លោក ឆោម សុខឿន ៖ ពិព័រណ៍ការងារជាឱកាសល្អសម្រាប់សិស្សានុសិស្សទើបប្រឡងបាក់ឌុបរួច ស្វែងយល់ពីជំនាញដែលត្រូវសិក្សាបន្ត

លោក ឆោម សុខឿន ប្រធានមជ្ឈមណ្ឌលការងាររាជធានីភ្នំពេញ មានប្រសាសន៍ថា ពិព័រណ៍ការងារនិងផលិតភាពជាតិឆ្នាំ២០២៣ ជាឱកាសល្អសម្រាប់សិស្សានុសិស្សទើបប្រឡងបាក់ឌុបរួច ដើម្បីងាយស្រួលស្វែងរកជំនាញសិក្សាសមស្របចំណង់ចំណូលចិត្ត សមត្ថភាព និងឱកាសការងារស្របតាមតម្រូវទីផ្សារការងារ។

ប្រធានមជ្ឈមណ្ឌលការងាររាជធានីភ្នំពេញ បញ្ជាក់បន្ថែមថា ពិព័រណ៍ការងារ និងផលិតភាពជាតិឆ្នាំ២០២៣ ប្រារព្ធឡើងមានរយៈពេល២ថ្ងៃជាប់គ្នា គឺនៅថ្ងៃទី១០-១១ ខែវិច្ឆិកា ឆ្នាំ២០២៣ ចាប់ពីម៉ោង ៨ព្រឹក ដល់ម៉ោង ៨យប់ ដើម្បីផ្តល់ការងារដល់យុវជនខ្មែរ ដែលចង់ស្វែងរកការងារធ្វើ ក្រោមការរៀបចំដោយទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហការជាមួយសហភាពសហព័ន្ធយុវជនកម្ពុជារាជធានីភ្នំពេញ និងគាំទ្រដោយដៃគូពាក់ព័ន្ធជាច្រើនទៀត។

លោក ឆោម សុខឿន បន្តថា ពិព័រណ៍ការងារ និងផលិតភាពជាតិឆ្នាំ២០២៣នេះ មានការចូលរួមពីសំណាក់ក្រុមហ៊ុន សហគ្រាស ក្រសួង ស្ថាប័ន និងគ្រឹះស្ថានអប់រំបណ្តុះបណ្តាលចំនួនប្រមាណ ១៥០ ហើយមានស្តង់សរុប១៨៨ ដែលនឹងដាក់តាំងបង្ហាញពីឱកាសការងារយ៉ាងច្រើនសំបូរបែប ដែលនឹងផ្តល់ឱកាសការងាររហូតដល់ជាង ២ម៉ឺន៤ពាន់កន្លែង។

ប្រធានមជ្ឈមណ្ឌលការងាររាជធានីភ្នំពេញ បញ្ជាក់ថា សិស្សានុសិស្សដែលមកចូលរួមពិព័រណ៍ការងារ នឹងទទួលបានសៀវភៅឯកសារសំខាន់ៗសម្រាប់ត្រៀមស្វែងរកការងារធ្វើ។ ជាពិសេស សិស្សានុសិស្សទើបតែបញ្ចប់បាក់ឌុប អាចមកចូលរួមពិព័រណ៍ការងារ និងផលិតភាពជាតិនេះ ព្រោះជាឱកាសល្អសម្រាប់យុវជនដើម្បីទទួលបានឱកាសជាច្រើនដូចជា ទី១. ឱកាសអាហារូបករណ៍ទាក់ទងនឹងមុខជំនាញជាច្រើនពីគ្រឹះស្ថានរដ្ឋ និងឯកជន និងការបណ្ដុះបណ្ដាលជំនាញវិជ្ជាជីវៈ (TVET )ជាដើម ទី២. ទទួលបានព័ត៌មានទីផ្សារការងារដែលយុវជនកំពុងស្វែងរក។ លោក លោក ឆោម សុខឿន បន្តថា ការរៀបចំពិព័រណ៍ការងារ និងផលិតភាពជាតិ ក៏បានផ្ដល់ភាពងាយស្រួលទៅដល់ប្អូនសិស្សានុសិស្សនៅតាមបណ្ដាខេត្តដែលមិនអាចមកភ្នំពេញបាន ក៏អាចចូលរួមតាមរយៈប្រព័ន្ធអនឡាញ ដោយអាចជជែកជាមួយស្ថាប័ននិយោជកដែលខ្លួនកំពុងស្វែងរកជំនាញក្នុងការបន្តការសិក្សា និងឱកាសការងារបានផងដែរ។

“ខ្ញុំលើកទឹកចិត្តយុវជនទើបបញ្ចប់ថ្នាក់ទី១២ មកចូលរួមពិព័រណ៍ការងារ និងផលិតភាពជាតិ ឆ្នាំ២០២៣នេះឱ្យបានច្រើនកុះករ”

លោក ឆោម សុខឿន ប្រធានមជ្ឈមណ្ឌលការងាររាជធានីភ្នំពេញ
ពិព័រណ៍ការងារ និងផលិតភាពជាតិ ឆ្នាំ២០២៣

ជាមួយគ្នានេះ សម្រាប់និស្សិតដែលកំពុងសិស្សានៅសាកលវិទ្យាល័យ ហើយមានបំណងចង់ស្វែងរកការងារក្រៅម៉ោងដើម្បីទទួលបានចំណូលបន្ថែម ឬស្វែងរកការងារស្ម័គ្រចិត្ត លោក ឆោម សុខឿន ក៏លើកទឹកចិត្តឱ្យមកចូលរួមពិព័រណ៍ការងារ ដើម្បីមានឱកាសបានជួបជជែកជាមួយតំណាងក្រុមហ៊ុន ឬស្ថាប័នដែលកំពុងមានតម្រូវការជ្រើសរើសបុគ្គលិកសរុបជាង ២ម៉ឺន៤ពាន់នាក់។

បើនិយាយអំពីសារៈសំខាន់នៃពិព័រណ៍ការងារ លោក ឆោម សុខឿន យល់ឃើញថា ទី១. យុវជន សិស្ស និស្សិត អ្នកដែលមានបំណងរកការងារធ្វើ អ្នកមានជំនាញ និងមិនមានជំនាញពួកគាត់អាចទទួលបានឱកាសការងារយ៉ាងងាយស្រួលនៅនឹងកន្លែង។ ទី២. សម្រាប់និយោជក កំពុងមានតម្រូវការជ្រើសរើសកម្លាំងពលកម្ម ពួកគាត់ត្រូវការជ្រើសសរើសសិស្ស និស្សិតដែលត្រូវហ្វឹកហាត់ការងារ ឬមួយនយោជកដែលមានផែនការឆ្នាំថ្មី ឬពង្រីកអាជីវកម្មរបស់គាត់ពួកគាត់អាចតាំងបង្ហាញផលិតផល ឬសេវាកម្ម ព្រមទាំងមានឱកាសទទួលបានបុគ្គលិកភ្លាមៗនៅនឹងកន្លែងតែម្ដង។ ទី៣. ​អ្នកអប់រំបណ្ដុះបណ្ដាលអាចជួបយុវជន សិស្ស និស្សិត ដែលត្រូវការអភិវឌ្ឍជំនាញទាក់ទងនឹងការផ្ដល់អាហារូបករណ៍ ឬវគ្គសិក្សាខ្លី។ ដូច្នេះ កម្មវិធីនេះ ជាការប្រមូលផ្ដុំគ្នានៅមួយកន្លែងហើយផ្ដល់ព័ត៌មាន និងផលប្រយោជន៍ឱ្យគ្នាទៅវិញទៅមក។

លោក ឆោម សុខឿន បន្ថែមទៀតថា យុវជន ប្អូនៗសិស្ស និស្សិតកុំឱ្យឱកាសរយៈពេល២ថ្ងៃនេះរំលងទៅ ព្រោះវាជាឱកាសល្អមួយសម្រាប់យុវជនដែលមានបំណងស្វែងរកការងារធ្វើ ឬចង់ផ្លាស់ប្ដូរការងារធ្វើ ឬមិនទានមានការងារធ្វើ ដោយពិព័រណ៍នេះមានទាំងសហគ្រាសរោងចក្រ ក្រុមហ៊ុនគ្រប់កម្រិតមកពីគ្រប់វិស័យមកដាក់ស្តង់បង្ហាញបានផ្តល់ឱកាសការងារភ្លាមៗតែម្ដង។  ចំណែកយុវជននៅតាមបណ្ដាខេត្តមិនអាចមកភ្នំពេញបានក៏អាចចុះឈ្មោះតាមរយៈទូរស័ព្ទដៃស្មាតហ្វូនដាក់ពាក្យសុំបម្រើការងារតាមរយៈប្រព័ន្ធអនឡាញបានភ្លាមៗតែម្ដង ដោយមានតំណាងពិព័រណ៍រង់ចាំឆ្លើយតប៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្មវិធីផ្លាស់ប្តូរវប្បធម៌ Autumn Korean Culture Camp 2024 នៅប្រទេសកូរ៉េខាងត្បូង

ព័ត៌មានអាហារូបករណ៍, ព្រឹត្តិការណ៍

• 26/07/2024

ជាឱកាសសម្រាប់សិស្សានុសិស្សក្នុងការសិក្សាស្វែងយល់អំពីវប្បធម៌ដ៏សម្បូរបែប និងទទួលយកបទពិសោធថ្មីៗនៅក្នុងប្រទេសកូរ៉េខាងត្បូងរយៈពេល ៦ ថ្ងៃ គឺចាប់ពីថ្ងៃទី១៧-២២ ខែវិច្ឆិកា ឆ្នាំ២០២៤...

កម្មវិធីអាហារូបករណ៍ចេនហ្ស៊ី ផ្តល់អាហារូបករណ៍១០០% ដល់និស្សិតកំពុងសិក្សា​នៅ​សាកលវិទ្យាល័យធំៗ​ចំនួន៣

ព័ត៌មានអាហារូបករណ៍, ព្រឹត្តិការណ៍

• 21/01/2025

និស្សិត​ដែល​កំពុងសិក្សា​នៅសាកលវិទ្យាល័យភូមិន្ទភ្នំពេញ, សាកលវិទ្យាល័យ​ជាតិគ្រប់គ្រង និង​វិទ្យាស្ថាន​បច្ចេកវិទ្យាកម្ពុជា នឹងមានឱកាស​ទទួលបានអាហារូបករណ៍​១០០%រយៈពេល៤ឆ្នាំ..

អាហារូបករណ៍៩០កន្លែងនៅវិទ្យាស្ថានជាតិកសិកម្មព្រែកលៀបឆ្នាំសិក្សា២០២២-២០២៣

ព័ត៌មានអាហារូបករណ៍, ព្រឹត្តិការណ៍

• 13/03/2023

ឱកាសទទួលបានអាហារូបករណ៍​សិក្សា​នៅ​វិទ្យាស្ថានជាតិកសិកម្មព្រែកលៀបឆ្នាំសិក្សា២០២២-២០២៣ ចំនួន​៩០កន្លែង ។ អាហារូបករណ៍ផ្ដល់ជូនថ្នាក់បរិញ្ញាបត្...

វិទ្យាស្ថានពហុបច្ចេកទេស​ភូមិភាគ​តេជោសែនស្វាយរៀង ជ្រើសរើស​សិស្ស​ចូលរៀនជំនាញ​បច្ចេកទេស ចំនួន៣៣០កន្លែង​ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 04/10/2024

ជា​ឱកាស​សម្រាប់​យុវជន យុវនារី ដែល​មក​ពី​គ្រួសារក្រីក្រ ឬ​គ្រួសារ​ងាយរងហានិភ័យ និង​សាធារណៈជន​ទូទៅ ដែលមានបំណង​ចង់ទទួលបានជំនាញមួយ​ច្បាស់លាស់សម្រាប់ជីវិត, វិទ្យាស្ថានពហុបច្ចេកទេស​ភូមិ​ភាគ​តេជោសែនស្វាយរៀង ប្រកាស​ជ្រើសរើស​សិស្ស​ចូលរៀន​...

មូលនិធិហាប់ស្វែល ជ្រើសរើស​សិស្សនារីសម្រាប់អាហារូបករណ៍​២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 11/05/2023

មូលនិធិហាប់ស្វែល ដែលគេ​ធ្វើការងារ​លើ​ការ​លើក​កម្ពស់​ស្រ្តីអ្នកដឹកនាំវ័យក្មេងក្នុង​តំបន់អាស៊ីអាគ្នេយ៍​តាមរយៈ​ការផ្តល់នូវ​ការអប់រំ បណ្តុះបណ្តាល ...

ឱកាស​ចូលរួមកម្មវិធីបណ្តុះបណ្តាលយុវជនបរិស្ថានអាស៊ាន (AYGC) ឆ្នាំ២០២៦ នៅទីក្រុងហ្សាកាតា

ព័ត៌មានអាហារូបករណ៍, ព្រឹត្តិការណ៍

• 19/03/2026

អង្គការ ERIA (Regional Knowledge Centre for Marine Plastic Debris) សហការជាមួយ The Conversation Indonesia (TCID) បានប្រកាសបើកទទួលពាក្យសម្រាប់កម្មវិធី "ASEAN Young Green Communicators

អាហារូបករណ៍ថ្នាក់បរិញ្ញាបត្រ ២០កន្លែង នៅសាកលវិទ្យាល័យវ៉ាន់ដា ពីកម្មវិធីអាហារូបករណ៍អភិសន្តិបណ្ឌិត ស សុខា សម្រាប់ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 11/09/2026

ក្រុមការងារអាហារូបករណ៍អភិសន្តិបណ្ឌិត ស សុខា ប្រកាសផ្ដល់អាហារូបករណ៍ថ្នាក់បរិញ្ញាបត្រចំនួន ២០កន្លែង សិក្សានៅសាកលវិទ្យាល័យវ៉ាន់ដា សម្រាប់ឆ្នាំសិក្សា២០២៦-២០២៧។

សហភាពអឺរ៉ុបប្រកាសផ្តល់អាហារូបករណ៍ ៣០កន្លែង ដល់និស្សិត និងអ្នកជំនាញកម្ពុជា ទៅសិក្សាលើវិស័យទឹកនៅអឺរ៉ុប

ព័ត៌មានអាហារូបករណ៍, ព្រឹត្តិការណ៍

• 18/02/2026

ដើម្បីចូលរួមចំណែកក្នុងការអភិវឌ្ឍប្រកបដោយចីរភាព និងពង្រឹងសមត្ថភាពអ្នកជំនាញក្នុងវិស័យទឹកនៅកម្ពុជា សហភាពអឺរ៉ុបប្រចាំកម្ពុជាបានប្រកាសបើកទទួលពាក្យសុំអាហារូបករណ៍ក្រោមកម្មវិធី "European Global Scholarship...

អាហារូបករណ៍ថ្នាក់អនុបណ្ឌិត និងបណ្ឌិត ពីកម្មវិធី Australia Awards ប្រទេស​អូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 19/04/2023

កម្មវិធីអាហារូបករណ៍ «Australia Awards Scholarships Intake 2024» របស់រដ្ឋាភិបាល​អូស្រ្តាលី សម្រាប់ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ចាប់ផ្តើម​ដំណើរការ​ចុះឈ្មោះ...