ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងការងារ និងបណ្តុះបណ្តាលវិជ្ជាជីវៈ បានប្រកាសពីការផ្តល់អាហារូបករណ៍ទៅសិក្សាកម្រិតសញ្ញាបត្រជាន់ខ្ពស់បច្ចេកទេស រយៈពេល ៤ឆ្នាំ សម្រាប់ឆ្នាំសិក្សា ២០២៦-២០២៧ នៅ Thai Nguyen College នៃសាធារណរដ្ឋសង្គមនិយមវៀតណាម ចំនួន ៦០ កន្លែង ដល់សិស្ស-និស្សិតកម្ពុជា។
អត្ថប្រយោជន៍ និងការឧបត្ថម្ភ
បេក្ខជនជ័យលាភីនឹងទទួលបានការឧបត្ថម្ភ និងអត្ថប្រយោជន៍ជាច្រើន រួមមាន៖
– ប្រាក់ឧបត្ថម្ភប្រចាំខែ៖ ៣ ៧០០ ០០០ ដុង (ប្រហែល ១៤០ ដុល្លារអាមេរិក/ខែ)
- ប្រាក់ឧបត្ថម្ភទិញសម្ភារសិក្សា និងប្រើប្រាស់ផ្ទាល់ខ្លួន៖ ៥ ៣៨០ ០០០ ដុង (ប្រហែល ២០០ ដុល្លារអាមេរិក សម្រាប់ ១ចប់វគ្គសិក្សា)
- ប្រាក់សម្រាប់ធ្វើដំណើរ៖ ៤ ០០០ ០០០ ដុង (ប្រហែល ១៥០ ដុល្លារអាមេរិក ទទួលបានតែ ១ដងគត់)
- ផ្ដល់កន្លែងស្នាក់នៅដោយឥតគិតថ្លៃ- ចូលរួមក្នុងពិធីប្រពៃណីជាតិទាំងវៀតណាម និងកម្ពុជា- រៀនភាសាបរទេសដោយឥតគិតថ្លៃតាមកម្មវិធីរួម
- ប្រើប្រាស់បណ្ណាល័យ អ៊ីនធឺណិត និងកន្លែងហាត់ប្រាណដោយឥតគិតថ្លៃ- មានឱកាសទទួលបានអាហារូបករណ៍សម្រាប់បន្តការសិក្សាថ្នាក់បរិញ្ញាបត្រនៅសាកលវិទ្យាល័យនានា ក្នុងប្រទេសវៀតណាម។
មុខជំនាញសិក្សា (១៩ ជំនាញ)
អាហារូបករណ៍នេះបើកទូលាយលើមុខជំនាញបច្ចេកទេស និងវិជ្ជាជីវៈជាច្រើន រួមមាន៖
1. ទំនាក់ទំនង និងបច្ចេកទេសអេឡិចត្រូនិក (Electronics Engineering and Communications)
2. អគ្គិសនីឧស្សាហកម្ម (Industrial Electrical Engineering)
3. អេឡិចត្រូនិកឧស្សាហកម្ម (Industrial Electronics)
4. ព័ត៌មានវិទ្យា (Information Technology)
5. ព័ត៌មានវិទ្យាអនុវត្ត (Applied Informatics)
6. គ្រប់គ្រងអាជីវកម្ម (Business Administration)
7. បច្ចេកទេសម្ហូបអាហារ (Cooking Techniques)
8. ប្រៃសណីយ៍ និងទូរគមនាគមន៍ (Postal Services and Telecommunication Business)
9. វេជ្ជសាស្ត្រសត្វ (Veterinary Medicine)
10. វិទ្យាសាស្ត្រដំណាំ (Crop Science)
11. ហិរញ្ញវត្ថុអាជីវកម្ម (Corporate Finance)
12. ធនាគារ និងហិរញ្ញវត្ថុ (Finance and Banking)
13. គណនេយ្យសាជីវកម្ម (Corporate Accounting) / គណនេយ្យ (Accounting)
14. សេវាផ្នែកច្បាប់ (Law Services)
15. ភាសាកូរ៉េ (Korean Language)
16. ភាសាអង់គ្លេស (English Language)
17. ថែរក្សាសម្ផស្ស (Beauty Care)
18. បច្ចេកវិទ្យាវិស្វកម្មមេកានិក (Mechanical Engineering Technology)
19. បច្ចេកវិទ្យារថយន្ត (Automotive Technology)
លក្ខខណ្ឌនៃការជ្រើសរើស
បេក្ខជនទាំងពីរភេទត្រូវ ៖
- មានសញ្ជាតិខ្មែរ
– ជាប់សញ្ញាបត្រមធ្យមសិក្សាទុតិយភូមិ (បាក់ឌុប) (អាទិភាពសម្រាប់សិស្សដែលមាននិទ្ទេសល្អ)
- មានសុខភាពល្អ មានការតស៊ូ និងឧស្សាហ៍ព្យាយាមក្នុងការសិក្សា
ឯកសារតម្រូវក្នុងការបំពេញ និងភ្ជាប់
បេក្ខជនត្រូវរៀបចំសំណុំឯកសាររួមមាន៖
- ប្រវត្តិរូបសង្ខេប (ជាភាសាខ្មែរ និងភាសាអង់គ្លេស)
- ព្រឹត្តិបត្រពិន្ទុមធ្យមសិក្សាទុតិយភូមិ (ជាភាសាខ្មែរ និងភាសាអង់គ្លេស)
- សញ្ញាបត្រមធ្យមសិក្សាទុតិយភូមិ (ជាភាសាខ្មែរ និងភាសាអង់គ្លេស)
- សំបុត្រកំណើត (ជាភាសាខ្មែរ និងភាសាអង់គ្លេស)
- វិញ្ញាបនបត្របញ្ជាក់សុខភាព
- លិខិតឆ្លងដែនថតចម្លង និងរូបថត ៤x៦ (ផ្ទៃពណ៌ស ចំនួន ២សន្លឹក)
- លិខិតថ្កោលទោស
- លិខិតប្ដេជ្ញាចិត្ត
- លិខិតជ្រើសរើសមុខជំនាញ
កាលបរិច្ឆេទ និងការដាក់ពាក្យ
សម្រាប់បេក្ខជនដែលចាប់អារម្មណ៍ចំពោះអាហារូបករណ៍នេះ សូមទំនាក់ទំនងដាក់ពាក្យនៅតាមគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈសាធារណៈ ឱ្យបានមុនថ្ងៃទី២០ ខែតុលា ឆ្នាំ២០២៦ ជាកំហិត។
សម្រាប់ព័ត៌មានបន្ថែម សូមទំនាក់ទំនងតាមរយៈលេខទូរស័ព្ទ៖ ០៨៩ ៦៧៤ ៦៦៨៕
