ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រុមហ៊ុន ហ្វ្រែងខ្លីន ខូវី អេឌ្យូខេសិន ប្រចាំនៅកម្ពុជានឹងរៀបចំសិក្ខាសាលាអប់រំបែបអន្តរជាតិពេញមួយថ្ងៃ នៅថ្ងៃទី២០ ខែតុលា ឆ្នាំ២០២៣ ឯសាកលវិទ្យាល័យ CamTech ។ សិក្ខាសាលាក្រោមប្រធានបទ “ការកសាងអត្តចរិតជាវិជ្ជមានរបស់យុវជន ដើម្បីចូលរួមអភិវឌ្ឍសង្គមជាតិ” ដែលធ្វើបទបង្ហាញ និងចូលរួមជជែកពិភាក្សាដោយអ្នកជំនាញក្នុងវិស័យអប់រំល្បីៗ ទាំងនៅប្រទេសកម្ពុជា និងសហរដ្ឋអាមេរិក ដើម្បីចែករំលែកចំណេះដឹង និងជំរុញការស្វែងយល់ស៊ីជម្រៅបន្ថែម លើការកសាងផ្នត់គំនិត ការពង្រឹងអត្តចរិតជាវិជ្ជមានដល់យុវជន និងជំរុញការចូលរួមអភិវឌ្ឍខ្លួន គ្រួសារ សហគមន៍ និងសង្គមជាតិកម្ពុជាទាំងមូល។
ចំពោះវាគ្មិនរួមមានឧកញ៉ា ប៉ិច បូឡែន អគ្គនាយកក្រុមហ៊ុនវេសឡាញ អេឌ្យូខេសិន គ្រុប និងជាប្រធានហ្វ្រែងខ្លីន ខូវី អេឌ្យូខេសិន ប្រចាំនៅកម្ពុជា, លោក មត សុមឿន ព្រឹទ្ធបុរសរងមហាវិទ្យាល័យ សិល្បៈមនុស្សសាស្ត្រ និងវិទ្យាសាស្ត្រសង្គម នៃសាកលវិទ្យាល័យ CamTech, ឯកឧត្តមបណ្ឌិត តាន់ មុន្នីវណ្ណ អនុប្រធានសភាពាណិជ្ជកម្មកម្ពុជា និងជាសមាជិកគណៈកម្មាធិការកណ្តាលនៃសហភាពសហព័ន្ធយុវជនកម្ពុជា, លោក ឃីម ប៊ុនឡែន ប្រធានថ្នាក់ជាតិ ២០២៣ នៃសភាយុវពាណិជ្ជករអន្តរជាតិកម្ពុជា, លោក គុជ សាវ៉ាត នាយកគ្រប់គ្រងវិទ្យាស្ថានអភិវឌ្ឍវិស័យអប់រំ, លោក គង់ សំនៀង ប្រធានសហព័ន្ធសេវាអប់រំនៅកម្ពុជា, Ms. Brook Judd, International Director of Coaching and Content, Franklin Covey Education (USA), Mr. Jordan Demoux, Regional Director of Franklin Covey Education, USA។
រីឯអ្នកគួរចូលរួមក្នុងសិក្ខាសាលានេះ អាចជាគណៈគ្រប់គ្រងគ្រឹះស្ថានអប់រំ គ្រូបង្រៀន បុគ្គលិកអប់រំ មាតាបិតា អ្នកអាណាព្យាបាល សិស្ស និស្សិត និងយុវជនទូទៅ។
សម្រាប់ការចុះឈ្មោះ សូមចូលទៅតាមរយៈតំណភ្ជាប់ ៖ https://forms.gle/Y8GvUTuBZK9P9xNW9 ៕
