ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ស្ថានភាពតានតឹង នៅពេលមានវិបត្តិហិរញ្ញវត្ថុ ដែលដាក់សម្ពាធម្តងៗ ត្រូវការឱ្យខ្លួនឯង ចាំបាច់រកឱ្យឃើញអំពីបុព្វហេតុដែលបណ្តាលឱ្យកើតមាន ដោយចាប់ផ្តើមការឆ្លុះបញ្ចាំងពីខ្លួនឯងទៅមុន។ ឧទាហរណ៍ ការកើតមានវិបត្តិហិរញ្ញវត្ថុដោយសារតែយានជំនិះខូចភ្លាមៗ ត្រូវការចំណាយលើសង្គ្រោះបន្ទាន់ រួមទាំងការបាត់បង់ការងារជាដើម ឬមួយវិញទៀត ភាពតានតឹងក៏អាចកើតមានពីការចំណាយលើសលុប និងមិនបានត្រៀមពីហានិភ័យទុកជាមុន។ល។
តាមរយៈ គេហទំព័រ The Week បានឱ្យដឹងថា ការឡើងចុះនិងភាពមិនច្បាស់លាស់ពីមជ្ឈដ្ឋានខាងក្រៅក៏ជំរុញឱ្យមានភាពតានតឹងនៃវិបត្តិហិរញ្ញវត្ថុដែរ ដូចជាការតម្លើងពន្ធរបស់រដ្ឋបាលមហាអំណាច ការឡើងចុះនៃអតិផរណា សុទ្ធសឹងតែជាកត្តាដែលដាក់សម្ពាធបន្ថែម ទៅកាន់អ្នកធ្វើអាជីវកម្មផង និងអ្នកធ្វើការផង។ យ៉ាងណាមិញចំណោទបញ្ហាខ្លះ ដែលលើសពីដែនសមត្ថភាពក្នុងការដោះស្រាយ គឺត្រូវការបន្ថយភាពតានតឹងជាមុន ទើបការដោះស្រាយបញ្ហាទាំងនោះមានប្រសិទ្ធភាព។ មិនថាមានបញ្ហាអ្វីនោះទេ ពុំគួរមើលរំលងអំពីសកម្មភាពសាមញ្ញៗ ឬក៏អ្វីដែលអាចធ្វើបានដោយផ្តើមចេញពីខ្លួនឯងទៅមុន។
១. ការផ្តោត ៖ ជាដំបូងទទួលស្គាល់ថា ការនិយាយ គឺមានភាពងាយស្រួលជាងធ្វើ ជាពិសេសនៅក្នុងស្ថានភាពមួយដែលកំពុងលំបាក និងត្រូវរិះរកមធ្យោបាយយ៉ាងសកម្មក្នុងការដោះស្រាយភាពតានតឹងពេលមានវិបត្តិហិរញ្ញវត្ថុដែលខ្លួនកំពុងតែជួប។ ការផ្តោតនៅត្រង់ចំណុចនេះ គឺមានន័យថា នៅពេលចាប់ផ្តើមដឹងថា ខ្លួនរងសម្ពាធហិរញ្ញវត្ថុកាន់តែខ្លាំងៗទៅ គឺជាពេលដែលត្រូវតាំងស្មារតីឱ្យស្ងប់ ហើយផ្តោតលើទិន្នន័យទឹកប្រាក់ទាំងចេញនិងចូល ដើម្បីវាយតម្លៃអំពីដំណោះស្រាយ និងដឹងពីរយៈពេលដែលអាចរង់ចាំបាន។ ទោះបីជាពុំអាចដោះស្រាយភាពតានតឹងទាំងស្រុង ប៉ុន្តែជាការស្វែងរកហេតុផលជាក់ស្តែង និងផ្តល់ព័ត៌មានជាក់លាក់ ក្នុងការរៀបចំផែនការហិរញ្ញវត្ថុផ្ទាល់ខ្លួន។
២. ការសម្របខ្លួន ៖ បន្ទាប់ពីស្វែងរកឃើញនូវកត្តាដែលរុញច្រានឱ្យកើតមាននូវបញ្ហា រួមទាំងការវិភាគបាននូវហិរញ្ញវត្ថុផ្ទាល់ខ្លួនរួចរាល់ហើយ នោះនឹងដឹងថា តើចំណុចណា ដែលអាចកាត់បន្ថយបាន ហើយសកម្មភាពបន្ទាប់គឺការសម្របខ្លួនប្រើប្រាស់ថវិកាដែលកំពុងមាន ហើយរងចាំទាល់តែអារម្មណ៍ស្ងប់សិន សឹមបន្តសម្រេចចិត្តប្រើប្រាស់កញ្ចប់ថវិកាធំៗ។ ធ្វើបែបនេះ គឺដើម្បីបញ្ចៀសពីការបង្កើនបំណុលលើសដែនសមត្ថភាព។
៣. ជៀសវាងការសំងំដោះស្រាយម្នាក់ឯង ៖ ស្ត្រេសនឹងបញ្ហាហិរញ្ញវត្ថុ មិនគួរឈប់និយាយ ឬឈប់ខ្វាយខ្វល់អំពីបញ្ហាដែលកើតមាននោះទេ ការគេចគឺរឹតតែបង្កបាននូវភាពតានតឹងបន្ថែម ដូច្នេះការកាត់បន្ថយបញ្ហានេះទៅបាន គឺការចាប់ផ្តើមជជែកអំពីដំណោះស្រាយបញ្ហានេះ ដូចជាទៅពិភាក្សា និងស្វែងរកជំនួយពីអ្នកជំនាញ អ្នកប្រឹក្សា មិត្តភ័ក្តិ និងសមាជិកគ្រួសារដែលទុកចិត្ត រួមទាំងអ្នកផ្តល់ប្រាក់កម្ចីស្របច្បាប់ជាដើម។ ការជជែកចរចាជាមួយអ្នកផ្តល់ប្រាក់កម្ចីមានវិជ្ជាជីវៈ ឬជំនាញផ្នែកហិរញ្ញវត្ថុ ជាដំណោះស្រាយមួយដ៏ឈ្លាសវៃ ដោយហេតុថា ក្រៅពីការផ្តល់នូវដំណោះស្រាយ យើងក៏អាចសិក្សាបន្ថែមអំពីការប្រើប្រាស់ដែលត្រូវគោលដៅ៕
