ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅ Peking University ពីកម្មវិធី Yenching Scholarship 2024 នៃប្រទេសចិនក្នុងឆ្នាំសិក្សា២០២៤ ។ អាហារូបករណ៍ផ្ដល់ជូនដល់និស្សិតអន្តរជាតិគ្រប់ជាតិសាសន៍ស្នើពាក្យសិក្សា ។
ជំនាញសិក្សាស្រាវជ្រាវរួមមាន សេដ្ឋកិច្ច និងការគ្រប់គ្រង, ប្រវត្តិសាស្ត្រ និងបុរាណវិទ្យា, ទស្សនវិជ្ជា និងសាសនា, នយោបាយ និងទំនាក់ទំនងអន្តរជាតិ, ច្បាប់ និងសង្គម, អក្សរសាស្ត្រ និងវប្បធម៌ ។
អត្ថប្រយោជន៍នឹងផ្ដល់ការគាំទ្រដល់បេក្ខភាពអាហារូបករណ៍ដូចជា ឥតគិតថ្លៃសិក្សាពេញលេញ កន្លែងស្នាក់នៅ ធានារ៉ាប់រងផ្នែកវេជ្ជសាស្ត្រ ប្រាក់ឧបត្ថម្ភប្រចាំខែ ថ្លៃធ្វើដំណើរពីប្រទេសកំណើតទៅប្រទេសចិន ។
លក្ខខណ្ឌជ្រើសរើស ៖ បេក្ខជនដែលមានចំណាប់អារម្មណ៍ក្នុងការដាក់ពាក្យស្នើអាហារូបករណ៍ ត្រូវមានសញ្ញាបត្របរិញ្ញាបត្រ ជាបេក្ខជនទាំង២ភេទមានអាយុពី២៣ឆ្នាំដល់២៨ឆ្នាំ មានប្រវត្តិសិក្សាល្អ មានជំនាញភាសាអង់គ្លេស (មានលិខិត TOEFL និង IELTS បញ្ជាក់) និងមិនតម្រូវចេះភាសាចិន ។ ជាមួយគ្នានេះ បេក្ខជនត្រូវមានឯកសារចាំបាច់មួយចំនួនដូចជា ទម្រង់ពាក្យសុំអាហារូបករណ៍តាមអ៉ីនធើណិត សេចក្ដីថ្លែងការ (Personal statement) សំណើរស្រាវជ្រាវ(Personal statement) ជីវប្រវត្តិរូប( Curriculum Vitae) ប្រតិចារិកផ្ទាល់ខ្លួន (Official transcript) និង លិខិតអនុសាសន៍២ច្បាប់ ។
ដើម្បីធ្វើការដាក់ពាក្យ បេក្ខជនត្រូវបង្កើតគណនីនៅ The Portal និងស្នើពាក្យទៅកាន់ Admission portal ។ បេក្ខជនត្រូវប្រាកដថា រាល់សំណើរឯកសារទាំងអស់ជាសំណៅឯកសារដែលផ្ដល់ព័ត៌មានលម្អិតផ្ទាល់ខ្លួនបានត្រឹមត្រូវ ។
សម្រាប់ព័ត៌មានបន្ថែម និងលម្អិតបេក្ខជនអាចធ្វើចូលទៅកាន់តំណភ្ជាប់ https://yenchingacademy.pku.edu.cn/ADMISSIONS.htm ។ ផុតកំណត់ទទួលពាក្យថ្ងៃទី០៣ ខែធ្នូ ឆ្នាំ២០២៣ ។
