ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់សិស្សនិស្សិតដែលមានបំណងចង់បន្តការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅប្រទេសចិន ពេលនេះ រដ្ឋាភិបាលចិនបានប្រកាសផ្តល់អាហារូបករណ៍ប្រភេទ B នៅសាកលវិទ្យាល័យ Beihang សម្រាប់ឆ្នាំសិក្សា២០២៣-២០២៤ ដោយកម្មវិធីសិក្សាអាហារូបករណ៍មានការសិក្សាជាភាសាអង់គ្លេស និងភាសាចិន។
ជំនាញដែលអាហារូបករណ៍ផ្ដល់ជូនរួមមាន វិទ្យាសាស្ត្រកុំព្យូទ័រ និងបច្ចេកវិទ្យា(Computer science and technology), វិស្វកម្មសូហ្វវែរ (Software Engineering), វិស្វកម្មមេកានិក (Mechanical Engineering), វិទ្យាសាស្ត្រ និងវិស្វកម្មសម្ភារៈ, សម្ភារៈណាណូ និងបច្ចេកវិទ្យា (Nano-material and Technology), វិស្វកម្មទំនាក់ទំនង បច្ចេកវិទ្យាអេឡិចត្រូម៉ាញេទិក និងបច្ចេកវិទ្យាឥតខ្សែ, ស្វ័យប្រវត្តិកម្ម, វិស្វកម្មមនុស្សយន្ត និងជំនាញបច្ចេកវិទ្យាជាច្រើនទៀត។
លក្ខខណ្ឌ នៃការជ្រើសរើស បេក្ខជនត្រូវតែមានសុខភាពល្អទាំងផ្លូវកាយ និងផ្លូវចិត្ត ជាបុគ្គលដែលមានសីលធម៌ និងមានភាពរួសរាយរាយរាក់ទាក់ និងអាយុចន្លោះពី១៨ឆ្នាំ ដល់២២ឆ្នាំ និងបានប្រឡងជាប់សញ្ញាបត្រមធ្យមសិក្សាទុតិយភូមិ។ ជាមួយគ្នានេះ ជាបេក្ខជនមានសញ្ជាតិក្រៅពីជនជាតិចិន មានលិខិតឆ្លងដែនមានសុពលភាព និងបានបំពេញតាមលក្ខខណ្ឌកំណត់ដោយឯកសារលេខ ១២ (២០២០) របស់ក្រសួងអប់រំ។ បេក្ខជន-បេក្ខនារីដែលមិនមានសញ្ញាតិអង់គ្លេសត្រូវភ្ជាប់ជាមួយលិខិតបញ្ជាក់តេស្តភាសាអង់គ្លេសដែលមានពិន្ទុ TOEFL ៩០ឡើង និងIELTS ៦ឡើង។
បេក្ខជនដែលមានចំណាប់អារម្មណ៍ក្នុងការដាក់ពាក្យសូមចូលទៅតាម http://studyinchina.csc.edu.cn/ (Type B agency no: 10006)។ បេក្ខជនអាចមើលពីរបៀបនៃការបំពេញពាក្យតាមរយៈ https://t.me/uyfcppedu/615 ។
សម្រាប់ព័ត៌មានបន្ថែម បេក្ខជនអាចចូលទៅកាន់ https://mp.weixin.qq.com/s/hWQiWIi8hwAIvvc3GgHuFQ ។ ចាប់ទទួលពាក្យពីថ្ងៃផ្សាយដំណឹងនេះរហូតដល់ថ្ងៃទី២០ ខែកុម្ភៈ ឆ្នាំ២០២៤៕
