ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ព្រឹកថ្ងៃអង្គារ៍នេះក្រសួងអប់រំ យុវជន និងកីឡា បានសម្ពោធឱ្យប្រើប្រាស់ប្រព័ន្ធសាលារៀនឌីជីថល Wiki School នៅវិទ្យាស្ថានជាតិអប់រំ ក្រោមអនុស្សរណៈនៃការយោគយល់គ្នារវាងវិទ្យាស្ថានជាតិអប់រំ និងក្រុមហ៊ុន Poscar Digital ។ ពិធីចុះហត្ថលេខានេះធ្វើឡើងក្នុងគោលបំណងលើកកម្ពស់អភិបាលកិច្ច និងការគ្រប់គ្រងតាមប្រព័ន្ធអេឡិចត្រូនិក ក្រោមអធិបតីភាពឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា និងលោក ងន់ ម័រ សហស្ថាបនិកក្រុមហ៊ុន Poscar Digital តាមប្រព័ន្ធអនឡាញ ។
ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា មានប្រសាសន៍ថា ក្រសួងអប់រំបានផលិតឯកសារ និងប្រគល់ឱ្យ Wiki school ដាក់ឯកសារសិក្សាជាច្រើនចូលទៅក្នុងប្រព័ន្ធវេទិកាសិក្សាអេឡិចត្រូនិករបស់ក្រុមហ៊ុន ។ ទន្ទឹមគ្នានេះ សាលារៀនឌីជីថល Wiki School ក្លាយជាផ្នែកមួយនៃការបង្រៀនអនឡាញ និងការគ្រប់គ្រងសាលារៀនកាន់តែមានប្រសិទ្ធភាពក្នុងដំណាក់កាសវិបត្តិកូវិដ-១៩ ជួយពង្រឹងគុណភាពសិក្សា ការគ្រប់គ្រងសាលារៀន ហើយគ្រឹះស្ថានសិក្សាមានគណនីយភាពចំពោះសិស្ស អាណាព្យាបាល និងគណៈគ្រប់គ្រងសាលា ។
ឯកឧត្តមបណ្ឌិត សៀវ សុវណ្ណា នាយកវិទ្យាស្ថានជាតិអប់រំ មានប្រសាសន៍ថា កន្លងមកវិទ្យាស្ថានជាតិអប់រំបានស្នើសុំក្រុមហ៊ុន Poscar Digital ជួយផ្គត់ផ្គង់ និងបំពាក់ប្រព័ន្ធសាលារៀនបែបឌីជីថល Wiki School Standard Edition នៅវិទ្យាស្ថានជាតិអប់រំហើយជាលទ្ធផល វិទ្យាស្ថានជាតិអប់រំទទួលការរៀបចំដំណើរការប្រព័ន្ធគ្រប់គ្រងសាលារៀនឌីជីថល Wiki School ដើម្បីលើកកម្ពស់ការដឹកនាំ និងអភិបាលកិច្ចល្អ ។
នាយកវិទ្យាស្ថានជាតិអប់រំ បានបន្ថែមថា វិទ្យាស្ថានជាតិតអប់រំទទួលបានសិទ្ធិអនុញ្ញាតឱ្យប្រើប្រាស់កម្មវិធីប្រព័ន្ធគ្រប់គ្រងសាលារៀនឌីជីថល Wiki School Standard Edition (Annex 1) រយៈពេល៧ឆ្នាំ ចាប់ពីខែសីហា ឆ្នាំ២០២១ ដល់ខែសីហា ឆ្នាំ២០២៨ និងម៉ាស៊ីនវត្តមានឌីជីថលចំនួន ៤គ្រឿង ដល់វិទ្យាស្ថានជាតិអប់រំដោយឥតគិតថ្លៃ ជាពិសេសរួមចំណែកក្នុងការលើកកម្ពស់សេដ្ឋកិច្ច និងសង្គមឌីជីថល ។
លោក ងន់ ម័រ សហស្ថាបនិកក្រុមហ៊ុន Poscar Digital មានប្រសាសន៍ថា Wiki School បង្កើតឡើងដោយក្រុមបច្ចេកទេសដែលមានបទពិសោធន៍ជិត ២០ឆ្នាំក្នុងវិស័យអប់រំ និងផ្នែកបច្ចេកវិទ្យាព័ត៌មាន ចំនួន៤រូប ។ លោកបន្តថា ប្រព័ន្ធគ្រប់គ្រងសាលារៀនឌីជីថលបង្កើតឡើងក្នុងគោលបំណង ជួយសាលារៀនគ្រប់គ្រងរបាយការណ៍ផ្សេងៗបានឆាប់រហ័ស កាត់បន្ថយការបោះពុម្ពរបាយការណ៍ សេចក្តីជូនដំណឹង ដោយជំនួយពី Mobile App Wiki School។
សហស្ថាបនិកក្រុមហ៊ុន Poscar Digital បន្ថែមថា សម្រាប់អភិវឌ្ឍការអប់រំនៅកម្ពុជា ផ្ដល់ក្ដីសង្ឃឹមគ្រប់ទីកន្លែង គ្រប់ពេលវេលា ដល់ឪពុកម្ដាយ អាណាព្យាបាលអាចតាមដានការសិក្សារបស់កូន ។ ដើម្បីសម្រេចគោលបំណងនេះ ទាមទារមានក្រុមការងារដែលមានឆន្ទៈបទពិសោធន៍លើការងារអប់រំ បច្ចេកវិទ្យាទំនើប និងហិរញ្ញវត្ថុរឹងមាំ ។ ហេតុនេះ ក្រុមការងារបានលើកឡើង និងបានធ្វើកិច្ចការដែលមានផែនការវែងឆ្ងាយដើម្បីសម្រេចឱ្យបានគុណភាពនៃប្រព័ន្ធគ្រប់គ្រងសាលារៀនឌីជីថលនៅកម្ពុជា ។
លោក ងន់ ម័រ បញ្ជាក់បន្តថា មុខងារការងារស្នូលរបស់ប្រព័ន្ធ Wiki School អាចគ្រប់គ្រងទៅលើសិស្សនិស្សិត បុគ្គលោកសាស្រ្តចារ្យ ភ្ជាប់ម៉ាស៊ីនឌីជីថលព័ត៌មាន ប្រព័ន្ធគ្រប់គ្រងកម្មវិធី ប្រព័ន្ធគ្រប់គ្រងកាលវិភាគ ដែលលោកគ្រូអ្នកគ្រូអាចយកវត្តមានរបស់សិក្សា និងបញ្ជូលពិន្ទុក្នុងប្រព័ន្ធតែម្ដង ។ បន្ទាប់មកសាលាអាចរៀបចំរបាយការណ៍ និងប្រតិបត្តិពិន្ទុប្រចាំខែសម្រាប់ចេញជាលទ្ធផល ។ ប្រព័ន្ធ Wiki School អាចប្រើនៅលើទូរស័ព្ទស្មាតហ្វូន Tabled និងប្រព័ន្ធកុំព្យូទ័រ ។
សូមបញ្ជាក់ថា ក្នុងឱកាសដាក់ឱ្យប្រើប្រាស់កម្មវិធី Wiki School រដ្ឋមន្រ្តីក្រសួងអប់រំ យុវជន និងកីឡា បញ្ជាក់បន្តថា ដើម្បីឱ្យវិទ្យាស្ថានជាតិអប់រំឈានមុខ ទាមទារឱ្យវិទ្យាស្ថានពង្រឹងសមត្ថភាពផ្នែកឌីជីថល និស្សិតត្រូវខិតខំប្រឹងប្រែងពង្រឹងសមត្ថភាពផ្នែកបច្ចេកវិទ្យា ពង្រឹងស្ដង់ដារវិជ្ជាជីវៈគ្រូបង្រៀន ផ្ដល់ទាំងវិធីសាស្រ្តបង្រៀន និងការបង្រៀន ដើម្បីអាចឱ្យគ្រូដែលចេញពីវិទ្យាស្ថានជាតិអប់រំក្លាយជាគ្រូដែលបង្រៀនក្នុងសតវត្សទី២១ ពិតប្រាកដ ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
វិទ្យាស្ថានបច្ចេកទេសឧស្សាហកម្មបន្តផ្ដល់ការសិក្សាជំនាញវិជ្ជាជីវៈឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 24/03/2025
វិទ្យាស្ថានបច្ចេកទេសឧស្សាហកម្មបន្តផ្ដល់ការសិក្សាជំនាញវិជ្ជាជីវៈ ជាច្រើនកន្លែងសម្រាប់ សិស្សានុសិស្ស និងសាធារណៈជន ចូលសិក្សាជំនាញវិជ្ជាជីវៈដោយឥតគិតថ្លៃ។ ការសិក្សាផ្ដល់ជូនក្រោមកម្មវិធីសិក្សា ១លាន៥សែននាក់ ដែលគាំទ្រ...
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យវិទ្យាសាស្ត្រព័ត៌មាន និងបច្ចេកវិទ្យាណានជីង
ព័ត៌មានអាហារូបករណ៍, ព្រឹត្តិការណ៍
• 04/07/2025
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ ក្នុងជំនាញ Agromrteorology ឬ Hydrometerology នៅសាកលវិទ្យាល័យវិទ្យាសាស្ត្រព័ត៌មាន និងបច្ចេកវិទ្យាណាជីងសម្រាប់ឆ្នាំសិក្សា២០២៥-២០២៧..
សាលារៀនសុវណ្ណភូមិផ្ដល់ជូនអាហារូបករណ៍១០០% ជូនដល់កូនៗរបស់យុទ្ធជនពលីជីវិតដើម្បីបុព្វហេតុការពារជាតិ
ព័ត៌មានអាហារូបករណ៍, ព្រឹត្តិការណ៍
• 31/07/2025
ដើម្បីចូលរួមចំណែកជាមួយរាជរដ្ឋាភិបាលកម្ពុជា និងដើម្បីសម្រាលបន្ទុកហិរញ្ញវត្ថុក្នុងគ្រួសារយុទ្ធជនពលីក្នុងបុព្វហេតុការពារជាតិ សាលារៀនសុវណ្ណភូមិ ប្រកាសផ្ដល់អាហារូបករណ៍១០០% រហូតដល់ចប់ថ្នាក់ទី១២...
ឱកាសសម្រាប់សិស្ស-និស្សិត RUPP ទៅបន្តការសិក្សាថ្នាក់បរិញ្ញាបត្រជាន់ខ្ពស់នៅ Sogang University
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 29/05/2026
សាកលវិទ្យាល័យ Sogang (Sogang University) ដែលជាគ្រឹះស្ថានឧត្តមសិក្សាដ៏ល្បីល្បាញ និងចំណាស់ជាងគេមួយនៅក្នុងសាធារណរដ្ឋកូរ៉េ ក្រោមជំនួយកិច្ចសហការជាមួយអង្គការ Jesuit Service-Cambodia...
ឱកាសអាហារូបករណ៍ពេញលេញនៅសាកលវិទ្យាល័យ Monash ប្រទេសអូស្រ្តាលី
ព័ត៌មានអាហារូបករណ៍, ព្រឹត្តិការណ៍
• 23/05/2025
កម្មវិធីអាហារូបករណ៍ K.C Kuok Scholarship ប្រកាសផ្ដល់អាហារូបករណ៍ដល់និស្សិតអន្តរជាតិ សិក្សានៅសាកលវិទ្យាល័យ Monash នៃប្រទេសអូស្ត្រាលី។ អាហារូបករណ៍ផ្ដល់ជូនដោយអតីតនិស្សិតនៃសាកលវិទ្យាល័យ Monash
អាហារូបករណ៍សិក្សាថ្នាក់ក្រោយឧត្ដមសិក្សានៅប្រទេសសិង្ហបុរីពីកម្មវិធីអាហារូបករណ៍ SASEAF
ព័ត៌មានអាហារូបករណ៍, ព្រឹត្តិការណ៍
• 26/07/2023
ឱកាសសិក្សាអាហារូបករណ៍ថ្នាក់ក្រោយឧត្ដមសិក្សានៅប្រទេសសិង្ហបុរីពីកម្មវិធីអាហារូបករណ៍ SG Academies South-East Asia Fellowship ឬ SASEAF សម្រាប់បេក្ខជនពីប្រទេសមាជិកអាស៊ានសម្រាប់ឆ្នាំសិក្សា២០២៣
ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍សិល្បៈអមតៈ អាន ចន ផន លើជំនាញសិល្បៈ និងមិនមែនសិល្បៈ
ព័ត៌មានអាហារូបករណ៍, ព្រឹត្តិការណ៍
• 25/05/2023
កម្មវិធីអាហារូបករណ៍សិល្បៈអមតៈ អាន ចន ផន បើកទទួលពាក្យស្នើសុំអាហារូបករណ៍សាច់ប្រាក់សម្រាប់សិស្ស និស្សិតសិក្សាជំនាញសិល្បៈ និងជំនាញមិនមែនសិល្បៈ ។ ...
ឱកាសចូលរួមវគ្គសិក្សាជាស៊េរី “មេរៀនអតីតកាល មាគ៌ាឆ្ពោះទៅអនាគត” ពី អ.វ.ត.ក.
ព័ត៌មានអាហារូបករណ៍, ព្រឹត្តិការណ៍
• 08/12/2025
ជាឱកាសសម្រាប់គ្រូបង្រៀន សាស្រ្តាចារ្យបង្រៀនលើមុខវិជ្ជាមនុស្សសាស្រ្ត ព្រមទាំងអ្នកដឹកនាំជំនាន់ក្រោយទាំងអស់! ពេលនេះ អង្គជំនុំជម្រះវិសាមញ្ញ ក្នុងតុលាការកម្ពុជា (អ.វ.ត.ក.) ប្រកាសបើកដាក់ពាក្យ សម្រាប់ការចូលរួមវគ្គសិក្សា...
លក្ខខណ្ឌ និងគន្លឹះសំខាន់ដែលអ្នកស្នើពាក្យអាហារូបករណ៍ Australia Awards គួរដឹង
ព័ត៌មានអាហារូបករណ៍, ព្រឹត្តិការណ៍
• 19/03/2025
កម្មវិធីអាហារូបករណ៍ Australia Awards ជាអាហារូបករណ៍ដែលផ្ដល់ដោយរដ្ឋាភិបាលអូស្ត្រាលី សម្រាប់ការសិក្សាថ្នាក់ឧត្ដមសិក្សា នៅសាកលវិទ្យាល័យជាច្រើនក្នុងប្រទេសអូស្ត្រាលី ហើយអាហារូបករណ៍តែងតែផ្ដល់ឱ្យជារៀងរាល់ឆ្នាំ។
កម្មវិធីពិសេសរបស់ AMS EDUCATION
ព័ត៌មានសង្ខេប
