សាកលវិទ្យាល័យភូមិភ្នំពេញ ប្រកាសជ្រើសរើស សិស្ស និស្សិត ឱ្យ​ចូលសិក្សាវគ្គបណ្ដុះបណ្ដាល «ស្ត្រីក្នុងបរិបទឌីជីថល និងសហគ្រិនភាព» សម្រាប់និស្សិតនារី។ កម្មវិធីបណ្ដុះបណ្ដាលត្រូវបានរៀបចំដោយសាកលវិទ្យាល័យភូមិន្ទភ្នំពេញ សហការជាមួយ និងសាកលវិទ្យាល័យ Sookmyung Women’s University (SMWU) នៃសាធារណរដ្ឋកូរ៉េ។

វគ្គបណ្ដុះបណ្ដាល នឹងចាប់ផ្ដើមពីថ្ងៃទី១៧ ដល់ថ្ងៃទី២៨ ខែកក្កដា ឆ្នាំ២០២៥ តាមរយៈកម្មវិធី Zoom និងក្នុងថ្នាក់ផ្ទាល់នៅសាកលវិទ្យាល័យភូមិន្ទភ្នំពេញ។ វគ្គបណ្ដុះបណ្ដាល ជ្រើសរើសសិស្សចំនួន៤០នាក់ និងចែកចេញជា២ថ្នាក់ ដោយ២០នាក់សម្រាប់និស្សិតចូលរួមថ្នាក់បច្ចេកវិទ្យាឌីជីថល និង២០នាក់សម្រាប់ថ្នាក់សហគ្រិនភាព។

អត្ថប្រយោជន៍ នៃកម្មវិធីបណ្ដុះបណ្ដាលដែលនិស្សិតទទួលបានរួមមាន ៖ ចំណេះដឹងបន្ថែមលើជំនាញភាពជាអ្នកដឹកនាំ សហគ្រិនភាព និងបច្ចេកវិទ្យាឌីជីថល អាចបង្កើនភាពស្និទ្ធស្នាលជាមួយសាស្រ្តាចារ្យរបស់ SMWU និងអ្នកចូលរួមដទៃ, បង្កើនភាពក្លាហាន និងសមត្ថភាពភាសាបរទេស, ទទួលបានវត្ថុអនុស្សាវរីយ៍ និងវិញ្ញាបនបត្របញ្ជាក់ពីការចូលរួម ពីសាកលវិទ្យាល័យ SMWU។ សម្រាប់ក្រុមនិស្សិតដែលទទួលបានជោគជ័យនៅក្នុងវគ្គបទបង្ហាញនៅថ្ងៃចុងក្រោយ នៃកម្មវិធី​ នឹងជាប់ឈ្មោះចូលរួមកម្មវិធីបន្ទាប់នៅសាធារណៈរដ្ឋកូរ៉េ​ ក្នុងខែវិច្ឆិកា​ ឆ្នាំ២០២៥។

លក្ខខណ្ឌនៃបេក្ខជន ៖ ជានិស្សិតនារីដែលកំពុងសិក្សាឆ្នាំទី២ និងទី៣ គ្រប់មហាវិទ្យាល័យ និងវិទ្យាស្ថាន នៃសាកលវិទ្យាល័យភូមិន្ទភ្នំពេញ, មានចំណេះដឹងភាសាអង់គ្លេសដែលអាចយកជាការបាន ទាំងការនិយាយ និងសំណេរ មានចំណាប់អារម្មណ៍ទទួលយក និងចែករំលែកចំណេះដឹងដល់និស្សិតដែលចូលរួមផ្សេងទៀត។ លើសពីនេះ បេក្ខជនត្រូវមានកុំព្យូទ័រយួរដៃផ្ទាល់ខ្លួន ដែលមានកម្មវិធី Zoom សម្រាប់ប្រើប្រាស់ដើម្បីសិក្សា មានទំនួលខុសត្រូវខ្ពស់ ដោយតម្រូវឱ្យនិស្សិតចូលរួមសិក្សាលើកិច្ចការតាមកាលវិភាគដែលបានកំណត់ និងមានចំណាប់អារម្មណ៍ចង់សិក្សាលើ Python Programming Language។

សម្រាប់បេក្ខជន ដែលមានចំណាប់អារម្មណ៍ អាចចុះឈ្មោះតាមរយៈ តំណភ្ជាប់នេះ ចាប់ពីថ្ងៃផ្សាយដំណឹងរហូតដល់ថ្ងៃទី២២ ខែមិថុនា ឆ្នាំ២០២៥។សម្រាប់ព័ត៌មានបន្ថែមអាចទៅកាន់ការិយាល័យទំនាក់ទំនងអន្តរជាតិ(បន្ទប់២១៩A) ឬអាចទំនាក់ទំនងទៅកាន់ https://t.me/iro_rupp ៕