ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ព្រះសីហនុ៖ ពាក្យថារាត្រីងងឹតនៅតាមសាលារៀនលែងមានទៀតហើយ សម្រាប់សាលាបឋមសិក្សាកំពង់ចិន ស្ថិតនៅឃុំទឹកថ្លា ស្រុកព្រៃនប់ ខេត្តព្រះសីហនុ ។ សម្រស់សាលារៀនពេលរាត្រីតាមរយៈកិច្ចខិតខំប្រឹងប្រែងរបស់ថ្នាក់ដឹកនាំសាលា ក្នុងន័យជួយសន្សំសំចៃ និងកាត់បន្ថយការប្រើប្រាស់អគ្គិសនី ។
លោក ប៉ែន សាវិត នាយកសាលាបឋមសិក្សាកំពង់ចិន មានប្រសាសន៍ថា ដើម្បីជួយសន្សំសំចៃ និងកាត់បន្ថយការប្រើប្រាស់អគ្គិសនី សាលារៀនបានបំពាក់សូឡាបំភ្លឺអគារ និងបរិវេណជុំវិញដោយប្រើថាមពលពន្លឺព្រះអាទិត្យធ្វើឱ្យសាលាមានសោភ័ណភាពស្អាត ដោយមានការចូលរួមពីគណៈកម្មការទ្រទ្រង់មេភូមិ មេឃុំ និងការគាំទ្រពីប្រជាពលរដ្ឋក្នុងឃុំ ។ ទន្ទឹមនឹងនេះ លោកគ្រូអ្នកគ្រូចេះយោគយល់ និងជួយគ្នាដើម្បីធ្វើឱ្យសាលាមានភាពល្អប្រសើរ ។
លោកនាយក ប៉ែន សាវិត បន្ថែមទៀតថា ក្រសួងបរិស្ថានបានផ្ដល់អំពូលសូឡាជូនសាលាបឋមសិក្សាកំពង់ចិន ដើម្បីធានាសុវត្ថិភាពនៅពេលយប់ ហើយសិស្សអាចមកលេងនៅសាលាបាន ។ លោករំពឹងថា នៅថ្ងៃខាងមុខមានថ្នាក់ដឹកនាំមកទស្សនកិច្ចនឹងឃើញការរីកចម្រើនរបស់សាលា ។
ចំណែកលោក ជួប បាន មេឃុំទឹកថ្លា បានបញ្ជាក់ថា កន្លងទៅក្រសួងបរិស្ថានបានឧបត្ថម្ភសូឡាប្រើថាមពលព្រះអាទិត្យចំនួន ៦០ដើម ជូនសាលារៀន និងឃុំទឹកថ្លា ។ សាលាបឋមសិក្សាចំនួនប្រាំបានទទួលបន្ទះសូឡា មានដូចជាសាលាកំពង់ចិនទទួលបាន ២០ដើម សាលាបឋមសិក្សាព្រែកទាល់ សាលាបឋមសិក្សាព្រែកសង្កែ អនុវិទ្យាល័យព្រែកសង្កែ និងសាលាបឋមសិក្សាព្រែកប្រោះ ។
មេឃុំទឹកថ្លារូបនេះ បានបន្ថែមថា ៖
“ខ្ញុំសប្បាយចិត្តណាស់ ដែលឯកឧត្តមរដ្ឋមន្ត្រីក្រសួងបរិស្ថាន យកចិត្តទុកដាក់ធ្វើឱ្យសាលារៀនមានពន្លឺពេលរាត្រី ដែលអាចការពារសុវត្ថិភាពពេលយប់ មានភ្លើងភ្លឺមានអារម្មណ៍សុវត្ថិភាព មានសោភ័ណភាពស្អាតនៅក្នុងទីធ្លាសាលារៀន ”
នាយកសាលាបឋមសិក្សាកំពង់ចិន បានបញ្ជាក់បន្តថា លោកមានបំណងធ្វើឱ្យសាលាមានសោភ័ណភាពកាន់តែស្រស់ស្អាតជាបន្តបន្ទាប់តាមដំណាក់កាលនីមួយៗ ដែលបានគ្រោងទុក ។ សាលានឹងបន្តសាងសង់របង ព្រមទាំងផ្លូវចូលសាលារៀន ដើម្បីបង្កើនភាពងាយស្រួលក្នុងការធ្វើដំណើរ គ្រោងសាងសង់កន្លែងលាងដៃសិស្សឱ្យស្របតាមស្ដង់ដារលើកកម្ពស់អនាម័យនៅតាមសាលារៀន ។
សូមបញ្ជាក់ថា សាលាបឋមសិក្សាកំពង់ចិនឃុំទឹកថ្លា ស្រុកព្រៃនប់ ខេត្តព្រះសីហនុ បានបង្កើតឡើងនៅឆ្នាំ ១៩៨៣ ជាអគារឈើ ក្រោយមកនៅឆ្នាំ ១៩៩៥ មានការសាងសង់ជាអាគារថ្ម ។ បច្ចុប្បន្នសាលាមានអគារថ្មចំនួនពីរខ្នង អគារកសាងឆ្នាំ១៩៩៥ មួយខ្នងមានចំនួនពីរបន្ទប់ និងអគារកសាងឆ្នាំ២០០០ ចំនួនបួនបន្ទប់៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រ៦០កន្លែងនៅសាកលវិទ្យាល័យភូមិន្ទវិចិត្រសិល្បៈ ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 08/11/2024
ដើម្បីគាំទ្រ និងបន្តលើកស្ទួយវិស័យអប់រំ សម្ដេចអគ្គមហាសេនាបតីតេជោ ហ៊ុន សែន និងសម្តេចគតិព្រឹទ្ធបណ្ឌិត ផ្ដល់អាហារូបករណ៍ថ្នាក់បរិញ្ញាបត្រចំនួន៦០កន្លែង សិក្សានៅសាកលវិទ្យាល័យភូមិន្ទវិចិត្រសិល្បៈ សម្រាប់សិក្សា២០២៤-២០២៥។
ឱកាសអភិវឌ្ឍជំនាញស្រាវជ្រាវអន្តរជាតិ នៅ University of Jyväskylä ប្រទេសហ្វាំងឡង់
ព័ត៌មានអាហារូបករណ៍, ព្រឹត្តិការណ៍
• 24/06/2026
សាកលវិទ្យាល័យ University of Jyväskylä នៃប្រទេសហ្វាំងឡង់ កំពុងប្រកាសបើកទទួលពាក្យអាហារូបករណ៍សម្រាប់កម្មវិធី JYU Visiting Fellow Programme 2027 ដល់និស្សិត និងសាស្ត្រាចារ្យកម្ពុជានៅលើការ...
អាហារូបករណ៍ចូលសិក្សាវគ្គបណ្តុះបណ្តាលជំនាញអប់រំភាសាកូរ៉េ នៅសាកលវិទ្យាល័យភូមិន្ទភ្នំពេញ
ព័ត៌មានអាហារូបករណ៍, ព្រឹត្តិការណ៍
• 24/07/2025
សាកលវិទ្យាល័យភូមិន្ទភ្នំពេញ បានប្រកាសដល់និស្សិតដែលកំពុងសិក្សាថ្នាក់បរិញ្ញាបត្រ ឬបញ្ចប់ការសិក្សាថ្នាក់បរិញ្ញាបត្រភាសាកូរ៉េ នៅសាកលវិទ្យាល័យភូមិន្ទភ្នំពេញ និងគ្រប់ស្ថាប័នទាំងអស់ថា សាកលវិទ្យាល័យនឹងផ្តល់អាហារូបករណ៍ចំនួន១៥កន្លែង...
វគ្គបណ្តុះបណ្តាលភាពយន្តខ្លីកម្ពុជា២០២៥ បើកទទួលពាក្យ
ព័ត៌មានអាហារូបករណ៍, ព្រឹត្តិការណ៍
• 05/06/2025
ក្រោមគំនិតផ្តួចផ្តើមរបស់ក្រសួងវប្បធម៌ និងវិចិត្រសិល្បៈ ដែលមានគោលបំណងចូលរួមចំណែកក្នុងការធ្វើឱ្យប្រសើរឡើងនូវវិស័យឧស្សាហកម្មភាពយន្តកម្ពុជា ដោយធ្វើការកសាងសមត្ថភាព ពង្រឹងជំនាញ និងបង្កើតឱកាសសម្រាប់យុវជន...
ឱកាសអាហារូបករណ៍១០០% និង៥០% ជាច្រើនកន្លែងនៅវិទ្យាស្ថានតេជោសែន សាធារណការ និងដឹកជញ្ជូន
ព័ត៌មានអាហារូបករណ៍, ព្រឹត្តិការណ៍
• 27/12/2023
វិទ្យាស្ថានតេជោសែន សាធារណការ និងដឹកជញ្ជូន ប្រកាសផ្តល់អាហារូបករណ៍ ១០០% ចំនួន ៥០ កន្លែង និង ៥០% (បេក្ខជននារី) ជាច្រើនកន្លែងទៀត រហូតដល់បញ្ចប់ការសិក្សា តាមរយៈការប្រឡងចូលរៀនជំនាន់ទី៤។
ក្រសួងអប់រំជ្រើសរើសនិស្សិត ១២០នាក់ ទៅសិក្សាថ្នាក់ក្រោយឧត្តមសិក្សា និងបរិញ្ញាបត្រ នៅប្រទេសវៀតណាម ក្នុងឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 14/03/2024
យោងទៅលើអនុស្សរណៈ នៃកិច្ចព្រមព្រៀងស្តីពីកិច្ចសហប្រតិបត្តិការអប់រំ រវាងក្រសួងអប់រំ យុវជន និងកីឡា នៃព្រះរាជាណាចក្រកម្ពុជា និងក្រសួងអប់រំ បណ្តុះបណ្តាល នៃសាធារណរដ្ឋសង្គមនិយមវៀតណាម...
អាហារូបករណ៍សិក្សាជំនាញវិស្វកម្មឧស្សាហកម្ម នៅវិទ្យាស្ថានពហុបច្ចេកទេសខេត្តកំពង់ស្ពឺ
ព័ត៌មានអាហារូបករណ៍, ព្រឹត្តិការណ៍
• 28/11/2025
ដោយមានការគាំទ្រពីគម្រោងអភិវឌ្ឍន៍ជំនាញសម្រាប់សេដ្ឋកិច្ចនាពេលអនាគត (SFESDP) របស់ក្រសួងការងារ និងបណ្តុះបណ្តាលវិជ្ជាជីវៈ, វិទ្យាស្ថានពហុបច្ចេកទេសខេត្តកំពង់ស្ពឺ បានប្រកាសពីការបណ្តុះបណ្តាលឥតគិតថ្លៃទៅលើ...
ឱកាសសិក្សាថ្នាក់បរិញ្ញាបត្រ៣០០កន្លែងពីអាហារូបករណ៍ទេពកោសល្យឌីជីថលតេជោឆ្នាំសិក្សា ២០២៤
ព័ត៌មានអាហារូបករណ៍, ព្រឹត្តិការណ៍
• 07/12/2023
ឱកាសទទួលបានអាហារូបករណ៍សិក្សាថ្នាក់បរិញ្ញាបត្រចំនួន៣០០កន្លែងពីកម្មវិធីអាហារូបករណ៍ទេពកោសល្យឌីជីថលតេជោថ្នាក់បរិញ្ញាបត្រឆ្នាំសិក្សា២០២៤ ពីសម្ដេចអគ្គ...
ឱកាសសិក្សាអាហារូបករណ៍ថ្នាក់បណ្ឌិតពីកម្មវិធី Singapore A STAR ACIS ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 22/04/2025
កម្មវិធីអាហារូបករណ៍ Singapore A STAR ACIS នឹងបើកទទួលពាក្យអាហារូបករណ៍សម្រាប់និស្សិតអន្តរជាតិ ឱ្យស្នើការសិក្សាថ្នាក់ឧត្ដមសិក្សាសម្រាប់ឆ្នាំសិក្សា២០២៥ នៅប្រទេសសឹង្ហបុរី។ អាហារូបករណ៍ផ្ដល់ជូនការសិក្សាថ្នាក់បណ្ឌិតស្រាវជ្រាវ..
កម្មវិធីពិសេសរបស់ AMS EDUCATION
ព័ត៌មានសង្ខេប
