ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សិស្សវ័យជំទង់មួយចំនួនមិនមានចំណូលចិត្តរៀនគណិតវិទ្យានោះទេ ព្រោះតែភាពស្មុគស្មាញ និងទាមទារការគិតវិភាគច្រើននៃមុខវិជ្ជានេះ។ ប៉ុន្តែការសិក្សាថ្មីមួយបានបង្ហាញថា ការរៀនមុខវិជ្ជាគណិតវិទ្យានៅវ័យក្មេង និងជំទង់ អាចជះឥទ្ធិពលវិជ្ជមានដល់ការអភិវឌ្ឍខួរក្បាលមនុស្សម្នាក់នាពេលអនាគត។
ក្រុមអ្នកស្រាវជ្រាវមកពីសាកលវិទ្យាល័យ Oxford បានរកឃើញថា សាធាតុគីមី ដែលជា ហ្គាមម៉ា អាមីណូប៊ុយទីរិច អាស៊ីត (gamma-aminobutyric acid) មានសារៈសំខាន់ក្នុងការអភិវឌ្ឍតំបន់ខួរក្បាល ដែលមានទំនាក់ទំនងនឹងការចងចាំ ការសិក្សា ការវែកញែករកហេតុផល និងមុខងារយល់។ អ្វីដែលសំខាន់ជាងនេះ គឺ សារធាតុគីមីនេះនឹងកើនឡើង ក្រោយពេលដែលមនុស្សរៀនគណិតវិទ្យារយៈពេល ១៩ខែ, ដោយបង្ហាញថា ការរៀនគណិតវិទ្យាពិតជាមានសារៈសំខាន់ សម្រាប់ការអភិវឌ្ឍសរសៃប្រសាទខួរក្បាល។
បណ្ឌិតចិត្តសាស្ត្រ Raquel Libbin បានពន្យល់ថា សារធាតុគីមីនេះ គឺសំខាន់សម្រាប់ការសិក្សាវិភាគ និងអាចជួយឱ្យយុវវ័យមានអនាគតមួយល្អប្រសើរ។ លើសពីនេះ សារធាតុនេះ នឹងជួយអភិវឌ្ឍសមត្ថភាពទំនាក់ទំនង, ការគ្រប់គ្រងអារម្មណ៍, ជំរុញឱ្យមនុស្សសម្រេចបានគោលដៅសិក្សាកម្រិតខ្ពស់ និងបង្កើនកម្រិតសេដ្ឋកិច្ចសង្គម។ តាមរយៈការសិក្សាវិភាគ គេអាចសន្និដ្ឋានថា ការអប់រំគណិតវិទ្យា ត្រូវបានផ្សារភ្ជាប់នឹង «វឌ្ឍភាពនៃការអប់រំ ស្ថានភាពសេដ្ឋកិច្ចសង្គម ការងារ សុខភាពផ្លូវចិត្ត និងផ្លូវកាយព្រមទាំងស្ថិរភាពហិរញ្ញវត្ថុ។»
លើសពីនេះ អ្វីដែលគួរឱ្យចាប់អារម្មណ៍ទៀតនោះ គឺ ការសិក្សាបានរកឃើញថា គណិតវិទ្យាមិនមែនគ្រាន់តែជាការគណនាលេខតែមួយមុខនោះទេ។ ការសិក្សាពីតន្រ្តី ក៏មានគណិតវិទ្យាកម្រិតខ្ពស់ក្នុងនោះផងដែរ។ នេះជាការលើកឡើងរបស់ ចិត្តវិទូកុមារ និងការព្យាបាលផ្លូវចិត្តដោយតន្ត្រីលោកស្រី Michelle Hintz ។
អ្នកជំនាញរូបនេះបន្តថា ម្ដាយឪពុក គ្រូបង្រៀន និងអ្នកអប់រំ អាចលើកទឹកឱ្យកូន និងសិស្ស សិក្សា និងមានក្ដីស្រឡាញ់ចំពោះមុខវិជ្ជាគណិតវិទ្យា តាមរយៈការបង្ហាញឱ្យឃើញនៃអត្ថប្រយោជន៍មុខវិជ្ជានេះ សម្រាប់ខួរក្បាល និងការសិក្សាពេញមួយជីវិត។ ហើយខួរក្បាលរបស់ពួកគេ នឹងអរគុណគេនៅពេលក្រោយ៕
