ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ជំងឺបាយប៉ូឡា គឺជាជំងឺផ្លូវចិត្តម៉្យាងដែលមានរោគសញ្ញាពីរឆ្លាស់គ្នា គឺរោគសញ្ញានៃអារម្មណ៍ធ្លាក់ទឹកចិត្ត (depressed mood) និង អារម្មណ៍សប្បាយជ្រុល (elevated mood or មេនៀ mania)។ នៅក្នុងដំណាក់កាល សប្បាយជ្រុល ឬមេនៀ អ្នកជំងឺនឹងបង្ហាញអកប្បកិរិយា ឬមានអារម្មណ៍ថាក្នុងខ្លួនមានថាមពលខុសធម្មតា សប្បាយខ្លាំង ឬឆាប់ខឹង។ នេះគឺជាការបញ្ជាក់របស់លោកវេជ្ជបណ្ឌិត ឈឹម សុធារ៉ា វេជ្ជបណ្ឌិតឯកទេសជំងឺផ្លូវចិត្ត និងជានាយកប្រតិបត្តិអង្គការចិត្តសង្គមអន្ដរវប្បធម៌ TPO ។
បើតាមការបញ្ជាក់របស់លោកវេជ្ជបណ្ឌិត ឈឹម សុធារ៉ា អ្នកដែលមានជំងឺនេះ តែងមានគំនិតទូលំទូលាយ សំដីខ្លាំងៗ និង និយាយញាប់ៗ ធ្វើឱ្យយើងពិបាកនឹងឃាត់គាត់កុំឱ្យនិយាយណាស់! គាត់ក៏តាំងខ្លួនជាអ្នកពូកែ ចូលចិត្តអួតអាងថាខ្លួនជាមនុស្សខ្ពង់ខ្ពស់ មានមិត្តភក្តិសុទ្ធតែជាឥស្សរជនធំៗជាដើម។
ក្នុងនោះ អ្នកមានជំងឺនេះចូលចិត្តតែងខ្លួន ស្លៀកសំលៀកបំពាក់ ឆើតឆាយច្រើនពណ៌ ពាក់គ្រឿងអលង្កាច្រើនរយីងរយោង ចាយលុយខ្ជះខ្ជាយ ហើយបើគ្មានលុយខ្លួនឯងក៏ទៅខ្ចីគេចាយ ឬទិញរបស់គេជឿដែរ។
លោកបន្ថែមថា អ្នកជំងឺមិនត្រូវការគេងទេ ព្រោះគិតថាខ្លួនមានការងារសំខាន់ៗណាស់ដែលត្រូវធ្វើ ដោយធ្វើការងារច្រើនមុខក្នុងពេលតែមួយ ម្តងធ្វើនេះ ម្តងធ្វើនោះមិនចេះចប់ តែមិនបានលទ្ធផលអ្វីឡើយ។ អ្នកមានជំងឺអាចញ៉ាំច្រើន ហើយការរួមដំណេកក៏កើនឡើងខ្លាំងដែរ។
– លោកវេជ្ជបណ្ឌិត ឈឹម សុធារ៉ា
“សកម្មភាពរបស់អ្នកជំងឺមានការរំខានយ៉ាងខ្លាំងដល់ការរស់នៅ ក្រុមគ្រួសារ និងទំនាក់ទំនងរបស់គាត់ជាមួយអ្នកដ៍ទៃ។ បន្ថែមពីនេះ វាអាចនាំឪ្យមានគ្រោះថ្នាក់ផ្សេងៗដូចជា គ្រោះថ្នាក់ដល់ការងារ គ្រោះថ្នាក់ចរាចរណ៍ ឬឆ្លងមេរោគអេដស៍ជាដើម”
អ្នកជំនាញផ្លូវចិត្តរូបនេះបន្ថែម ក្រោយពីការព្យាបាល ឬជួនកាលមិនទាំងបានព្យាបាល ដំណាក់កាលមេនៀបានថយចុះមកធម្មតា តែដំណាក់កាលធ្លាក់ទឹកចិត្តក៏កើតមានវិញម្តង។ ក្នុងដំណាក់កាលនេះ អ្នកជំងឺមានអារម្មណ៍ក្រៀមក្រំ មានអារម្មណ៍អវិជ្ជមានចំពោះអ្វីៗដែលកើតមាន មិនមានអារម្មណ៍សប្បាយ មិនចង់តែងខ្លួន មិនមានចំណាប់អារម្មណ៍លើអ្វីៗ ដោយយល់ថា ខ្លួនឯងគ្មានតម្លៃ អស់សង្ឃឹមក្នុងជីវិត រហូតដល់ឈានទៅរកការសម្លាប់ខ្លួនទៀតផង។ សភាពរបស់អ្នកជំងឺនាពេលនោះ គឺផ្ទុយទាំងស្រុងពីដំណាក់កាលមេនៀ។
បើតាមលោកវេជ្ជបណ្ឌិត ប្រសិនបើមិនមានការព្យាបាលជាប់លាប់ទេ អ្នកជំងឺនឹងនៅបន្តមានរោគសញ្ញាឆ្លាស់គ្នារវាង មេនៀ និង ធ្លាក់ទឹកចិត្តជារៀងរហូត ហើយជាទូទៅដំណាក់កាលនីមួយៗមានរយៈពេលពីរាប់អាទិត្យ ទៅរាប់ខែ។
លោកវេជ្ជបណ្ឌិត ឈឹម សុធារ៉ា ពន្យល់ថា មូលហេតុដែលនាំឱ្យកើតជំងឺនេះគឺមិនអាចយល់ច្បាស់ទេ ប៉ុន្តែកត្តាបរិយាកាសដូចជាប្រវត្តិត្រូវបានគេរំលោភ បំពានកាលពីកុមារ និងការរស់នៅក្នុងបរិយាកាសស្រ្តេសច្រើន អាចជាកត្តាដែលនាំឱ្យកើតជំងឺនេះ។ កត្តាដំណរពូជក៏ត្រូវបានគេសង្ស័យថាជាមូលហេតុនៃជំងឺនេះដែរ។ ជួនកាលជំងឺបាយប៉ូឡាមានលាយឡំជាមួយជំងឺផ្លូវចិត្តផ្សេងៗទៀតដែរ ដូចជា ជំងឺថប់បារម្មណ៍ ជំងឹចិត្តវិកល ជាដើម។
ដោយឡែកសម្រាប់ការព្យាបាលជំងឺបាយប៉ូឡា គឺត្រូវព្យាបាលដោយថ្នាំ និង ការព្យាបាលតាមបែបចិត្តសាស្រ្ត។ បើតាមលោកវេជ្ជបណ្ឌិត ការព្យាបាលដោយថ្នាំគឺត្រូវប្រើថ្នាំពពួកធ្វើឱ្យមានលំនឹងផ្នែកអារម្មណ៍ (mood stabilizer) និងថ្នាំបំបាត់រោគសញ្ញាចិត្តវិកល (Anti-psychotic)។ ក្រោយពីរោគសញ្ញាបានថយចុះមក អ្នកជំងឺត្រូវបន្តរប្រើប្រាស់ថ្នាំក្នុងកំរិតទាបជាប់ជាប្រចាំដើម្បីការពារកុំឱ្យលាប់ឡើងវិញ។ អ្នកជំងឺ និង ក្រុមគ្រួសារគួរ ត្រូវបានបង្រៀនឱ្យតាមដានពីរោគសញ្ញាដំបូងនៃការលាប់ឡើងវិញ ដើម្បីឱ្យអ្នកជំងឺអាចទទួលបានការព្យាបាលទាន់ពេលវេលា៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តរតនគិរី ផ្តល់ការសិក្សាជំនាញ១១ ដោយឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 18/11/2024
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តរតនគិរី បានប្រកាសផ្តល់ការសិក្សាជំនាញចំនួន១១ ដោយឥតគិតថ្លៃ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ក៏ដូចជាកម្មករនិយោជិកក្រៅប្រព័ន្ធ។
RUPP ប្រកាសជ្រើសរើសនិស្សិតចូលរួមវគ្គបណ្ដុះបណ្ដាល ស្ត្រីក្នុងបរិបទឌីជីថល និងសហគ្រិនភាព សម្រាប់និស្សិតនារី
ព័ត៌មានអាហារូបករណ៍, ព្រឹត្តិការណ៍
• 16/06/2025
សាកលវិទ្យាល័យភូមិភ្នំពេញ ប្រកាសជ្រើសរើស សិស្ស និស្សិត ឱ្យចូលសិក្សាវគ្គបណ្ដុះបណ្ដាល «ស្ត្រីក្នុងបរិបទឌីជីថល និងសហគ្រិនភាព» សម្រាប់និស្សិតនារី។ កម្មវិធីបណ្ដុះបណ្ដាលត្រូវបានរៀបចំដោយសាកលវិទ្យាល័យភូមិន្ទភ្នំពេញ
ឱកាសអាហារូបករណ៍ទៅសិក្សានៅប្រទេសហូឡង់ សម្រាប់ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 23/08/2023
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Leiden ពីកម្មវិធីអាហារូបករណ៍ Minerva Scholarship Funds Foundation នៅប្រទេសហូឡង់...
អាហារូបករណ៍ថ្នាក់បរិញ្ញាបត្រចំនួន៥កន្លែងនៅសាកលវិទ្យាល័យភ្នំពេញអន្តរជាតិ ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 05/12/2023
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន០៥កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិសម្រាប់សិស្ស-និស្សិតទូទាំងប្រទេសឱ្យសិក្សាថ្នាក់បរិញ្ញាបត្រ សិក្សានៅសាកលវិទ្យាល័យភ្នំពេញអន្តរ...
ក្រុមហ៊ុន Microsoft ប្រកាសផ្ដល់ការសិក្សាវគ្គខ្លីជំនាញព័ត៌មានវិទ្យាឥតគិតថ្លៃតាមរយៈ Online
ព័ត៌មានអាហារូបករណ៍, ព្រឹត្តិការណ៍
• 04/12/2025
ឱកាសសិក្សាវគ្គខ្លីតាម Online ពីក្រុមហ៊ុន Microsoft សម្រាប់ឆ្នាំសិក្សា២០២៦ ក្នុងផ្នែកព័ត៌មានវិទ្យា។ អាហារូបករណ៍ផ្ដល់ការសិក្សាដល់និស្សិតអន្តរជាតិជាច្រើនកន្លែង និងមានភាពបត់បែនទៅពេលវេលាសិក្សារបស់បេក្ខជន។
សាកលវិទ្យាល័យជាតិមានជ័យផ្ដល់អាហារូបករណ៍ចំនួន២៥កន្លែងតាមរយៈអាហារូបករណ៍អភិសន្តិបណ្ឌិត ស សុខា
ព័ត៌មានអាហារូបករណ៍, ព្រឹត្តិការណ៍
• 28/10/2024
សាកលវិទ្យាជាតិមានជ័យផ្ដល់ឱកាសសិក្សាអាហារូបករណ៍ចំនួន២៥កន្លែងសិក្សាថ្នាក់បរិញ្ញាបត្រ តាមរយៈកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ សម្រាប់ឆ្នាំសិក្សា២០២៤-២០២៥។
ឱកាសសិក្សាវគ្គខ្លីតាម Online ពីសាកលវិទ្យាល័យ Boston ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 02/04/2025
សាកលវិទ្យាល័យអន្តរជាតិ Boston នៅរដ្ឋMassachusetts នៃសហរដ្ឋអាមេរិក ប្រកាសផ្ដល់ការសិក្សាវគ្គខ្លី តាមរយៈ Online សម្រាប់ឆ្នាំសិក្សា២០២៥-២០២៦។ កម្មវិធីសិក្សា មានផ្ដល់ជូនសញ្ញាបត្របញ្ជាក់ការសិក្សាក្រោយសិស្សរៀនចប់។
វិទ្យាស្ថានពហុបច្ចេកទេសព្រះកុសុមៈ ផ្តល់អាហារូបករណ៍ថ្នាក់សញ្ញាបត្រជាន់ខ្ពស់២៨០កន្លែង
ព័ត៌មានអាហារូបករណ៍, ព្រឹត្តិការណ៍
• 05/11/2024
សម្រាប់ឆ្នាំសិក្សា២០២៤-២០២៥នេះ វិទ្យាស្ថានពហុបច្ចេកទេសព្រះកុសមៈ បានប្រកាសផ្តល់អាហារូបករណ៍ថ្នាក់សញ្ញាបត្រជាន់ខ្ពស់បច្ចេកទេស និងសញ្ញាបត្រជាន់ខ្ពស់ពាណិជ្ជសាស្រ្ត (សិក្សារយៈពេល២ឆ្នាំ) រហូតដល់២៨០កន្លែងសម្រាប់សិស្ស...
កម្មវិធីពិសេសរបស់ AMS EDUCATION
ព័ត៌មានសង្ខេប
