ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មជ្ឈមណ្ឌលអូស្រ្តាលីសម្រាប់ការបណ្តុះបណ្តាល ប្រកាសផ្តល់អាហារូបករណ៍ដល់សិស្សនិស្សិតចំនួន៣១កន្លែង ដោយម្នាក់ៗនឹងទទួលបានអាហារូបករណ៍រយៈពេល១ឆ្នាំ។
សិស្សានុសិស្សដែលទទួលបានអាហារូបករណ៍អាចជ្រើសរើស ម៉ោងសិក្សា ដែលខ្លួនពេញចិត្ត (៤.៥ ម៉ោង ឬ ៧.៥ ម៉ោង/សប្តាហ៍) នៅតាមសាខា អេ ស៊ី អុី ណាមួយក្នុងរាជធានីភ្នំពេញ និងខេត្តសៀមរាប ឬ សិក្សាតាមប្រព័ន្ធឌីជីថល។
រាល់សិស្សានុសិស្សដែលមានចំណាប់អារម្មណ៍អាចដាក់ពាក្យអនឡាញតាមរយៈ acecambodia.org/ACEscholarship ចាប់ពីថ្ងៃទី០៩-៣១ សីហា ២០២៣។
បន្ទាប់ពីធ្វើការដាក់ពាក្យរួចហើយ បេក្ខជននឹងតម្រូវឲ្យធ្វើតេស្តវាយតម្លៃសមត្ថភាពភាសាអង់គ្លេសដែលនឹងធ្វើឡើងនៅឯសាលា អេ ស៊ី អុី សាខាចាក់អង្រែ (កាលបរិច្ឆេទក្នុង ការធ្វើតេស្តនឹងបញ្ជាក់តាមរយៈកម្មវិធីអេ ស៊ី អុី – ACE App និង ការផ្ញើសារ)។ ហើយសម្រាប់សិស្សានុសិស្សដែលរស់នៅតាមបណ្តាខេត្តអាចធ្វើតេស្តវាយតម្លៃសមត្ថភាពភាសាអង់គ្លេសរបស់ខ្លួនបានតាមរយៈតេស្តអនឡាញ ប្រសិនបើពួកគេធ្វើបានជោគជ័យ ពួកគេនឹងទទួលបានអាហារូបករណ៍ដើម្បីរៀនឱ្យបានត្រឹមត្រូវទៅតាមកម្រិត ដែលសមស្របនឹងសមត្ថភាពភាសាអង់គ្លេសបច្ចុប្បន្នរបស់ពួកគេ។
សម្រាប់លទ្ធផលនឹងត្រូវប្រកាសនៅចន្លោះ ថ្ងៃទី ១០ ដល់ ១៦ ខែ កញ្ញា ឆ្នាំ ២០២៣។ ហើយវគ្គសិក្សានឹងចាប់ផ្តើមនៅថ្ងៃទី១៩ កញ្ញា ឆ្នាំ២០២៣៕
