ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ ខណៈប្រទេសកម្ពុជាកំពុងតែមានការរីកចម្រើនពីមួយឆ្នាំទៅមួយឆ្នាំ បើយើងងាកមកមើលសកម្មភាព ឬសម្ភារៈដែលយុវវ័យកម្ពុជាកំពុងតែប្រើប្រាស់នាពេលបច្ចុប្បន្ននេះ គឺហាក់មិនចាញ់យុវវ័យនៅក្នុងប្រទេសជឿនលឿនប៉ុន្មាននោះទេ ដូចជាទូរសព្ទដៃទំនើបៗ រថយន្តសេរីថ្មី សំលៀកបំពាក់ថ្លៃៗ ។ តើការប្រើប្រាស់សម្ភាៈនិយមទាំងនោះ វាពិតជាអាចកំណត់សុភមង្គលរបស់យុវវ័យបានដែរ រឺទេ?
កញ្ញា ពៅ ស្រីនិច្ច ជានិស្សិតឆ្នាំទីបី នៅសកលវិទ្យាល័យភូមិន្ទភ្នំពេញបាននិយាយថា៖
“សម្ភាៈនិយមមិនមែនជាវត្ថុដែលកំណត់សុភមង្គលរបស់ខ្ញុំនោះទេ! ដូចជាទូរស័ព្ទទំនើបអ៊ីចឹងយើងអាចប្រើប្រាស់ទូរស័ព្ទធម្មតាក៏បានដែរ។ សុភមង្គលគឺជារឿងសំខាន់ ប៉ុន្តែអ្វីដែលសំខាន់គឺជាជីវិតរស់នៅមិនពឹងលើសម្ភារៈទាំងនោះ ព្រោះសម្ភារៈទាំងនោះអាចរកបានគ្រប់ពេល”
ស្រីនិច្ច បន្ថែមថា វាអាចជាផ្នែកមួយជួយសន្សំសំចៃបានច្រើនសម្រាប់តម្រូវការចាំបាច់ផ្សេងទៀត ហើយបើគិតទៅស្ថិតនៅក្នុងភាពជាយុវវ័យ ការគ្រប់គ្រង់ការចំណាយក៏គួរតែមានការប្រុងប្រយ័ត្នខ្ពស់ ពីព្រោះបើយុវវ័យចេះតែចំណាយលើសពីសមត្ថភាព គឺអាចនាំផលពិបាកនាពេលក្រោយ។
មិនខុសគ្នាពី ស្រីនិច្ច ប៉ុន្មានដែរ កញ្ញា សេង សូលីដែត ដែលជាសហស្ថានិប ដុះស្លាប បានលើកឡើងថា សម្ភារៈនិយម គឺគ្រាន់តែជារបស់ក្រៅខ្លួន យុវវ័យអាចប្រើប្រាស់វាក្នុងផ្លូវណាដែលល្អ ដោយការទទួលបានចំណេះដឹងអំពីវាជាដើម។ កុំព្យូទ័រថ្លៃ និងទូរស័ព្ទដៃឆ្លាតវៃ វាមិនអាចកំណត់ក្ដីសុខពិតប្រាដកនោះទេ ប៉ុន្តែអាចប្រើប្រាស់វាដើម្បីពង្រីកសមត្ថភាពរបស់យុវវ័យបាន។
សូលីដែត បន្ថែមថា ការរៀនសូត្រ ការប្រកបការងារ និងការស្រាវជ្រាវនៅក្នុងសម័យនេះ វាត្រូវការបច្ចេកវិទ្យាច្រើន ដូចច្នេះយុវវ័យគួរតែប្រើប្រាស់វានៅក្នុងភាពវិជ្ជមាន។ យុវវ័យអាចប្រើប្រាស់សម្ភារៈនិយមបានដើម្បីទាញយកផលប្រយោជន៍អំពីវាច្រើន។
អ្នកស្រី ប៉ែន បុប្ផា អគ្គនាយិកាក្រុមហ៊ុនឫទ្ធិពល បានមានប្រសាសន៍ថា ធម្មតាយុវវ័យមួយចំនួនតាមគ្នា កាលណាពេលឃើញមិត្តភក្តិប្រើសម្ភារៈនិយមទំនើប ខ្លួនឯងចេះតែចង់ប្រើប្រាស់តាមដែរ ប៉ុន្តែយុវវ័យខ្លះស្គាល់អំពីខ្លួនឯងច្បាស់ យុវវ័យដឹងអំពីស្ថានភាពខ្លួនឯង ពួកគេដឹងថា ជីវីភាពគ្រួសាររបស់ខ្លួនឯងយ៉ាងណា ដូច្នេះការចង់បានទាមទារដូចគេ ពួកគាត់អាចទប់អារម្មណ៍ខ្លួនឯងបាន។
“បើយុវវ័យមិនចេះគិតពិចារណដិតដល់ និងចេះតែចង់បានអ្វីលើសពីសមត្ថភាពដែលខ្លួនឯងមាន វាអាចនាំឱ្យមានទុក្ខលំបាកដល់ខ្លួនឯង និងក្រុមគ្រួសារ! យុវវ័យមួយចំនួនចង់ទទួលបានភាពហ៊ឺហារ មិនឆាប់ពួកគាត់អាចនឹងមានវិប្បតិ្តផ្លូវចិត្តទៀតផង”
អ្នកស្រី ប៉ែន បុប្ផា
អគ្គនាយិកាក្រុមហ៊ុនឫទ្ធិពលរូបនេះ បានផ្តល់យោបល់ថា យុវវ័យគួរត្រូវមានចំណេះដឹងហិរញ្ញវត្ថុ, នៅពេលដែលពួកគាត់ស្គាល់លុយភ្លាម ឪពុកម្ដាយគួរបង្រៀន ផ្ដល់ការណែនាំ និងដំបូន្នាន អំពីការប្រើប្រាស់សម្ភារៈដែលវាចាំបាច់ ដែលនេះគឺជារឿងដែលល្អសម្រាប់យុវវ័យ។ នៅពេលដែលអាណាព្យាបាលបានបង្រៀនកូនៗរបស់ខ្លួនអំពីការទុកដាក់ហិរញ្ញវត្ថុត្រឹមត្រូវ ហេតុនេះពួកគេវិវត្តន៍ដល់វ័យជំទង់ គេអាចគេចផុតពីវិប្បត្តិរត់តាមសម្ភារៈនិយម តាមរយៈទំនោររបស់សង្គម។
មានន័យថា នៅពេលដែលយុវវ័យយល់អំពីរឿងនោះ ពួកគេអាចទប់អារម្មណ៍ ចេះកំណត់ និងចេះចាត់ចែងនូវអ្វីដែលជាចំណង់ អ្វីដែលជាតម្រូវការពិតប្រាកដ និងអាចដឹងច្បាស់ថា រាល់ថ្ងៃខ្លួនឯងទទួលខុសត្រូវរឿងអ្វីខ្លះ។ នៅពេលដែលយុវវ័យចេះមានការអត់ធ្មត់ជាមួយសម្ភារៈនិយម និងធ្វើតាមតម្រូវការចាំបាច់របស់ខ្លួនឯង អាចនាំឱ្យទទួលបានសេចក្ដីសុខពិតប្រាកដ មិនមែនសេខក្ដីសុខក្រៅខ្លួននោះទេ៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតចំនួន៥០០កន្លែងពីកម្មវិធីអាហារូបករណ៍ ANSO ប្រទេសចិន
ព័ត៌មានអាហារូបករណ៍, ព្រឹត្តិការណ៍
• 07/02/2024
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ ANSO ចំនួន៥០០កន្លែងសិក្សានៅសាកលវិទ្យាល្បីៗក្នុងប្រទេសចិនឆ្នាំសិក្សា២០២៤។...
វិទ្យាស្ថានបច្ចេកទេសឧស្សាហកម្មបន្តផ្ដល់ការសិក្សាជំនាញវិជ្ជាជីវៈឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 24/03/2025
វិទ្យាស្ថានបច្ចេកទេសឧស្សាហកម្មបន្តផ្ដល់ការសិក្សាជំនាញវិជ្ជាជីវៈ ជាច្រើនកន្លែងសម្រាប់ សិស្សានុសិស្ស និងសាធារណៈជន ចូលសិក្សាជំនាញវិជ្ជាជីវៈដោយឥតគិតថ្លៃ។ ការសិក្សាផ្ដល់ជូនក្រោមកម្មវិធីសិក្សា ១លាន៥សែននាក់ ដែលគាំទ្រ...
មជ្ឈមណ្ឌលបណ្តុះបណ្តាលវិជ្ជាជីវៈខេត្តកោះកុង ផ្តល់អាហារូបករណ៍១០០ភាគរយជាច្រើនកន្លែង
ព័ត៌មានអាហារូបករណ៍, ព្រឹត្តិការណ៍
• 16/01/2023
ជាឱកាសល្អសម្រាប់យុវជនរស់នៅក្នុងខេត្តកោះកុង ពេលនេះ មជ្ឈមណ្ឌលបណ្តុះបណ្តាលវិជ្ជាជីវៈខេត្តកោះកុង បានប្រកាសផ្តល់អាហារូបករណ៍១០០%...
អាហារូបករណ៍ BISU 2026 ថ្នាក់បរិញ្ញាបត្រជាន់ខ្ពស់ ជំនាញបកប្រែភាសាបរទេស នៅសាធារណរដ្ឋប្រជាមានិតចិន
ព័ត៌មានអាហារូបករណ៍, ព្រឹត្តិការណ៍
• 17/03/2026
ឱកាសសម្រាប់យុវជន សិស្ស និស្សិត ដែលកំពុងស្វែងរកអាហារូបករណ៍សិក្សាជំនាញបកប្រែ កម្រិតថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យ Beijing International Studies University។
ឱកាសបន្តការសិក្សានៅសាកលវិទ្យាល័យ Muhammadiyah Purworejo ប្រទេសឥណ្ឌូនេស៊ី
ព័ត៌មានអាហារូបករណ៍, ព្រឹត្តិការណ៍
• 25/05/2026
តាមក្រសួងអប់រំ យុវជន និងកីឡា បានឱ្យដឹងថា សាកលវិទ្យាល័យ Muhammadiyah Purworejo នៃប្រទេសឥណ្ឌូនេស៊ី នឹងផ្តល់អាហារូបករណ៍ដល់និស្សិតអន្តរជាតិ ដើម្បីទៅបន្តការសិក្សាកម្រិតបរិញ្ញាបត្រ និងកម្រិតបរិញ្ញាបត្រជាន់ខ្ពស់...
អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Thailand International Postgraduate Programme ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 20/01/2025
កម្មវិធីអាហារូបករណ៍ Thailand International Postgraduate Programme (TIPP) ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ សិក្សានៅតាមសាកលវិទ្យាល័យជាច្រើន នៃប្រទេសថៃសម្រាប់ឆ្នាំសិក្សា២០២៥...
ឱកាសអាហារូបករណ៍ទៅសិក្សានៅប្រទេសចិន តាមរយៈអាហារូបករណ៍រដ្ឋាភិបាលចិនឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 17/12/2024
តាមរយៈស្ថានទូតចិនប្រចាំព្រះរាជាណាចក្រកម្ពុជា សហការជាមួយសហភាពសហព័ន្ធយុវជនកម្ពុជា នឹងផ្តល់អាហារូបករណ៍ដល់យុវជនកម្ពុជាដើម្បីបន្តការសិក្សាថ្នាក់ឧត្តមសិក្សានៅប្រទេសចិនសម្រាប់ឆ្នាំសិក្សា២០២៥។
ក្រសួងទេសចរណ៍ផ្តល់អាហារូបករណ៍១០កន្លែង នៅវិទ្យាស្ថានទេសចរណ៍សៀងហៃ
ព័ត៌មានអាហារូបករណ៍, ព្រឹត្តិការណ៍
• 20/01/2023
ក្រសួងទេសចរណ៍កម្ពុជា បានប្រកាសទៅដល់សិស្ស និស្សិត បុគ្គលិកជំនាញទេសចរណ៍ និងមន្រ្តីរាជការក្រសួងទេសចរណ៍ទាំងអស់ ពីការផ្តល់អាហារូបករណ៍ចំនួន១០កន្លែង...
ឱកាសសិក្សាវគ្គខ្លីតាម Online ពីសាកលវិទ្យាល័យ Boston ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 02/04/2025
សាកលវិទ្យាល័យអន្តរជាតិ Boston នៅរដ្ឋMassachusetts នៃសហរដ្ឋអាមេរិក ប្រកាសផ្ដល់ការសិក្សាវគ្គខ្លី តាមរយៈ Online សម្រាប់ឆ្នាំសិក្សា២០២៥-២០២៦។ កម្មវិធីសិក្សា មានផ្ដល់ជូនសញ្ញាបត្របញ្ជាក់ការសិក្សាក្រោយសិស្សរៀនចប់។
កម្មវិធីពិសេសរបស់ AMS EDUCATION
ព័ត៌មានសង្ខេប
