ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
គំនិតថ្មីៗគប្បីឱ្យមនុស្សត្រូវចេះបំផុសសំណួរចម្រុះ ជីកឫស ជីគល់ សរសេរអ្វីដែលបានគិតមកក្រៅ មានសិល្បៈក្នុងការបំប្លែង និងយកគំនិតដែលមានទាំងឡាយទៅសាកល្បងជាក់ស្ដែង។ ស្របពេលគំនិតប្លែកៗ ដើរតួរយ៉ាងសំខាន់ក្នុងការជំរុញឱ្យមនុស្សផលិតបាននូវស្នាដៃថ្មីៗ និងជំរុញផលិតភាពការងារ ចំពោះមនុស្សមួយចំនួនហាក់មានគំនិតសម្បូរហូរហៀរ ខណៈមួយចំនួនទៀតពិបាកក្នុងការបំផុសគំនិតចេញមក។ ដូច្នេះតើត្រូវដោះស្រាយយ៉ាងណា? យោងតាមគេហទំព័រ Elmhurst University បានបង្ហាញគន្លឹះបួនចំណុចដើម្បីជួយសម្រួលដល់ការបំផុសគំនិតបន្ថែម ឬការចម្រាញ់នូវគំនិតច្នៃប្រតិដ្ឋ។
១. សួរសំណួរ ៖ ដើម្បីពង្រឹងខ្លួនឯងឱ្យក្លាយជាបុគ្គលដែលសម្បូរដោយគំនិត វាពិតជាចាំបាច់ដែលត្រូវចេះបង្កើតសំណួរឱ្យបានទូលាយ ឬបំផុសសំណួរទៅកាន់ស្ថានការណ៍ផ្សេងៗ ដែលនេះវាប្រៀបបាននឹងការបង្កើននូវទម្លាប់ចង់ចេះ ចង់ដឹងជាប្រចាំ។ ក្រៅតែពីការសួរសំណួរជាច្រើនទៅកាន់អ្នកដទៃ ក៏ត្រូវដាក់សំណួរសួរទៅកាន់ខ្លួនឯងដែរ។ សួររាល់ចម្ងល់ឱ្យអស់មន្ទិល ដោយប្រើប្រយោគដូចជា ហេតុអ្វី? ពេលណា? នរណា? ឬក៏កើតឡើងដោយបៀបណាជាដើម។
២. សរសេរអ្វីដែលខ្លួនកំពុងគិតចេញមកក្រៅ ៖ តាមរយៈការសង្កេត មនុស្សដែលធ្វើកិច្ចការជាមួយនឹងវិស័យច្នៃប្រតិដ្ឋ តែងកត់ចំណាំ និងសរសេរអ្វីដែលបានកើតឡើង ឬនឹកឃើញទុកជាប្រចាំ ដោយហេតុថា ចំណុចនេះគឺជាភាពវៃឆ្លាតមួយក្នុងការប្រមូលគំនិតទុក ព្រោះខួរក្បាលមនុស្សមានផ្ទុករឿងរ៉ាវយ៉ាងច្រើន និងមិនអាចចងចាំបានទាំងអស់នោះទេ ហើយការសរសេរអ្វីដែលខ្លួនកំពុងគិតចេញមកក្រៅ ក៏ជាវិធីមួយជួយរក្សា និងបំផុសគំនិតថ្មីៗ។
៣. ផ្សារភ្ជាប់ការគិតទៅនឹងស្ថានភាពជាក់ស្ដែង ៖ បង្កើតការចងចាំ ឬគិតអ្វីមួយដែលភ្ជាប់ទៅនឹងរូបភាព ឬបទពិសោធន៍អ្វីមួយ ដើម្បីឱ្យមានព្រលឹងទៅក្នុងគំនិតនីមួយៗ។ ហើយការសាកល្បងទៅក្នុងសកម្មភាពថ្មីៗ ដើម្បីទទួលបានបទពិសោធជាក់ស្ដែង គឺជាចំណុចមួយដែលជួយជំរុញការគិតថ្មីៗឱ្យកើតមាន។
៤.យកគំនិតដែលមានទៅសាកល្បង ៖ អ្នកដែលចាប់អារម្មណ៍អំពីភាពច្នៃប្រតិដ្ឋ យល់យ៉ាងច្បាស់អំពីគុណសម្បត្តិ នៃការយកគំនិតដែលមានទៅអនុវត្តន៍ជាក់ស្តែង ពីព្រោះការអនុវត្ត ឬសាកល្បងជាក់ស្ដែងនេះហើយគឺជាចំណុចសំខាន់ជំរុញឱ្យគំនិតមនុស្សវិវឌ្ឍន៍ជាដរាប៕
