ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ភាពរីកចម្រើននៃបច្ចេកវិទ្យាបានធ្វើឱ្យមានការផ្លាស់ប្ដូរស្ទើរគ្រប់វិស័យ ក្នុងនោះស្វ័យប្រវត្តិកម្មវិស័យការងារ និងជំនួសការងារមួយចំនួន ដោយការងារថ្មីៗនឹងត្រូវបង្កើតឡើង។ ក្នុងន័យនេះ ការអប់រំស្ទែម (STEM Education) ពិតជាមានសារៈសំខាន់ណាស់ ព្រោះវាអាចជួយឱ្យសិស្សមាននូវជំនាញសំខាន់ៗសម្រាប់ទីផ្សារការងារថ្មីៗនេះ ដូចជា ជំនាញក្នុងការដោះស្រាយបញ្ហា ការត្រិះរិះពិចារណា ភាពច្នៃប្រឌិត ការគិតបែបឡូជីក(Logical Thinking) និងសមត្ថភាពក្នុងការវិភាគ។ បើតាមមជ្ឈមណ្ឌលកម្ពុជា៤.០ ការអប់រំស្ទែម ពិតជាមានសារៈសំខាន់ណាស់ ក្នុងការជួយជំរុញសិស្សានុសិស្សអាចចាប់យកជំនាញបច្ចេកវិទ្យា។
ទី១. ជួយឱ្យសិស្សមានភាពរីករាយក្នុងការសិក្សា ៖ យោងតាមគេហទំព័រ Classful មូលហេតុចម្បងដែលធ្វើឱ្យសិស្ស និងនិស្សិតមានភាពធុញទ្រាន់ក្នុងការរៀនសូត្រ គឺកង្វះសកម្មភាពក្នុងថ្នាក់។ ខណៈដែលកម្មវិធីសិក្សាតាមបែបប្រពៃណីផ្ដោតលើការសិក្សាតាមសៀវភៅ កម្មវិធីសិក្សាស្ទែមបានដើរតួនាទីយ៉ាងសំខាន់ក្នុងការជួយឱ្យសិស្ស និងនិស្សិតមានភាពសប្បាយរីករាយក្នុងការសិក្សា ព្រោះកម្មវិធីសិក្សានេះផ្តោតលើការអនុវត្តផ្ទាល់ ជាជាងការចំណាំមេរៀន។ ឧទាហរណ៍៖ នៅក្នុងថ្នាក់រៀនស្ទែមសិស្ស និងនិស្សិតត្រូវធ្វើការពិសោធន៍ផ្ទាល់ក្នុងមន្ទីរពិសោធន៍ និងធ្វើការជាក្រុម ដើម្បីបង្កើតដំណោះស្រាយបច្ចេកវិទ្យាចំពោះបញ្ហាប្រឈមនានា និងបង្កើតផលិតផលវិស្វកម្មជាដើម។
ទី២. បង្កើនសមត្ថភាពធ្វើការងារជាក្រុម៖ កម្មវិធីសិក្សាស្ទែមផ្ដោតលើការធ្វើការងារជាក្រុម ដើម្បីអាចឱ្យសិស្សមានសមត្ថភាពក្នុងការទំនាក់ទំនង និងដោះស្រាយបញ្ហា តាមរយៈការធ្វើការរួមគ្នាក្នុងគម្រោងនានា ដូចជា ការបង្កើតមនុស្សយន្តសម្រាប់ជាជំនួយដល់ជនពិការ។ សិស្ស និងនិស្សិតត្រូវមានសមត្ថភាពក្នុងការទំនាក់ទំនងជាមួយសមាជិកក្រុមដទៃ ព្រមទាំងចេះប្រើប្រាស់នូវចំណេះដឹង និងជំនាញដែលពួកគេទទួលបានពីការរៀនមុខវិជ្ជាវិទ្យាសាស្ត្រ បច្ចេកវិទ្យាវិស្វកម្ម និងគណិតវិទ្យា ដើម្បីបង្កើតជាមនុស្សយន្តសម្រាប់ជាដំណោះស្រាយចំពោះបញ្ហាប្រឈមនានារបស់ជនពិការ។ ក្នុងន័យនេះ ការអប់រំស្ទែមមិនត្រឹមតែអាចជួយឱ្យសិស្ស និងនិស្សិតមានសមត្ថភាពក្នុងការធ្វើការងារជាក្រុមប៉ុណ្ណោះទេ ថែមទាំងអាចដឹងពីអត្ថប្រយោជន៍នៃការប្រើប្រាស់ជំនាញស្ទែមក្នុងជីវិតពិតជាក់ស្តែងផងដែរ។
ទី៣. ពង្រឹងការគិតត្រិះរិះពិចារណា៖ ការអប់រំស្ទែមបានដើរតួនាទីយ៉ាងសំខាន់ក្នុងការជួយពង្រឹងការគិតត្រិះរិះពិចារណាដល់សិស្ស និងនិស្សិត។ ជាក់ស្ដែង ការសិក្សាមុខវិជ្ជាគណិតវិទ្យាទាមទារឱ្យសិស្ស និងនិស្សិតមានភាពច្នៃប្រឌិត និងការគិតបែបឡូជីក (Logical Thinking) ដើម្បីអាចបង្កើតដំណោះស្រាយសមស្របចំពោះចំណោទបញ្ហានានា ដែលធ្វើឱ្យពួកគេមានការគិតត្រិះរិះពិចារណា។ លើសពីនេះ ការគិតត្រិះរិះពិចារណានឹងអាចជួយឱ្យពួកគេធ្វើការសម្រេចចិត្តលើបញ្ហានានាក្នុងជីវិតបានយ៉ាងត្រឹមត្រូវ ព្រមទាំងអាចជួយឱ្យពួកគេបង្កើតដំណោះស្រាយចំពោះបញ្ហាប្រឈមនានាក្នុងសង្គមបានយ៉ាងមានប្រសិទ្ធភាព។
ទី៤. ជួយបង្កើនឱកាសការងារ៖ នៅក្នុងបដិវត្តន៍ឧស្សាហកម្ម ៤.០ នេះ បច្ចេកវិទ្យាបានធ្វើឱ្យមានការផ្លាស់ប្តូរលើវិស័យការងារយ៉ាងខ្លាំងដោយគិតត្រឹមឆ្នាំ ២០២៥ ការងារចំនួនប្រមាណ ៨៥លាននឹងត្រូវជំនួសដោយស្វ័យប្រវត្តិកម្ម ហើយការងារចំនួនប្រមាណ ៩៧លាន នឹងត្រូវបង្កើតឡើង ដោយការងារក្នុងវិស័យស្ទែមកំពុងមានតម្រូវការខ្លាំងជាងគេ នេះបើយោងតាមវេទិកាសេដ្ឋកិច្ចពិភពលោក (World Economic Forum)។ ទន្ទឹមគ្នានេះ បើយោងតាមគេហទំព័រ CNBC តម្រូវការបុគ្គលិកដែលមានជំនាញស្ទែមកំពុងមានតម្រូវការខ្លាំងដែលក្នុងនោះ គិតចាប់ពីឆ្នាំ ២០២០ ដល់ ឆ្នាំ ២០៣០ តម្រូវការបុគ្គលិកមានជំនាញវិភាគសន្តិសុខព័ត៌មាននឹងកើនឡើងប្រមាណ ៣៣%, វិទ្យាសាស្ត្រទិន្នន័យ និងគណិតវិទ្យានឹងកើនឡើងប្រមាណ ៣១% និងអ្នកវិទ្យាសាស្ត្រកុំព្យូទ័រនឹងកើនឡើងប្រមាណ ២២%។
ទី៥. ជួយឱ្យសិស្សទទួលបានប្រាក់ខែខ្ពស់៖ ទន្ទឹមនឹងឱកាសការងារ ការអប់រំស្ទែមក៏បានដើរតួនាទីយ៉ាងសំខាន់ក្នុងការជួយឱ្យសិស្ស និងនិស្សិតទទួលបានប្រាក់ខែខ្ពស់នៅក្នុងអាជីពការងារនាថ្ងៃអនាគត។ យោងតាមការសិក្សាស្រាវជ្រាវរបស់ការិយាល័យស្ថិតិការងារ (Bureau of Labor Statistics)នៅឆ្នាំ ២០២១ អ្នកជំនាញក្នុងវិស័យស្ទែមនៅសហរដ្ឋអាមេរិកទទួលបានប្រាក់ខែជាមធ្យមប្រមាណ ១សែនដុល្លារអាមេរិកក្នុងមួយឆ្នាំ បើធៀបនឹងអ្នកជំនាញក្នុងវិស័យផ្សេងទៀតដែលទទួលបានប្រាក់ខែជាមធ្យមត្រឹមប្រមាណជាង ៥ម៉ឺនដុល្លារអាម៉េរិក។
គួរជម្រាបជូនថា ការអប់រំស្ទែមមិនត្រឹមតែផ្តល់ជំនាញរឹងលើផ្នែកវិទ្យាសាស្ត្របច្ចេកវិទ្យា វិស្វកម្ម និងគណិតវិទ្យាប៉ុណ្ណោះទេ ថែមទាំងផ្តល់នូវជំនាញទន់ និងសមត្ថភាពយល់ដឹង (Cognitive Ability) ដូចជា ជំនាញក្នុងការដោះស្រាយបញ្ហាការត្រិះរិះពិចារណា ភាពច្នៃប្រឌិត ការគិតបែបឡូជីក (Logical Thinking)និងសមត្ថភាពក្នុងការវិភាគជាដើម។ ដូច្នេះ ការអប់រំស្ទែមពិតជាមានសារៈសំខាន់ណាស់ក្នុងការកសាងធនធានមនុស្សដែលមិនងាយនឹងជំនួសដោយបច្ចេកវិទ្យាបាន ព្រមទាំងអាចជួយពង្រឹងជំនាញដែលសមស្របសម្រាប់ទីផ្សារការងារ ដែលអាចជួយឱ្យពួកគេមានឱកាសការងារច្រើន៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
វិទ្យាស្ថានពហុបច្ចេកទេសកម្ពុជា ផ្តល់អាហារូបករណ៍ ១០០% និង ៥០% សម្រាប់សិស្សបាក់ឌុបជាប់និទ្ទេស A និង B
ព័ត៌មានអាហារូបករណ៍, ព្រឹត្តិការណ៍
• 17/08/2026
ជាការផ្តល់ឱកាសដល់សិស្សានុសិស្សដែលប្រឡងបញ្ចប់ថ្នាក់ទី១២ ទទួលបាននិទ្ទេសល្អ, វិទ្យាស្ថានជាតិពហុបច្ចេកទេសកម្ពុជា (NPIC) នឹងផ្តល់អាហារូបករណ៍ ១០០% សម្រាប់សិស្សនិទ្ទេស A
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតចំនួន៥០០កន្លែងពីកម្មវិធីអាហារូបករណ៍ ANSO ប្រទេសចិន
ព័ត៌មានអាហារូបករណ៍, ព្រឹត្តិការណ៍
• 07/02/2024
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ ANSO ចំនួន៥០០កន្លែងសិក្សានៅសាកលវិទ្យាល្បីៗក្នុងប្រទេសចិនឆ្នាំសិក្សា២០២៤។...
សាលារៀនសុវណ្ណភូមិផ្ដល់ជូនអាហារូបករណ៍១០០% ជូនដល់កូនៗរបស់យុទ្ធជនពលីជីវិតដើម្បីបុព្វហេតុការពារជាតិ
ព័ត៌មានអាហារូបករណ៍, ព្រឹត្តិការណ៍
• 31/07/2025
ដើម្បីចូលរួមចំណែកជាមួយរាជរដ្ឋាភិបាលកម្ពុជា និងដើម្បីសម្រាលបន្ទុកហិរញ្ញវត្ថុក្នុងគ្រួសារយុទ្ធជនពលីក្នុងបុព្វហេតុការពារជាតិ សាលារៀនសុវណ្ណភូមិ ប្រកាសផ្ដល់អាហារូបករណ៍១០០% រហូតដល់ចប់ថ្នាក់ទី១២...
ក្រសួងអប់រំផ្តល់អាហារូបករណ៍ថ្នាក់បណ្ឌិត ទៅសិក្សានៅសាកលវិទ្យាល័យមហាសារ៉ាខាម ប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 24/04/2024
ក្រសួងអប់រំ យុវជន និងកីឡា បានឱ្យដឹងថា សម្រាប់ឆ្នាំ២០២៤ សាកលវិទ្យាល័យមហាសារ៉ាខាម នៃព្រះរាជាណាចក្រថៃ នឹងផ្តល់អាហារូបករណ៍ចំនួន ០១កន្លែង ដល់និស្សិតកម្ពុជា ដើម្បីបន្តការសិក្សាថ្នាក់បណ្ឌិត...
ឱកាសអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Dayton ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 16/08/2023
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Dayton ពីកម្មវិធីអាហារូបករណ៍ Dayton Merit Scholarship 2024។ អាហារូបករណ៍ផ្ដល់ជូនដល់និស្សិតបរទេសសិក្សា...
ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ HTW Berlin University ប្រទេសអាល្លឺម៉ង់
ព័ត៌មានអាហារូបករណ៍, ព្រឹត្តិការណ៍
• 17/02/2026
ឱកាសទទួលបានអាហារូបករណ៍ថ្នាក់បរិញ្ញាបត្រជាន់ខ្ពស់ ទៅសិក្សានៅសាកលវិទ្យាល័យ HTW Berlin ពីកម្មវិធីអាហារូបករណ៍ DAAD MIDE Scholarship 2026 ប្រទេសអាល្លឺមង់។ ជំនាញដែលអាហារូបករណ៍ផ្ដល់ឱ្យសិក្សា...
អាហារូបករណ៍ភាសាអង់គ្លេស សម្រាប់បុគ្គលិកអប់រំ ពីមជ្ឈមណ្ឌលស៊ីមេអូ សិក្សានៅប្រទេសសិង្ហបុរី
ព័ត៌មានអាហារូបករណ៍, ព្រឹត្តិការណ៍
• 11/06/2026
ក្រសួងអប់រំ យុវជន និងកីឡា បានប្រកាសថា មជ្ឈមណ្ឌលស៊ីមេអូ RELC ដែលមានទីតាំងនៅប្រទេសសិង្ហបុរី បានផ្តល់អាហារូបករណ៍ដល់បុគ្គលិកអប់រំ និងគ្រូបង្រៀនឯកទេសភាសាអង់គ្លេស ចំនួន ១៤កន្លែង
អាហារូបករណ៍ថ្នាក់បរិញ្ញាបត្រពីកម្មវិធី អាហារូបករណ៍ស្ថាបនា ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 10/10/2025
ឱកាសទទួលបានអាហារូបករណ៍១០០% សិក្សាថ្នាក់បរិញ្ញាបត្ររយៈពេល៤ឆ្នាំពីកម្មវិធីអាហារូបករណ៍ស្ថាបនា ឆ្នាំសិក្សា២០២៦។ អាហារូបករណ៍ផ្ដល់ជូនសម្រាប់សិស្សានុសិស្សដែលទើបបញ្ចប់ថ្នាក់មធ្យមសិក្សាទុតិយភូមិឆ្នាំ២០២៥។
កម្មវិធីពិសេសរបស់ AMS EDUCATION
ព័ត៌មានសង្ខេប
