ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
រដ្ឋាភិបាលកូឡុំប៊ីប្រកាសផ្ដល់អាហារូបករណ៍ដល់និស្សិតអន្តរជាតិ មកពីគ្រប់ប្រទេសទូទាំងពិភពលោក ឱ្យមានឱកាសសិក្សានៅសាកលវិទ្យាល័យផ្សេងៗក្នុងប្រទេសកូឡុំប៊ី សម្រាប់ឆ្នាំសិក្សា២០២៥។ អាហារូបកណ៍ផ្ដល់ជូនការសិក្សា ថ្នាក់ឯកទេស ថ្នាក់បរិញ្ញាបត្រជាន់ខ្ពស់ និង ថ្នាក់បណ្ឌិត។
លក្ខខណ្ឌនៃការជ្រើសរើស ៖ ជានិស្សិតអន្តរជាតិគ្រប់សញ្ជាតិសាសន៍, មិនមានសញ្ជាតិកូឡុំប៊ី, មិនតម្រូវមានតេស្ត IELTS (សម្រាប់បេក្ខជនមកពីប្រទេសប្រើប្រាស់ភាសាអង់គ្លេស), មានអាយុក្រោម៥០ឆ្នាំ និងមានសញ្ញាបត្របរិញ្ញាបត្រ ឬ សញ្ញាបត្របរិញ្ញាបត្រជាន់ខ្ពស់។ សម្រាប់បេក្ខជន បេក្ខនារីដែលមានជំនាញភាសាអេស៉្បាញនឹងមានអាទិភាពអាហារូបករណ៍ ដោយកម្មវិធីសិក្សា នឹងសិក្សាជាភាសាអេស៉្បាញ។
បេក្ខជនជ័យលាភី អាហារូបករណ៍នឹងទទួលបានការគាំទ្រជាច្រើនដូចជា ថ្លៃសិក្សាពេញលេញ ធានារ៉ាប់រងសេវាសុខភាព ថ្លៃចំណាយលើសម្ភារៈសិក្សា ការស្នាក់នៅក្នុងកំឡុងពេលសិក្សា ថ្លៃទិដ្ឋាការ ថ្លៃចំណាយប្រចាំខែ។ លើសពីនេះ បេក្ខជន បេក្ខនារី ក៏ទទួលបាន ការអប់រំដែលមានគុណភាពខ្ពស់ ពីសាស្ត្រាចារ្យល្បីក្នុងវិស័យផ្សេងៗ និងការស្វែងយល់អំពីសហគមន៍ចម្រុះ របស់ប្រជាជន កូឡុំប៊ី និងនិស្សិតអន្តរជាតិ។
បេក្ខជន បេក្ខនារី ដែលមានចំណាប់អារម្មណ៍ក្នុងការដាក់ពាក្យត្រូវភ្ជាប់ឯកសារចាំបាច់មួយចំនួនដូចជា ប្រវត្តិរូបសង្ខេប លិខិតអនុញ្ញាត្តិពីសាកលវិទ្យាល័យ (admission Letter) លិខិតថតចម្លងនៃលិខិតឆ្លងដែន បណ្ណពិនិត្យសុខភាព លិខិតចម្លង នៃប្រតិបត្តិពិន្ទុ និង តែងសេចក្ដីអំពីមូលហេតុដែលអ្នកចង់សិក្សានៅប្រទេសកូឡុំប៊ី។ សម្រាប់បេក្ខជន បេក្ខនារី អាចដាក់ពាក្យតាម https://web.icetex.gov.co/portal ។
សម្រាប់ព័ត៌មានបន្ថែមអាចចូលទៅកាន់ https://web.icetex.gov.co/es/becas/beca-colombia-extranjeros ។ ចាប់ទទួលពាក្យពីថ្ងៃផ្សាដំណឹងនេះ៕
