ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យើងបរិភោគអាហារប្រចាំថ្ងៃដើម្បីបង្កើនថាមពលដល់រាងកាយ, ថាមពលទាំងនោះបានមកពីប្រូតេអ៊ីន ហើយជាទូទៅអ្វីដែលគេដឹងនោះ ប្រូតេអ៊ីនភាគច្រើនបានមកពីសាច់។ តែយ៉ាងណា លោកអ្នកប្រហែលជាមិនទាន់ដឹងទេថា គ្រាប់ធញ្ញជាតិ និងបន្លែបង្ការមួយចំនួន គេអាចប្រើប្រាស់ជំនួសសាច់ ហើយផ្តល់នូវថាមពលដូចគ្នា។ តាមរយៈ Yahoo Life បានបង្ហាញអាហារបីប្រភេទដែលផ្តល់សារធាតុប្រូតេអ៊ីនទៅក្នុងរាងកាយ ជំនួសឱ្យការហូបសាច់។
១. ស៊ុត ៖ ស៊ុតគឺជាប្រភពប្រូតេអ៊ីនម្យ៉ាង ដែលសម្បូរទៅដោយសារធាតុចិញ្ចឹម ហើយអាចញាំទទេក៏បាន ឬក៏បន្ថែមទៅក្នុងប្រភេទអាហារដែលទទួលទានប្រចាំថ្ងៃក៏បាន មិនថាម្ហូប ឬបង្អែម។ គួរជម្រាបជូនថា ស៊ុតមួយគ្រាប់មានប្រូតេអ៊ីន ប្រមាណប្រាំមួយក្រាម មានជាតិខ្លាញ់៥ក្រាម និងមានកាឡូរីចំនួន៧២។ បន្ថែមពីនោះ តួនាទីនៃស៊ុតមានឥទ្ធិពលអភិវឌ្ឍន៍សុខភាពខួរក្បាល និងការរំលាយអាហារផងដែរ ហើយក៏មានសារធាតុប្រឆាំងអុកស៊ីតកម្ម ដែលជួយដល់សុខភាពភ្នែក និងជួយការពារជំងឺភ្នែក។
២. សណ្តែកខ្មៅ ៖ សណ្តែកខ្មៅ គឺជាប្រូតេអ៊ីនពីរុក្ខជាតិ ហើយមានជាតិខ្លាញ់ទាបទៀតផង សណ្តែកប្រភេទនេះ ក៏មានតួនាទីជួយសម្រួលដល់សុខភាពបេះដូង ប្រព័ន្ធរំលាយអាហារ និងការគ្រប់គ្រងជាតិស្ករក្នុងឈាម ហើយមនុស្សពេញវ័យត្រូវការហូបជារៀងរាល់ថ្ងៃ ព្រោះអាចជួយគ្រប់គ្រងសម្ពាធឈាម និងគាំទ្រមុខងារសាច់ដុំ សរសៃប្រសាទ និងតម្រងនោមជាដើម។
៣. សណ្តែកសៀង ៖ សណ្តែកប្រភេទនេះ ស្រដៀងទៅនឹងសណ្តែកដទៃ ឬសណ្តែកដីដែរ វាមានប្រូតេអ៊ីន១៨ក្រាមពីរុក្ខជាតិ រួមទាំងមានជាតិខ្លាញ់ទាបដែរ! ហើយមនុស្សពេញវ័យត្រូវការទទួលទានរៀងរាល់ថ្ងៃ ក្រៅពីនោះមានសារៈសំខាន់ជាពិសេសអំឡុងពេលស្រ្តីមានផ្ទៃពោះ ព្រោះអាចជួយការពារការខូចប្រព័ន្ធសរសៃប្រសាទ។
ជារួម ក្រៅពីសាច់ គឺនៅមានអាហារដែលមានប្រូតេអ៊ីនជាច្រើនទៀតដើម្បីបំពេញតម្រូវការរាងកាយប្រចាំថ្ងៃ ហើយដើម្បីឱ្យទទួលទានបានក្នុងរយៈពេលវែង គឺអាស្រ័យលើភាពច្នៃប្រតិដ្ឋអាហារទាំងនោះទៅតាមចំណូលចិត្ត មិនថាកែទៅជាអាហារប្រចាំថ្ងៃ អាហារសម្រន់ ឬបង្អែមជាដើម៕
