ឯកឧត្តម ព្រុំ សុខា និពន្ធសៀវភៅ “រដ្ឋមន្ត្រីកូវីដ” ដើម្បីចែករំលែកបទពិសោធន៍អភិបាលកិច្ច និងបំផុសស្មារតីស្នេហាជាតិ

ក្នុងស្មារតីនៃការប្រើប្រាស់ “ដងប៉ាកកាសន្តិភាព” ដើម្បីបម្រើជាតិ ឯកឧត្តមទេសរដ្ឋមន្ត្រី ព្រុំ សុខា អតីតរដ្ឋមន្ត្រីក្រសួងមុខងារសាធារណៈ បានប្រកាសសម្ពោធជាផ្លូវការនូវស្នាដៃអក្សរសិល្ប៍ថ្មីដែលមានចំណងជើងថា “រដ្ឋមន្ត្រីកូវីដ”។ សៀវភៅនេះ គឺជាការចងក្រងនូវបទពិសោធន៍ និងកំណត់ត្រាការងារក្នុងវិស័យរដ្ឋបាលសាធារណៈអស់រយៈពេល ៤៧ឆ្នាំ ជាពិសេសក្នុងកំលុងពេល ៣ឆ្នាំនៃការរាតត្បាតជំងឺកូវីដ-១៩។

ថ្លែងក្នុងពិធីសម្ពោធកាលពីថ្ងៃទី១៩ មេសា ឆ្នាំ២០២៦ នៅវិទ្យាស្ថានជាតិពហុបច្ចេកទេសកម្ពុជា ឯកឧត្តមទេសរដ្ឋមន្ត្រីបានគូសបញ្ជាក់ថា ស្នាដៃនេះ គឺជាការប្រមូលផ្តុំនូវឧត្តមានុវត្តន៍ដែលឆ្លងកាត់ការសាកល្បងជាក់ស្តែងលើទិដ្ឋភាពសង្គម នយោបាយ និងសេដ្ឋកិច្ច។ ឯកឧត្តមបានលើកឡើងថា វិបត្តិកូវីដ-១៩ គឺជាករណីសិក្សាដ៏សំខាន់សម្រាប់ពិភពលោកទាំងមូល និងជាវិញ្ញាសាសាកល្បងចំពោះអភិបាលកិច្ច និងភាពធន់នៃសង្គម។ ក្នុងន័យនេះ សៀវភៅ «រដ្ឋមន្ត្រីកូវីដ» បានចូលរួមរំលឹកឡើងវិញនូវចលនាសាមគ្គីជាតិ និងមគ្គុទ្ទេសភាពដឹកនាំដ៏ឈ្លាសវៃរបស់សម្តេចតេជោ ហ៊ុន សែន ដែលបានបង្កើតប្រវត្តិសាស្ត្រជោគជ័យក្នុងសង្គ្រាមដណ្តើមជីវិតប្រជាជនពីមាត់ជ្រោះមរណៈ។

ឯកឧត្តមទេសរដ្ឋមន្ត្រី ព្រុំ សុខា អតីតរដ្ឋមន្ត្រីក្រសួងមុខងារសាធារណៈ និងជាអ្នកនិពន្ធសៀវភៅ «រដ្ឋមន្ត្រីកូវីដ»

ក្រៅពីការរៀបរាប់អំពីការងាររដ្ឋបាល ឯកឧត្តម ព្រុំ សុខា ក៏បានផ្សារភ្ជាប់ខ្លឹមសារនៃសៀវភៅទៅនឹងស្ថានភាពបច្ចុប្បន្ន ដោយបានលើកឡើងពីការប្រយុទ្ធដ៏អង់អាចរបស់កងទ័ពកម្ពុជាប្រឆាំងនឹងការរំលោភបំពានពីសំណាក់កងទ័ពសៀមនៅតាមបណ្តោយព្រំដែន។ ឯកឧត្តមមានប្រសាសន៍ថា នេះជាសង្គ្រាមស្នេហាជាតិដ៏ស្រួចស្រាល់ មោះមុ អត់ធ្មត់របស់ប្រជាជនកម្ពុជាទាំងមូលដើម្បីការពារបូរណភាពទឹកដីសម្បត្តិវប្បធម៌ជាតិ និងសេចក្តីសុខ ក្សេមក្សាន្តជាផ្លែផ្កា នៃសន្តិភាពដែលយើងទទួលបានក្នុងកំលុងពេល២៧ឆ្នាំចុងក្រោយនេះ ពោលគឺ ចាប់តាំងពីក្រោយឆ្នាំ១៩៩៨ មកទល់បច្ចុប្បន្ន។

ក្នុងនាមជាអ្នកនិពន្ធ ឯកឧត្តមបានប្តេជ្ញាប្រើប្រាស់ដងប៉ាកកាជំនួសអាវុធ ដើម្បីបំផុសស្មារតីស្នេហាជាតិ និងកសាងខឿនការពារជាតិសម្រាប់មនុស្សគ្រប់ជំនាន់។

ជាចុងក្រោយ ឯកឧត្តមបានបង្ហាញនូវបំណងចង់ឱ្យការបោះពុម្ពផ្សាយជាសាធារណៈនូវស្នាដៃដំបូងបំផុតនេះឱ្យបានឆាប់បំផុត ដើម្បីអាចចូលរួមចំណែកកាន់តែផុលផុស និងជាក់ស្តែងជាមួយចលនាជាតិប្រយុទ្ធការពារអធិបតេយ្យ បូរណភាពទឹកដីក្នុងបុព្វហេតុសុខសន្តិភាព និងវិបុលភាពរបស់មាតុភូមិជាទីស្នេហានៃយើង។ ក្រៅពីការបោះពុម្ពជាសៀវភៅ ឯកឧត្តមទេសរដ្ឋមន្ត្រីក៏មានគម្រោងប្រើប្រាស់មធ្យោបាយឌីជីថល ដូចជាបណ្តាញយូធូប (YouTube) ដើម្បីផ្សព្វផ្សាយនូវខ្លឹមសារ និងមេរៀនពិសោធន៍នានាដែលមានក្នុងសៀវភៅនេះ ដើម្បីជាប្រយោជន៍ដល់ការសិក្សារៀនសូត្រ និងការថែរក្សាសន្តិភាពជារៀងដរាបតទៅ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍សម្រាប់និស្សិតកម្ពុជា ទៅ​បន្តការ​សិក្សា​នៅ​ប្រទេស​ហុងគ្រី ៣០កន្លែង សម្រាប់ឆ្នាំ២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 29/11/2024

ក្រោមកម្មវិធី​អាហារូបករណ៍ Stipendium Hungaricum Programme របស់រដ្ឋាភិបាល នៃ​ប្រទេស​ហុងគ្រី នឹងផ្តល់អាហារូបករណ៍​ចំនួន ៣០កន្លែង​ដល់និស្សិត​កម្ពុជា ដើម្បី​បន្ត​ការ​សិក្សា​នៅ​តាម​សាកលវិទ្យាល័យ​នានា​ក្នុង​ប្រទេស​ហុងគ្រី...

ក្រសួងអប់រំជ្រើសរើស​និស្សិត​អាហារូបករណ៍​ថ្នាក់បរិញ្ញាបត្រជាន់ខ្ពស់ និង​ថ្នាក់បរិញ្ញាបត្រ ទៅសិក្សា​នៅ​ប្រទេស​ចិនចំនួន ៦៥នាក់

ព័ត៌មានអាហារូបករណ៍, ព្រឹត្តិការណ៍

• 27/11/2024

ក្រសួងអប់រំ យុវជន និងកីឡា កាលពីពេលថ្មីៗនេះ បានប្រកាស​ជ្រើសរើស​និស្សិតចំនួន ៦៥នាក់ ដើម្បីទទួល​អាហារូបករណ៍​របស់រដ្ឋាភិបាល នៃសាធារណរដ្ឋប្រជាមានិតចិន (CSC) សិក្សា​ថ្នាក់​បរិញ្ញាបត្រជាន់ខ្ពស់ និង​ថ្នាក់បរិញ្ញាបត្រ​ សម្រាប់ឆ្នាំសិក្សា​២០២៥-២០២៦។

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Nalanda ប្រទេសឥណ្ឌា

ព័ត៌មានអាហារូបករណ៍, ព្រឹត្តិការណ៍

• 03/07/2025

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតចំពោះប្រជាពលរដ្ឋដែលជាប្រទេសសមាជិកអាស៊ាន នៅសាកលវិទ្យាល័យ Nalanda នៃប្រទេសឥណ្ឌា សម្រាប់ឆ្នាំសិក្សា២០២៥-២០២៦។ សាកលវិទ្យាល័យផ្ដល់ការសិក្សារយៈពេល៤ឆ្នាំ

អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Negeri Jakarta ប្រទេសឥណ្ឌូណេសុី

ព័ត៌មានអាហារូបករណ៍, ព្រឹត្តិការណ៍

• 24/03/2026

សាកលវិទ្យាល័យ Negeri Jakarta របស់ប្រទេសឥណ្ឌូនេស៊ី បានប្រកាស់ផ្តល់អាហារូបករណ៍ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ឆ្នាំសិក្សា២០២៦

អាហារូបករណ៍​ថ្នាក់​បរិញ្ញាបត្រ​នៅ​វិទ្យាស្ថាន​បច្ចេកវិទ្យា​កម្ពុជា​ចំនួន១០កន្លែង សម្រាប់​ឆ្នាំ​សិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 11/11/2024

ឱកាស​សិក្សា​អាហារូបករណ៍​ថ្នាក់​បរិញ្ញាបត្រ​ចំនួន១០កន្លែង នៅ​វិទ្យាស្ថាន​បច្ចេកវិទ្យាកម្ពុជា ពី​សម្ដេច​អគ្គមហាសេនាបតីតេជោ ហ៊ុន សែន និងសម្តេច​គតិព្រឹទ្ធបណ្ឌិត សម្រាប់​ឆ្នាំសិក្សា​២០២៤​-២០២៥។ អាហារូបករណ៍​ផ្ដល់​ជូន​តាមរយៈ សម្ដេច​មហាបវរធិបតី ហ៊ុន ម៉ាណែត...

ក្រសួងអប់រំជ្រើសរើសបេក្ខជនជាង៣ពាន់នាក់ឱ្យ​ទទួល​អាហារូបករណ៍ថ្នាក់បរិញ្ញាបត្ររង និង​ថ្នាក់បរិញ្ញាបត្រ លើជំនាញបច្ចេកទេស និងវិជ្ជាជីវៈ

ព័ត៌មានអាហារូបករណ៍, ព្រឹត្តិការណ៍

• 27/10/2025

តាមរយៈកម្មវិធី Competency Based ក្រសួងអប់រំ យុវជន និងកីឡា បានប្រកាស​ជ្រើសរើស​សិស្សានុសិស្ស​ដែលបានប្រឡង​ជាប់សញ្ញាបត្រ​បច្ចេកទេស និង​វិជ្ជាជីវៈកម្រិត៣ ​សរុបចំនួន ៣ ០២៥កន្លែង...

អាហារូបករណ៍រដ្ឋាភិបាលចិននៅសាកលវិទ្យាល័យ Beijing Jiaotong ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 14/02/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីរដ្ឋាភិបាលចិននៅសាកលវិទ្យាល័យ Beijing Jiaotong ឆ្នាំសិក្សា២០២៤។...

អាហារូបករណ៍ថ្នាក់ឧត្ដមសិក្សានៅ GRIPS នៃប្រទេសជប៉ុន ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 28/10/2025

ឱកាសសិក្សាអាហារូបករណ៍នៅ GRIPS នៃប្រទេសជប៉ុនសម្រាប់ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសម្រាប់ឆ្នាំសិក្សា២០២៦-២០២៧។ អាហារូបករណ៍ផ្ដល់ជូនសម្រាប់សិក្សារយៈពេល១ឆ្នាំ(MP1) និង ២ឆ្នាំ(MP2) ៣ឆ្នាំ ឬ...

ឱកាស​សិក្សាជំនាញ TVET ឥតគិតថ្លៃចំនួន ២១០កន្លែងនៅ​វិទ្យាស្ថានពហុបច្ចេកទេស​តេជោសែន

ព័ត៌មានអាហារូបករណ៍, ព្រឹត្តិការណ៍

• 28/04/2023

ក្រោមគម្រោងកម្មវិធីធ្វើទំនើបកម្មប្រព័ន្ធអប់រំបណ្តុះបណ្តាលបច្ចេកទេស និងវិជ្ជាជីវៈឆ្នាំ២០២៣ វិទ្យាស្ថានជាតិពហុបច្ចេកទេសតេជោសែន ដែលជាគ្រឹះស្ថានអប់រំបណ្តុះបណ្តាល...