ម្តាយឪពុកផ្លាស់ប្តូរកំហុសអប់រំកូនដោយអចេតនា

English

អត្ថបទជាភាសាអង់គ្លេស / Articles in English

ភ្នំពេញ – ទំនងកុមារគ្រប់រូបមិនអាចប្រព្រឹត្តិអំពើហិង្សាបានទេនៅក្នុងដំណើរជីវិតរបស់ពួកគេ ប្រសិនបើម្តាយឪពុក សាលារៀន និងសហគមន៍បានអប់រំកុមារដោយអហិង្សា ហើយកុមារក៏មិនត្រូវការរូបភាពអប់រំដោយវិធីសាស្ត្រហិង្សាដែរ ។ នេះជាការយល់ឃើញរបស់លោកស្រី តឹក ចន្នី អាយុ ៤៨ឆ្នាំ ជាពលរដ្ឋរស់នៅភូមិដើមស្លែង១ សង្កាត់ច្បារអំពៅ ២ ខណ្ឌច្បារអំពៅ រាធានីភ្នំពេញ ។ ស្ត្រីមេផ្ទះរូបនេះ បានអប់រំកូនតាមវិធីសាស្ត្រគំរូអហិង្សា ក្រោយពីធ្លាប់អប់រំកូនតាមបែបហិង្សា ។

ការអប់រំបែបហិង្សាបានឆ្លងកាត់ពីទម្លាប់ នឹងអាចក្លាយជាប្រពៃណីនៃការអប់រំកូនសម្រាប់ប្រជាជនកម្ពុជា ឬជាមរតកអប់រំហិង្សាតជំនាន់ ។ អ្នកស្រី តឹក ចន្នី ជាស្ត្រីមេម៉ាយ មានកូនបីនាក់ក្នុងបន្ទុក ក្នុងនោះមានកូនម្នាក់រៀនថ្នាក់ទី៤ និងម្នាក់ថ្នាក់ទី៦ ។

លោកស្រី តឹក ចន្នី បានបញ្ជាក់បន្ថែមថា អប់រំកូនដោយហិង្សាបានធ្វើឱ្យកូនរបស់លោកស្រី ស្ទើរក្លាយជាមនុស្សបាត់បង់ទំនុកចិត្ត បាត់បង់ទំនាក់ទំនង និងឃ្លាតឆ្ងាយពីក្តីស្រឡាញ់ ។ ការអប់រំកូនដោយហិង្សាមិនទទួលបានលទ្ធផលល្អនោះទេ ផ្ទុយទៅវិញមានបញ្ហាកាន់តែធ្ងន់ធ្ងរឡើង ។

“តាំងពីតូចមកពេលដែលខ្ញុំធ្វើអ្វីខុស ម្ដាយខ្ញុំតែងតែវាយខ្ញុំ ប៉ុន្តែនៅពេលដែលខ្ញុំមានកូនខ្លួនឯង ទើបខ្ញុំដឹងថា ខ្ញុំត្រូវផ្លាស់ប្ដូររឿងហ្នឹង ដោយយកវិធីលួងលោមនៅក្នុងការអប់រំពួកគេ (កូន) ”
លោកស្រី តឹក ចន្នី

ស្រ្តីមេផ្ទះមានមុខរបរជាអ្នកលក់នំរូបនេះបន្តថា ពេលកូនធ្វើអ្វីមួយខុសក្នុងនាមជាម្ដាយត្រូវណែនាំកែ តម្រូវ និងចេះអនុគ្រោះទៅដល់កូន ចៀសវាងវាយដំកូន ។ ទន្ទឹមគ្នានេះដែរ លោកស្រីចូលចិត្តមើលអប់រំអំពីគំរូអហិង្សាទៅបណ្ដាញសង្គម ពីព្រោះរូបភាពអប់រំទាំងនោះជួយឱ្យលោកស្រី និងឪពុកម្ដាយគ្រប់រូបយល់ដឹងបន្ថែមអំពីការអប់រំកូនឱ្យបានល្អ ។

“ពេលធ្វើអំពើហិង្សាលើពួកគាត់ (កូន) ធ្វើឱ្យពួកគាត់គិតថាម្ដាយមិនស្រលាញ់ ម្តាយធ្វើបាប និងមិនបានផ្ដល់ភាពកក់ក្ដៅទៅលើពួកគាត់ឡើយ ! ហេតុនេះធ្វើឱ្យកុមារប៉ះពាល់ផ្លូវអារម្មណ៍ខ្លាំង”
នេះជាការបញ្ជាក់បន្ថែមរបស់លោកស្រី តឹក ចន្នី

ធ្លាប់មានបទពិសោធន៍ប្រើពាក្យសម្តីធ្ងន់ៗទៅលើកូន លោក ប៊ូ យៀន ពលរដ្ឋរស់នៅសង្កាត់ច្បារអំពៅ២ ខណ្ឌច្បារអំពៅ រាធានីភ្នំពេញ ក៏បាននិយាយដែរថា លោកបានផ្លាស់ប្តូរទម្លាប់ប្រើពាក្យសម្តីហិង្សាលើកូន នៅពេលដែលលោកឃើញកូនភ័យខ្លាច ហើយមិនហ៊ានជួបមុខឪពុកផ្ទាល់ឡើយ ។ តាមរយៈរូបភាពនេះ ជាចំណុចរុញច្រានចិត្តលោកឱ្យបញ្ឈប់សកម្មភាពហិង្សា និងពាក្យសម្តីមិនសមរម្យទៅកាន់កូន ។

ចំណែកលោកស្រី គង់ ធីតា ភរិយាលោក ប៊ូ យៀន បាននិយាយថា ពេលកូនមានកំហុសម្តាយឪពុកប្រើពាក្យលួងលោមល្អៗទៅកាន់កូន ធ្វើឱ្យកូនមានអារម្មណ៍ល្អ ទទួលបានភាពកក់ក្តៅ និងឆ្លើតតមមកម្តាយឪពុកដោយក្តីស្រឡាញ់ ។

“ម្តាយឪពុកត្រូវចេះជួយគ្នាទៅវិញទៅមក ហើយអប់រំកូនដោយក្តីស្រឡាញ់ ដើម្បីឱ្យកូនៗឃើញគំរូល្អ ។ ខ្ញុំជឿថា ពួកគេអាចយកតម្រាប់តាម ហើយគ្រួសារក៏មានសុភមង្គលគ្រួសារ”
លោកស្រី គង់ ធីតា

ជាក់ស្តែង មិនមែនមានតែពីរគ្រួសារខាងលើនេះទេ ដែលចាត់ទុកការអប់រំកូនដោយហិង្សាជាវិធីសាស្ត្របំបាក់ទឹកចិត្តនិងស្មារតីរបស់កុមារ ផ្ទុយទៅវិញការកែប្រែទម្លាប់អប់រំកូនដោយហិង្សាបានលុបបំបាត់ចេញពីគ្រួសារលោកស្រី ឃ្លាំង សុផន អ្នកភូមិច្បារអំពៅតាំងពីឆ្នាំ ២០១០ ។ ស្ត្រីមេផ្ទះវ័យ ៥៨ឆ្នាំរូបនេះ បានអនុវត្តវិធីសាស្ត្រអប់រំកូនតាមបែបវិជ្ជមាន នៅពេលដែលលោកស្រីដឹងថា វិធីសាស្ត្រអប់រំកូនដោយហិង្សា កុមារក្លាយជាក្មេងឆាប់ភ្លេចភ្លាំងច្រើន ។

“ខ្ញុំគិតថាប្រើអំហិង្សាអប់រំកូនហ្នឹង ជារឿងមិនល្អនោះទេ វាបានជះឥទ្ធិពលទៅដល់សង្គម ធ្វើឱ្យកូនមានសម្ពាធផ្លូវចិត្ត ! ខ្ញុំបានកែប្រែទម្លាប់ពីជេរស្ដី ឬវាយដំកូន មកនិយាយពាក្យល្អៗដាក់កូនវិញ ស្រាប់តែពួកគេស្តាប់យល់ពីបំណងម៉ែឪ ហើយម្នាក់ៗខំប្រឹងប្រែងរៀនសូត្រ”
លោកស្រី ឃ្លាំង សុផន

ក្រៅពីប៉ះពាល់សុខភាពផ្លូវចិត្តធ្ងន់ធ្ងរដល់កុមារ តាមទិន្នន័យដែលចេញដោយក្រសួងកិច្ចការនារី អង្គការ UNICEF ការអង្កេតស្តីពីអំពើហិង្សាលើកុមារនៅឆ្នាំ២០១៤ បានបញ្ជាក់ថា អំពើហិង្សាលើកុមារនៅឆ្នាំ ២០១៣ បណ្តាលឱ្យកម្ពុជាខាតបង់ថវិកាទៅលើផ្នែកសុខភាព ប្រមាណជាង ១៦៨លានដុល្លារអាមេរិក ឬស្មើនឹង១,១% នៃផលិតផលក្នុងស្រុកសរុបរបស់កម្ពុជា (GDP) និងបណ្តាលឱ្យមានផលវិបាករយៈពេលវែងលើកំណើនសេដ្ឋកិច្ច និងការអភិវឌ្ឍសង្គម ។

ពាក់ព័ន្ធនឹងឥទ្ធិពលនៃផលប៉ះពាល់អំពើហិង្សាលើកុមារ អ្នកស្រី ផល ផលកា មន្ត្រីបច្ចេកទេសផ្នែកការពារកុមារនិងមនុស្សពេញវ័យ នៃអង្គការទស្សនៈពិភពលោក មានប្រសាសន៍ទទួលស្គាល់ថា សកម្មភាពអប់រំកុមារដោយហិង្សាតែងបង្អាក់ការលូតលាស់ប្រាជ្ញា និងស្មារតីកុមារ ពិសេសបង្កររូបភាពឈឺចាប់នៅក្នុងដំណើរជីវិតកុមារ ។

“កុមារទទួលរងអំពើហិង្សាតាមរយៈការអប់រំនឹងក្លាយជាក្មេងបាក់ទឹកចិត្ត បាត់បង់ភាពក្លាហ៊ាន អត្តចរឹកឆេវឆាវ ភាពភ័យខ្លាច បោះបង់ការសិក្សា គេចវេសពីទំនួលខុសត្រូវ ឬអាចឈានទៅដាក់ទណ្ឌកម្មដល់ខ្លួនឯង”
នេះជាការបញ្ជាក់របស់អ្នកស្រី ផល ផលកា

អ្នកជំនាញការពារកុមាររូបនេះ បានឱ្យដឹងទៀតថា ម្តាយឪពុក អាណាព្យាបាល និងគ្រូបង្រៀនគួរមានវិធីសាស្ត្រដាក់ពិន័យកុមារតាមបែបវិជ្ជមាន ដូចជា ផ្តល់ពេលវេលាសមស្របណាមួយឱ្យកុមារពិចារណាកំហុស បង្ហាញឬណែនាំកុមារដោយពាក្យសម្តីទន់ភ្លន់ កែតម្រូវកំហុសដោយពាក្យពេចន៍លើកទឹកចិត្ត និងបង្កើតវិន័យរួមនៅក្នុងគ្រួសារដោយមានការចូលរួមសម្រេចចិត្តពីកុមារ ។ លើសពីនេះការដាក់ពិន័យកុមារនៅសាលារៀន អាចធ្វើបានតាមរយៈការផ្តល់ប័ណ្ណពិន័យដែលមានកម្រិតពណ៌ដល់កុមារ (ពណ៌លឿងកំហុស្រាល មុននឹងដល់ពណ៌ក្រហម) ។

អ្នកស្រី ផល ផលកា បន្តយល់ថា ៖

“គំរូអហិង្សាជារូបភាពអប់រំកុមារល្អបំផុតសម្រាប់ម្តាយឪពុកនាពេលបច្ចុប្បន្ន ។ សកម្មភាពចាត់ទុកជាគំរូអហិង្សា គឺម្តាយឪពុកមិនប្រើអំពើហិង្សាគ្រប់ទម្រង់លើកុមារ ព្រមទាំងម្តាយស្វែងយល់ពីតម្រូវការរបស់កុមារឱ្យបានច្បាស់”

ស្របនឹងការលើកឡើងខាងលើ អ្នកស្រី សរ ម៉ុន្ថា នាយិកាសាលាអប់រំកុមារតូចស៊ីជីដាកម្ពុជា មានប្រសាសន៍ថា អភិវឌ្ឍន៍កុមារឱ្យក្លាយជាក្មេងល្អ ចាប់ផ្តើមចេញពីការអប់រំល្អនៅក្នុងគ្រួសារតាមរយៈគំរូអហិង្សា ។ អ្នកជំនាញកុមាររូបនេះ បញ្ជាក់បន្ថែមថា ភាពស្និទ្ធិស្នាលកុមាររវាងឪពុកម្ដាយ អាចជួយឱ្យកុមារជឿទុកចិត្តលើក្ដីស្រឡាញ់របស់ឪពុកម្ដាយចំពោះពួកគេ ។ លើសពីនេះ កុមារចេះយកចិត្តទុកដាក់អ្នកជុំវិញ អាចរស់នៅពោរពេញគំនិតវិជ្ជមាន ព្រមទាំងដោះស្រាយបញ្ហាប្រឈមនានាដោយជំនឿចិត្តខ្ពស់ ។

“កុមារក្លាយជាក្មេងដឹងគុណតាមរយៈភាពជាគំរូរបស់ឪពុកម្ដាយ ។ ភាពស្និទ្ធស្នាល និងភាពកក់ក្តៅពីម្តាយឪពុកបានជំរុញសកម្មភាពភ្ញោចប្រព័ន្ធប្រសាទខួរក្បាលផ្នែកខាងស្តាំ ធ្វើឱ្យក្មេងមានភាពវៃឆ្លាតពិសេសផ្នែកអារម្មណ៍ (EQ)”
ប្រសាសន៍អ្នកស្រី សរ ម៉ុន្ថា នាយិកាសាលាអប់រំកុមារតូចស៊ីជីដាកម្ពុជា

សូមជម្រាបថា តាមរយៈផែនការសកម្មភាពដើម្បីទប់ស្កាត់ និងឆ្លើយតបចំពោះអំពើហិង្សាលើកុមារ ២០១៧-២០២១ របស់ក្រសួងសង្គមកិច្ច អតីតយុទ្ធជន និងយុវនីតិសម្បទា បានបញ្ជាក់ថា ភាគច្រើននៃកុមារដែលធ្លាប់ឆ្លងកាត់អំពើហិង្សា បានឱ្យដឹងថា ឪពុកម្តាយជាពិសេសម្តាយ អ្នកថែទាំ និងសមាជិកក្រុមគ្រួសារដែលពេញវ័យផ្សេងទៀតគឺជាអ្នកប្រព្រឹត្តញឹកញាប់ជាងគេ សម្រាប់អំពើហិង្សាលើរាងកាយ ផ្លូវចិត្ត និងផ្លូវភេទមកលើកុមារ។ ទន្ទឹមគ្នានេះ “ផ្ទះ” ជាទីកន្លែងដែលកុមាររងអំពើហិង្សាច្រើនជាងគេ ដែលភាគច្រើនបំផុតគឺការដាក់ទ័ណ្ឌកម្មលើរាងកាយ និងផ្លូវចិត្ត ។

តាមការបញ្ជាក់របស់អ្នកជំនាញនៃក្រុមប្រឹក្សាជាតិដើម្បីកុមារកម្ពុជា និងក្រសួងកិច្ចការនារី បានឱ្យដឹងថា កំហុសអប់រំកូនដោយអចេតនា គួរលុបបំបាត់ទាំងស្រុងដើម្បីបង្ហាញពីតម្លៃនៃការគោរពសិទ្ធិកុមារឱ្យបានពេញលេញនៅក្នុងសង្គម ។ ប្រសិនបើកុមារមិនទទួលរងអំពើហិង្សាគ្រប់ទម្រង់ណាមួយ នោះផលិតភាពការងារ គំនិតច្នៃប្រឌិដ្ឋ និងសក្តានុពលរបស់ពួកគេនឹងក្លាយជាកម្លាំងចលករយ៉ាងមានថាមពលសម្រាប់ជំរុញកម្ពុជាឱ្យសម្រេចគោលដៅសំខាន់ៗ ព្រមទាំងក្លាយជាប្រទេសចំណូលមធ្យមកម្រិតខ្ពស់នៅឆ្នាំ ២០៣០ និងក្លាយជាប្រទេសអភិវឌ្ឍន៍ក្នុងឆ្នាំ ២០៥០ ៕

លោក ម៉ៅ សំណាង | Mr. Mao Samnang

ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

សាកលវិទ្យាល័យអន្តរជាតិផារ៉ាហ្គន ប្រកាសផ្តល់អាហារូបករណ៍១០០% ដល់និស្សិតត្រឡប់ពីប្រទេសថៃវិញ

ព័ត៌មានអាហារូបករណ៍, ព្រឹត្តិការណ៍

• 29/08/2025

សាកលវិទ្យាល័យអន្តរជាតិ ផារ៉ាហ្គនប្រកាសផ្តល់អាហារូបករណ៍ដល់និស្សិតកម្ពុជាដែលត្រឡប់មកពីប្រទេសថៃវិញ ដោយសារវិបត្តិជម្លោះព្រំដែនកម្ពុជា-ថៃ ដែលមានបំណងបន្តការសិក្សានៅកម្ពុជា

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ១០កន្លែងនៅសាកលវិទ្យាល័យលីមកុកវីង

ព័ត៌មានអាហារូបករណ៍, ព្រឹត្តិការណ៍

• 18/12/2023

ជាឱកាសសម្រាប់សិស្សនិស្សិតដែលកំពុងស្វែងរកអាហារូបករណ៍សិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ នៅសាកលវិទ្យាល័យលីមកុកវីង ពេលនេះ គណៈកម្មាធិការអាហារូបករណ៍...

អាហារូបករណ៍២០%សិក្សាផ្នែក STEM នៅប្រទេសអូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 05/08/2024

ឱកាសទទួលបាnនអាហារូបករណ៍២០% សិក្សាផ្នែក STEM ពីកម្មវិធីអាហារូបករណ៍ Deakin STEM នៅប្រទេសអូស្រ្តាលីសម្រាប់ការសិក្សាថ្នាក់បរិញ្ញាបត្រ ក្រោយបរិញ្ញាបត្រ...

ក្រសួងអប់រំជ្រើសរើសនិស្សិតអាហារូបករណ៍ ថ្នាក់បរិញ្ញាបត្រ ទៅសិក្សានៅ Southern University of Science and Technology ប្រទេសចិន សម្រាប់ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 13/02/2026

ក្នុងឆ្នាំ២០២៦នេះ Southern University of Science and Technology (SUSTech) នៃសាធារណរដ្ឋប្រជាមានិតចិន បានផ្តល់ អាហារូបករណ៍ ចំនួន ១០កន្លែង ដល់និស្សិតកម្ពុជា ដើម្បីទៅបន្តការសិក្សាថ្នាក់បរិញ្ញាបត្រ...

អាហារូបករណ៍ថ្នាក់ភាសាចិន រយៈពេល១ឆ្នាំ នៅខេត្តជឺជាំង ប្រទេសចិន

ព័ត៌មានអាហារូបករណ៍, ព្រឹត្តិការណ៍

• 25/06/2026

ដោយសហការជាមួយគ្រឹះស្ថានឧត្តមសិក្សានៅខេត្តជឺជាំង ទីក្រុងវិនចូវ ប្រទេសចិន សមាគមនិស្សិតកម្ពុជាប្រចាំប្រទេសចិន ប្រកាសជ្រើសរើសនិស្សិតចំនួន៥រូប ដើម្បីទទួលបានអាហារូបករណ៍ថ្នាក់ភាសាចិន សិក្សារយៈពេល ១ឆ្នាំ

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ France Eiffel Excellence ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 31/10/2024

កម្មវិធីអាហារូបករណ៍ France Eiffel Excellence ឆ្នាំសិក្សា២០២៥ប្រកាសជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតជាច្រើនកន្លែងសម្រាប់និស្សិតអន្តរជាតិ។ អាហារូបករណ៍គាំទ្រ និងផ្ដល់ដោយក្រសួងបារាំងសម្រាប់អឺរ៉ុប និងក្រសួងការបរទេស។

អាហារូបករណ៍សាច់ប្រាក់ពីធនាគារ Maybank សម្រាប់ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 26/03/2025

កម្មវិធីអាហារូបករណ៍ Maybank Scholarship Programme 2025 ប្រកាសផ្ដល់អាហារូបករណ៍សាច់ប្រាក់សម្រាប់និស្សិតដែលកំពុងសិក្សានៅសាកលវិទ្យាល័យមួយចំនួននៅព្រះរាជាណាចក្រកម្ពុជា។

ឱកាសសិក្សាជំនាញបច្ចេកទេស និងវិជ្ជាជីវៈ ឥតគិតថ្លៃពីវិទ្យាស្ថានពហុបច្ចេកទេសខេត្តព្រះសីហនុ

ព័ត៌មានអាហារូបករណ៍, ព្រឹត្តិការណ៍

• 12/12/2023

វិទ្យាស្ថានបច្ចេកទេសខេត្តព្រះសីហនុ បានប្រកាសផ្តល់អាហារូបករណ៍ ១០០ភាគរយ សម្រាប់វគ្គសិក្សាកម្រិតសញ្ញាបត្របច្ចេកទេស និងវិជ្ជាជីវៈ ១ (C1) ដោយសិក្សារយៈពេល៤ខែ ដោយឥតគិតថ្លៃ។