ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ ក្នុងជំនាញ Agromrteorology ឬ Hydrometerology នៅសាកលវិទ្យាល័យវិទ្យាសាស្ត្រព័ត៌មាន និងបច្ចេកវិទ្យាណាជីងសម្រាប់ឆ្នាំសិក្សា២០២៥-២០២៧។ បេក្ខភាពអាហារូបករណ៍នឹងតម្រូវឱ្យធ្វើកម្មសិក្សាជាមួយក្រសួងកសិកម្ម រុក្ខាប្រមាញ់ និងនេសាទ (MAFF) ឬក្រសួងធនធានទឹក និងឧតុនិយម (MoWRAM) ក្នុងអំឡុងពេលវិស្សមកាលសិក្សា។
លក្ខខណ្ឌនៃការជ្រើសរើស ៖ បេក្ខជនត្រូវមានសញ្ជាតិខ្មែរ, មានសញ្ញាបត្របរិញ្ញាបត្រ ឬ សញ្ញាបត្រសមមូលផ្នែកឧតុនិយម, វិទ្យាសាស្ត្របរិយាកាស, កសិកម្ម, អាកាសធាតុ, វិទ្យាសាស្ត្រអាសធាតុ, វិទ្យាសាស្ត្របម្រែបម្រួលអាកាសធាតុ, វិទ្យាសាស្ត្រកសិកម្ម, គណិតវិទ្យា, ស្ថិតិ, រូបវិទ្យា, ភូមិសាស្ត្រGIS, វិទ្យាសាស្ត្របរិស្ថាន។ ជាមួយគ្នានេះ ត្រូវភ្ជាប់សញ្ញាបត្របញ្ជាក់ភាសាអង់គ្លេស IELTS ឬ TOEFL ដែលមានសុពលភាព, ជាបុគ្គលមានសមត្ថភាពក្នុងការងារជាក្រុម, មានការកសាងទំនាក់ទំនងល្អ និងប្រកបដោយប្រសិទ្ធភាពខ្ពស់, ចូលចិត្តចែករំលែកចំណេះដឹង និងរៀនសូត្របន្ថែម, មានការតាំងចិត្តត្រឡប់មកកម្ពុជាវិញក្រោយបញ្ចប់ការសិក្សា និងចូលរួមពង្រឹងសមត្ថភាពស្ថាប័នរដ្ឋកម្ពុជាក្នុងសេវាកម្មអាកាសធាតុ។
បេក្ខជនជ័យលាភីអាហារូបករណ៍នឹងទទួលបានអត្ថប្រយោជន៍ពីភាគីអាហារូបករណ៍ដូចជា ៖ ប្រាក់ឧបត្ថម្ភប្រចាំខែសម្រាប់រយៈពេល២០ខែ (មិនរាប់បញ្ចូលរដូវក្ដៅឆ្នាំ២០២៦ និង២០២៧) ថ្លៃស្នើសុំទិដ្ឋាការ និងការពិនិត្យសុខភាព ប័ណ្ណស្នាក់នៅ និងការធារារ៉ាប់រងសុខភាពនៅក្នុងកំពុងពេលសិក្សា ថ្លៃស្នាក់នៅប្រចាំខែ។
សម្រាប់ព័ត៌មានបន្ថែម និងការដាក់ពាក្យស្នើអាហារូបករណ៍ បេក្ខជនអាចចូលទៅកាន់តំណភ្ជាប់ FAO – NUIST Graduate Scholarship Programme for Cambodian Nationals (2025 – 2027) ។ ចាប់ទទួលពាក្យពីថ្ងៃផ្សាយដំណឹងនេះតទៅ៕
