ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
បុគ្គលិកក្រុមហ៊ុនជាច្រើនបានលើកឡើងថា ពួកគេមិនដែលរៀនមូលដ្ឋានគ្រឹះនៃការគ្រប់គ្រងលុយនោះទេ។ ភាគច្រើន នៅពេលដែលពួកគេត្រូវការសិក្សាអំពីរឿងនេះ គឺងាកទៅរកការណែនាំ ពីមិត្តភក្ដិ គ្រួសារ និងស្រាវជ្រាវតាមអ៊ីនធឺណិត ហើយទីបញ្ចប់ក៏ទទួលអារម្មណ៍ថា ខ្វះទំនុកចិត្តលើយោបល់ និងប្រភពទាំងនោះ ព្រោះមិនមានភាពច្បាស់លាស់ ហើយទោះបីជាពួកគេ អាចស្វែងរកបានព័ត៌មានល្អក៏ដោយ ក៏វាពិបាកក្នុងការកំណត់ថា ទិន្នន័យនេះ ពិតជាអាចប្រើក្នុងស្ថានភាពជាក់ស្ដែងរបស់ពួកគេពិតមែន ឬយ៉ាងណា?
តាំងពីដើមមក ក្រុមមនុស្សដែលមានទ្រព្យសម្បត្តិស្តុកស្តម្ភ និងអ្នកដែលរកប្រាក់ចំណូលបានខ្ពស់ តែងតែមានចំណេះដឹងអំពីការគ្រប់គ្រងហិរញ្ញវត្ថុផ្ទាល់ខ្លួន។ ប៉ុន្តែភាពជឿនលឿននៃបច្ចេកវិទ្យា និងគម្រូនៃការចែកចាយចំណេះដឹងប្រកបដោយភាពច្នៃប្រឌិត កំពុងបំបែកឧបសគ្គនេះ ដោយធ្វើឱ្យមនុស្សគ្រប់រូប ទទួលបានចំណេះដឹងនេះគ្រប់ៗគ្នា។ លើសពីនេះ វេទិកាសេដ្ឋកិច្ចពិភពលោក បានបញ្ជាក់ថា ការបញ្ចូលការអប់រំសុខុមាលភាពហិរញ្ញវត្ថុផ្ទាល់ខ្លួន ទៅក្នុងកន្លែងធ្វើការ ផ្ដល់សិទ្ធិអំណាចដល់និយោជិតក្នុងការស្វែងយល់អំពីការសម្រេចចិត្ត លើបញ្ហាប្រាក់ដោយទំនុកចិត្ត។
ការស្រាវជ្រាវពី PwC បង្ហាញថា ៥៦% នៃបុគ្គលិក និយាយថា ពួកគេតានតឹងផ្នែកហិរញ្ញវត្ថុ។ ភាពតានតឹងនេះមិនត្រឹមតែកើតនៅផ្ទះនោះទេ ប៉ុន្តែវាកើតឡើងនៅការិយាល័យ ដោយមនុស្សចាប់ផ្ដើមពិបាកផ្ដោតអារម្មណ៍ ធ្លាក់ចុះផលិតភាព និងការចងចាំចុះខ្សោយ។
នេះជាផ្នែកមួយ ដែលនិយោជក ស្ថិតនៅទីតាំងពិសេសដែលអាចជួយដោះស្រាយបញ្ហានេះ តាមរយៈការផ្ដល់ការអប់រំ និងការគាំទ្រផ្នែកហិរញ្ញវត្ថុ ប្រកបដោយការគិតគូរ។ និយោជកអាចផ្ដល់សិទ្ធិអំណាចដល់និយោជិតក្នុងការកសាងទំនុកចិត្ត អភិវឌ្ឍជំនាញសំខាន់ៗទាក់ទងនឹងហិរញ្ញវត្ថុ និងរួមចំណែកដល់ការពង្រឹងកម្លាំងធ្វើការងារ និងការផ្ដោតអារម្មណ៍កាន់តែខ្លាំង។
តាមរយៈការផ្ដល់ធនធាននេះ ដោយឥតគិតថ្លៃដល់និយោជិត និងការណែនាំនិយោជិត នូវធនធានដែលអាចទុកចិត្តបាន ព្រមទាំងបង្កើតពេលវេលា សម្រាប់បុគ្គលិករៀនសូត្រអំពីចំណេះដឹងហិរញ្ញវត្ថុ អាចជួយពួកគេឱ្យឆ្លងកាត់ឧបសគ្គធំៗទាក់ទងនឹងបញ្ហាហិរញ្ញវត្ថុបាន។
ជាងនេះទៅទៀតនិយោជក ដើរតួនាទីយ៉ាងសំខាន់ក្នុងការរៀបចំធនធានហិរញ្ញវត្ថុរបស់បុគ្គលិក ដោយផ្ដល់ឱ្យនិយោជិតនូវប្រាក់បៀវត្សរ៍សមស្រប និងអត្ថប្រយោជន៍ផ្សេង សម្រាប់បុគ្គលិក។ លើសពីនេះ និយោជក ក៏អាចក្លាយជាអ្នកផ្ដល់ចំណេះដឹងហិរញ្ញវត្ថុដ៏ល្អផងដែរ។ តាមរយៈការងារជាមួយនិយោជក យើងអាចមានអំណាច ដើម្បីគាំទ្រដល់បុគ្គល ដែលធ្វើការទាំងអស់ ដោយមានការជ្រោមជ្រែង ហើយឥទ្ធិពលគឺលើសពីការគ្រប់គ្រងលុយ ឬបំណុល វាជាការបង្កើតទំនុកចិត្ត ស្ថិរភាព និងការផ្ដល់អំណាច៕
