ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មនុស្សម្នាក់ៗតែងប្រាថ្នាសេចក្ដីសុខផ្លូវចិត្តប្រកបដោយភាពត្រឹមត្រូវនៅក្នុងជីវិតរស់នៅប្រចាំថ្ងៃ។ សេចក្ដីសុខផ្លូវចិត្តអាចកើតឡើងបានអាស្រ័យដោយមនុស្សបានត្រួតពិនិត្យសុខភាពផ្លូវចិត្តរបស់ខ្លួនឯងជាប្រចាំ។ ដោយមើលឃើញថា ការគាំទ្រសុខភាពផ្លូវចិត្តមនុស្សជុំវិញខ្លួនឱ្យបានប្រសើរជាប្រការសំខាន់ លោក អ៊ុង ប៉េងអាន បានបង្កើតមាតិលើបណ្ដាញសង្គមនិយាយអំពីបញ្ហាសុខភាពកាយ បញ្ហាផ្លូវចិត្ត វិធីសាស្ត្រផ្ដល់កម្លាំងចិត្ត និងចំណេះដឹងផ្សេងៗ។
ធ្លាប់មានតស៊ូមតិអំពីជំងឺមហារីកសុដន់ និងគាំទ្រសុខភាពផ្លូវចិត្តជាសាធារៈ លោក អ៊ុង ប៉េងអាន បាននិយាយថា ការគាំទ្រលើកទឹកចិត្តជាចំណែកសំខាន់ជួយដល់មនុស្សនៅក្នុងសង្គម។ លោកយល់ថា រស់នៅសង្គមមួយដែលពោរពេញទៅដោយការគិតបែបវិជ្ជមាន មានការជំរុញនិងលើកទឹកចិត្ត នោះវានឹងធ្វើឱ្យមនុស្សមានភាពក្លាហានសម្រេចកិច្ចការអ្វីមួយដោយជោគជ័យ។
“ស្ថិតនៅក្នុងស្ថានភាពលំបាក ខួរក្បាលរបស់យើងមិនអាចបង្កើតគំនិតវិជ្ជមានបាននោះទេ ហេតុនេះយើងគួរតែបើកចិត្ត បើកឱកាសឱ្យមាននរណាម្នាក់មកការលើកទឹកចិត្ត និងជំរុញចិត្តរបស់យើង ដើម្បីឱ្យភាពវិជ្ជមានមានការកើតឡើងមកវិញ” លោក អ៊ុង ប៉េងអាន”
យុវជនវ័យ ២៨ឆ្នាំរូបនេះ បានបន្តថា “ខ្ញុំសម្រេចចិត្តធ្វើមាតិកាវីដេអូលើកទឹកចិត្តនៅក្នុងបណ្ដាញសង្គម ហើយខ្ញុំតែងតែលើកទឹកចិត្តទៅដល់មនុស្សគ្រប់គ្នា ដោយបញ្ជូលការសួរសុខទុក្ខអំពីបញ្ហាផ្លូវចិត្តនៅក្នុងការសន្ទនារាល់ថ្ងៃ”។
លោក អ៊ុង ប៉េងអាន យល់ឃើញថា ទម្លាប់រស់នៅដោយមិនលើកយកបញ្ហាសុខភាពផ្លូវចិត្តមកជជែក ធ្វើឱ្យមនុស្សភាគច្រើនលាក់បញ្ហាផ្លូវចិត្ត ហើយបញ្ហាផ្លូវចិត្តកាន់តែធំឡើងពីមួយថ្ងៃទៅមួយថ្ងៃ នោះឈានទៅរកបញ្ហាផ្លូវចិត្តធ្ងន់ធ្ងរ។
លោក អ៊ុង ប៉េងអាន រៀបរាប់បទពិសោធន៍ផ្ទាល់ខ្លួនថា
“ក្រៅពីខ្ញុំជួយអ្នកដទៃ ខ្ញុំក៏ត្រូវចេះលើកទឹកចិត្តពីខ្លួនឯងដូចគ្នា ត្រូវចេះផ្ដល់កម្លាំងចិត្តខ្លួនឯង ដូចជាពាក្យ “ខ្ញុំធ្វើបានល្អហើយ” ឬ “ខ្ញុំធ្វើបានប្រសើរជាងម្សិលមិញហើយ” ហើយនៅពេលខ្ញុំជួបបញ្ហាឬពិបាកចិត្ត ខ្ញុំតែទៅកាន់គ្រួសារ និងមិត្តភក្តិ ដើម្បីរកដំណោះស្រាយ។ ខណៈខ្ញុំទទួលបានការទឹកចិត្តពីអ្នកដទៃ ខ្ញុំក៏ត្រូវលើកទឹកចិត្តដល់អ្នកដទៃដូចគ្នា”
បច្ចុប្បន្នលោក អ៊ុង ប៉េងអាន កំពុងបន្តការសិក្សាថ្នាក់អនុបណ្ឌិតសិក្សាផ្នែកទំនាក់ទំនងសុខភាព និងហានិភ័យ (Heath Risk and Communication) នៅសហរដ្ឋអាមេរិក។ លោកមានបំណងស្រាវជ្រាវអំពីសុខភាពរបស់ប្រជាជនខ្មែរ ស្តីពី “អ្នកជំងឺផ្លូវចិត្តដែលត្រូវគ្រួសារឃុំទុកនឹងចងច្រវ៉ាក់” និងមានគម្រោងស្រាវជ្រាវបន្ថែមអំពីជំងឺមហារីកសុដន់ និងមហារីកមាត់ស្បូន។ អតីតនិស្សិតបញ្ចប់ការសិក្សាផ្នែកប្រព័ន្ធផ្សព្វផ្សាយ និងសារគមនាគមន៍ នៅសាកលវិទ្យាល័យភូមិន្ទភ្នំពេញ លោក អ៊ុង ប៉េងអាន រក្សាជំហថា លោកនៅតែបង្កើតវីដេអូលើកទឹកចិត្តនិងផ្ដល់ចំណេះដឹងផ្សេងៗក្នុងបណ្ដាញសង្គមជាមួយមាតិកាអប់រំថ្មីៗ៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍សំខាន់
ព័ត៌មានទូទៅ
រកឃើញជ័យលាភីថ្នាក់ជាតិ គម្រោងឆ្នើម ល្អ និងគំរូ «កម្ពុជាក្នុងបេះដូងខ្ញុំ» នៃកម្មវិធី «មនសិការពលរដ្ឋល្អ» ឆ្នាំ២០២៦
ចំណាយពេលស្រាវជ្រាវជិត៤០ឆ្នាំ ទីបំផុតជនជាតិបែលហ្សិកម្នាក់ឈ្នះពានរង្វាន់ណូបែលឆ្នាំ២០២៦ ផ្នែករូបវិទ្យា
អ្នកជំនាញបច្ចេកវិទ្យាលោក ជី សុផាត បង្កើតគេហទំព័រ ជួយពលរដ្ឋខ្មែរពិនិត្យ «សុខភាពឌីជីថល» ដោយឥតគិតថ្លៃ
វិធានការការពារសុខភាពក្នុងអំឡុងពេលពិធីបុណ្យកាន់បិណ្ឌ និងភ្ជុំបិណ្ឌ ដែលគួរយល់ដឹង
អាហារូបករណ៍ថ្នាក់អនុបណ្ឌិត សិក្សានៅចក្រភពអង់គ្លេស ពីកម្មវិធី International Postgraduate Excellence Award
ក្រសួងអប់រំរឹតបន្តឹងការធានាគុណភាពការសិក្សាថ្នាក់បណ្ឌិត ដើម្បីលើកកម្ពស់តម្លៃសញ្ញាបត្រ
សម្តេចធិបតីផ្តល់អនុសាសន៍គន្លឹះ៥ចំណុច ដើម្បីលើកកម្ពស់គុណភាពអប់រំ និងបណ្តុះបណ្តាលវិជ្ជាជីវៈ នៅកម្ពុជា ឆ្លើយតបនឹងទីផ្សារការងារសម័យឌីជីថល
មហោស្រពអក្សរសិល្ប៍ខ្មែរឆ្នាំនេះ នឹងប្រារព្ធធ្វើឡើងនៅខេត្តព្រៃវែង ក្រោមប្រធានបទ «ដំណើរអក្សរសិល្ប៍»
យុវជនខ្មែរ យល់ដឹងច្រើនអំពីពិធីបុណ្យភ្ជុំបិណ្ឌ និងចេះដឹងគុណឪពុកម្ដាយ
តើគួរញ៉ាំ និងចៀសវាងអ្វីខ្លះ នៅពេលគ្រុនក្តៅ?
កម្មវិធីពិសេសរបស់ AMS EDUCATION
ព័ត៌មានសង្ខេប
