ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសរៀនជំនាញវិជ្ជាជីវៈ (TVET) សម្រាប់សិស្សានុសិស្ស និងសាធារណៈជន ដោយឥតគិតថ្លៃចំនួន២៤០០កន្លែង នៅវិទ្យាស្ថានពហុបច្ចេកទេសអង្គរសម្រាប់វគ្គសិក្សាថ្មី។ អាហារូបករណ៍ផ្ដល់ឱ្យសិក្សាពេញលេញ ពីរាជរដ្ឋាភិបាល ក្រោមកម្មវិធី TVET ១លាន៥សែននាក់។
ជំនាញដែលអាហារូបករណ៍ផ្ដល់ជូនរួមមាន ៖ សេវាកម្មបរិក្ខាត្រជាក់ក្នុងគេហដ្ឋាន ៤៨០នាក់, ការដំឡើងបណ្ដាញអគ្គិសនីក្នុងអគារ ៤៨០នាក់, ការថែទាំ និងជួសជុលរថយន្ត ៤២០នាក់, ធុរកិច្ចភេសជ្ជៈ ៣០០នាក់, ការផលិតនំ ៣០០នាក់, ការងារកំបោរ ១៨០នាក់, ការដំឡើង និងថែទាំការមេរ៉ាសុវត្ថិភាព ១២០នាក់, សេវាកម្មកុំព្យូទ័រ ៦០នាក់ និង ការរចនាក្រាហ្វិកដោយកុំព្យូទ័រ៦០នាក់។
លក្ខខណ្ឌនៃបេក្ខជន បេក្ខនារី ៖ ជាបុគ្គលដែលមកពីគ្រួសារដែលមានបណ្ណសមធម៌ ក្រីក្រ១ ក្រីក្រ២ ឬគ្រួសារងាយរងហានិភ័យ នឹងទទួលបានប្រាក់ឧបត្ថម្ភប្រចាំខែ២៨ម៉ឺនរៀលក្នុងមួយខែ។ ក្រៅពីនេះ វគ្គបណ្ដុះបណ្ដាលក៏បើកចំហសម្រាប់យុវជន និងប្រជាពលរដ្ឋទូទៅ រួមទាំងកម្មករ-កម្មការិនីផងដែរ ដែលអាចដាក់ពាក្យចូលសិក្សាជំនាញបច្ចេកទេស និងវិជ្ជាជីវៈនេះបានដោយឥតបង់ថ្លៃ (តែមិនទទួលបានប្រាក់ឧបត្ថម្ភប្រចាំខែ)។
បេក្ខជន បេក្ខនារី ដែលមានចំណាប់អារម្មណ៍ក្នុងការដាក់ពាក្យ អាចទំនាក់ទំនងទៅកាន់ ០៨៧ ៥២៧ ៨៧៦ / ០៩៧ ៣៧២ ១៦២៧ / ០៧៧ ៤៨៩ ៣៩៨ ឬអាចទៅកាន់វិទ្យាស្ថានដោយផ្ទាល់ ដែលមានអាសយដ្ឋាននៅ តាមបណ្ដោយផ្លូវវិថីសម្ដេចវិបុល សុខ អាន (ចម្ងាយពីរង្វង់មូលអប្សរាឆ្ពោះទៅកើត១៥០០ម៉ែត្រ) ក្នុងសៀមរាប ខេត្តសៀមរាប។
ចាប់ទទួលការចុះឈ្មោះពីថ្ងៃផ្សាយដំណឹងនេះ រហូតគ្រប់ចំនួនកំណត់៕
