ឱកាសសិក្សាថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់នៅសាកលវិទ្យាល័យមួយចំនួនក្នុងប្រទេសវៀតណាម ឬសាកលវិទ្យាល័យជាដៃគូផ្សេងទៀត ។ បេក្ខជនក៏អាចមានឱកាសទៅបន្តការសិក្សាវគ្គខ្លីនៅក្រៅប្រទេសជាដៃគូជាច្រើនប្រទេសផងដែរ ។

ជំនាញដែលអាហារូបករណ៍ផ្ដល់ជូនឱ្យសិក្សារួមមាន បរិញ្ញាបត្រវិទ្យាសាស្រ្តបរិស្ថាន និងការគ្រប់គ្រង, បរិញ្ញាបត្របច្ចេកវិទ្យាអាហារ, បរិញ្ញាបត្រផ្នែកសេដ្ឋកិច្ចកសិកម្ម, បរិញ្ញាបត្រគ្រប់គ្រងទេសចរណ៍អន្តរជាតិ ។ សម្រាប់ថ្នាក់បរិញ្ញាបត្រជាន់ខ្ពស់មាន បរិញ្ញាបត្រជាន់ខ្ពស់វិទ្យាសាស្ត្របរិស្ថាន និងបរិញ្ញាបត្រជាន់ខ្ពស់ជិវបច្ចេកវិទ្យា ។ និស្សិតទាំងអស់នឹងមានឱកាសទទួលបានបទពិសោធន៍មួយ ឬពីរឆមាសទៅសិក្សាស្រាវជ្រាវនៅសាកលវិទ្យាល័យដៃគូនៅប្រទេសជាច្រើនដូចជា កាណាដា អូស្រ្តាលី អាល្លឺម៉ង់ បារាំង កូរ៉េ ជប៉ុន ថៃ តៃវ៉ាន់ ឥណ្ឌូនេស៊ី និងបណ្តាប្រទេសអាស៊ីផ្សេងៗទៀត ។

លក្ខខណ្ឌដែលបេក្ខជនអាចស្នើពាក្យអាហារូបករណ៍បាន មិនមែនជាពលរដ្ឋ ឬសញ្ជាតិវៀតណាម, មានជំនាញភាសាអង់គ្លេសខ្ពស់, មានស្មារតី និងការតាំងចិត្តខ្ពស់ក្នុងការសិក្សាអាហារូបករណ៍, មានសញ្ញាបត្រតេស្តភាសាអង់គ្លេស IELTS ៥,៥ ឡើងទៅ ឬសញ្ញាបត្រភាសាអង់គ្លេសដែលមានតម្លៃស្មើ ។ សម្រាប់ថ្នាក់បរិញ្ញាបត្រត្រូវមានសញ្ញាបត្រមធ្យមសិក្សាទុតិយភូមិ មានអាយុតិចជាង៣០ឆ្នាំ (គិតត្រឹមថ្ងៃទី២៨ ខែកុម្ភៈ ឆ្នាំ២០២៣) ។ សម្រាប់ថ្នាក់បរិញ្ញាបត្រជាន់ខ្ពស់ត្រូវមានសញ្ញាបត្របរិញ្ញាបត្រ និងមានអាយុតិចជាង៤០ឆ្នាំ (គិតត្រឹមថ្ងៃទី២៨ ខែកុម្ភៈ ឆ្នាំ២០២៣) ។

លើសពីនេះ ឯកសារចាំបាច់បន្ថែមដែលបេក្ខជនត្រូវមានដូចជា សញ្ញាបត្រមធ្យមសិក្សាទុតិយភូមិច្បាប់ចម្លង (សញ្ញាបត្រសាកលវិទ្យាល័យច្បាប់ចម្លងសម្រាប់និស្សិតអនុបណ្ឌិត) ប្រតិចារិកវិទ្យាល័យ (ប្រតិចារឹកសាកលវិទ្យាល័យសម្រាប់និស្សិតអនុបណ្ឌិត) ប្រវត្តិរូបសង្ខេប (មានរូបថត) លិខិតបញ្ជាក់មិនមានទោស លិខិតពិនិត្យសុខភាព (មេរោគអេដស៍ ជំងឺរលាកថ្លើមប្រភេទ B ការធ្វើតេស្តឈាមជំងឺរបេង SARS-COV-2) ។ លើសពីនេះ វិញ្ញាបនបត្របញ្ជាក់ភាសាអង់គ្លេស ប្រតិចារិក សំបុត្រកំណើត លិខិតអនុសាសន៍ លិខិតលើកទឹកចិត្ត និង លិខិតឆ្លងដែន ។

សម្រាប់ចម្ងល់ផ្សេងៗអាចទាក់ទងទៅកាន់Email: missions@tuaf.edu.vn ។ សម្រាប់ព័ត៌មានលម្អិតអាចចូលទៅកាន់តំណភ្ជាប់ http://aep.tuaf.edu.vn/en/admission/21-tuaf-scholarship-for-the-2022-2023-cohort-available?fbclid=IwAR2Kx_qTRfDQs_MnyN4b7IhPOZEG8wkUjvpp92PzHy_jtcCwRvnIkuDKjBs ។

ចាប់បើកទទួលពាក្យពីថ្ងៃផ្សាយដំណឹងរហូតដល់ថ្ងៃទី០១ ខែធ្នូ ឆ្នាំ២០២៣ ៕