ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ជំនាញអប់រំកុមារមិនមែនសម្រាប់តែគ្រូមត្តេយ្យសិក្សា ឬគ្រូបឋមសិក្សានោះទេ តែជំនាញមួយនេះចាំបាច់ដែលឪពុកម្តាយនិងអាណាព្យាបាលគួរចេះ ដើម្បីជួយកុមារឱ្យមានភាពវៃឆ្លាត និងក្លាយជាមនុស្សល្អនៅក្នុងសង្គម។ អ្នកស្រី សរ ម៉ុន្ថា នាយិកាសាលាអប់រំកុមារតូច ស៊ីជីដាកម្ពុជា មានប្រសាសន៍ថា ការអប់រំកុមារនៅប្រទេសជឿនលឿន ម្តាយឪពុកបានអប់រំកូនតាំងតែពីនៅក្នុងផ្ទៃ ហើយការអប់រំកុមារនេះចាប់ផ្តើមពីមនុស្សគ្រប់រូប។
អ្នកជំនាញផ្នែកអប់រំកុមាររូបនេះ បានបញ្ជាក់ថា ដំណាក់កាលអប់រំកូនបានល្អនិងមានប្រសិទ្ធភាពបំផុតចាប់តាំងពីនៅក្នុងផ្ទៃម្តាយរហូតដល់អាយុបីឆ្នាំ។ ម្តាយឪពុក ឬអាណាព្យាបាល គួរតាមដានការលូតលាស់របស់កុមារ ពិសេសការលូតលាស់ខួរក្បាល និងអត្តចរិត។
“កូនអាចរៀនពីម្តាយឪពុក ដូច្នេះម្តាយឪពុកគួរដឹងពេលកូនអាយុពីសូន្យទៅបីឆ្នាំ ។ កុមាននៅអាយុហ្នឹង គាត់រីករាយក្នុងការអាននិងការរៀនសូត្រ ហើយក៏មានចំណាប់អារម្មណ៍អានសៀវភៅខ្លាំងដែរ…”
អ្នកស្រី សរ ម៉ុន្ថា នាយិកាសាលាអប់រំកុមារតូច ស៊ីជីដាកម្ពុជា
ដើម្បីសិក្សាជំនាញអប់រំកុមារបានប្រសើរ អ្នកស្រី សរ ម៉ុន្ថា បានឱ្យដឹងថា បុគ្គលត្រូវតែមានលក្ខណៈសម្បត្តិមួយចំនួន ដូចជា មនុស្សពូកែនិយាយស្តីល្អ មានឥរិយាបថល្អ មានការគិតវិជ្ជមាន និងមានអត្តចរឹករុសរាយរាក់ទាក់ ។ ជំនាញអប់រំកុមារតូច អាចសិក្សានៅគរុកោសល្យមត្តេយ្យសិក្សា និងនៅតាមស្ថាប័នឯកជនមួយចំនួន ។
អ្នកស្រី សរ ម៉ុន្ថា បានបញ្ជាក់ចំណុចនេះថា ៖
“គ្រូគឺគម្រូ ពេលជ្រើសរើសយើងមើលទៅលើភាពជាអ្នកដឹកនាំរបស់គាត់! យើងមើលទៅលើការនិយាយស្តី ទាំងឥរិយាបថ អ្វីដែលសំខាន់ គឺអាកប្បកិរិយា ឥរិយាបថ ហ្នឹងហើយ រាប់តាំងពីការរៀបចំខ្លួន ការស្លៀកពាក់ ជាពិសេសគឺការទំនាក់ទំនងជាមួយក្មេង…”
សម្រាប់ជំនាញអប់រំកុមារតូចនេះ បើនិយាយពីទីផ្សារការងារវិញ អ្នកស្រី សរ ម៉ុន្ថា មើលឃើញថា ប្រសិនបើចេះជំនាញនេះ គឺអាចទៅបម្រើការងារនៅក្នុងវិស័យឯកជន ឬសាលារៀនឯកជននានា ។ បើការងាររដ្ឋវិញ កំពុងត្រូវការធនធានមនុស្សផ្នែកនេះជាច្រើន។
ត្រឡប់មកនិយាយអំពីការអប់រំកុមារតូចរបស់ឪពុកម្តាយវិញ អ្នកស្រី សរ ម៉ុន្ថា យល់ថា ម្តាយឪពុកគ្រប់រូបគួរគិតនៅក្នុងចិត្តថា សកម្មភាពចិញ្ចឹមកូនប្រៀបដូចជាការបណ្តុះភាពជាអ្នកដឹកនាំដ៏ល្អម្នាក់នៅថ្ងៃអនាគត រាល់សកម្មភាពដែលម្តាយឪពុកគិត រាល់សកម្មភាពឆ្លើយតបជាមួយកូន ត្រូវបា្រកដថា សកម្មភាពទាំងនោះពោរពេញដោយក្តីស្រឡាញ់ពិតប្រាកដ ៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
ឱកាសអាហារូបករណ៍ថ្នាក់ Master នៅកាណាដា
ព័ត៌មានអាហារូបករណ៍, ព្រឹត្តិការណ៍
• 20/06/2025
កម្មវិធីអាហារូបករណ៍ McCall MacBain Scholarships 2026 កំពុងស្វែងរកបេក្ខជនដែលមានសក្តានុពល ដើម្បីមកបន្តការសិក្សាថ្នាក់ Master នៅតាមសាកលវិទ្យាល័យនានា ក្នុងប្រទេសកាណាដា។
កម្មវិធីផ្លាស់ប្តូរវប្បធម៌ Autumn Korean Culture Camp 2024 នៅប្រទេសកូរ៉េខាងត្បូង
ព័ត៌មានអាហារូបករណ៍, ព្រឹត្តិការណ៍
• 26/07/2024
ជាឱកាសសម្រាប់សិស្សានុសិស្សក្នុងការសិក្សាស្វែងយល់អំពីវប្បធម៌ដ៏សម្បូរបែប និងទទួលយកបទពិសោធថ្មីៗនៅក្នុងប្រទេសកូរ៉េខាងត្បូងរយៈពេល ៦ ថ្ងៃ គឺចាប់ពីថ្ងៃទី១៧-២២ ខែវិច្ឆិកា ឆ្នាំ២០២៤...
អាហារូបករណ៍សិក្សាជំនាញផលិតភាពយន្តឯកសារ និងពហុប្រព័ន្ធផ្សព្វផ្សាយ ពីមជ្ឈមណ្ឌលបុប្ផាណា
ព័ត៌មានអាហារូបករណ៍, ព្រឹត្តិការណ៍
• 28/05/2025
មជ្ឈមណ្ឌលធនធានសោតទស្សន៍បុប្ផាណា ប្រកាសជ្រើសរើសសិស្សដែលចង់សិក្សាជំនាញផលិតភាពយន្ត និងពហុប្រព័ន្ធផ្សព្វផ្សាយ ក្នុងវគ្គបណ្ដុះបណ្ដាលផ្នែកផលិតភាពយន្តឯកសារ និងពហុប្រព័ន្ធផ្សព្វផ្សាយក្រោមការឧបត្ថម្ភពីមូនិធិហេនរីលូស៍...
វិទ្យាស្ថានពហុបច្ចេកទេសខេត្តពោធិ៍សាត់ ផ្តល់ការសិក្សាជំនាញឥតគិតថ្លៃ ចំនួន៣០០កន្លែង
ព័ត៌មានអាហារូបករណ៍, ព្រឹត្តិការណ៍
• 09/09/2024
វិទ្យាស្ថានពហុបច្ចេកទេសខេត្តពោធិ៍សាត់ ប្រកាសជ្រើសរើសយុវជន យុវនារី ដែលមកពីគ្រួសារក្រីក្រ និងគ្រួសារងាយរងហានិភ័យឱ្យចូលរៀនជំនាញវិជ្ជាជីវៈ និងបច្ចេកទេស កម្រិតសញ្ញាបត្របច្ចេកទេស និងវិជ្ជាជីវៈ១ (C1) ចំនួន៣០០កន្លែងដោយឥតគិតថ្លៃ។
អាហារូបករណ៍ថ្នាក់បរិញ្ញាបត្រនៅសាកលវិទ្យាល័យឌីជីថលកម្ពុជាចំនួន៣០០នាក់ពី ស.ស.យ.ក រាជធានីភ្នំពេញ
ព័ត៌មានអាហារូបករណ៍, ព្រឹត្តិការណ៍
• 11/01/2024
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យឌីជីថលកម្ពុជាចំនួន៣០០កន្លែង ពីសហភាពសហព័ន្ធយុវជនកម្ពុជារាជធានីភ្នំពេញសម្រាប់ឆ្នាំសិក្សា២០២៣-២០២៤។...
អាហារូបករណ៍ថ្នាក់ភាសា នៅប្រទេសចិន សម្រាប់ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 02/05/2023
សមាគមនិស្សិតកម្ពុជាប្រចាំសាធារណរដ្ឋប្រជាមានិតកម្ពុជា បានប្រកាសអំពីអាហារូបករណ៍ថ្នាក់ភាសា សិក្សានៅប្រទេសចិន រយៈពេល១ឆ្នាំ។...
វិទ្យាស្ថានបច្ចេកទេស JVC ជ្រើសរើសយុវជនចូលរៀនជំនាញជួសជុលរថយន្ត ឥតគិតថ្លៃចំនួន៣០០កន្លែង
ព័ត៌មានអាហារូបករណ៍, ព្រឹត្តិការណ៍
• 29/04/2024
វិទ្យាស្ថានបច្ចេកទេស ហ៊ី វ៉េ សេ (JVC) បានប្រកាសជ្រើសរើសយុវជនទាំងពីរភេទឱ្យចូលរៀនជំនាញបច្ចេកទេស និងវិជ្ជាជីវៈ១ ជំហានទី២ ដោយឥតគិតថ្លៃចំនួន៣០០កន្លែង។
វិទ្យាស្ថានពហុបច្ចេកទេសខេត្តកំពង់ធំ ជ្រើសរើសយុវជនឱ្យចូលរៀនជំនាញបច្ចេកទេស ដោយឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 13/03/2025
វិទ្យាស្ថានពហុបច្ចេកទេសខេត្តកំពង់ធំ ប្រកាសជ្រើសរើសយុវជនដែលមកពីគ្រួសារមានបណ្ណក្រីក្រ១ និងទី២ និងគ្រួសារងាយរងហានិភ័យ ឱ្យចូលសិក្សាជំនាញបច្ចេកទេស និងវិជ្ជាជីវៈ ដោយឥតបង់ថ្លៃ។
កម្មវិធីពិសេសរបស់ AMS EDUCATION
ព័ត៌មានសង្ខេប
