូបករណ៍​ចំនួន ២៤០កន្លែង ដល់យុវជន​មក​ពី​គ្រួសារ​ក្រីក្រ/គ្រួសារងាយរងហានិភ័យ និង​កម្មករនិយោជិត បុគ្គលនៃសេដ្ឋកិច្ច​ក្រៅប្រព័ន្ធ...

អាហារូបករណ៍ថ្នាក់ឧត្តមសិក្សានៅប្រទេសណូវែលហ្សេឡង់សម្រាប់និស្សិតអន្តរជាតិឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 21/02/2023

កម្មវិធីអាហារូបករណ៍ Manaaki New Zealand បានប្រកាស​បើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិ​ទៅសិក្សា​ថ្នាក់បរិញ្ញាបត្រ​ជាន់ខ្ពស់ ...

អាហារូបករណ៍ ៣៥០កន្លែង នៅវិទ្យាស្ថានជំនាន់ថ្មី សម្រាប់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 16/09/2025

ដើម្បីរួមចំណែកក្នុងវិស័យអប់រំ អាហារូបករណ៍អភិសន្តិបណ្ឌិត ស សុខា ប្រកាសផ្ដល់អាហារូបករណ៍ថ្នាក់បរិញ្ញាបត្ររង និងថ្នាក់បរិញ្ញាបត្រ ចំនួន៣៥០កន្លែង សិក្សានៅវិទ្យាស្ថានខ្មែរជំនាន់ថ្មី ឆ្នាំសិក្សា២០២៥-២០២៦។



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។វាល​ដែល​ត្រូវ​ការ​ត្រូវ​បាន​គូស *