ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យោងតាម WE Forum បានឱ្យដឹងថា ក្រុមវិស្វករជនជាតិចិន មានបំណងប្រែក្លាយទឹកសមុទ្រទៅជាទឹកបរិសុទ្ធ ប្រើបច្ចេកវិទ្យាថ្មី ដែលអាចទាញយកជាតិអំបិលចេញពីទឹកសមុទ្រ (desalination system) ដោយទាញពន្លឺព្រះអាទិត្យដើម្បីដំណើរការ (Passive device) ។
ការកំណត់រចនាសម័ន្ធរបស់ឧបករណ៍នេះ អនុញ្ញាតឱ្យទឹកវិលកួចខ្លាំងៗ លក្ខណៈស្រដៀងទៅនឹងលំហូរ «ទែម៉ូហាលីន – thermohaline» របស់មហាសមុទ្រ។ ចរន្តនេះ រួមផ្សំជាមួយកម្ដៅព្រះអាទិត្យ ជំរុញឱ្យទឹកហួត ហើយបន្សល់ទុកអំបិល ។ ជាលទ្ធផល ចំណាយទឹករំហួតនោះ បានក្លាយជាទឹកបរិសទ្ធដែលអាចទទួលទានបាន។ ប្រព័ន្ធថ្មីនេះ មានអត្រាផលិតទឹកខ្ពស់ជាង ប្រព័ន្ធចម្រោះជាតិអំបិលផ្សេងទៀតដែលក្នុងប្រើក្នុងពេលបច្ចុប្បន្ន។
អ្នកស្រាវជ្រាវប៉ានប្រមាណថា ប្រសិនបើប្រព័ន្ធនេះត្រូវបានរចនាឡើងប៉ុនវ៉ាលីតូច វាអាចផលិតទឹកបានប្រហែល ៤ ទៅ ៦លីត្រក្នុងមួយម៉ោង និងអាចប្រើបានច្រើនឆ្នាំ ទើបទាមទារឱ្យមានការជួសជុល។ ក្នុងមាត្រដ្ឋាន និងដំណើរការកម្រិតនេះ ប្រព័ន្ធចម្រោះថ្មីនេះ អាចផលិតទឹកបានក្នុងកម្រិតខ្ពស់ និងមានតម្លៃទាបជាងទឹកម៉ាស៊ីន។
ការរកឃើញថ្មីនេះ នឹងផ្ដល់អត្ថប្រយោជន៍ច្រើន សម្រាប់តំបន់ដែលកំពុងមានបញ្ហាកង្វះទឹកសាប និងជួបបញ្ហាទឹកដែលមានជាតិប្រៃខ្ពស់។ ការរចនាម៉ូឌុលរបស់វា ផ្ដល់ភាពងាយស្រួលក្នុងការប្រើប្រាស់ជាលក្ខណៈគ្រួសារ និងសម្របតាមតម្រូវបុគ្គល។
គួរបញ្ជាក់ថា ការស្រាវជ្រាវនេះបានធ្វើឡើងដោយក្រុមវិស្វករជនជាតិចិន ដែលបញ្ចប់ការសិក្សាមកពីវិទ្យាស្ថានបច្ចេកវិទ្យាម៉ាសាជូសេត និងក្រុមវិស្វករក្នុងប្រទេសចិនតែម្ដង។ ការស្រាវជ្រាវស្ថិតនៅក្នុងសាកលវិទ្យាល័យ Shanghai Jiao Tong របស់ប្រទេសចិន និងគាំទ្រដោយមូនិធិវិទ្យាសាស្ត្រធម្មជាតិនៃប្រទេសចិន៕
