ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – បើនិយាយពីសេដ្ឋកិច្ចគ្រប់គ្នាប្រាកដជាគិតទៅដល់រឿងលុយកាក់ និងការបណ្តាក់ទុករកស៊ីជាដើម ប៉ុន្តែបើតាមការលើកឡើងរបស់ឯកឧត្តម ហ៊ន ធារ៉ា ដែលបញ្ចប់ការសិក្សាថ្នាក់បណ្ឌិតលើជំនាញវិទ្យាសាស្រ្តសេដ្ឋកិច្ចមកពីប្រទេសជប៉ុន និងបច្ចុប្បន្នជាអគ្គនាយកនៃអគ្គនាយកដ្ឋានប្រៃសណីយ៍ នៃក្រសួងប្រៃសណីយ៍ និងទូរគមនាគមន៍ មានប្រសាសន៍ថា ជំនាញសេដ្ឋកិច្ចមិនត្រឹមតែធ្វើការងារពាក់ព័ន្ធនឹងវិស័យលុយកាក់ប៉ុណ្ណោះទេ ប៉ុន្តែគេអាចប្រើវាទៅស្ទើរគ្រប់វិស័យនៅក្នុងសង្គម ។
អ្នកជំនាញវិទ្យាសាស្រ្តសេដ្ឋកិច្ចរូបនេះ បានលើកជាឧទាហរណ៍ថា នៅក្នុងវិស័យអប់រំ គេអាចប្រើជំនាញសេដ្ឋកិច្ចដើម្បីដោះស្រាយបញ្ហាប្រឈមក្នុងវិស័យអប់រំ ដូចជា ការអភិវឌ្ឍន៍ហេដ្ឋារចនាសម្ព័ន្ធអប់រំ និងការបណ្តុះបណ្តាលជំនាញរបស់គ្រូជាដើម ។ វិស័យសុខាភិបាល គេអាចប្រើជំនាញសេដ្ឋកិច្ច ដោយផ្តោតទៅលើប្រសិទ្ធភាពនៃការផ្តល់សេវាសុខាភិបាល ការចំណាយក្នុងវិស័យសុខាភិបាល ការផ្តល់ហេដ្ឋារចនាសម្ព័ន្ធក្នុងវិស័យសុខាភិបាល ។ល។ ហើយសម្រាប់វិស័យកសិកម្មវិញ គេអាចប្រើជំនាញសេដ្ឋកិច្ចសម្រាប់ការស្វែងរកទីផ្សារកសិផល ការនាំចេញកសិផល ក៏ដូចជាការបង្កើតគោលនយោបាយម្ហូបអាហារជាដើម ។
– ឯកឧត្តម ហ៊ន ធារ៉ា
” អញ្ចឹង ជំនាញសេដ្ឋកិច្ចនេះ យើងអាចប្រើក្នុងវិស័យផ្សេងៗបាន ដោយយើងយកជំនាញវិទ្យាសាស្រ្តសេដ្ឋកិច្ចនេះ ដើម្បីដោះស្រាយបញ្ហាប្រឈមនៅក្នុងវិស័យទាំងអស់នោះ…”
តើជំនាញវិទ្យាសាស្រ្តសេដ្ឋកិច្ច គេសិក្សាពីអ្វីខ្លះ?
តាមការឱ្យនិយមន័យរបស់ ឯកឧត្តម ហ៊ន ធារ៉ា វិទ្យាសាស្រ្តសេដ្ឋកិច្ច គឺជាវិទ្យាសាស្រ្តសង្គមមួយដែលសិក្សាពីជម្រើសរបស់បុគ្គល ឬធុរកិច្ច ក៏ដូចជារាជរដ្ឋាភិបាលទៅលើការសម្រេចចិត្ត ទៅលើសកម្មភាពរបស់ខ្លួន ផ្អែកទៅលើធនធានដែលមានកម្រិត ។ ធនធានដែលមានកម្រិត គឺសំដៅទៅលើពេលវេលា ចំណូល, ផលិតផល, សេវា, ឬក៏អាចជាធនធានធម្មជាតិ ឬវាអាចជាការប្រឈមផ្សេងៗ ។
សម្រាប់ការសិក្សានៅតាមមហាវិទ្យាល័យវិញ វិទ្យាសាស្រ្តសេដ្ឋកិច្ច គឺគេសិក្សាពីតម្រូវការរបស់អ្នកប្រើប្រាស់ ការផ្គត់ផ្គង់របស់សហគ្រាស គោលនយោបាយរបស់រដ្ឋ គោលនយោបាយពន្ធ ពាណិជ្ជកម្មអន្តរជាតិ គោលនយោបាយហិរញ្ញវត្ថុ គោលនយោបាយរូបិយវត្ថុ តម្លៃទីផ្សារ តម្លៃទំនិញ វិសមភាព សោធននិវត្តន៍ និងអត្រាប្តូរប្រាក់ជាដើម ដែលបម្រើដល់តួរអង្គចំនួន៣ គឺអ្នកប្រើប្រាស់ ធុរកិច្ច ឬក៏រាជរដ្ឋាភិបាល ។
អ្នកជំនាញវិទ្យាសាស្រ្តសេដ្ឋកិច្ចរូបនេះ បញ្ជាក់បន្ថែមថា សម្រាប់ទីផ្សារការងារលើជំនាញមួយនេះ មានច្រើន ព្រោះតែវិសាលភាពនៃជំនាញសេដ្ឋកិច្ចអាចប្រើប្រាស់បានច្រើនទាំងក្នុងវិស័យរដ្ឋ និងវិស័យឯកជន ។ សម្រាប់វិស័យរដ្ឋ អ្នកចេះជំនាញនេះ អាចធ្វើការងារជាអ្នករៀបចំគោលនយោបាយ, គ្រប់គ្រងសហគ្រាសរដ្ឋ, ការងារនិយ័តកម្ម ឬក៏ការងារសោធននិវត្តន៍ជាដើម ។ ដោយឡែកសម្រាប់វិស័យឯកជន អ្នកចេះជំនាញនេះ អាចធ្វើជាអ្នកវិភាគហានិភ័យហិរញ្ញវត្ថុ អ្នកវិភាគទិន្នន័យ អ្នករៀបចំផែនការហិរញ្ញវត្ថុ អ្នកស្រាវជ្រាវ អ្នកស្ថិតិ ឬក៏អ្នកវិភាគទីផ្សារជាដើម។
ដើម្បីសិក្សាជំនាញវិទ្យាសាស្រ្តសេដ្ឋកិច្ច តើត្រូវចេះមុខវិជ្ជាអ្វីខ្លះ?
បើតាមការលើកឡើងរបស់ ឯកឧត្តម ហ៊ន ធារ៉ា ប្រសិនសិស្សានុសិស្សចង់ជ្រើសរើសយកជំនាញវិទ្យាសាស្រ្តសេដ្ឋកិច្ច ឯកឧត្តមលើកទឹកចិត្តឱ្យប្អូនៗមើលលើសមត្ថភាពរបស់ខ្លួន ទៅលើចំណេះដឹងផ្នែកគណិតវិទ្យា និងភាសាបរទេស ។ ឯកឧត្តមពន្យល់ថា គណិតវិទ្យាសម្រាប់ជំនាញសេដ្ឋកិច្ច គឺគេប្រើប្រាស់សម្រាប់ការគិត ការវិភាគផ្សេងៗ ហើយភាសាបរទេស ពិសេសគឺភាសាអង់គ្លេស គេប្រើប្រាស់សម្រាប់ធ្វើការស្រាវជ្រាវឯកសារ ហើយចាំបាច់បំផុតនោះ គឺការស្នើសុំអាហារូបករណ៍ទៅក្រៅប្រទេស ។
ឯកឧត្តម ហ៊ន ធារ៉ា បានបញ្ជាក់ចំណុចនេះថា
” បើយើងបញ្ចប់ត្រឹមបរិញ្ញាបត្រ យើងអាចទៅធ្វើការងារនៅក្រុមហ៊ុន ក្នុងស្ថាប័នរដ្ឋ អង្គការ… ប៉ុន្តែបើចង់ផ្តោតលើជំនាញនេះឱ្យបានស៊ីជម្រៅតែម្តង ខ្ញុំសូមលើកទឹកចិត្ត ក្រោយពីចប់ថ្នាក់បរិញ្ញាបត្រនេះ យើងអាចរៀនបន្ថែម ទៅដល់ក្រោយឧត្តមសិក្សាថ្នាក់អនុបណ្ឌិត ឬបណ្ឌិត ដើម្បីឱ្យចំណេះដឹងនេះ ក្លាយទៅជាជំនាញតែម្តង ដែលយើងអាចធ្វើការងារនេះកាន់តែស៊ីជម្រៅ ហើយខ្ញុំក៏លើកទឹកចិត្តក្នុងការស្នើសុំអាហារូបករណ៍ទៅសិក្សានៅក្រៅប្រទេស…”
ត្រឡប់មកវិញ ឯកឧត្តម ហ៊ន ធារ៉ា លើកទឹកចិត្តដល់ប្អូនៗសិស្សានុសិស្សដែលពូកែខាងគណិតវិទ្យា អាចផ្តោតមកលើជំនាញសេដ្ឋកិច្ច ព្រោះថា ប្រទេសកម្ពុជា មានការរីកចម្រើនបន្តទៅមុខទៀត ហើយបញ្ហាសេដ្ឋកិច្ច បញ្ហាសង្គម ក៏ដូចជាបញ្ហាស្មុគស្មាញជាច្រើនទៀតអាចនឹងកើតឡើងច្រើន ដែលតម្រូវឱ្យមានអ្នកសិក្សាស្រាវជ្រាវ មានអ្នកវិភាគទិន្នន័យឱ្យបានច្បាស់លាស់ ដើម្បីជាធាតុចូលក្នុងការសម្រេចចិត្តរបស់សហគ្រាស ក៏ដូចជាការសម្រេចចិត្តរបស់រដ្ឋាភិបាល ៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាអាហារូបករណ៍នៅប្រទេសជប៉ុនរយៈពេល១ឆ្នាំសម្រាប់បុគ្គលិកអប់រំ
ព័ត៌មានអាហារូបករណ៍, ព្រឹត្តិការណ៍
• 03/09/2025
តាមរយៈ ក្រសួងអប់រំ យុវជន និងកីឡាកម្ពុជា ក្រសួងអប់រំ វប្បធម៌ កីឡា វិទ្យាសាស្ត្រ និងបច្ចេកវិទ្យា (MEXT) នៃប្រទេសជប៉ុន ប្រកាសជ្រើសរើសនិស្សិតអប់រំទៅសិក្សាមុខជំនាញ Business Administration ក្រោមកម្មវិធី Young Leader's Program (YLP)
អាហារូបករណ៍សិក្សាជំនាញវិជ្ជាជីវៈ នៅវិទ្យាស្ថានពហុបច្ចេកទេសខេត្តកំពង់ធំ ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 18/09/2023
វិទ្យាស្ថានពហុបច្ចេកទេសខេត្តកំពង់ធំ (PIKT) ប្រកាសជ្រើសរើសសិស្ស-និស្សិតថ្នាក់អាហារូបករណ៍ សិក្សាជំនាញវិជ្ជាជីវៈ ចាប់ពីកម្រិតសញ្ញាបត្របច្ចេកទេស រហូតដល់កម្រិតសញ្ញាបត្រជាន់ខ្ពស់បច្ចេកទេស...
អាហារូបករណ៍ថ្នាក់បរិញ្ញាបត្រចំនួន១៥កន្លែងនៅសាកលវិទ្យាល័យជាតិគ្រប់គ្រងឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 06/11/2024
តាមរយៈការលើកស្ទួយក្នុងវិស័យអប់រំ ឯកឧត្ដមអភិបណ្ឌិត ស សុខា និង លោកជំទាវ កែ សួនសុភី សហការជាមួយសាកលវិទ្យាល័យជាតិគ្រប់គ្រង ប្រកាសជ្រើសរើសនិស្សិតចំនួន១៥នាក់ដើម្បីសិក្សាថ្នាក់...
រៀនជំនាញបច្ចេកទេស និងវិជ្ជាជីវៈ ចំនួន២២ជំនាញ ឥតគិតថ្លៃ នៅ NPIC
ព័ត៌មានអាហារូបករណ៍, ព្រឹត្តិការណ៍
• 16/06/2026
សម្រាប់យុវជនដែលកំពុងស្វែងរកឱកាសសិក្សាជំនាញបច្ចេកទេស និងវិជ្ជាជីវៈ, វិទ្យាស្ថានជាតិពហុបច្ចេកទេសកម្ពុជា ឬហៅកាត់ថា NPIC នៃក្រសួងការងារ កំពុងផ្តល់អាហារូបករណ៍ចំនួន ៣ពាន់កន្លែង សិក្សាជំនាញរហូត
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យជាតិអូស្ត្រាលីឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 09/05/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ Australlian Government Rerearch Training Pro...
រៀនជំនាញដូនតាដោយឥតគិតថ្លៃ ជាមួយក្រសួងវប្បធម៌ និងវិចិត្រសិល្បៈ
ព័ត៌មានអាហារូបករណ៍, ព្រឹត្តិការណ៍
• 07/04/2026
ក្រសួងវប្បធម៌ និងវិចិត្រសិល្បៈ ប្រកាសពីការផ្តល់ជូនការបណ្តុះបណ្តាលជំនាញដូនតាដោយឥតគិតថ្លៃ សម្រាប់ឆ្នាំ២០២៦ ដល់យុវជន និងសាធារណជន ដែលចង់ចេះជំនាញដូចជា តម្បាញសូត្រ និងអំបោះ, តម្បាញក្រមាពណ៌ត្រុំ,
រៀនជំនាញកែច្នៃបន្លែ ផ្លែឈើ ដោយមិនគិតថ្លៃពីវិទ្យាស្ថានជាតិពហុបច្ចេកទេសកម្ពុជា
ព័ត៌មានអាហារូបករណ៍, ព្រឹត្តិការណ៍
• 31/03/2025
វិទ្យាស្ថានជាតិពហុបច្ចេកទេសកម្ពុជា (NPIC) ប្រកាសជាថ្មីក្នុងការជ្រើសរើសសិក្ខាកាមចូលរៀនជំនាញកែច្នៃបន្លែផ្លែឈើ ដោយមិនគិតថ្លៃ ក្រោមកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈ ១.៥លាននាក់របស់រាជរដ្ឋាភិបាល។
វិទ្យាស្ថានបច្ចេកទេស JVC ជ្រើសរើសយុវជនចូលរៀនជំនាញជួសជុលរថយន្ត ឥតគិតថ្លៃចំនួន៣០០កន្លែង
ព័ត៌មានអាហារូបករណ៍, ព្រឹត្តិការណ៍
• 29/04/2024
វិទ្យាស្ថានបច្ចេកទេស ហ៊ី វ៉េ សេ (JVC) បានប្រកាសជ្រើសរើសយុវជនទាំងពីរភេទឱ្យចូលរៀនជំនាញបច្ចេកទេស និងវិជ្ជាជីវៈ១ ជំហានទី២ ដោយឥតគិតថ្លៃចំនួន៣០០កន្លែង។
ឱកាសសិក្សាអាហារូបករណ៍ថ្នាក់បរិញ្ញាបត្រនៅប្រទេសចិន ចំនួន១០កន្លែង
ព័ត៌មានអាហារូបករណ៍, ព្រឹត្តិការណ៍
• 24/04/2025
តាមរយៈសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន (ACSC) បានប្រកាសជ្រើសរើសសិស្ស និស្សិតកម្ពុជា ឱ្យទៅសិក្សាថ្នាក់បរិញ្ញាបត្រនៅក្នុងខេត្ត Hainan និងខេត្ត Yunnan នៃសាធារណរដ្ឋប្រជាមានិតចិន ចំនួន១០កន្លែង...
កម្មវិធីពិសេសរបស់ AMS EDUCATION
ព័ត៌មានសង្ខេប
