ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
រាល់ថ្ងៃដំណើរជីវិតរបស់មនុស្សម្នាក់ៗ ឆ្លងកាត់រឿងរ៉ាវច្រើន ដូចជាការសិក្សា ការធ្វើការ និងជីវិតផ្ទាល់ខ្លួន ហើយក្នុងដំណាក់កាលទាំងនេះ ប្រសិនបើមានបុគ្គលជួយប្រឹក្សាយោបល់ ផ្តល់មតិណែនាំ ពិភាក្សាលើកទឹកចិត្ត នោះការសម្រេចចិត្តធ្វើអ្វីមួយលគឺកាន់តែមានប្រសិទ្ធភាព។ មិត្តភក្ដិ ក្រុមគ្រួសារ លោកគ្រូអ្នកគ្រូ និងរៀមច្បងជាដើម សុទ្ធតែជាបុគ្គលដែលអាចជាអ្នកប្រឹក្សាយោបល់ (mentor) និងអាចជួយណែនាំផ្តល់កម្លាំងចិត្តយើងបាន។
លោកស្រី ស្ដើង ភារ៉ុង បច្ចុប្បន្នជាបុគ្គលិកកម្មវិធីនៃអង្គការតម្លាភាពកម្ពុជា បានរៀបរាប់ពីដំណើរជីវិតតស៊ូរបស់ខ្លួន ព្រមទាំងកម្លាំងចិត្តទទួលបានពីបុគ្គលសំខាន់ៗនៅជុំវិញខ្លួន។
“មានបុគ្គលសំខាន់ៗជាច្រើនដែលគាត់បានជួយជ្រោមជ្រែងនៅក្នុងដំណើរជីវិតខ្ញុំ ! អាចនិយាយបានថា មុននឹងឈានមកដល់ពេលនេះ គឺខ្ញុំមានអ្នកប្រឹក្សាយោបល់ និងជួយណែនាំជាច្រើនអ្នក”
លោកស្រី ស្ដើង ភារ៉ុង បានបន្តរៀបរាប់ពីបទពិសោធន៍ជាពិសេស នៅពេលដែលជីវិតរបស់លោកជួបការពិបាក និងជួបបញ្ហាពិបាកដោះស្រាយឬសម្រេចចិត្ត លោកស្រីតែងតែសុំយោបល់ពីអ្នកប្រឹក្សាយោបល់ (Mentor) របស់លោកស្រី។ លោកស្រីនិយាយទាំងស្នាមញញឹមថា ៖
“អ្នកប្រឹក្សាយោបល់ដំបូងរបស់ខ្ញុំឈ្មោះ Marica ខ្ញុំបានជួបគាត់នៅក្នុងកម្មវិធី Wedu Mentorship Program របស់អង្គការ Wedu Global។ ខ្ញុំតែងតែជជែកជាមួយគាត់តាមអនឡាញនិយាយអំពីផែនការជិវិត ក៏ដូចជាកង្វល់ បញ្ហា ហើយខ្ញុំតែងតែបានកម្លាំងចិត្តពីគាត់ ដែលធ្វើអោយខ្ញុំស្វែងរកដំណោះស្រាយដោយខ្លួនឯងដោយភាពជឿជាក់”
ទន្ទឹមគ្នានេះ លោកស្រី ភារ៉ុង បានជួបអ្នកប្រឹក្សាយោបល់ម្នាក់ទៀត ជាអតីតបុគ្គលិកបម្រើការនៅអង្គការ UN Women ប្រចាំប្រទេសកម្ពុជា គាត់ឈ្មោះ ខារ៉ា (Cara)។
“ខ្ញុំចាប់អារម្មណ៍ Cara ព្រោះឃើញថាគាត់ក្មេងហើយគាត់ពូកែ ! ខ្ញុំចង់ធ្វើដូចគាត់នៅថ្ងៃណាមួយ ហើយចង់ធ្វើការនៅស្ថាប័នអន្តរជាតិដូចគាត់អីចឹងដែរ។ ខ្ញុំក៏ចាប់ផ្ដើម ស្គាល់គាត់ ហើយខ្ញុំតែងតែសុំយោបល់ពីគាត់ជារើយៗ ហើយ Cara ដូចជាបងស្រីបង្កើតរបស់ខ្ញុំម្នាក់ចឹង ដូចគ្នាជាមួយនឹង Marica ដែរ”
លោកស្រី ស្ដើង ភារ៉ុង បានបញ្ជាក់ថា ការកំណត់ផែនការជីវិត និងគោលដៅជីវិតបានប្រសើរឡើងនៅពេលដែលលោកស្រីរកឃើញបុគ្គលគំរូ (Role model) ក៏ដូចជាមានអ្នកប្រឹក្សាយោបល់ (mentor)។ សម្រាប់លោកស្រី ស្ដើង ភារ៉ុង
“វាមិនអាក្រក់នោះទេនៅពេលយើងសុំមតិយោបល់ពីនរណាម្នាក់ដែលយើងទុកចិត្ត ! យើងគួរស្វែងរកបុគ្គលដែលជាគំរូរបស់ខ្លួនហើយព្យាយាមសិក្សាស្វែងយល់ពីគាត់ មានទំនាក់ទំនងល្អជាមួយគាត់ សុំគាត់ជាអ្នកផ្តល់ប្រឹក្សាយោបល់ ដើម្បីទទួលបានគំនិតថ្មីៗ ជួយដល់ផែនការជីវិតយើងអោយបានប្រសើរជាងមុន”
ជីវប្រវត្តិ: កញ្ញា សៅ សុធារ៉ា កំពុងសិក្សាផ្នែកប្រព័ន្ធផ្សព្វផ្សាយនិងសារគមនាគមន៍ នៅសាកលវិទ្យាល័យភូមិន្ទភ្នំពេញ។ កញ្ញាធ្លាប់ជាអ្នកសរសេរអត្ថបទជាភាសាខ្មែរ និងបកប្រែឲ្យស្ថាប័នឯកជនមួយកន្លែង។ បច្ចុប្បន្ន សុធារ៉ា ជាអ្នកយកការព័ត៌មានអប់រំឲ្យសារព័ត៌មាន AMS Education។
របាយការណ៍សំខាន់
ព័ត៌មានទូទៅ
កម្មវិធីផ្លាស់ប្តូរការសិក្សា «ផែនការនិស្សិតឆ្នើម ទៅសិក្សានៅបរទេសរាប់ពាន់នាក់» លើកទី៣ នឹងជួយផ្សព្វផ្សាយវប្បធម៌ ទេសចរណ៍ របស់កម្ពុជា តាមរយៈនិស្សិតចិន
បាក់ឌុបនាពេលអនាគត អាចតម្រូវឱ្យប្រឡងភាសាបរទេសជាមុខវិជ្ជាកាតព្វកិច្ច ខណៈអ្នកជំនាញគាំទ្រការលើកកម្ពស់ជំនាញភាសាសម្រាប់ទីផ្សារការងារ
អវត្តមានសិស្សខ្ពស់ និងលទ្ធផលប្រឡងទាប ៖ ក្រសួងអប់រំដាក់ផែនការកែទម្រង់វិទ្យាល័យទួលប្រាសាទសែនសុខជាបន្ទាន់
របត់ថ្មី! សិស្សជានារី រៀនជំនាញជួសជុលរថយន្តកាន់តែច្រើន ព្រោះឃើញឱកាសការងារ និងប្រាក់ចំណូលសមរម្យ
ស្ថាប័ន OECD ព្រមានពីសិស្សអវត្តមានច្រើនកំពុងក្លាយជាបញ្ហាប្រឈមធំក្នុងប្រព័ន្ធអប់រំសកល
គ្មានអ្វីយឺតពេលឡើយ! អ្នកសម្អាតជនជាតិចិនម្នាក់ ប្រឡងជាប់ថ្នាក់អនុបណ្ឌិត ក្រោយសិក្សាដោយខ្លួនឯង១ឆ្នាំ
អាហារូបករណ៍ពេញលេញ ពីសាកលវិទ្យាល័យ Deakin University អូស្ត្រាលី សម្រាប់ឆ្នាំ២០២៧
អ្នកជំនាញ ៖ កម្ពុជាចាប់ផ្ដើមស្គាល់ AI កាន់តែច្រើន ប៉ុន្តែកម្រិតប្រើប្រាស់នៅមិនទាន់ឈានដល់ដំណាក់កាលបម្លែងអាជីវកម្ម
មនុស្សពេញវ័យធ្វើការនៅកម្ពុជា នឹងកើនឡើងខ្លាំង នៅរយៈពេល១៧ឆ្នាំខាងមុខនេះ
អង្គការកុមារកម្ពុជារីករាយ វិនិយោគជាង ១៧,៣ លានដុល្លារ គាំទ្រសាលារៀន ១៨១កន្លែង លើកកម្ពស់គុណភាពអប់រំសម្រាប់កុមារក្រីក្រ និងងាយរងគ្រោះ
កម្មវិធីពិសេសរបស់ AMS EDUCATION
ព័ត៌មានសង្ខេប
