យូនីសេហ្វ និងអាជ្ញាធរពាក់ព័ន្ធកំពុង​ពន្លឿន​ការឆ្លើយតប​ផ្នែក​មនុស្ស​ធម៌ ដើម្បីគាំទ្រ​កុមារ និង​ក្រុម​គ្រួសារ ដែល​កំពុង​ស្នាក់​នៅ​ជំរំភៀសសឹកបណ្តោះអាសន្ន

សង្រ្គាម​នៅ​តាម​បណ្តោយ​ព្រំដែន​កម្ពុជា-ថៃ បាន​កំពុង​ធ្វើ​ឱ្យ​ប៉ះពាល់យ៉ាង​ខ្លាំង​ដល់សេវាអប់រំ ដោយ​ក្នុងនោះ​សាលារៀន​ជាង ៦០០កន្លែងត្រូវ​បានបិទ ហើយ​មួយ​ចំនួន​ត្រូវ​បានប្រែក្លាយជាជម្រក​បណ្តោះអាសន្ន​សម្រាប់ជនភៀសសឹក ខណៈ​សិស្ស​ជាង ១៥ម៉ឺននាក់ខកខាន​បានទៅ​សាលារៀន។

ក្នុងដំណើរ​ចុះ​ទៅ​កាន់ជំរំជនភៀសសឹក​នៅ​ក្នុង​ខេត្តព្រះវិហារ លោក​បណ្ឌិត Will Parks ​នាយក​អង្គការ​យូនីសេហ្វ​ប្រចាំ​កម្ពុជា មាន​ប្រសាសន៍ថា នៅទីនេះ​មាន​មនុស្ស​ជាច្រើន​កំពុង​ប្រឈម​នឹង​ការ​រស់​នៅ​ដ៏លំបាក បន្ទាប់ពី​មានការ​កើន​ឡើង​នៃអំពើហិង្សា​ដោយ​អាវុធ​រវាង​កម្ពុជា និងថៃ។ លោកថា គ្រួសារទាំងនេះ ភាគច្រើន​ជាកុមាររស់នៅ​ក្នុ​ងជំរំភៀសសឹក ដែល​ត្រូវ​ការអាហារបន្ទាន់ ទឹកស្អាត សេវាសុខាភិបាល និង​ឱកាស​ក្នុងកា​រសិក្សា។

“កុមារទាំងនេះបានបាត់បង់អ្វីៗជាច្រើនរួចមកហើយ ប៉ុន្តែអនាគតរបស់ពួកគេមិនអាចបាត់បង់បានទេ”

បើតាមលោក Will Parks ចាប់តាំងពីចុងសប្តាហ៍​កន្លងទៅ​ម្ល៉េះ យូនីសេហ្វ បានផ្តល់សម្ភារៈបន្ទាន់​ជួយ​ដល់កុមារ និង​គ្រួសារដែលរងផលប៉ះពាល់ តាមរយៈក្រសួងអភិវឌ្ឍជនបទ ហើយ​ឥឡូវ​នេះ យូនីសេហ្វ កំពុងធ្វើ​ការ​ដោយផ្ទាល់ និង​សហការយ៉ាងជិតស្និទ្ធជាមួយរាជរដ្ឋាភិបាល និងដៃគូ ដើម្បីផ្តល់​ជំនួយ​ចាំបាច់ ដូចជាទីជម្រក ទឹកសុវត្ថិភាព វ៉ាក់សាំង ការការពារ និងឱកាស​រៀនសូត្រ ហើយ​នៅពេលនេះ សម្ភារៈបន្ថែម​កំពុង​ត្រូវ​បាន​ដឹកជញ្ជូនមក។

តាមរយៈបណ្តាញសង្គមនៅថ្ងៃនេះ អង្គការយូនីសេហ្វ បាន​ឱ្យដឹងថា ខ្លួន​បាន​កំពុង​បន្ត​ចែក​ជំនួយ​សម្ភារៈទឹកស្អាត និង​អនាម័យ ធុងចម្រោះទឹក ធុងទឹក ប៊ីដុងទឹក សាប៊ូ ម្សៅសាប៊ូបោកគក់ និង​សំឡីអនាម័យ ជូន​ប្រជាពលរដ្ឋ​នៅ​តាមជំរំភៀសសឹក​នៅ​ក្នុង​ខេត្ត​មួយចំនួន​ទៀត ដែល​អាច​ផ្តល់ជូន​ប្រជាជនភៀសសឹក​ប្រមាណ ៣ម៉ឺននាក់។

ដោយឡែកក្រសួងសុខាភិបាលកម្ពុជាវិញ ក៏​បានបង្ហាញពីសកម្មភាពជំរុញយុទ្ធនាការចាក់វ៉ាក់សាំងជាបន្ទាន់ ដើម្បីទប់ស្កាត់​ការឆ្លង​រាលដាល នៃជំងឺផ្សេងៗក្នុង​អំឡុងពេល នៃការបម្លាស់ទីដ៏លំបាកនេះ, ការ​អប់រំណែនាំអំពីវិធីសាស្រ្ត នៃការ​ថែទាំសុខភាពដល់ប្រជាជនភៀសសឹក ដោយអនុវត្តវិធានការសុខាភិបាលឱ្យបានខ្ជាប់ខ្ជួន ដូចជាការរក្សាអនាម័យ ការហូបស្អាត សម្រាន្តក្នុងមុង ដើម្បីបង្ការខ្លួនពីជំងឺគ្រុនឈាម គ្រុនចាញ់ និងចំអិនអាហារឱ្យបានឆ្អិនល្អ ជៀសវាងការបង្កជាជំងឺរាគរូស គ្រុនក្តៅ ក្អួត ពុលចំណីអាហារផ្សេងៗ។

បើយោង​តាម​របាយការណ៍របស់ក្រសួងការពារជាតិ គិតចាប់ពីថ្ងៃទី២៤ ដល់ថ្ងៃទី៣០ កក្កដា ឆ្នាំ២០២៥ ជនភៀសសឹកកម្ពុជា​បានកើនឡើង​ជាង ១៧ម៉ឺននាក់ ក្នុងនោះ ខេត្តឧត្តរមានជ័យមានចំនួន ៣៩៥៤៦នាក់, ព្រះវិហា ៣២៥៥៨នាក់, បន្ទាយមានជ័យ ៣៥០៥៧នាក់, ពោធិ៍សាត់ ៣០២៦នាក់ និងសៀមរាប ៦១៩០៧នាក់៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍​ស្រាវជ្រាវ​ថ្នាក់បណ្ឌិត និង​ថ្នាក់ក្រោយបណ្ឌិត ទៅ​សិក្សា​នៅ​រ៉ូម៉ានី ឆ្នាំសិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 09/12/2024

ក្រោម​កម្មវិធីអាហារូបករណ៍ Eugen Ionescu Programme របស់​រដ្ឋាភិបាល នៃ​ប្រទេសរ៉ូម៉ានី សម្របសម្រួល​ដោយទីភ្នាក់ងារ​ឧត្តមសិក្សាហ្រ្វង់កូហ្វូនី (AUF) នឹងផ្តល់អាហារូបករណ៍​ស្រាវជ្រាវ​ថ្នាក់បណ្ឌិត និង​ថ្នាក់ក្រោយ​បណ្ឌិត សិក្សា​រយៈពេល​៣ខែ...

ឱកាសសម្រាប់យុវជនកម្ពុជា ស្វែងយល់ពីវិស័យការទូតក្នុងតំបន់ នៅប្រទេសឥណ្ឌូនេស៊ី

ព័ត៌មានអាហារូបករណ៍, ព្រឹត្តិការណ៍

• 28/10/2026

កម្មវិធី ASEAN Foundation Model East Asia Summit 2026 កំពុងប្រកាសជ្រើសរើសនិស្សិតឆ្នើមចំនួន ៦០ រូប ដើម្បីចូលរួមសិក្សាស្វែងយល់ពីសន្តិសុខ សន្តិភាព

អាហារូបករណ៍ថ្នាក់បរិញ្ញាបត្រ ៣កន្លែង សម្រាប់និស្សិតកម្ពុជាសិក្សានៅ Pu’er University

ព័ត៌មានអាហារូបករណ៍, ព្រឹត្តិការណ៍

• 12/11/2026

សាកលវិទ្យាល័យ Pu'er University របស់ប្រទេសចិន បាន​ប្រកាស​ផ្តល់អាហារូបករណ៍​ពេញថ្លៃ​ដល់​និស្សិតកម្ពុជា ចំនួន ៣ កន្លែង​ សម្រាប់ឆ្នាំសិក្សា២០២៧ ខាងមុខ​នេះ​។

ក្រសួងអប់រំជ្រើសរើសកុមារីចូលរួមប្រកួតកម្មវិធីតិចណូវេសិនកម្ពុជា ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 09/01/2025

ក្រសួងអប់រំ យុវជន និងកីឡា ប្រកាស​ជ្រើសរើសសិស្សនារីអាយុពី៨ ដល់១៨ឆ្នាំ ចូលរួមប្រកួតកម្មវិធីតិចណូវេសិន កម្ពុជា ឆ្នាំ២០២៥ ដើម្បីបង្កើនបរិមាណក្មេងស្រីបញ្ចប់ការសិក្សាលើជំនាញកុំព្យូទ័រ ។ កម្មវិធីនេះ ជំរុញលើកទឹកចិត្តកុមារីឱ្យក្លាយជាអ្នកអភិវឌ្ឍកម្មវិធី...

ឱកាសសិក្សាអាហារូបករណ៍ជំនាញវិជ្ជាជីវៈជាច្រើនកន្លែងនៅវិទ្យាស្ថានជាតិពាណិជ្ជសាស្ត្រ

ព័ត៌មានអាហារូបករណ៍, ព្រឹត្តិការណ៍

• 11/09/2024

ឱកាសសិក្សាជំនាញវិជ្ជាជីវៈដោយឥតគិតថ្លៃ និងសិក្សារយៈពេលខ្លីសម្រាប់យុវជន យុវនារី ដែលមានជីវភាពខ្វះខាត នៅវិទ្យាស្ថានជាតិពាណិជ្ជសាស្ត្រ។ អាហារូបករណ៍ផ្ដល់ជូនការសិក្សាជំនាញជាច្រើនកន្លែងសម្រាប់យុវជន យុវនារី និងសាធារណៈជន...

អាហារូបករណ៍​ថ្នាក់ក្រោយ​ឧត្តមសិក្សា និង​ថ្នាក់បរិញ្ញាបត្រ ចំនួន១២០កន្លែង ទៅសិក្សា​នៅ​ប្រទេស​វៀតណាម ឆ្នាំ​សិក្សា​២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 30/09/2025

ក្នុង​ឆ្នាំសិក្សា​២០២៥-២០២៦ នេះ ក្រសួងអប់រំ យុវជន និងកីឡា នឹង​ធ្វើ​ការ​ជ្រើសរើស​និស្សិត​អាហារូបករណ៍​ថ្នាក់ក្រោយ​ឧត្តមសិក្សា និង​ប្រឡង​ជ្រើសរើស​និស្សិត​អាហារូបករណ៍​ថ្នាក់បរិញ្ញាបត្រ ចំនួន ១២០នាក់ ទៅ​សិក្សា​នៅ​សាធារណរដ្ឋសង្គម​និយមវៀតណាម។

ឱកាសសិក្សាអាហារូបករណ៍ Stamp Scholarship ២០២៣ នៅសាកលវិទ្យាល័យ Miami សហរដ្ឋអាមេរិក

ព័ត៌មានអាហារូបករណ៍, ព្រឹត្តិការណ៍

• 13/06/2023

កម្មវិធីអាហារូបករណ៍ Stamp Scholarship ២០២៣ ប្រកាសផ្ដល់អាហារូបករណ៍ថ្នាក់ឧត្ដមសិក្សា នៅសាកលវិទ្យាល័យ Miami សហរដ្ឋអាមេរិកឆ្នាំសិក្សា២០២៣ ។...

ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍សិល្បៈអមតៈ អាន ចន ផន លើជំនាញសិល្បៈ និងមិនមែនសិល្បៈ

ព័ត៌មានអាហារូបករណ៍, ព្រឹត្តិការណ៍

• 25/05/2023

កម្មវិធីអាហារូបករណ៍សិល្បៈអមតៈ អាន ចន ផន បើកទទួលពាក្យស្នើសុំអាហារូបករណ៍សាច់ប្រាក់សម្រាប់សិស្ស និស្សិតសិក្សាជំនាញសិល្បៈ និងជំនាញមិនមែនសិល្បៈ ។ ...

ឱកាសសិក្សាអាហារូបករណ៍១៥០កន្លែង នៅបណ្ឌិតសភាបច្ចេកវិទ្យាឌីជីថលកម្ពុជាឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 13/11/2023

បណ្ឌិតសភាបច្ចេកវិទ្យាឌីជីថលកម្ពុជាប្រកាសប្រលងជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជំនាញឯកទេសនានាចំនួន១៥០កន្លែងក្នុងឆ្នាំសិក្សា២០២៣-២០២៤។ អាហារូបករណ៍....



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។វាល​ដែល​ត្រូវ​ការ​ត្រូវ​បាន​គូស *