ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសខេត្តព្រះសីហនុ ប្រកាសជ្រើសរើសសិស្ស-និស្សិតចូលសិក្សាអាហារូបករណ៍ចំនួន១៦៧០កន្លែង សិក្សាជំនាញបច្ចេកទេស និងវិជ្ជាជីវៈសម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាកម្រិតបរិញ្ញាបត្របច្ចេកទេស និងសញ្ញាបត្រជាន់ខ្ពស់បច្ចេកទេស និងកម្រិតសញ្ញាបត្របច្ចេកទេស និងវិជ្ជាជីវៈ C1 C2 C3 ។
ជំនាញដែលអាហារូបករណ៍ផ្ដល់ជូនរួមមាន សម្រាប់កម្រិតសញ្ញាបត្រជាន់ខ្ពស់បច្ចេកទេសលើជំនាញ អគ្គិសនី ៥០កន្លែង, សំណង់ស៊ីវិល ៥០កន្លែង, ព័ត៌មានវិទ្យា ៥០កន្លែង និងជំនាញ ជួសជុលរថយន្ត ៥០កន្លែង។ សម្រាប់កម្រិតសញ្ញាបត្របច្ចេកទេសនិងវិជ្ជាជីវៈ C1 C2 C3 (ចំនួនសរុបទាំង៣វគ្គសិក្សា) លើជំនាញការដំឡើងបណ្ដាញអគ្គិសនីក្នុងអគារ ២១០កន្លែង, ជំនាញការងារកំបោរ ១៥០កន្លែង, សេវាកម្មអតិថិជន ១២០កន្លែង, ជំនាញសេវាកម្មកុំព្យូទ័រ ៩០កន្លែង, ជំនាញការរចនាក្រាហ្វិកដោយកុំព្យូទ័រ ៦០កន្លែង, ជំនាញសេវាកម្មកាត់សត់បុរស ៩០កន្លែង, ជំនាញការផ្សារអគ្គិសនី ៦០កន្លែង, ជំនាញការថែទាំ និងជួសជុលរថយន្ត ១៥០កន្លែង, ជំនាញសេវាកម្មសំអាងកាយ ១២០កន្លែង, ជំនាញសេវាកម្មបរិក្ខាត្រជាក់ក្នុងគេហដ្ឋាន ១៥០កន្លែង, ជំនាញការថែទាំ និងជួសជុលទោចក្រយានយន្ត ៩០កន្លែង, ជំនាញការថែទាំ និងជួសជុលកាំមេរ៉ាសុវត្ថិភាព ៦០កន្លែង និង ជំនាញការថែទាំ និងជួសជុលបរិក្ខាបំពងសំឡេង ៦០កន្លែង។
លក្ខខណ្ឌជ្រើសរើស បេក្ខជនស្នើសិក្សាថ្នាក់បរិញ្ញាបត្របច្ចេកទេសបេក្ខជនត្រូវមានសញ្ញាបត្រជាន់ខ្ពស់បច្ចេកទេស ឬជាប់មធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ។ បេក្ខជនស្នើសញ្ញាបត្រជាន់ខ្ពស់បច្ចេកទេស បេក្ខជនត្រូវមានសញ្ញាបត្របច្ចេកទេសនិងវិជ្ជាជីវៈ៣ ឬជាប់ឬធ្លាក់មធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ។ សម្រាប់បេក្ខជនស្នើថ្នាក់សញ្ញាបត្រ និងវិជ្ជាជីវៈ៣ (C3) បេក្ខជនត្រូវមានសញ្ញាបត្របច្ចេកទេស២ ឬសញ្ញាបត្រដែលមានតម្លៃស្មើ។ សម្រាប់បេក្ខជនស្នើថ្នាក់សញ្ញាបត្រ និងវិជ្ជាជីវៈ២ (C2) បេក្ខជនត្រូវមានសញ្ញាបត្របច្ចេកទេស១ ឬសញ្ញាបត្រដែលមានតម្លៃស្មើ។ សម្រាប់បេក្ខជនស្នើថ្នាក់សញ្ញាបត្រ និងវិជ្ជាជីវៈ១ (C1) បេក្ខជនត្រូវមានវិញ្ញាបនបត្រ វិជ្ជាជីវៈ (VC) ឬសញ្ញាបត្របឋមភូមិ ឬវិញ្ញាបនបត្រស្ពានចម្លងបន្តជំនាញ ឬសញ្ញាបត្រដែលមានតម្លៃស្មើ។
បេក្ខជនដែលស្នើពាក្យអាហារូបករណ៍អាចភ្ជាប់លិខិតឯកសារមួយចំនួនដូចជា សាលាកប័ត្រឯកត្តជនមានបិទរូបថត២ច្បាប់, ពាក្យសុំចុះឈ្មោះចូលរៀន១ច្បាប់, ប្រវត្តិរូបសង្ខេបមានបិទរូបថត១ច្បាប់, កិច្ចសន្យា (ត្រូវមានការយល់ព្រមពីអាណាព្យាបាល)១ច្បាប់, សញ្ញាបត្រ ឬលិខិតបញ្ជាក់មានតម្លៃសមមូល១ច្បាប់ សៀវភៅគ្រួសារថតចម្លង១ច្បាប់ អត្តសញ្ញាណប័ណ្ណថតចម្លង១ច្បាប់ រូបថតថ្មីផ្ទៃក្រោយពណ៌ខៀវទំហំ៤x៦ និង៣x៤ ចំនួន៤សន្លឹក។
សម្រាប់ព័ត៌មានបន្ថែមអាចទៅកាន់គ្រឹះស្ថានសិក្សាផ្ទាល់ដែលមានអាសយដ្ឋាននៅក្រុម១៥ ភូមិ២ សង្កាត់៣ ក្រុងព្រះសីហនុ ឬទំនាក់ទំនងទៅកាន់ ០៩២ ៨៨៤ ៨២៨ / ០១៦ ៥៩៩ ០០៨ / ០៩៨ ៤៥៤ ០៤៩ / ០៩២ ៧៣០ ៨៧៩ / ០១១ ៤៦៦ ៩៩១ / ០៨១ ៩៨៩ ៣៩៣ ។
ចាប់ផ្ដើមទទួលពាក្យពីថ្ងៃផ្សាយដំណឹងរហូតដល់គ្រប់ចំនួនកំណត់៕
