ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ប្រូតេអ៊ីនក្នុងកម្រិតសមល្មមមានភាពសំខាន់ចំពោះសុខភាពរាងកាយ ព្រោះសារធាតុចិញ្ចឹមទាំងអស់ ជំរុញឱ្យរាងកាយទទួលបាននូវសុខភាពល្អ ហើយប្រូតេអ៊ីនមានតួនាទីក្នុងការជួសជុលកោសិកាចាស់ៗ និងជំរុញរាងកាយឱ្យមានភាពលូតលាស់។ តាមរយៈ Webmd បានបង្ហាញពីលក្ខណៈកត់សម្គាល់មួយចំនួនដូចជា រាងកាយត្រូវការប្រូតេអ៊ីនបន្ថែមនៅពេលអារម្មណ៍ប្រែប្រួលលឿន មិនមានថាមពលគ្រប់គ្រាន់ និងឧស្សាហ៍ឃ្លានជាដើម។
អារម្មណ៍ប្រែប្រួលលឿន ៖ មនុស្សធ្លាក់ទឹកចិត្ត ក៏អាចបណ្តាលឱ្យរាងកាយមានសារធាតុ dopamine និង serotonin នៅកម្រិតមួយមិនគ្រប់គ្រាន់ ដែលកត្តានេះហើយជំរុញឱ្យអារម្មណ៍ផ្លាស់ប្រែជាញឹកញាប់។
សក់ឬក្រចក និងស្បែកមានបញ្ហាផ្ទួនៗ ៖ ត្បិតថាអាហារមិនមែនជាប្រភព នៃបញ្ហាតែមួយមុខ ប៉ុន្តែក៏ជាកត្តាដែលគួរយកមកពិចារណាដែរ។ ហើយការកត់សម្គាល់តាមរយៈសក់ ឬក្រចកនិងស្បែកមានបញ្ហា អាចថាមានភាពងាយស្រួលជាងគេ ពិនិត្យមើលតាមរយៈរូបភាពដូចជាសក់ផុយស្រួយជ្រុះច្រើន ស្បែកស្ងួតឬប្រេះ និងក្រចកដៃមានស្នាមស្រាំ។
ខ្សោះថាមពល ៖ អាការថាមពលថមថយ មិនមែនបណ្តាលមកពីការបរិភោគមិនឆ្អែតតែមួយមុខនោះទេ ប៉ុន្តែការទទួលទានដែលមិនមានសារធាតុចិញ្ចឹមទៅវិញទេ ទើបជាចំណោទបញ្ហា ហើយនៅពេលរាងកាយខ្វះប្រូតេអ៊ីនអាចធ្វើឱ្យរាងកាយមានចលនាមិនស្វាហាប់ល្អ សាច់ដុំចុះខ្សោយ ជាពិសេសប្រូតេអ៊ីនសំខាន់សម្រាប់មនុស្សដែលមានអាយុលើសពី៥៥ឆ្នាំ។
ប្រភេទអាហារដែលបន្ថែមប្រូតេអ៊ីន ៖ ដោយសារតែបរិបទ នៃការរស់នៅរបស់មនុស្សម្នាក់ៗខុសគ្នា នោះទម្លាប់នៃការទទួលទានក៏មានភាពខុសគ្នាដែរ តើធ្វើយ៉ាងណាដើម្បីឱ្យរបៀប នៃការទទួលទានមានភាពងាយស្រួល? ដើម្បីបង្កើនប្រូតេអ៊ីនទៅកាន់រាងកាយគួរក្រឡេកទៅមើលប្រភេទអាហារមួយចំនួនដូចជា ប្រភេទសាច់ ឬត្រីគ្រប់ប្រភេទ ឬក៏ស៊ុតសត្វ ដែលប្រភេទអាហារមួយនេះមានលក់ស្ទើរគ្រប់ទីកន្លែង។ ហើយក្រៅពីសាច់ ឬស៊ុត លោកអ្នកក៏អាចជ្រើសរើសសណ្តែកដើម្បីទទួលទានក្នុងការផ្តល់ប្រូតេអ៊ីន ទៅកាន់រាងកាយបន្ថែម មិនថា ជាសណ្ដែកដី ឬសណ្ដែកសៀង និងសណ្តែកដទៃទៀត៕
