ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វគ្គសម្ភាសន៍ជាដំណាក់កាលសំខាន់មួយក្នុងចំណោមវគ្គផ្សេងៗនៃការដាក់ពាក្យអាហារូបករណ៍គ្រប់ប្រភេទទាំងក្នុងប្រទេស និងក្រៅប្រទេស ។ បេក្ខជនជាច្រើនបានបាត់បង់ឱកាសទទួលបានអាហារូបករណ៍ដែលខ្លួនស្រលាញ់ និងចង់បានក្នុងវគ្គសម្ភាសន៍នេះ ។
ខាងក្រោមជាគន្លឹះចំនួន៥ក្នុងការត្រៀមខ្លួនដើម្បីសម្ភាសន៍ក្នុងកម្មវិធីអាហារូបករណ៍ Chevening ៖
ទី១ ភាពស្មោះត្រង់ ៖ ការសម្ភាសន៍ជាពេលវេលាដែលអ្នករៀបចំ ឬគណៈកម្មការនៃកម្មវិធីអាហារូបករណ៍នឹងសួរសំណួរផ្សេងៗពីប្រវត្តិសិក្សា ការងារ ឬគោលដៅថ្ងៃអនាគតដែលបេក្ខជនមានខុសៗគ្នា ។ បេក្ខជនត្រូវឆ្លើយតបនូវបទពិសោធន៍ និងគោលបំណងរបស់ខ្លួនដែលជាចម្លើយពិតប្រាកដ ត្រឹមត្រូវ ជាទំនុកចិត្តដែលបេក្ខជនអាចធ្វើឱ្យគណៈកម្មការកំណត់សម្គាល់បេក្ខជនបាន ។
ទី២ ដឹងអ្វីដែល Chevening នឹងជួយសម្រេចគោលបំណង ៖ បេក្ខជនត្រូវដឹងពីរបៀបដែលអាហារូបករណ៍ផ្ដល់ឱ្យដូចជា វគ្គសិក្សាដែលផ្ដល់ឱ្យ របៀបដែលអាហារូបករណ៍នឹងជួយបេក្ខជន ការផ្ដល់ទំនាក់ទំនងរវាងបេក្ខជននិងរដ្ឋាភិបាល និងការសម្រេចក្ដីស្រមៃ នៃការសិក្សារបស់បេក្ខជន ។
ទី៣ កំណត់គោលដៅដែលអាចសម្រេចបាន ៖ អាហារូបករណ៍ Chevening ជាមូលនិធិជួយដល់យុវជនគ្រប់រូបពីប្រទេសនានាដែលមានក្ដីស្រមៃបន្តការសិក្សាជំនាញដែលខ្លួនស្រលាញ់ដើម្បីទៅអភិវឌ្ឍន៍ប្រទេសជាតិក្រោយបញ្ចប់ការសិក្សា ។ បេក្ខជនត្រូវដឹងពីគោលដៅច្បាស់លាស់ និងការប្ដេជ្ញាចិត្តរបស់ខ្លួនដើម្បីធ្វើឱ្យគណៈកម្មការធ្វើការកំណត់សម្គាល់ និងពិចារណា ។
ទី៤ Don’t Hold Back ៖ បេក្ខជនមិនមានពេលវេលាច្រើនក្នុងការសម្ភាសន៍ដើម្បីណែនាំខ្លួននោះទេ ដូចនេះត្រូវឈ្លាសវៃក្នុងការណែនាំខ្លួនដោយភ្ជាប់ជាមួយនឹងភាគជោគជ័យក្នុងការសិក្សា ឬការងាររបស់អ្នកទៅកាន់គណៈកម្មការឱ្យបានល្អបំផុត ។
ទី៥ ប្រើវិធីសាស្ត្រ STAR ៖ បេក្ខជនគួរប្រើវិធីសាស្ត្រ STAR ដើម្បីពណ៌នាដូចជា S គឺ Situation (ស្ថានភាព) Task (កិច្ចការ) Action (សកម្មភាព) Result (លទ្ធផល) ព្រោះវាអាចធ្វើឱ្យអ្នកផ្ដល់ចម្លើយបានឆាប់រហ័សក្នុងរយៈពេលសមស្រប ។ ក្នុងការសម្ភាសន៍នេះផងដែរ បេក្ខជនត្រូវធ្វើជាខ្លួនឯង បង្ហាញពីគុណសម្បត្តិ និងវិបត្តិរបស់ខ្លួន ៕
