ឧត្តមសេនីយ៍ទោ លឹម តុងហួត ៖ បារីអេឡិចត្រូនិកប៉ះពាល់ខ្លាំងដល់យុវជន និងកុមារដែលជំរុញដល់ការប្រើប្រាស់គ្រឿងញៀន

ភ្នំពេញ – ថ្លែងក្នុងសិក្ខាសាលាស្ដីអំពី បារីអេឡិចត្រូវនិច នៅសាលារាជានីភ្នំពេញ នាព្រឹកថ្ងៃទី១២ ខែមិថុនា ឆ្នាំ២០២៣ ឧត្តមសេនីយ៍ទោ លឹម តុងហួត ប្រធាននាយកដ្ឋាននីតិកម្ម អប់រំ និងស្តារនីតិសម្បទា នៃអាជ្ញាធរជាតិប្រយុទ្ធប្រឆាំងគ្រឿងញៀន បានលើកឡើងថា បារីអេឡិចត្រូនិកផ្ដល់ផលប៉ះពាល់ខ្លាំងដល់យុវជន និងកុមារដែលជំរុញដល់ការប្រើប្រាស់គ្រឿងញៀន ប្រសិនបើពុំមានការចាត់វិធានការទប់ស្កាត់ និងអប់រំឱ្យបានទាន់ពេលវេលា។

ឧត្តមសេនីយ៍ទោ លឹម តុងហួត បន្ថែមថា​ បារីអេឡិចត្រូនិក ឬវេប ពិតជាបង្កបញ្ហាដល់សង្គមពិតប្រាកដមែន ដោយមានការលួចលាក់ប្រើប្រាស់ និងធ្វើអាជីវកម្មក្រោមរូបភាពផ្សេងៗ។ ទោះយ៉ាងនេះក្ដី អាជ្ញាធរនិងគណៈកម្មការត្រួតពិនិត្យគ្រឿងញៀនតាមខេត្ត នៅតែខិតខំរកគ្រប់មធ្យោបាយក្នុងការទប់ស្កាត់ ដើម្បីកុំឱ្យមានការនាំចូលផលិតផលទាំងអស់នេះ មកបន្តចែកចាយនៅក្នុងប្រទេសកម្ពុជា។

ប្រធាននាយកដ្ឋាននីតិកម្ម អប់រំ និងស្តារនីតិសម្បទា បន្ថែមថា ដោយសារការប្រើប្រាស់បារីអេឡិចត្រូនិច អាចឈានទៅដល់ការប្រើប្រាស់គ្រឿងញៀន ទើបបានជាសមត្ថកិច្ចត្រូវចុះបង្ក្រាប ហើយអាជ្ញាធរមានក្ដីព្រួយបារម្ភខ្លាំង នៅពេលអ្នកលក់សារធាតុញៀនចូលទៅក្នុងផលិតផលបារីអេឡិចត្រូនិចទាំងអស់នោះ ដែលធ្វើឱ្យសិស្សវង្វេង និងវិវត្តទៅរកការប្រើប្រាស់គ្រឿងញៀននៅថ្ងៃអនាគត។ ឧត្តមសេនីយ៍ទោ ក៏បានសំណូមពរដល់ឪពុកម្ដាយដែលមានកូនរៀននៅតាមគ្រឹះស្ថានសិក្សាទាំងអស់ គឺទី១. ត្រូវណែនាំដល់កូនចៅរបស់ខ្លួនកុំឱ្យសាកល្បងប្រើប្រាស់ផលិតផលបារីអេឡិចត្រូវនិច ទី២. ផ្ដល់កិច្ចសហការជាមួយសាលា ទី៣. ផ្ដល់កិច្ចសហការជាមួយអាជ្ញាធរមូលដ្ឋានដើម្បីជួយឱ្យបានទាន់ពេលវេលា។

ឧត្តមសេនីយ៍ទោ លឹម តុងហួត ប្រធាននាយកដ្ឋាននីតិកម្ម អប់រំ និងស្តារនីតិសម្បទា នៃអាជ្ញាធរជាតិប្រយុទ្ធប្រឆាំងគ្រឿងញៀន

“យើងបានធ្វើការផ្សព្វផ្សាយបញ្ហានេះ គឺខំទប់ស្កាត់កុំឱ្យមានការប្រើប្រាស់ ដោយធ្វើការបង្រ្កាបទៅដល់ជនដែលឆ្លៀតឱកាសនិយមតែងតែមិនគិតគូរអំពីសុខភាពកូន ចៅរបស់ប្រជាពលរដ្ឋខ្មែរ គឺយើងនឹងបង្ក្រាប និងដាក់វិន័យផ្សេងៗ”

លោកវេជ្ជបណ្ឌិត មុំ គង់ នាយកប្រតិបត្តិអង្គការចលនាដើម្បីសុខភាពកម្ពុជា មានប្រសាសន៍ថា បារីអេឡិចត្រូនិកជាផលិតផលដ៏មានគ្រោះថ្នាក់បំផុត ព្រោះវាផ្ទុកជាតិនីកូទីន ដែលធ្វើឱ្យអ្នកប្រើប្រាស់ញៀនខ្លាំង ជាពិសេសចំពោះយុវជន និងកុមារ។ សារធាតុនីកូទីននេះ ក៏បង្កឱ្យមានការខូចខាតយ៉ាងធ្ងន់ធ្ងរដល់ការលូតលាស់ខួរក្បាល សតិបញ្ញា ស្មារតី និងប្រាជ្ញារបស់កុមារ ។ ចំពោះ យុវជន នីកូទីន ធ្វើឱ្យមានការចង់ចាំមិនល្អ ភ្លេចភ្លាំង ពិបាកក្នុងការផ្ចង់អារម្មណ៍ ដែលនាំឱ្យប៉ះពាល់ដល់សមត្ថភាពការងារ និងរៀនសូត្ររបស់ពួកគេ។ ចំណែក សារធាតុផ្សេងទៀត ដូចជាប្រូពីលែនគ្លីកូល (Propylene glycol) និង គ្លីសេរីន (Glycerin) ធ្វើឱ្យប៉ះពាល់យ៉ាងធ្ងន់ធ្ងរដល់សួត និងបេះដូង។

ជាមួយគ្នានេះ ឯកឧត្តម អ៊ីមរ៉ន ហាស្សាន់អភិបាលរងរាជធានីភ្នំពេញ មានប្រសាសន៍ថា បារីអេឡិចត្រូនិក និងផលិតផលអេចឈ៍ធីភី ពិតជាមានគ្រោះថ្នាក់យ៉ាងខ្លាំងដល់សង្គមកម្ពុជាទាំងកុមារ និងយុវជន ។  ឯកឧត្តម អ៊ីមរ៉ន ក៏បានផ្ដល់អនុសាសន៍ឆ្លើយតបនឹងបញ្ហានេះ រួមមា​ន ទី១. រឹតបន្តឹង និងអនុវត្តតាមការហាមឃាត់ ការប្រើប្រាស់ ការចែកចាយ និងការធ្វើអាជីវកម្មបារីអេឡិចត្រូនិច និងផលិតផលអេចឈ៍ធីភី ស្របតាមលិខិតគតិយុត្តិដែលមាននៅតាមមូលដ្ឋានរបស់ខ្លួនឱ្យបានតឹងរឹង, ទី២​.យកចិត្តទុកដាក់បន្ថែមក្នុងការចុះអន្តរាគមន៍ បង្រា្កបបទល្មើសដែលកើតមានឡើងក្នុងមូលដ្ឋាន, ទី៣. បន្តសហការជាមួយសមត្ថកិច្ចពាក់ព័ន្ធ និងប្រជាពលរដ្ឋក្នុងមូលដ្ឋាន ដើម្បីកំណត់មុខសញ្ញាល្មើស និងបិទទីតាំងដែលប្រកបអាជីវកម្មបារីអេឡិចត្រូនិច។

គួរជម្រាបជូនថា ផលិតផលបារីអេឡិចត្រូនិក និងផលិតផលអេចឈ៍ ធី​ ភី (HTPs) ត្រូវបានហាមឃាត់ប្រើប្រាស់ ចែកចាយ ធ្វើអាជីវកម្ម នៅក្នុងព្រះរាជាណាចក្រកម្ពុជា នេះបើយោងតាមសេចក្ដីណែនាំស្ដីពីការចាត់វិធានការ បង្ការ បញ្ឈប់ការប្រើប្រាស់ ការធ្វើអាជីវកម្ម និងការនាំចូលផលិតផលស៊ីហ្សា (Sisha) និងបារីអេឡិចត្រូនិក (E-Cigarette) នៅក្នុងព្រះរាជាណាចក្រកម្ពុជា ចុះឆ្នាំ២០១៤ និងឆ្នាំ២០២១។ ប្រសិនបើប្រជាពលរដ្ឋ ឬសាធារណៈជនឃើញមានការប្រើប្រាស់ ឬឬការជួញដូរនូវផលិតផលបារីអេឡិចត្រូនិច ដោយផ្ទាល់ឬតាមប្រព័ន្ធអនឡាញ សូមរាយការណ៍ទៅមន្ទីរប្រឆាំងគ្រឿងញៀនដើម្បីចាត់វិធានការតាមផ្លូវច្បាប់ តាមទូរស័ព្ទលេខ ០១១ ២៤៨ ៨៨៨, ០១៥ ២២២ ២២៦, ០៦១ ៦៦១ ៦៦១៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍វគ្គបណ្ដុះបណ្ដាលភាសាអង់គ្លេសពីមជ្ឈមណ្ឌលស៊ីមេអូ RELC នៅប្រទេសសឹង្ហបុរី សម្រាប់ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 17/07/2023

មជ្ឈមណ្ឌលស៊ីមេអូ RELC ប្រកាសផ្ដល់អាហារូបករណ៍សិក្សាវគ្គបណ្ដុះបណ្ដាលភាសាអង់គ្លេសតាមរយៈការសិក្សាផ្ទាល់នៅប្រទេសសឹង្ហបុរី និងតាមបែបចម្រុះសម្រាប់ឆ្នាំសិក្សា២០២៤ ។ អាហារូបករណ៍ផ្ដល់ជូនការសិក្សាចំនួន១៦កន្លែងដល់បេក្ខជនដែលជាគ្រូបង្រៀនឯកទេសភាសាអង់គ្លេស ។

វិទ្យាស្ថានជាតិសហគ្រិនភាព និងនវានុវត្តន៍ ផ្តល់អាហារូបករណ៍​ដល់យុវជន រៀនធ្វើនំ ធ្វើម្ហូប ភេសជ្ជៈ ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 31/05/2024

សម្រាប់យុវជនមកពីគ្រួសារក្រីក្រ/គ្រួសារងាយរងហានិភ័យ កម្មករនិយោជិតនៃសេដ្ឋកិច្ចក្នុងនិងក្រៅប្រព័ន្ធ ដែលមាន​បំណងចង់រៀន​ធ្វើ​នំ ធ្វើ​ម្ហូប ក៏​ដូចជា​ធ្វើភេសជ្ជៈ ពេលនេះ វិទ្យាស្ថានជាតិសហគ្រិនភាព និងនវានុវត្តន៍...

អាហារូបករណ៍ថ្នាក់សញ្ញាបត្រជាន់ខ្ពស់បច្ចេកទេសចំនួន៥៥កន្លែងពី វិទ្យាស្ថានបណ្ដុះបណ្ដាលវិស័យកាត់ដេរ (CGTI) ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 14/11/2023

ឱកាសសិក្សាអាហារូបករណ៍ជំនាញបច្ចេកទេសពីវិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា ឬហៅថា CGTI ប្រកាស់ផ្ដល់អាហារូបករណ៍ថ្នាក់សញ្ញាបត្រជាន់ខ្ពស់ចំនួន៥៥កន្លែង...

ឱកាសសិក្សា​ជំនាញបច្ចេកទេស និង​វិជ្ជាជីវៈ ឥតគិតថ្លៃពីវិទ្យាស្ថានពហុបច្ចេកទេស​ខេត្តព្រះសីហនុ

ព័ត៌មានអាហារូបករណ៍, ព្រឹត្តិការណ៍

• 12/12/2023

វិទ្យាស្ថានបច្ចេកទេស​ខេត្តព្រះសីហនុ បានប្រកាស​ផ្តល់​អាហារូបករណ៍ ១០០ភាគរយ សម្រាប់វគ្គសិក្សា​កម្រិតសញ្ញាបត្របច្ចេកទេស និង​វិជ្ជាជីវៈ ១ (C1) ដោយសិក្សា​រយៈពេល​៤ខែ ដោយ​ឥតគិតថ្លៃ។

ឱកាសអាហារូបករណ៍ សិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ នៅសាកលវិទ្យាល័យវិទ្យាសាស្រ្ត និងបច្ចេកវិទ្យាប៉េកាំង

ព័ត៌មានអាហារូបករណ៍, ព្រឹត្តិការណ៍

• 30/01/2025

ក្រោមកិច្ចសហប្រតិបត្តិការរវាងកម្មវិធីសាបព្រោះគ្រាប់ពូជ​ នៃ ស.ស.យ.ក. រាជធានីភ្នំពេញ និងសាកលវិទ្យាល័យវិទ្យាសាស្រ្ត និងបច្ចេកវិទ្យាក្រុងប៉េកាំង(USTB)បានប្រកាស​ផ្តល់អាហារូបករណ៍​ដល់​និស្សិត​កម្ពុជា ក្នុងការ​សិក្សាជំនាញជាច្រើន...

CA​DT ប្រកាស​ផ្តល់​អាហារូបករណ៍​ ​”​ទេពកោសល្យ​ឌីជីថល​តេជោ​” ​ចំនួន​ ​២០០ ​កន្លែង​ ​សម្រាប់​ឆ្នាំ​សិក្សា​ ​២០២៦​-​២០២៧

ព័ត៌មានអាហារូបករណ៍, ព្រឹត្តិការណ៍

• 07/09/2026

​ដោយ​មាន​ការ​គាំទ្រ​ ​និង​ឧបត្ថម្ភ​ផ្ទាល់​ពី​ក្រសួង​ប្រៃសណីយ៍​និង​ទូរគមនាគមន៍​ ​(​ក.​ប​.​ទ​.​)​,​ ​បណ្ឌិត្យ​សភា​បច្ចេកវិទ្យា​ឌីជីថល​កម្ពុជា​ ​(​CADT​)​ ​បាន​ប្រកាស​ជា​ផ្លូវការ​នូវ​ការ​បើក​ទទួល​ពាក្យប្រឡង​ជ្រើសរើស...

អាហារូបករណ៍នៅសាកលវិទ្យាល័យ Zhejiang Normal ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 03/12/2025

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Zhejiang Normal នៃសាធារណរដ្ឋប្រជាមានិតចិន សម្រាប់ឆ្នាំសិក្សា២០២៦ ពីកម្មវិធីអាហារូបករណ៍រដ្ឋាភិបាលចិន CSC Type B។

ឱកាសផ្លាស់ប្ដូរការសិក្សានៅសាលា Tourism Schools Salzburg ពី ADC ឆ្នាំ២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 24/12/2024

ឱកាសផ្លាស់ប្ដូរការសិក្សារយៈពេលខ្លីនៅសាលាទេសចរណ៍ SALZBURG នៃវិទ្យាស្ថានទេសចរណ៍ និងគ្រប់គ្រងសណ្ឋាគារ សម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូន ជារៀងរាល់ឆ្នាំដែលផ្ដល់ដោយកិច្ចសហប្រតិបត្តិការ...

អាហារូបកណ៍សិក្សាជំនាញវិជ្ជាជីវៈនៅវិទ្យាស្ថានជាតិសហគ្រិនភាព និងនវានុវត្តន៍

ព័ត៌មានអាហារូបករណ៍, ព្រឹត្តិការណ៍

• 27/08/2024

ឱកាសសិក្សាជំនាញវិជ្ជាជីវៈវគ្គខ្លីនៅវិទ្យាស្ថានជាតិសហគ្រិនភាព និងនវានុវត្តន៍ សម្រាប់យុវជន យុវនារី ឥតគិតថ្លៃក្នុងវគ្គសិក្សាថ្មី។ អាហារូបករណ៍ផ្ដល់ជូនការសិក្សាសម្រាប់យុវជន យុវនារី មកពីគ្រួសារក្រីក្រ គ្រួសារងាយរងហានិភ័យ កម្មករនិយោជិតនៃសេដ្ឋកិច្ច...