ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឡុងដ៍ — លោក Keir Starmer នាយករដ្ឋមន្ត្រីអង់គ្លេស បានប្រកាសថា លោកនឹងស្វែងរកអំណាចឱ្យកាន់តែទូលំទូលាយបន្ថែម ដើម្បីគ្រប់គ្រងការចូលប្រើអ៊ីនធឺណិត ដែលលោកយល់ថា ចាំបាច់សម្រាប់ការពារកុមារ ពីហានិភ័យឌីជីថលដែលផ្លាស់ប្តូរយ៉ាងឆាប់រហ័ស។
បើតាម BBC, រដ្ឋាភិបាលអង់គ្លេសបានប្រកាស កាលពីខែមុនថា នឹងធ្វើការពិគ្រោះយោបល់អំពីការហាមឃាត់បណ្ដាញសង្គមសម្រាប់កុមារអាយុក្រោម ១៦ឆ្នាំ តាមគំរូប្រទេសអូស្ត្រាលី។ អេស្ប៉ាញ ក្រិក និងស្លូវេនី ក៏បានបញ្ជាក់ថា កំពុងរៀបចំផែនការហាមឃាត់ដូចគ្នានេះដែរ។
លោក Starmer បានបញ្ជាក់ថា « អំណាចថ្មី ដែលស្នើនេះ អាចនាំឱ្យមានការត្រួតពិនិត្យពីរដ្ឋសភា លើវិធានការថ្មីៗនាពេលអនាគត»។
ការិយាល័យរបស់លោក Starmer ធ្លាប់បានពន្យល់ថា ចាំបាច់ណាស់ ដែលតម្រូវឱ្យមានការពិនិត្យឡើងវិញ ខណៈរដ្ឋាភិបាលអាចអនុវត្តវិធានការនោះបានក្នុងរយៈពេលខ្លី។
រដ្ឋាភិបាល បានប្រកាសថា Chatbot AI កាន់តែច្រើន នឹងត្រូវគ្របដណ្តប់ក្រោមការហាមឃាត់ការបង្កើតរូបភាពអាសអាភាស។ វិធានការនេះ ត្រូវបានពង្រឹង បន្ទាប់ពីមានចំណាត់ការ លើប្រព័ន្ធ AI Grok ដែលជាកម្មសិទ្ធិរបស់ Elon Musk៕
ប្រភពពី BBC
ប្រែសម្រួល ៖ លន់ សារ៉ាត
