ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កុមារអាចមានចរឹកលក្ខណៈ និងឥរិយាបថប្រព្រឹត្តខុសៗគ្នាស្របទៅតាមស្ថានភាពដែលពួកគេបានជួបនៅក្នុងគ្រួសារ និងបរិយាកាសសង្គម ។ កុមារខ្លះមានសកម្មភាពរវាសរវៃតាំងពីកំណើត ឯខ្លះទៀតមានចរឹកមិនសូវចេះនិយាយស្តី ឬភ័យខ្លាចមិនហ៊ានចូលចំណោមកុមារអ្នកដទៃ។ កុមារអាចនឹងបាត់បង់ភាពក្លាហាននៅក្នុងដំណើរជីវិតរបស់ពួកគេនៅពេលវ័យជំទង់ ប្រសិនបើមិនទទួលបានការគាំទ្រតាំងពីតូចតាមរយៈជំនួយនានារបស់ម្តាយឪពុក។ ខាងក្រោមនេះ ជាវិធីសាស្ត្រអប់រំទាំង៥ ចំណុចដែលម្តាយឪពុកអាចជួយឱ្យកូនក្លាយជាមនុស្សក្លាហាន និងរឹងប៉ឹងតាំងពីកុមារ។
១. ឪពុកម្តាយត្រូវធ្វើជាបុគ្គលគំរូសម្រាប់កូន ៖ ប្រសិនបើឱ្យកូនក្លាយជាមនុស្សក្លាហាន និងរឹងប៉ឹងតាំងពីកុមារ ទាល់តែម្តាយឪពុកបង្ហាញឥរិយាបថគំរូរឹងប៉ឹងដល់កូនជាមុនសិន។ ម្តាយឪពុកត្រូវធ្វើសកម្មភាពគំរូប្រចាំថ្ងៃ ដូចជា ធ្វើរឿងដែលលំបាកៗហើយបង្ហាញទៅកាន់កូនឱ្យឃើញពីការតស៊ូ ហ៊ានរាំដោយទំនុកចិត្ត ហ៊ានសំដែងដោយមិនខ្មាស់អៀន ហ៊ានរត់ប្រណាំងដើម្បីសុខភាព និងហ៊ានសន្យាអ្វីមួយដោយភាពច្បាស់លាស់ជាដើម។
២. បង្ហាញពីវីរជន ឬជនគំរូនៅក្នុងសង្គម ៖ នៅពេលដែលម្តាយឪពុកលើកយករឿងរ៉ាវរបស់វីរជន ឬជនគំរូណាម្នាក់បង្ហាញទៅកាន់កូន នេះជាឧទាហរណ៍ដ៏មានប្រសិទ្ធភាពសម្រាប់កូនដើម្បីពង្រឹងភាពក្លាហានរបស់គេ។ កូនអាចដឹងពីចំណុចខ្លាំងរបស់បុគ្គល និងដឹងពីសកម្មភាពសំខាន់ៗដែលវីរជននោះបានធ្វើ។ ការបង្ហាញពីវីរជន ឬជនគំរូដល់កូន អាចបង្ហាញពីស្នាដៃរបស់បុគ្គល គំនិតទូលំទូលាយរបស់បុគ្គល និងសកម្មភាពអស្ចារ្យផ្សេងៗរបស់បុគ្គល។
៣. ជំរុញឱ្យមានស្មារតីចូលរួមសកម្មភាព ៖ កុមារអាចនឹងខ្លាចនៅពេលដែលពួកគេចូលរួមចំណោមមិត្តភក្តិថ្មី ឬចូលរួមក្នុងចំណោមបរិយាកាសអ៊ូអរខុសពីទិដ្ឋភាពនៅក្នុងផ្ទះរបស់ខ្លួន។ លើសពីនេះ ពួកគេអាចនឹងខ្លាចកាន់តែខ្លាំងនៅពេលចូលរួមការប្រកួតផ្សេងៗ។ ចំណុចនេះ ម្តាយឪពុកត្រូវពន្យល់កូនឱ្យបានច្បាស់ថា រាល់ការប្រកួតប្រជែងអ្វីមួយតែងតែមានឧបសគ្គជានិច្ច ដូច្នេះមានតែរៀនជម្នះឧបសគ្គទាំងនោះទេ ទើបកូននឹងមានទំនុកចិត្តលើខ្លួនឯង។ ការចូលរួមឱ្យមានស្មារតីជាក្រុមត្រូវតែលើកទឹកចិត្តជានិច្ច តែក៏គួបផ្សំស្មារតីប្រកួតប្រជែងផងដែរ។
៤. លើកទឹកចិត្តឱ្យកុមារសាកល្បងអ្វីដែលថ្មី ៖ ត្រង់នេះអាចនិយាយបានថា ម្តាយឪពុកជាគ្រូទី១ សម្រាប់កូន។ គ្រូទី១ ត្រូវតែលើកទឹកចិត្តនិងផ្តល់ឱកាសឱ្យកូនសាកល្បងធ្វើអ្វីដែលថ្មីៗនៅក្នុងជីវិតប្រចាំថ្ងៃ រាប់ទាំងហ្វឹកហាត់លើការគិត ការច្នៃប្រតិដ្ឋសម្ភារលេងកម្សាន្ត និងការទទួលយកការយល់ឃើញរបស់កូន។ រូបភាពថ្មីៗដែលកើតឡើងចំពោះកូន អាចបណ្តាលឱ្យពួកគេមានភ័យខ្លាចបន្តិចមែន ប៉ុន្តែត្រូវចាប់ផ្តើមទៅតាមដំណាក់កាលម្តងមួយៗ ដោយព្យាយាមបំផុត ដូចជា រៀនភ្លក្សអាហារមានរសជាតិថ្មី លេងកីឡាដែលមិនធ្លាប់បានលេង ឬដើរក្នុងចម្ងាយឆ្ងាយជាដើម។
៥.លើកទឹកចិត្ត និងសរសើរកូន ៖ ធម្មជាតិកុមារបើចង់បង្កើតភាពក្លាហានឱ្យពួកគេ ទាល់តែម្តាយឪពុលហ៊ានពោលពាក្យសរសើរ និងលើកទឹកចិត្ត។ រឿងខ្លះកុំរំពឹងខ្ពស់ថានឹងបានសម្រេចលទ្ធផលដូចបំណង ទោះបីជោគជ័យ ឬបរាជ័យម្តង ឬធ្វើច្រើនដងយ៉ាងណាក៏ដោយ អ្នកជាឳពុកម្តាយគឺជាបុគ្គលសំខាន់បំផុត ដែលពួកគេត្រូវការពាក្យលើកទឹកចិត្ត និងពោលសរសើរជារឿយៗ។ ទន្ទឹមគ្នានេះ គួរសាកល្បងក្រើនរំលឹកកូនជាប្រចាំ និងជំរុញឱ្យពួកគេមានភាពក្លាហាន ព្រមទាំងហ៊ានជម្នះគ្រប់ឧបសគ្គនៅក្នុងដំណើរពេញមួយជីវិត៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យកាតាឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 12/09/2023
ឱកាសសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យកាតា ពីកម្មវិធីអាហារូបករណ៍ Qatar University Scholarship ឆ្នាំសិក្សា២០២៤ ។ អាហារូបករណ៍ផ្ដល់...
ឱកាសអាហារូបករណ៍ Dr Goh Keng Swee (GKS) សម្រាប់ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 06/01/2025
អាហារូបករណ៍ Dr Goh Keng Swee (GKS) ដែលជាអាហារូបករណ៍ឯកជនគ្រប់គ្រងដោយសមាគមធនាគារនៅសិង្ហបុរី។ ជារៀងរាល់ឆ្នាំ អាហារូបករណ៍តែងតែផ្តល់ជូនដល់បុគ្គលឆ្នើម ដែលមកពីប្រទេសក្នុងតំបន់អាស៊ីប៉ាស៊ីហ្វិកចំនួន ១៥ រួមមាន ប្រ៊ុយណេ កម្ពុជា...
សាកលវិទ្យាល័យជាតិបាត់ដំបង ប្រកាសជ្រើសរើសបេក្ខជនអាហារូបករណ៍ Panasonic សម្រាប់ឆ្នាំសិក្សា ២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 20/08/2026
សាកលវិទ្យាល័យជាតិបាត់ដំបង (NUBB) បានប្រកាសជាផ្លូវការអំពីការបើកទទួលពាក្យសុំ អាហារូបករណ៍ Panasonic Scholarship Program សម្រាប់ឆ្នាំសិក្សា ២០២៦-២០២៧
អាហារូបករណ៍ថ្នាក់ឧត្ដមសិក្សានៅ University of Luxembourg ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 06/02/2026
ឱកាសសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យលុចសំបួរ ពីកម្មវិធីអាហារូបករណ៍ជាច្រើន សម្រាប់ឆ្នាំសិក្សា២០២៦។ អាហារូបករណ៍ផ្ដល់ការសិក្សាពេញលេញ និងអត្ថប្រយោជន៍ជាច្រើនសម្រាប់...
អាហារូបករណ៍ទឹកប្រាក់ សម្រាប់និស្សិតក្រោយឧត្តមសិក្សា ជំនាញភូគព្ភសាស្ត្រ នៅប្រទេសណូវ៉េលហ្សេឡង់
ព័ត៌មានអាហារូបករណ៍, ព្រឹត្តិការណ៍
• 25/07/2024
អាហារូបករណ៍ទឹកប្រាក់រហូតដល់ ៥ពាន់ដុល្លារ ដើម្បីជួយដល់និស្សិតស្រាវជ្រាវក្រោយឧត្តមសិក្សា ដើម្បីសិក្សាអំពីភូគព្ភសាស្ត្រ (geological research) ដែលមានមូលដ្ឋាននៅ ណូវ៉ែលហ្សេឡង់...
ក្រសួងអប់រំជ្រើសរើសនិស្សិតអាហារូបករណ៍ ថ្នាក់បរិញ្ញាបត្រ ទៅសិក្សានៅ Southern University of Science and Technology ប្រទេសចិន សម្រាប់ឆ្នាំសិក្សា២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 13/02/2026
ក្នុងឆ្នាំ២០២៦នេះ Southern University of Science and Technology (SUSTech) នៃសាធារណរដ្ឋប្រជាមានិតចិន បានផ្តល់ អាហារូបករណ៍ ចំនួន ១០កន្លែង ដល់និស្សិតកម្ពុជា ដើម្បីទៅបន្តការសិក្សាថ្នាក់បរិញ្ញាបត្រ...
ឱកាសអាហារូបករណ៍ទៅសិក្សានៅប្រទេសស្លូវ៉ាគី សម្រាប់ឆ្នាំសិក្សា ២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 01/04/2026
ជាឱកាសសម្រាប់និស្សិត និងអ្នកស្រាវជ្រាវកម្ពុជា ពេលនេះកម្មវិធីអាហារូបករណ៍ជាតិរបស់សាធារណរដ្ឋស្លូវ៉ាគី (National Scholarship Programme of the Slovak Republic) បានប្រកាសបើកទទួលពាក្យ...
ក្រសួងប្រៃសណីយ៍ និងទូរគមនាគមន៍ ជ្រើសរើសនិស្សិត ២៥នាក់ ទៅសិក្សាថ្នាក់បរិញ្ញាបត្រជាន់ខ្ពស់ជំនាញផ្កាយរណប និងលំហអាកាស
ព័ត៌មានអាហារូបករណ៍, ព្រឹត្តិការណ៍
• 29/04/2026
ស្របតាមគោលនយោបាយរបស់រាជរដ្ឋាភិបាល នីតិកាលទី៧ និងក្នុងគោលដៅរួមចំណែកកសាង និងអភិវឌ្ឍធនធានមនុស្សនៅកម្ពុជា ជាពិសេសការផ្តល់អាទិភាពលើការបណ្តុះបណ្តាលជំនាញវិស្វកម្មទូរគមនាគមន៍ពាក់ព័ន្ធ...
សាកលវិទ្យាល័យអន្តរជាតិផារ៉ាហ្គន ប្រកាសផ្តល់អាហារូបករណ៍១០០% ដល់និស្សិតត្រឡប់ពីប្រទេសថៃវិញ
ព័ត៌មានអាហារូបករណ៍, ព្រឹត្តិការណ៍
• 29/08/2025
សាកលវិទ្យាល័យអន្តរជាតិ ផារ៉ាហ្គនប្រកាសផ្តល់អាហារូបករណ៍ដល់និស្សិតកម្ពុជាដែលត្រឡប់មកពីប្រទេសថៃវិញ ដោយសារវិបត្តិជម្លោះព្រំដែនកម្ពុជា-ថៃ ដែលមានបំណងបន្តការសិក្សានៅកម្ពុជា
កម្មវិធីពិសេសរបស់ AMS EDUCATION
ព័ត៌មានសង្ខេប
