រៀនជំនាញថ្មី ៖ មនុស្ស១ពាន់លាននាក់នឹងផ្លាស់ប្ដូរជំនាញ ដើម្បីសម្របនឹងការប្រែប្រួលការងារ

យោងតាមវេទិកាសេដ្ឋកិច្ចពិភពលោក បានបង្ហាញថា គិតត្រឹមខែមករា ឆ្នាំ២០២៥ មនុស្សជាង ៧១៦លាននាក់ នៅជុំវិញពិភពលោក បានចូលរួមក្នុងគំនិតផ្ដួចផ្ដើម នៃបដិវត្តន៍រៀនជំនាញថ្មី របស់ WE Forum។​ កម្មវិធីដ៏ធំនេះ គឺជាការរៀបចំកម្លាំងពលកម្មសាកល ដើម្បីបំពាក់ជំនាញ ដែលមានតម្រូវការ នាពេលអនាគត ចំពេលដែលបរិបទពិភពលោកផ្លាស់ប្ដូរយ៉ាងខ្លាំង ដោយសារការវិវត្តន៍ នៃបច្ចេកវិទ្យា ការផ្លាស់ប្ដូរបៃតង ការផ្លាស់ប្ដូរប្រជាសាស្ត្រ និងភូមិសាស្ត្រសេដ្ឋកិច្ច។

ខណៈពេលដែលកិច្ចខិតខំប្រឹងប្រែងភាគច្រើនផ្ដោតលើជំនាញឌីជីថល ដូចជា បញ្ញាសិប្បនិម្មិត (AI) ទិន្នន័យធំ និងចំណេះដឹងផ្នែកបច្ចេកវិទ្យា ម្ចាស់អាជីវកម្មឱ្យតម្លៃខ្ពស់លើជំនាញទន់ ដូចជា ភាពជាអ្នកដឹកនាំ ភាពចង់ចេះចង់ដឹង និងកសាងភាពធន់។ ទន្ទឹមនឹងនេះ ជាងពាក់កណ្ដាល នៃកិច្ចខិតខំប្រឹងប្រែងនៃបដិវត្តន៍ជំនាញ គឺសង្កត់ធ្ងន់យ៉ាងខ្លាំងលើ ការរៀបចំកម្លាំងពលកម្ម សម្រាប់ការងារបៃតង។

ចំណុចស្នូល នៃគំនិតផ្ដួចផ្ដើមនេះ គឺជាការប្ដេជ្ញាចិត្តដ៏យូរអង្វែងពីនាយកប្រតិបត្តិ និងអ្នកដឹកនាំជាង ៣៥នាក់មកពីអង្គការអន្តរជាតិ រដ្ឋាភិបាល និងអង្គការសង្គមស៊ីវិល។ ការប្តេជ្ញាចិត្តនេះ ប្រមើលមើលពីអនាគតដ៏រីកចម្រើន និងមានសមធម៌ជាងមុន ដែលបុគ្គលម្នាក់អាចបង្កើនផលិតភាព កំណើនសេដ្ឋកិច្ច ជំរុញការផ្លាស់ប្ដូរសំខាន់ៗ និងជំរុញឱកាសក្នុងការផលិតធនធានមនុស្សបន្ថែមទៀត។

បដិវត្តន៍នៃការរៀនជំនាញថ្មី បានប្រមូលផ្ដុំសហគមន៍ពហុភាគី នៃអង្គការជាង ៣៥០ស្ថាប័ន។ សមាជិកស្ថាប័នទាំងនោះ រួមមាន Adecco Group, រដ្ឋាភិបាលនៃប្រទេសអារ៉ាប់រួម, iamtheCODE, Infosys, LinkedIn, ManpowerGroup, PwC, Salesforce និង UNICEF ។

តើអ្វីជាបញ្ហាប្រឈម?

បម្រែបម្រួលបច្ចេកវិទ្យា និន្នាការភូមិសាស្ត្រសេដ្ឋកិច្ច និងការផ្លាស់ប្ដូរបៃតង គឺជាការផ្លាស់ប្តូរជាមូលដ្ឋានទីផ្សារការងារ និងជំនាញដែលត្រូវបានរំពឹងទុកថា នឹងបង្កើតឱកាសសម្រាប់កំណើនផលិតភាព ការបង្កើតថ្មី និងភាពធន់នៃអាកាសធាតុ ហើយថែមទាំងបង្កបញ្ហាប្រឈម តាមរយៈការផ្លាស់ប្ដូរការងារ ភាពមិនស៊ីគ្នានៃជំនាញ និងការទទួលបានឱកាសមិនស្មើគ្នា។

របាយការណ៍អនាគតទីផ្សារការងារឆ្នាំ២០២៥ បង្ហាញថា និយោជករំពឹងថា នៅឆ្នាំ២០៣០ ការងារ ៣៤ភាគរយ នឹងត្រូវដំណើរការដោយបច្ចេកវិទ្យាស្វ័យប្រវត្តិកម្ម។ ដូច្នេះ ការវិនិយោគជាបន្ទាន់លើធនធានមនុស្ស គឺជាកិច្ចការចាំបាច់ ក្នុងការបង្កើតពិភពលោកមួយ ដែលមានយុត្តិធម៌ និងធានាថា មនុស្សត្រូវបានផ្ដល់ឱកាស ដើម្បីបំពេញសក្តានុពល និងអភិវឌ្ឍសមត្ថភាព។

ធុរកិច្ចជាច្រើន បានលើកឡើងពីគម្លាតជំនាញថា ជាឧបសគ្គលេខមួយ សម្រាប់ការអភិវឌ្ឍអង្គភាព និងធ្វើបរិវត្តកម្មឌីជីថល ដែលនេះគឺជាហានិភ័យសម្រាប់ការប្រកួតប្រជែង ការអភិវឌ្ឍ និងវិនិយោគលើបច្ចេកវិទ្យា។ កម្សោយនៃភាពស៊ីគ្នា រវាងជំនាញ កម្លាំងពលកម្ម និងតម្រូវការអាជីវកម្ម បានធ្វើឱ្យមានភាពយឺតយ៉ាវ លើការអភិវឌ្ឍស្ថាប័ន និងជំរុញការបង្កើតថ្មី។ ទន្ទឹមនឹងនេះ គម្លាតជំនាញបង្កហានិភ័យយ៉ាងខ្លាំងដល់ជីវភាពរបស់ប្រជាជន និងកំពុងផ្លាស់ប្ដូរមូលដ្ឋានទីផ្សារការងារ ការបង្កើតឱកាសសម្រាប់ផលិតភាព ការបង្កើតថ្មី ភាពធន់នឹងអាកាសធាតុ ហានិភ័យនៃការផ្លាស់ប្ដូរទីលំនៅ ភាពមិនស៊ីគ្នានៃជំនាញ និងការទទួលបានឱកាសមិនស្មើគ្នា។

របាយការណ៍ការងារនាពេលអនាគតរបស់វេទិកាសេដ្ឋកិច្ចពិភពលោកឆ្នាំ២០២៥ ប៉ានស្មានថា នឹងមានការកើនឡើង ការងារចំនួន ៧៨លានការងារនៅទូទាំងពិភពលោក ដែលនេះជាការផ្លាស់ប្ដូរវិជ្ជមាន។ ទោះជាយ៉ាងណាក៏ដោយ កិច្ចខិតខំប្រឹងប្រែងអភិវឌ្ឍជំនាញឱ្យចេះច្បាស់ គឺជាតម្រូវការចាំបាច់ ដើម្បីបំពាក់ឱ្យបុគ្គលិកនូវជំនាញចាំបាច់ ដើម្បីភាពរីកចម្រើន ក្នុងការប្រើប្រាស់បច្ចេកវិទ្យា ដើម្បីធ្វើការ។ ប្រសិនបើនិន្នាការនេះនៅតែបន្ត ការប្រើប្រាស់កម្មវិធីសិក្សាហួសសម័យ អាចធ្វើឱ្យមានគម្លាតជំនាញ និងភាពមិនស៊ីសង្វាក់គ្នាកាន់តែខ្លាំងក្នុងទីផ្សារការងារនាពេលអនាគត។

នៅក្នុងទីផ្សារការងារ ដែលកំពុងវិវត្តន៍យ៉ាងឆាប់រហ័សនាពេលបច្ចុប្បន្ននេះ ជំនាញភាសាបរទេស និងការឱ្យតម្លៃជំនាញជាជាងសញ្ញាបត្រ (First skill approach) មានសារៈសំខាន់ខ្លាំងជាងពេលណាទាំងអស់ ដើម្បីធានាឱ្យអាជីវកម្ម និងបុគ្គល អាចកំណត់អត្តសញ្ញាណ និងអភិវឌ្ឍជំនាញ សមស្រប។

ការស្រាវជ្រាវរបស់ WE Forum សហការជាមួយ PwC បង្ហាញថា ការវិនិយោគលើការរៀនជំនាញថ្មី និងការអភិវឌ្ឍជំនាញ នៃកម្លាំងពលកម្មពិភពលោកបច្ចុប្បន្ន មានសក្តានុពលក្នុងការជំរុញផលិតផលក្នុងស្រុកសរុបចំនួន ៦,៥ពាន់ពាន់លានដុល្លារនៅឆ្នាំ២០៣០ ខណៈដែលការវិនិយោគលើការអប់រំដែលត្រៀមសម្រាប់អនាគត ទាមទារឱ្យមានការបន្ថែមទឹកប្រាក់ ២,៥៤ ពាន់ពាន់លានដុល្លារ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសម្រាប់និស្សិតជំនាញនីតិសាស្រ្ត និងព័ត៌មានវិទ្យា ចូលហាត់ការនៅអគ្គលេខាធិការដ្ឋានក្រសួងអប់រំ

ព័ត៌មានអាហារូបករណ៍, ព្រឹត្តិការណ៍

• 22/04/2026

ជាឱកាស​សម្រាប់​និស្សិតទាំងពីរភេទ​ដែល​កំពុងសិក្សា​ជំនាញនីតិសាស្រ្ត និង​ព័ត៌មានវិទ្យា, អគ្គលេខាធិការដ្ឋាន ក្រសួងអប់រំ យុវជន និងកីឡា កំពុងជ្រើសរើស​មន្រ្តីហាត់ការ​មក​បម្រើ​ការងារ​ចំនួន ៨រូប ក្នុងនោះជំនាញ​នីតិសាស្រ្ត​...

សិស្សបាក់ឌុបដែលចង់រៀនជំនាញមេកានិករថយន្ត សាលា JVC ផ្តល់អាហារូបករណ៍ ១០០%

ព័ត៌មានអាហារូបករណ៍, ព្រឹត្តិការណ៍

• 08/10/2025

វិទ្យាស្ថានបច្ចេកទេស ហ្ស៊ី វ៉េ សេ ដែលគេទទួលស្គាល់ថា ជាសាលា​ដែលបណ្តុះបណ្តាលជំនាញជួសជុលរថយន្ត បានប្រកាស​ផ្តល់អាហារូបករណ៍ ១០០%

សាកលវិទ្យាល័យអន្តរជាតិ ផារ៉ាហ្គនបន្តផ្តល់អាហារូបករណ៍ដល់សិស្សនិទ្ទេស A និង B ជាង២០០កន្លែង

ព័ត៌មានអាហារូបករណ៍, ព្រឹត្តិការណ៍

• 06/12/2024

សាកលវិទ្យាល័យអន្តរជាតិផារ៉ាហ្គន បានប្រកាស​ពី​ការ​បន្តផ្តល់អាហារូបករណ៍ជាច្រើនកន្លែងដល់សិស្សានុសិស្សនិទ្ទេស A និង B ជាង២០០កន្លែង គ្រប់មុខជំនាញ សម្រាប់ឆ្នាំសិក្សាថ្មី២០២៤-២០២៥។

ឱកាសសិក្សាជំនាញកម្រិតសញ្ញាបត្របច្ចេកទេសចំនួន២៤០កន្លែងនៅមជ្ឈមណ្ឌលបណ្ដុះបណ្ដាលវិជ្ជាជីវៈខេត្តស្ទឹងត្រែង

ព័ត៌មានអាហារូបករណ៍, ព្រឹត្តិការណ៍

• 15/12/2023

មជ្ឈមណ្ឌលបណ្ដុះបណ្ដាលវិជ្ជាជីវៈខេត្តស្ទឹងត្រែងប្រកាសជ្រើសរើសចូលរៀនជំនាញបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរង ហានិភ័យជាច្រើន​កន្លែងសិក្សាកម្រិត...

អាហារូបករណ៍ថ្នាក់បរិញ្ញាបត្រចំនួន១០០កន្លែង សិក្សា​នៅ​សាកលវិទ្យាល័យសម្តេចព្រះមហាសង្ឃរាជ បូរ គ្រី

ព័ត៌មានអាហារូបករណ៍, ព្រឹត្តិការណ៍

• 30/11/2023

ក្រោម​ការ​ឧបត្ថម្ភ និង​គាំទ្រ​ពី​ ឯកឧត្តម​អភិសន្តិបណ្ឌិត ស សុខា និងលោកជំទាវ សាកលវិទ្យាល័យសម្តេចព្រះសង្ឃរាជ បួរ គ្រី ផ្តល់ជូនអាហារូបករណ៍ដល់សិស្ស-និស្សិតសម្រាប់ឆ្នាំសិក្សា​២០២៣-២០២៤ ...

ឱកាស​សិក្សា​អាហារូបករណ៍​ជំនាញ​វិជ្ជាជីវៈ​នៅ​មជ្ឈមណ្ឌល​បណ្ដុះបណ្ដាល​វិជ្ជាជីវៈ​ខេត្ត​មណ្ឌលគិរី

ព័ត៌មានអាហារូបករណ៍, ព្រឹត្តិការណ៍

• 19/11/2024

មជ្ឈមណ្ឌល​បណ្ដុះបណ្ដាល​វិជ្ជាជីវៈ​ខេត្តមណ្ឌលគិរី​ប្រកាស​ផ្ដល់​អាហារូបករណ៍​សិក្សា​ជំនាញ​វិជ្ជាជីវៈ និង​បច្ចេកទេស​ដល់​យុវជន​មក​ពី​គ្រួសារក្រីក្រ និង​គ្រួសារ​ងាយ​រង​ហានិភ័យ​ចំនួន​២៤០​កន្លែង។

មជ្ឈមណ្ឌលស៊ីមេអូ SEPS ប្រកាស​ជ្រើសរើស​សំណើ​គម្រោងស្រាវជ្រាវ​ទស្សនវិជ្ជាសេដ្ឋកិច្ច​

ព័ត៌មានអាហារូបករណ៍, ព្រឹត្តិការណ៍

• 26/12/2024

ក្រសួងអប់រំ យុវជន និងកីឡា កាលពីពេលថ្មីៗនេះ បានប្រកាស​ជូនដំណឹង​ដល់​បុគ្គលិក​អប់រំ និងអ្នកស្រាវជ្រាវ​ ពីការ​ជ្រើសរើស​សំណើគម្រោង ដោយ​មជ្ឈមណ្ឌល​ស៊ីមេអូ SEPS សម្រាប់កម្មវិធី​គម្រោង​គាំទ្រ​ការ​ស្រាវជ្រាវ​ទស្សនវិជ្ជាសេដ្ឋកិច្ចគ្រប់គ្រាន់...

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន៥០០កន្លែងពីកម្មវិធីអាហារូបករណ៍ទេពកោសល្យ​ឌីជីថលតេជោ

ព័ត៌មានអាហារូបករណ៍, ព្រឹត្តិការណ៍

• 17/10/2024

ឱកាសសិក្សាអាហារូបករណ៍ចំនួន៥០០កន្លែង សម្រាប់សិស្សានុសិស្សសិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថល នៅសាកលវិទ្យាល័យល្បីៗចំនួនប្រាំមួយរបស់កម្ពុជា។ អាហារូបករណ៍ផ្ដល់ជូនក្រោមកម្មវិធីអាហារូបករណ៍ទេពកោសល្យឌីជីថលតេជោ...

ឱកាសសិក្សាថ្នាក់បរិញ្ញាបត្រ៣០០កន្លែងពីអាហារូបករណ៍ទេពកោសល្យឌីជីថលតេជោឆ្នាំសិក្សា ២០២៤

ព័ត៌មានអាហារូបករណ៍, ព្រឹត្តិការណ៍

• 07/12/2023

ឱកាសទទួលបានអាហារូបករណ៍សិក្សាថ្នាក់បរិញ្ញាបត្រចំនួន៣០០កន្លែងពីកម្មវិធីអាហារូបករណ៍ទេពកោសល្យឌីជីថលតេជោថ្នាក់បរិញ្ញាបត្រឆ្នាំសិក្សា២០២៤ ពីសម្ដេចអគ្គ...