ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការបែងចែកពេលវេលារវាងការសិក្សា ការងារ និងជីវិតផ្ទាល់ខ្លួនឱ្យបានល្អ គឺជាបញ្ហាប្រឈមសម្រាប់មនុស្សជាច្រើន។ បញ្ហានេះ ពេលខ្លះធ្វើឱ្យមានអារម្មណ៍ថា មានសម្ពាធខ្លាំងថែមទៀត។
ខាងក្រោមនេះជាយុទ្ធសាស្ត្រមួយចំនួនដើម្បីអាចជួយអ្នករៀបចំជីវិតឱ្យមានតុល្យភាព ៖
រៀបចំផែនការប្រចាំថ្ងៃ ៖ ចាប់ផ្តើមថ្ងៃរបស់អ្នកជាមួយនឹងបញ្ជីការងារត្រូវធ្វើ។ ចែកចាយកិច្ចការតាមកម្រិតសំខាន់ និងភាពអាសន្ន (ដូចជា ការប្រើ វិធីសាស្ត្រ Eisenhower Matrix)។ ផ្តោតលើអ្វីដែលសំខាន់ ដោយកំណត់ថា តើអ្វីដែលចាំបាច់សម្រាប់ការសិក្សា ការងារ និងសុខភាពផ្លូវចិត្តរបស់អ្នក។
ការកំណត់ព្រំដែន ៖ កុំឱ្យការងារ ឬការសិក្សាលេបយកពេលវេលាផ្ទាល់ខ្លួនអ្នក។ រៀននិយាយ “មិន” កុំយកកិច្ចការច្រើនពេក បើអ្នកមិនមានសមត្ថភាព។
ថែរក្សាសុខភាព ៖ សូមចាំថាអ្នកមិនអាចចាក់ទឹកពីពែងទទេបានទេ! គេងឱ្យបានគ្រប់គ្រាន់ ពោលគឺគេងយ៉ាងហោចណាស់ ៧-៨ ម៉ោងក្នុងមួយយប់, ញ៉ាំអាហារដែលមានសុខភាពល្អ និងធ្វើលំហាត់ប្រាណជាប្រចាំ ដោយចំនាយពេល 30 នាទីក្នុងមួយថ្ងៃដើម្បីធ្វើលំហាត់ប្រាណ។ ហើយបើអាច សូមធ្វើសមាធិ ដែលវាអាចជួយឱ្យអ្នកសម្រាក និងផ្តោតអារម្មណ៍បានល្អ។
ឆ្លៀតរកពេលកម្សាន្ត ៖ រកពេលខ្លះសម្រាកពីរឿងស្មុគស្មាញ និងធ្វើអ្វីដែលយើងសប្បាយចិត្ត ដូចជាអានសៀវភៅ លេងហ្គេម ឬធ្វើការងារសប្បាយៗ។ បើអាច សូមចេញទៅក្រៅជាមួយមិត្តភក្តិ ឬគ្រួសារ៕
