អតីតសិស្សនិទ្ទេស A យុវតី ស៊ា ដាឡែន ៖ ស្វ័យសិក្សា ជាគន្លឹះដើម្បីទទួល

ភ្នំពេញ – យុវតី ស៊ា ដាឡែន ជាអតីតសិស្សនិទ្ទេស A ឆ្នាំ២០២១ បច្ចុប្បន្នជានិស្សិតផ្នែកអក្សរសាស្រ្តអង់គ្លេសនៅសាកលវិទ្យាល័យភូមិន្ទភ្នំពេញ ហើយក៏ជានិស្សិតផ្នែកសេដ្ឋកិច្ចឌីជីថល នៃសាកលវិទ្យាល័យជាតិគ្រប់គ្រងផងដែរ។ ដាឡែន និយាយថា ដើម្បីទទួលបាននិទ្ទេសល្អក្នុងការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបនាពេលខាងមុខ គន្លឹះសំខាន់សម្រាប់អ្នកត្រៀមប្រឡងបាក់ឌុប គឺស្វ័យសិក្សា។

បើតាមការលើកឡើងរបស់យុវតី ស៊ា ដាឡែន នៅពេលសិស្សរៀននៅសាលាជាមួយគ្រូ គឺអាចទទួលបានចំណេះដឹងត្រឹម ៧០% ដោយសិស្សមិនបានយល់ច្បាស់ពីមេរៀនអស់នោះទេ ប៉ុន្តែនៅពេលសិស្សយកមេរៀនមកអនុវត្តលំហាត់ខ្លួនឯង ធ្វើផ្ទាល់ដៃខ្លួនឯង ទើបដឹងថា យើងខ្វះខាតកន្លែងណាខ្លះ? ហើយយើងក៏អាចបំពេញចំណុចចខ្វះខាតនៅកន្លែងនោះបាន។

អតីតសិស្សនិទ្ទេស A ឆ្នាំ២០២១ រូបនេះ បញ្ជាក់បន្ថែមថា រូបនាងធ្លាប់មានក្ដីស្រមៃចង់បាននិទ្ទេស A ហើយចាប់ផ្ដើមដាក់គោលដៅរៀនយកនិទ្ទេស A ចាប់តាំងពីរៀនចប់ថ្នាក់ទី១១។ ដាឡែន បន្តថា កត្តាដែលជំរុញឱ្យក្ដីស្រមៃរបស់ខ្លួនទទួលបានជោគជ័យ គឺដោយសារកត្តាចំនួន៣ ទី១.កត្តាគ្រួសារ ៖ ក្នុងនាមជាកូនម្នាក់ចង់ឃើញឪពុកម្ដាយសប្បាយចិត្ត មានមោទនភាពលើកូន, ទី២. ក្ដីស្រមៃខ្លួនឯង ៖ មានក្ដីស្រមៃចង់បាននិទ្ទេស A ប្រសិនបាននិទ្ទសA យើងមានកិត្តិយស និងទទួលបានប្រាក់រង្វាន់ជាពិសេស និងទី៣. កត្តាទឹកចិត្តគ្រូបង្រៀន ៖ គ្រូបង្រៀន គាត់ខិតខំបង្រៀនសិស្សតាំងពីដើមឆ្នាំ ដល់ចុងឆ្នាំ គាត់តែងតែចង់បានឱ្យសិស្សរបស់គាត់ទទួលបាននិទ្ទេសល្អ ប្រសិនបើសិស្សប្រឡងបាននិទ្ទេស A លើមុខវិជ្ជារបស់គាត់ គាត់ក៏សប្បាយចិត្តលើលទ្ធផលមួយនោះ។

យុវតី ស៊ា ដាឡែន អតីតសិស្សនិទ្ទេស A ឆ្នាំ២០២១

“នៅពេលបញ្ចប់ថ្នាក់ទី១១ ខ្ញុំចាប់ផ្ដើមសម្លឹងឃើញសិស្សច្បងរៀនថ្នាក់ទី១២ ទទួលបានជោគជ័យ ទទួលបាននិទ្ទេសល្អ ធ្វើឱ្យខ្ញុំមានកម្លាំងចិត្តមួយចង់ឱ្យរឿងទាំងនោះកើតមកលើខ្ញុំដែរ ទើបធ្វើឱ្យខ្ញុំខិតខំប្រឹងប្រែងរៀនសូត្រ ស្វ័យសិក្សា ដើម្បីទទួលបាននិទ្ទេសល្អដែរ”

សម្រាប់ការរៀនយកនិទ្ទេស A នេះ យុវតី ដាឡែន ក៏បានជួបនូវឧបស័គ្គមួយចំនួនផងដែរ ដោយកាលពីឆ្នាំ២០២១ កំពុងមានបញ្ហាជំងឺកូវីដ១៩ ដែលតម្រូវឱ្យនាងត្រូវរៀននៅផ្ទះ ដែលខុសពីរៀននៅសាលាផ្ទាល់បានជួបមុខលោកគ្រូ អ្នកគ្រូ និងមិត្តភក្ដិ ប៉ុន្តែពេលរៀននៅផ្ទះម្នាក់ឯងធ្វើឱ្យនាងកើតមានអារម្មណ៍ខ្ជិល ខណៈពេលខ្លះរៀនដាច់អ៊ីនធឺណិត ឬកំពុងរៀនសុខៗម្តាយហៅឱ្យជួយធ្វើការងារផ្ទះ ធ្វើឱ្យមានការរំខាន និងពិបាកតាំងអារម្មណ៍រៀនមិនមូល។ យ៉ាងណាក៏ដោយដើម្បីដោះស្រាយបញ្ហានេះ ដាឡែន ខំស្វែករកពេលវេលាស្ងប់ស្ងាត់ល្អ ដូចជាពេលយប់មិនសូវមានផលរំខានផ្សេងៗ ហើយម៉ោងរៀនដែលល្អបំផុតសម្រាប់រូបនាង គឺចន្លោះម៉ោង ៧ដល់ម៉ោង១០យប់ ព្រោះម៉ោងនេះ ស្ងាត់ល្អអាចតាំងចិត្តរៀន និងធ្វើចិត្តឱ្យស្ងប់ដើម្បីអាចរៀនចូល។

ជាមួយគ្នានេះ បើតាមយុវតីមកពីខេត្តត្បូងឃ្មុំរូបនេះថា ការរៀបចំកាលវិភាគរៀនមុនប្រឡងបាក់ឌុប ក៏ជាផ្នែកមួយជួយជំរុញឱ្យទទួលបាននិទ្ទេសល្អផងដែរ ព្រោះការរៀបចំកាលវិភាគ ប្រៀបដូចជាផ្លូវនាំសិស្សឱ្យមានភាពច្បាស់លាស់ចំពោះខ្លួនឯង និងការសិក្សា។ សម្រាប់ ដាឡែន ផ្ទាល់ តែងរៀបចំកាលវិភាគលើមុខវិជ្ជារៀនខ្សោយ មិនសូវច្បាស់ ដោយដាក់ម៉ោងរៀនលើមុខវិជ្ជានោះឱ្យបានច្រើន ។

យុវតី ស៊ា ដាឡែន អតីតសិស្សនិទ្ទេស A ឆ្នាំ២០២១

“ខ្ញុំរៀនខ្សោយខាងផ្នែកមរៀនទន្ទេញ ដូច្នេះ ក្នុងមួយថ្ងៃខ្ញុំដាក់មេរៀនទន្ទេញឱ្យបានពីរភាគបី ហើយមួយភាគទៀត ខ្ញុំផ្ដោតសំខាន់ទៅលើមុខវិជ្ជាវិទ្យាសាស្រ្ត ដោយសារខ្ញុំឧស្សាហ៍អនុវត្តរាល់ថ្ងៃពីដើមឆ្នាំរហូតដល់ចុងឆ្នាំសិក្សា។ ខ្ញុំមានអារម្មណ៍ថា មានទំនុកចិត្តចំពោះមុខវិជ្ជាគិតលេខ ប៉ុន្តែចំពោះមេរៀនខ្ញុំរៀងខ្សោយ ដូច្នេះ ត្រូវផ្ដោតលើវាច្រើន”

អតីតសិស្សនិទ្ទេសA ឆ្នាំ២០២១ បន្ថែមថា ចំពោះមេរៀនទន្ទេញវិញ គឺចាប់ផ្ដើមទន្ទេញមេរៀនបីខែមុនពេលប្រឡង ដោយចាប់ផ្ដើមប្រមូលឯកសារផ្សេងៗដែលពាក់ព័ន្ធទៅនឹងមេរៀន មិនថាទិញឯកសារពីខាងក្រៅ ឬក៏សំណួរចម្លើយដែលមាននៅក្នុងសៀវភៅពុម្ភ ឯកសាររកបាននៅតាមសៀវភៅរបស់ក្រសួងផ្សេងៗ រៀបចំឱ្យមានលំដាប់ និងចាប់ផ្ដើមទន្ទេញមេរៀនពីមួយថ្ងៃទៅមួយថ្ងៃ ។ សម្រាប់ ដាឡែន ទោះមេរៀនច្រើនក៏ពិតមែនប៉ុន្តែសិស្សក៏មានពេលច្រើនក្នុងការទន្ទេញ ដោយកំណត់ខ្លួនឯងថា យ៉ាងហោចណាស់ទន្ទេញមេរៀនក្នុងមួយថ្ងៃឱ្យបាន ២សំណួរ។ ការធ្វើដូចនេះ នៅពេលដល់ថ្ងៃប្រឡង នឹងធ្វើឱ្យយើងទន្ទេញបានច្រើនសំណួរ និងយល់ច្បាស់ពីមេរៀនកាន់តែច្រើនតាមនោះដែរ។

យុវតី ស៊ា ដាឡែន អតីតសិស្សនិទ្ទេស A ឆ្នាំ២០២១

“តាមបទពិសោធន៍របស់ខ្ញុំផ្ទាល់ អំឡុងពេលប្រឡង អ្វីដែលសំខាន់យើងត្រូវរៀបចំខ្លួនឱ្យមានរួចជាស្រេច មិនមែនមុនមួយអាទិត្យប្រឡងទើបយើងចាប់ផ្ដើមមើលមេរៀន ព្រោះក្នុងពេលមួយសប្ដាហ៍យើងមិនអាចមើលមេរៀនអស់ទេ ហើយសំខាន់ធ្វើឱ្យយើងភ័យ។ ដូច្នេះ យើងត្រូវត្រៀមខ្លួនឱ្យបានរួចជាស្រេចមិនថា រយៈពេលមួយឆ្នាំ បួនខែ ឬបីខែមុនពេលប្រឡង ក៏យើងអាចត្រៀមខ្លួនទាន់ដែរ”

សម្រាប់បទពិសោធន៍របស់ ដាឡែន មុនថ្ងៃប្រឡងសិស្សានុសិស្សត្រូវតែដឹងថា ខ្លួនខ្លាំងមុខវិជ្ជាអ្វី? ខ្សោយមុខវិជ្ជាអ្វី? ដូច្នេះបើខ្សោយមុខវិជ្ជាណា គឺត្រូវតែផ្ដោតលើមុខវិជ្ជានោះឱ្យបានខ្លាំង ព្រោះប្រសិនបើប្រឡងមុខវិជ្ជាផ្សេងៗខ្លាំងហើយ ប៉ុន្តែបែរជាមកធ្លាក់លើមុខវិជ្ជាណាមួយ វានឹងធ្វើឱ្យពិន្ទុចាប់ផ្ដើមទាញឱ្យធ្លាក់តាមនោះដែរ។ ដាឡែន បន្តថា មុនពេលប្រឡង សិស្សានុសិស្សកុំភ្លេចថែរក្សាសុខភាពឱ្យសោះ ហើយមួយថ្ងៃមុនប្រឡងកុំញ៉ាំអ្វីផ្ដេសផ្ដាសដូចជាម្ជូរ ដែលធ្វើឱ្យឈឺពោះ ក្អួត ឬក៏កុំផឹកអ្វីដែលធ្វើឱ្យគេងមិនលក់ក្នុងមួយយប់មុនពេលប្រឡង។ ដោយឡែកអំឡុងពេលប្រឡងវិញ ត្រូវតាំងចិត្តឱ្យស្ងប់ កុំភ័យ កុំតក់ស្លុត កុំខ្លាចវិញ្ញាសា ឃើញលំហាត់ណាចេះ ត្រូវធ្វើលំហាត់នោះមុន ហើយសំណួរណាចេះយើងអាចសរសេរចម្លើយចំពោះសំនួរនោះមុន និងកុំសរសេរអ្វីផ្ដេសផ្ដាសដែលអាចហៅថាជាសញ្ញាសម្គាល់។

យុវតី ស៊ា ដាឡែន ក៏បានលើកទឹកចិត្តដល់សិស្សានុសិស្សដែលជាបេក្ខជនប្រឡងបាក់ឌុបខាងមុខនេះ សូមត្រៀមខ្លួនឱ្យបានរួចជាស្រេច ខំប្រឹងរៀនអំឡុងពេលដែលយើងនៅមានពេលមើលមេរៀន ហើយត្រូវថែសុខភាពឱ្យបានល្អ ។ លើសពីនេះ កុំដាក់សម្ពាធលើខ្លួនឯងដល់ថ្នាក់រៀនដាច់យប់ រៀនរហូតដល់ភ្លេចបាយភ្លេចទឹក ព្រោះការដាក់សម្ពាធលើខ្លួនឯងអាចធ្វើឱ្យប៉ះពាល់ផ្លូវអារម្មណ៍ និងធ្វើឱ្យបានបញ្ហាសុខភាពផ្សេងៗ៕

កញ្ញា វ៉ាន គីមសល់ | Ms. Van Kimsal

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

របាយការណ៍ថ្មី

មើលទាំងអស់ ➧

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

វិធីសាស្ត្រ ៤ ដែលអាណាព្យាបាលអាចបង្កើតទម្លាប់វិជ្ជមានសម្រាប់កុមារប្រើបច្ចេកវិទ្យាឌីជីថល

បទយកការណ៍, អប់រំកុមារតូច

• 06/03/2026

វិធីជំរុញខ្លួនឯងឱ្យធ្វើលំហាត់ប្រាណបានទៀងទាត់

ចំណេះជីវិត, បទយកការណ៍

• 04/02/2026

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រជាន់ខ្ពស់នៅចក្រភពអង់គ្លេស

ព័ត៌មានអាហារូបករណ៍, ព្រឹត្តិការណ៍

• 17/04/2025

កម្មវិធីអាហារូបករណ៍ Commonwealth Distance Learning Scholarship 2025-2026 ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យផ្សេងៗនៃចក្រភពអង់គ្លេស សម្រាប់ឆ្នាំសិក្សា២០២៥-២០២៦។

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យជាតិអូស្ត្រាលីឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 09/05/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ Australlian Government Rerearch Training Pro...

ឱកាសសម្រាប់យុវជន និស្សិត ចូលរួមសិក្ខាសាលាពាក់ព័ន្ធនឹងកិច្ចការពាណិជ្ជកម្មនៅប្រទេសចិន

ព័ត៌មានអាហារូបករណ៍, ព្រឹត្តិការណ៍

• 26/06/2024

ដើម្បីចូលរួមអបអរសាទរឆ្នាំ នៃការផ្លាស់ប្តូរប្រជាជន និងប្រជាជនកម្ពុជា-ចិន ឆ្នាំ២០២៤ សមាគមទំនាក់ទំនងយុវជនកម្ពុជា-ចិន (CCYA) និងសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន (ASCS)...

ក្រសួងអប់រំជ្រើសរើសសិក្ខាកាមចូលរួមវគ្គបណ្តុះបណ្តាលនវានុវត្តន៍បច្ចេកវិទ្យាអប់រំឌីជីថល ជំនួយលើវិធីសាស្រ្តបង្រៀន និងរៀនក្នុងបរិបទថ្មី

ព័ត៌មានអាហារូបករណ៍, ព្រឹត្តិការណ៍

• 15/07/2025

ក្រសួងអប់រំ យុវជន និងកីឡា បានប្រកាសជ្រើសរើសសិក្ខាកាមចូលរួមវគ្គបណ្ដុះបណ្ដាល ស្ដីពី នវានុវត្តន៍បច្ចេកវិទ្យាអប់រំឌីជីថល ជំនួយលើវិធីសាស្រ្តបង្រៀន និងរៀនក្នុងបរិបទថ្មី រៀបចំដោយនាយកដ្ឋានបរិវត្តកម្មឌីជីថល...

ក្រសួងអប់រំ ប្រកាសជ្រើសរើសសិស្សចូលរៀនផ្នែកអប់រំបច្ចេកទេស

ព័ត៌មានអាហារូបករណ៍, ព្រឹត្តិការណ៍

• 04/07/2024

ក្រសួងអប់រំ យុវជន និងកីឡា កាលពីសប្តាហ៍កន្លងទៅនេះ ប្រកាសដល់សិស្សានុសិស្សដែលប្រឡងជាប់សញ្ញាបត្រមធ្យមសិក្សាបឋមភូមិ ឬសញ្ញាបត្រមានតម្លៃសមមូល ពីការជ្រើសរើសសិស្សឱ្យចូលរៀននៅតាម...

វិទ្យាស្ថានពហុបច្ចេកទេសភូមិភាគតេជោសែនស្វាយរៀង ផ្តល់អាហារូបករណ៍១០០% ចំនួន២៧០កន្លែង

ព័ត៌មានអាហារូបករណ៍, ព្រឹត្តិការណ៍

• 23/01/2025

វិទ្យាស្ថានពហុបច្ចេកទេសភូមិភាគតេជោសែនស្វាយរៀង បានប្រកាសជ្រើសរើសនិស្សិតឱ្យចូលរៀនជំនាញបច្ចេកទេស និងវិជ្ជាជីវៈ លើកទី២ សម្រាប់ឆ្នាំសិក្សា២០២៤-២០២៥ ដោយផ្តល់អាហារូបករណ៍១០០% សរុបចំនួន ២៧០កន្លែង។

ឱកាសអាហារូបករណ៍សិក្សាថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យ Mae Fah Luang ប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 19/04/2023

ក្រោមកម្មវិធី Boon Rawd Scholarship 2023 សាកលវិទ្យាល័យ Mae Fah Luang ខេត្តឈៀងរ៉ៃ នៃព្រះរាជាណាចក្រថៃ បានប្រកាសជ្រើសរើសនិស្សិតកម្ពុជាចំនួន ២រូប...

ក្រសួងអប់រំ ជ្រើសរើសគ្រូប្រឹក្សាគរុកោសល្យថ្នាក់បរិញ្ញាបត្រជាន់ខ្ពស់អប់រំចំនួន៣២កន្លែង

ព័ត៌មានអាហារូបករណ៍, ព្រឹត្តិការណ៍

• 02/06/2023

ក្រសួងអប់រំ យុវជន និងកីឡា ប្រកាសជ្រើសរើសគ្រូប្រឹក្សាគរុកោសល្យថ្នាក់បរិញ្ញាបត្រជាន់ខ្ពស់អប់រំឯកទេសប្រឹក្សាគរុកោសល្យ ជំនាន់ទី៥ ឆ្នាំសិក្សា២០២៣-២០២៤ ។ ...

អាហារូបករណ៍ថ្នាក់បរិញ្ញាបត្រ១០០ភាគរយនៅសាកលវិទ្យាល័យខេមតិច

ព័ត៌មានអាហារូបករណ៍, ព្រឹត្តិការណ៍

• 01/12/2023

សាកលវិទ្យាល័យខេមតិច ដែលគេដឹងថា គឺជាសាកលវិទ្យាល័យបច្ចេកវិទ្យា ដែលមានបទដ្ឋានអន្តរជាតិ ប្រកាសផ្តល់អាហារូបករណ៍ទេពកោសល្យស្ទែមថ្នាក់បរិញ្ញាបត្រជាច្រើនកន្លែង សម្រាប់ឆ្នាំសិក្សា២០២៣-២០២៤...