ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ដើម្បីចូលរួមចំណែកជាមួយរដ្ឋាភិបាលក្នុងការលើកកម្ពស់វិស័យអប់រំ និងបណ្ដុះបណ្ដាលធនធានមនុស្សនៃកម្ពុជា សហភាពសហព័ន្ធយុវជនកម្ពុជា រាជធានីភ្នំពេញ ប្រកាសផ្តល់អាហារូបករណ៍ថ្នាក់បរិញ្ញាបត្រនៅវិទ្យាស្ថានជាតិកសិកម្មព្រែកលៀប ចំនួន១០កន្លែង សម្រាប់ឆ្នាំសិក្សា២០២៣-២០២៤។
ជំនាញដែលអាហារូបករណ៍ផ្ដល់ជូនរួមមាន សាកវប្បកម្ម១កន្លែង វិទ្យាសាស្ត្រព្រៃឈើ១កន្លែង ជលផល១កន្លែង វិទ្យាសាស្ត្របរិស្ថាន១កន្លែង ផ្សព្វផ្សាយកសិកម្ម និងអភិវឌ្ឍន៍ជនបទ១កន្លែង សេដ្ឋកិច្ច និងធុរកិច្ចកសិកម្ម១កន្លែង សេដ្ឋកិច្ច និងធុរកិច្ចកសិកម្ម១កន្លែង វិទ្យាសាស្ត្រកែច្នៃអាហារ១កន្លែង អាហារូបត្ថម្ភ និងសុខភាព១កន្លែង ព័ត៌មានវិទ្យាកសិកម្ម និងវិស្វកម្មកសិកម្ម១កន្លែង។ សិស្សតម្រូវឱ្យសិក្សាទៅតាមម៉ោងដែលវិទ្យាស្ថានបានកំណត់។
លក្ខខណ្ឌនៃការជ្រើសរើសអាហារូបករណ៍ផ្ដល់ជូនសម្រាប់បេក្ខជនទាំងអស់ និងផ្ដល់អាទិភាពសម្រាប់បេក្ខជនដែលមានជីវភាពខ្វះខាត បេក្ខជនទាំងអស់ត្រូវមានសញ្ញាបត្រមធ្យមសិក្សាទុតិយភូមិ ឬឯកសារបញ្ជាក់ដែលមានតម្លៃស្មើ ។ ជាមួយគ្នានេះ បេក្ខជនដែលត្រូវបានឆ្លងកាត់ការជ្រើសរើសរបស់ក្រុមការងារកម្មវិធីសាបព្រោះគ្រាប់ពូជ នៃសហភាពសហព័ន្ធយុវជនកម្ពុជា រាជធានីភ្នំពេញ។
បេក្ខជនដែលមានចំណាប់អារម្មណ៍ក្នុងការស្នើសុំអាហារូបករណ៍សូមភ្ជាប់ជាមួយឯកសារចាំបាច់មួយចំនួនដូចជា ពាក្យសុំអាហារូបករណ៍១ច្បាប់ បង្កាន់ដៃទទួលពាក្យស្នើសុំអាហារូបករណ៍១ច្បាប់ ជីវប្រវត្តិសង្ខេប(បិទរូបថតថ្មី ៤x៦)១ច្បាប់ សញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃស្មើ១ច្បាប់ ថតចម្លងអត្តសញ្ញាណប័ណ្ណ ឬសេចក្ដីចម្លងសំបុត្របញ្ជាក់កំណើត ឬសំបុត្របញ្ជាក់កំណើត១ច្បាប់ រូបថតទំហំ៤x៦ ថតថ្មីចំពីមុខគ្មានវ៉ែនតា និងផ្ទៃពណ៌ស ៣សន្លឹក។
ជាមួយគ្នានេះ បេក្ខជនអាចទាញសំណុំឯកសារស្នើសុំអាហារូបករណ៍របស់ ស.ស.យ.ក រាជធានីភ្នំពេញ តាមរយៈតំណភ្ជាប់ https://bit.ly/46737uV ដើម្បីបំពេញ។ ក្រោយបំពេញពាក្យ បេក្ខជនត្រូវ Upload ឯកសារទៅកាន់តំណភ្ជាប់ https://forms.gle/G3NWNPYEUcueiZNg8 ។
សម្រាប់ព័ត៌មានបន្ថែមអាចទំនាក់ទំនង ឬតេលេក្រាមទៅកាន់ ០១៦ ៨៣១ ៣៩៧ ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី០៥ ខែមករា ឆ្នាំ២០២៤៕
