មូលនិធិព្រីនស៍ បញ្ចប់វគ្គសម្ភាសន៍ចុងក្រោយ ប្រកបដោយជោគជ័យ សម្រាប់អាហារូបករណ៍ ចេន ហ្ស៊ី ជំនាន់ទី៣

ក្នុងកិច្ចខិតខំប្រឹងប្រែងដើម្បីគាំទ្រដល់ការអភិវឌ្ឍលើវិស័យអប់រំ របស់ប្រទេសកម្ពុជា មូលនិធិព្រីនស៍ ដែលជាមូលនិធិមនុស្សធម៌នៃសម្ព័ន្ធក្រុមហ៊ុន ព្រីនស៍ ហូលឌីង គ្រុប នាពេលថ្មីៗនេះ បានធ្វើបទសម្ភាសន៍វគ្គចុងក្រោយសម្រាប់កម្មវិធីអាហារូបករណ៍ ចេន ហ្ស៊ី ជំនាន់ទី៣ របស់ខ្លួន។

គំនិតផ្តួចផ្តើមនេះដឹកនាំដោយ អ្នកឧកញ៉ា ចេន ហ្ស៊ី ប្រធានសម្ព័ន្ធក្រុមហ៊ុន ព្រីនស៍ គ្រុប និង ទទួលបានការគាំទ្រយ៉ាងខ្លាំងពីសំណាក់ថ្នាក់គ្រប់គ្រងរបស់សម្ព័ន្ធក្រុមហ៊ុន ព្រីនស៍ គ្រុប ដោយផ្ទាល់ផងដែរ មិនត្រឹមតែជួយបង់ថ្លៃសិក្សារយៈពេល ៤ ឆ្នាំ សម្រាប់និស្សិតប៉ុណ្ណោះទេ ថែមទាំងផ្តល់ប្រាក់ឧបត្ថម្ភប្រចាំខែទៀតផង។ នេះជាឱកាសសម្រាប់សិស្សនិសិ្សតអាចបន្តការសិក្សានៅសាកលវិទ្យាល័យកំពូលៗនៅកម្ពុជាដោយមិនមានកង្វល់លើផ្នែកហិរញ្ញវត្ថុរបស់ពួកគេ។

នៅឆ្នាំនេះ គណៈកម្មាធិការអាហារូបករណ៍បានកំណត់ជ្រើសរើសបេក្ខជនចុងក្រោយចំនួន ១០០ នាក់ ដែលត្រូវបានសម្រិតសម្រាំងយ៉ាងម៉ត់ចត់ក្នុងចំណោមបេក្ខជនសរុបចំនួន ១៩០០ នាក់ ដោយក្នុងនោះយើងផ្តោតលើបេក្ខជនដែលបានបង្ហាញនូវឆន្ទៈដ៏មោះមុត ក្នុងការរួមចំណែកដល់អនាគតរបស់ប្រទេសកម្ពុជា តាមរយៈការបេជ្ញាចិត្ត លើមុខជំនាញសិក្សា និងសកម្មភាពក្រៅកម្មវិធីសិក្សានានា។ ការសម្ភាសន៍ចុងក្រោយនេះ ត្រូវបានធ្វើឡើងនៅទីស្នាក់ការកណ្តាលរបស់ ព្រីនស៍ ហូលឌីង គ្រុប ដោយមានជំនួយស្ម័គ្រចិត្តពីនិសិ្សតអាហារូបករណ៍ជំនាន់ទី១ និងជំនាន់ទី២ ជាច្រើនផងដែរ។

យើងពិតជាមានសេចក្តីសោមន្សរីករាយដែលមានការគោរពអញ្ជើញចូលរួមពីសំណាក់ ឯកឧត្តម សាន វឌ្ឍនា អនុរដ្ឋលេខាធិការក្រសួងអប់រំ យុវជន និងកីឡា តំណាងដ៏ខ្ពង់ខ្ពស់ឯកឧត្តម បណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ក្នុងថ្ងៃសម្ភាសន៍អាហារូបករណ៍ ចេន ហ្ស៊ី ជំនាន់ទី៣។ ឯកឧត្តមបានកោតសរសើរ ចំពោះគំនិតផ្តួចផ្តើមមួយនេះសម្រាប់ការដើរស្របតាមគោលដៅអភិវឌ្ឍន៍លើវិស័យ អប់រំជាតិផងដែរ។

ឯកឧត្តម សាន វឌ្ឍនា មានប្រសាសន៍ថា «អាហារូបករណ៍ ចេន ហ្ស៊ី តំណាងឱ្យការបោះជំហាន យ៉ាងសំខាន់ឆ្ពោះទៅរកការផ្តល់សិទ្ធិអំណាចដល់យុវជនរបស់យើង និងការដឹកនាំប្រទេសជាតិរបស់យើងឆ្ពោះ ទៅរកសេដ្ឋកិច្ចផ្អែកលើចំណេះដឹង។»

ឯកឧត្តមមានប្រសាសន៍បន្ថែមថា «យើងមានមោទនភាពដែលបានចាប់ដៃគូជាមួយសម្ព័ន្ធក្រុមហ៊ុន ព្រីនស៍ គ្រុប និង មូលនិធិព្រីនស៍ ហើយយើងសូមកោតសរសើរចំពោះការខិតខំប្រឹងប្រែងរបស់ពួកគេ ក្នុងការបង្កើតឱកាសនានា សម្រាប់ និស្សិតកម្ពុជាដែលមានទេពកោសល្យ។»

លោក Gabriel Tan ប្រធានផ្នែកទំនាក់ទំនងនៃក្រុមហ៊ុន ព្រីនស៍ ហូលឌីង គ្រុប បានទទួលស្គាល់ពីជីវប្រវត្តិ និងសេចក្តីប្រាថ្នាផ្សេងៗគ្នារបស់បេក្ខជននីមួយៗនៅក្នុងអំឡុងពេលនៃវគ្គសម្ភាសន៍ចុងក្រោយ។ លោក Gabriel Tan បានកត់សម្គាល់ថា «ភាពសម្បូរបែប និងការប្តេជ្ញាចិត្តរបស់បេក្ខជនទាំងនេះ គឺជាចំណុចលេចធ្លោរបស់ពួកគេ។ សេចក្តីប្រាថ្នារបស់ពួកគេ និងគោលដៅដែលប្រើប្រាស់ជំនាញសិក្សាសម្រាប់ អភិវឌ្ឍន៍នាពេលអនាគត ផ្តល់ឱ្យយើងនូវទំនុកចិត្តលើសក្តានុពលរបស់ពួកគេក្នុងការរួមចំណែកដល់ការ រីកចម្រើនរបស់ប្រទេសកម្ពុជា។»

ចំពោះដំណើរការជ្រើសរើសនិសិ្សតសម្រាប់អាហារូបករណ៍នេះ ត្រូវបានធ្វើឡើងដោយម៉ត់ចត់ ការវាយតម្លៃ ផ្តោតសំខាន់លើ សមិទ្ធិផលនៃការសិក្សា គុណភាពនៃភាពជាអ្នកដឹកនាំ និងសមត្ថភាពក្នុងការបង្ហាញចក្ខុវិស័យ សម្រាប់ការរីកចម្រើន ផ្ទាល់ខ្លួន និងសង្គមជាតិ។ ភាពខិតខំខ្នះខ្នែងរបស់បេក្ខជនក្នុងការរួមចំណែក ដល់ការអភិវឌ្ឍសេដ្ឋកិច្ចសង្គមរបស់ ប្រទេសកម្ពុជា គឺជាប្រធានបទដែលតែងតែលើកឡើងក្នុងបទសម្ភាសន៍។

គួរបញ្ជាក់ផងដែរថា លទ្ធផលបេក្ខជនដែលទទួលបានអាហារូបករណ៍ចំនួន ១០០ នាក់ នឹងត្រូវប្រកាសនាពាក់កណ្ដាល ខែមីនា នៅលើគេហទំព័រហ្វេសបុក និងវេបសាយផ្លូវការរបស់ មូលនិធិព្រីនស៍។

អាហារូបករណ៍ ចេន ហ្ស៊ី តែងតែឆ្ពោះទៅមុខជានិច្ចជាមួយនឹងការប្តេជ្ញាចិត្តក្នុងការជំរុញការបង្កើតថ្មី ភាពជាអ្នកដឹកនាំ និងការចូលរួមរបស់ប្រជាជនកម្ពុជា ប្រកបដោយគុណភាព និងគុណតម្លៃ ដោយស្ថិតក្រោមការ ដឹកនាំរបស់ អ្នកឧកញ៉ា ចេន ហ្ស៊ី និង សម្ព័ន្ធក្រុមហ៊ុន ព្រីនស៍ គ្រុប។ កម្មវិធីនេះមានគោលបំណង ធ្វើជាមូលដ្ឋានគ្រឹះសម្រាប់បណ្ដុះបណ្ដាល អ្នកដឹកនាំនាពេលអនាគតសម្រាប់ប្រទេសកម្ពុជា។

អំពីអាហារូបករណ៍ ចេន ហ្ស៊ី ៖

កម្មវិធីអាហារូបករណ៍ ចេន ហ្ស៊ី គឺជាគម្រោងកម្មវិធីអាហារូបករណ៍ប្រចាំឆ្នាំដែលត្រូវបានបង្កើតឡើង និងដឹកនាំ ដោយសប្បុរសជន អ្នកឧកញ៉ា ចេន ហ្ស៊ី ប្រធានក្រុមហ៊ុន ព្រីនស៍ ហូលឌីង គ្រុប រួមសហការជាមួយ ក្រសួងអប់រំ យុវជន និងកីឡា (MoEYS) សម្រាប់ផ្តល់អត្ថប្រយោជន៍ដល់និស្សិតសាកលវិទ្យាល័យកម្ពុជាចំនួន ៤០០នាក់ ក្នុងរយៈពេលប្រាំពីរឆ្នាំ។

ចាប់តាំងពីវត្តមានដំបូងរបស់កម្មវិធី អាហារូបករណ៍ ចេន ហ្ស៊ី បានជួយដល់និស្សិតកម្ពុជាជាច្រើននាក់ ដែលផ្តល់ឱកាសនិងអនុញ្ញាតឱ្យពួកគេបន្តមានលទ្ធភាពក្នុងការសិក្សានូវជំនាញដែលខ្លួនស្រឡាញ់ដើម្បីមាន ចំណេះជំនាញរួមចំណែកក្នុងការអភិវឌ្ឍប្រទេសកម្ពុជាឱ្យកាន់តែរីកចម្រើននាពេលអនាគត។

អំពីមូលនិធិព្រីនស៍ ៖

មូលនិធិព្រីនស៍ត្រូវបានបង្កើតឡើងក្នុងឆ្នាំ២០១៥ គឺជាមូលនិធិសប្បុរសធម៌ឈានមុខគេមួយនៅកម្ពុជា ។ ក្នុងនាមជា សមាជិករបស់ក្រុមហ៊ុន ព្រីនស៍ ហូលឌីង គ្រុប ដែលជាសម្ព័ន្ធក្រុមហ៊ុនដ៏ធំមួយនៅកម្ពុជា មូលនិធិនេះមានគោលបំណងធ្វើការជាមួយសហគមន៍មូលដ្ឋានដើម្បីកសាងការរស់នៅ និងបរិយាកាសការងារដែលលើកកម្ពស់សុខុមាលភាព និងការរស់នៅរបស់ប្រជាជនស្របតាមចក្ខុវិស័យ «រួមគ្នាកសាងអនាគតកាន់តែប្រសើរសម្រាប់កម្ពុជា» ។

ដោយផ្តោតលើវិស័យអប់រំ ការអភិវឌ្ឍយុវជន វិស័យសុខាភិបាល និងកិច្ចផ្តួចផ្តើមសហគមន៍ មូលនិធិព្រីនស៍ បានបន្តធ្វើការជាមួយដៃគូនានាដើម្បីផ្តល់នូវកម្មវិធីដែលមាននិរន្តរភាពនិងឱកាសជាច្រើនដល់យុវជនកម្ពុជា ការបង្កើតសហគមន៍ និងការចូលរួមក្នុងការកសាងហេដ្ឋារចនាសម្ព័ន្ធជានិរន្តរភាព ។

គម្រោងដ៏លេចធ្លោរបស់មូលនិធិ គឺជាគម្រោងកម្មវិធីអាហារូបករណ៍ ចេន ហ្ស៊ី ដែលជាគម្រោងអាហារូបករណ៍ប្រចាំឆ្នាំដែលផ្តល់ជូនការបង់ថ្លៃសិក្សាពេញលេញ ប្រាក់ឧបត្ថម្ភប្រចាំខែ កម្មវិធីអភិវឌ្ឍន៍ខ្លួន ឱកាសកម្មសិក្សា និងឱកាសការងារជូនទៅដល់និស្សិតសាកលវិទ្យាល័យកម្ពុជាចំនួន ៤០០នាក់ ក្នុងរយៈពេលប្រាំពីរឆ្នាំ និងមជ្ឈមណ្ឌលបណ្តុះបណ្ដាលវិជ្ជាជីវៈ ព្រីនស៍នាឡិកា ដែលជាសាលាបណ្ដុះបណ្ដាលតែមួយគត់ក្នុងការផ្ដល់ឱកាសសិក្សាអំពីសិល្បៈនៃការផលិតនាឡិកាស្តង់ដាប្រទេសស្វីស ។ មូលនិធិព្រីនស៍ បានផ្តួចផ្តើមកម្មវិធីមនុស្សធម៌ជាង ២៥០ កម្មវិធី ដែលបានជួយទៅដលប្រជាជនប្រមាណជាង ១.២លាន នាក់ ព្រមទាំងធ្វើការបរិច្ចាគដែលមានតម្លៃជាទឹកប្រាក់សរុបលើសពី ១៦ លានដុល្លារ ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់ឧត្ដមសិក្សានៅប្រទេសឥណ្ឌូនេស៊ី ពីកម្មវិធី Kemitraan Negara Berkebang

ព័ត៌មានអាហារូបករណ៍, ព្រឹត្តិការណ៍

• 26/01/2024

ឱកាសសិក្សាអាហារូបករណ៍ថ្នាក់ឧត្ដមសិក្សានៅប្រទេសឥណ្ឌូនេស៊ី ពីកម្មវិធីអាហារូបករណ៍ Kemitraan Negara Berkembang ឆ្នាំ២០២៤។ អាហារូបករណ៍ផ្ដល់ជូនការសិក្សា...

ក្រសួងអប់រំ ជ្រើសរើសគ្រូបង្រៀន ដើម្បីបណ្តុះបណ្តាលជំនាញអប់រំពិសេស សម្រាប់ឆ្នាំសិក្សា ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 10/11/2026

ក្រសួងអប់រំ យុវជន និងកីឡា កំពុងប្រកាស​ជ្រើសរើសបុគ្គលិកអប់រំ ចំនួន៣០រូប មក​ពីរាជធានីខេត្តទាំង១០ រួមមាន រាជធានីភ្នំពេញ កណ្តាល កំពង់ចាម កំពង់ឆ្នាំង ពោធិ៍សាត់

ក្រសួងអប់រំ ជ្រើសរើសនិស្សិតអាហារូបករណ៍​សិក្សាថ្នាក់បណ្ឌិតគ្រប់គ្រងអប់រំ និង​ឯកទេសកម្មវិធីសិក្សា ចំនួន១៥កន្លែង

ព័ត៌មានអាហារូបករណ៍, ព្រឹត្តិការណ៍

• 22/08/2023

ក្រសួងអប់រំ យុវជន និងកីឡា ប្រកាសជ្រើសរើសនិស្សិតសិក្សាអាហារូបករណ៍ថ្នាក់បណ្ឌិតគ្រប់គ្រងអប់រំ ជំនាន់ទី៤ និងថ្នាក់បណ្ឌិតអប់រំឯកទេសកម្មវិធីសិក្សា និងវិធីសាស្ត្របង្រៀនជំនាន់ទី...

អាហារូបករណ៍ថ្នាក់បរិញ្ញាបត្រជាន់ខ្ពស់នៅវិទ្យាស្ថាន Chulabhorn Graduate ប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 02/08/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅវិទ្យាស្ថានChulabhorn Graduate Institute (CGI) ពីកម្មវិធីអាហារូបករណ៍ Chulabhorn ...

ឱកាសសិក្សាវគ្គខ្លីឌីជីថល និងភាពធននៃប្រព័ន្ធ TVET ពីកម្មវិធីអូស្រ្តាលី-អាស៊ាន

ព័ត៌មានអាហារូបករណ៍, ព្រឹត្តិការណ៍

• 04/09/2023

ឱកាសសិក្សាអាហារូបករណ៍វគ្គខ្លីឌីជីថល និងភាពធននៃប្រព័ន្ធTVET ពីកម្មវិធីអូស្រ្តាលី-អាស៊ាន ឬ Aus4ASEAN ។ ការសិក្សាផ្ដល់ជូនសម្រាប់ពលរដ្ឋក្នុងប្រទេសសមាជិកអាស៊ានដែលចូលរួម...

ឱកាសអាហារូបករណ៍ Dr Goh Keng Swee (GKS) សម្រាប់ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 06/01/2025

អាហារូបករណ៍ Dr Goh Keng Swee (GKS) ដែល​ជាអាហារូបករណ៍ឯកជនគ្រប់គ្រងដោយសមាគមធនាគារនៅសិង្ហបុរី។ ជារៀងរាល់ឆ្នាំ អាហារូបករណ៍តែងតែផ្តល់ជូនដល់បុគ្គល​ឆ្នើម ដែល​មក​ពី​ប្រទេសក្នុង​តំបន់អាស៊ីប៉ាស៊ីហ្វិកចំនួន ១៥ រួមមាន ប្រ៊ុយណេ កម្ពុជា...

សាកលវិទ្យាល័យអន្តរជាតិ ផារ៉ាហ្គន ផ្តល់អាហារូបករណ៍សាកលវិទ្យាធិការដល់សិស្សឆ្នើម និងមានស្នាដៃក្នុងសង្គម

ព័ត៌មានអាហារូបករណ៍, ព្រឹត្តិការណ៍

• 16/10/2025

នៅឆ្នាំ២០២៥នេះ សាកលវិទ្យាល័យអន្តរជាតិ ផារ៉ាហ្គន បន្តផ្តល់អាហារួបករណ៍សាកលវិទ្យាធិកា ជាចំណែកផ្តល់ឱកាសដល់សិស្សានុសិស្សដែលមានទេពកោស្យខ្ពស់ មានស្នាដៃឆ្នើម តាមរយៈការងារសង្គម និងការប្រកួតប្រជែងនានា ទទួលបានអាហារូបករណ៍...

អាហារូបករណ៍ថ្នាក់ឧត្តមសិក្សានៅប្រទេសណូវែលហ្សេឡង់សម្រាប់និស្សិតអន្តរជាតិឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 21/02/2023

កម្មវិធីអាហារូបករណ៍ Manaaki New Zealand បានប្រកាស​បើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិ​ទៅសិក្សា​ថ្នាក់បរិញ្ញាបត្រ​ជាន់ខ្ពស់ ...

អាហារូបករណ៍​ថ្នាក់ក្រោយ​ឧត្តមសិក្សា និង​ថ្នាក់បរិញ្ញាបត្រ ចំនួន១២០កន្លែង ទៅសិក្សា​នៅ​ប្រទេស​វៀតណាម ឆ្នាំ​សិក្សា​២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 30/09/2025

ក្នុង​ឆ្នាំសិក្សា​២០២៥-២០២៦ នេះ ក្រសួងអប់រំ យុវជន និងកីឡា នឹង​ធ្វើ​ការ​ជ្រើសរើស​និស្សិត​អាហារូបករណ៍​ថ្នាក់ក្រោយ​ឧត្តមសិក្សា និង​ប្រឡង​ជ្រើសរើស​និស្សិត​អាហារូបករណ៍​ថ្នាក់បរិញ្ញាបត្រ ចំនួន ១២០នាក់ ទៅ​សិក្សា​នៅ​សាធារណរដ្ឋសង្គម​និយមវៀតណាម។