ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – អាការៈថប់បារម្ភ គឺជាអារម្មណ៍ធម្មជាតិរបស់មនុស្សម្នាក់អាចកើតឡើងពីការគំរាមកំហែង ឬលំនឹកគិតអ្វីមួយ ។ អាការៈថប់បារម្ភរមែងធ្វើឱ្យយុវជនមានអារម្មណ៍ថាមិនស្រួលអារម្មណ៍ ឬព្រួយបារម្ភនឹងរឿងអ្វីមួយ។ ថប់បារម្ភមានសញ្ញាមួយចំនួនកើតឡើងលើផ្លូវកាយ ដូចជាអត្រាចង្វាក់បេះដូងខ្ពស់ ការដកដង្ហើមលឿន ឈឺក្បាល និងបញ្ហាឈឺក្រពះជាដើម។ អង្គការយូនីសេហ្វកម្ពុជាបានបង្ហាញគន្លឹះ ៥ចំណុចសម្រាប់យុវជនមានអារម្មណ៍ថប់បារម្ភ ដើម្បីកែប្រែស្ថានការណ៍ឱ្យល្អប្រសើរវិញ។
១. ដកដង្ហើមវែង ៖ ដកដង្ហើមយឺតៗចូលតាមច្រមុះ និងចេញតាមមាត់ ។ ធ្វើបែបនេះឱ្យបានច្រើនដងរហូតដល់ស្ងប់អារម្មណ៍។ ការដកដង្ហើមយឺតៗចូលទៅដល់ក្បាលពោះដោយចេតនា គឺជាវិធីងាយនិងមានប្រសិទ្ធភាពបំផុតកាត់បន្ថយស្ថានភាពថប់បារម្ភ ដោយសារការបង្កើនការផ្គត់ផ្គង់អុកស៊ីសែនទៅដល់ខួរក្បាល និងជួយឱ្យស្ងប់អារម្មណ៍។ ទម្លាប់ធ្វើលំហាត់ដកដង្ហើមប្រចាំថ្ងៃ ជាមធ្យោបាយធ្វើឱ្យរាងកាយសម្រាក និងបង្វែរអារម្មណ៍ចេញពីអាការៈព្រួយបារម្ភ។
២. និយាយជាមួយមិត្តភក្ដិ ឬមនុស្សដែលអ្នកទុកចិត្ត ៖ គួរប្រាប់អ្នកណាម្នាក់អំពីអារម្មណ៍របស់អ្នក និងសាកសួរពីអារម្មណ៍របស់គេ។ ការនិយាយជាមួយអ្នកណាម្នាក់អាចជួយសម្រាលសម្ពាធមួយចំនួន ព្រមទាំងជួយដោះស្រាយបញ្ហាដែលបង្កពីអាការៈថប់បារម្ភ។ ចំណែកការគាំទ្រចំពោះអ្នកណាម្នាក់ដែលកំពុងមានអារម្មណ៍ថប់បារម្ភ ឬស្តាប់រឿងរ៉ាវរបស់នរណាម្នាក់ ជាជំនួយដ៏ប្រសើរដែលអាចអនុវត្តជាប្រចាំ។
៣. វិលត្រឡប់ទៅតម្រូវការមូលដ្ឋានវិញ ៖ នៅពេលតម្រូវការមូលដ្ឋានដូចជា ការទទួលទានដំណេក និងការទទួលទានអាហារល្អៗ មិនត្រូវបានបំពេញ មនុស្សងាយនឹងមានអារម្មណ៍ថប់បារម្ភ និងមិនស្រួលខ្លួន។ សូមថែទាំសុខភាពផ្លូវកាយឱ្យបានប្រសើរ ដូចជា ដេកឱ្យបានគ្រប់គ្រាន់និងស្កប់ស្កល់ ទទួលទានអាហារល្អ ធ្វើលំហាត់ប្រាណ និងរៀនតាមដានស្ថានភាពផ្លូវចិត្តឱ្យរបស់ខ្លួនឱ្យបានល្អ។ ប្រសិនបើទទួលទានជាតិកាហ្វេអ៊ីន ប្រើប្រាស់ថ្នាំជក់ និងគ្រឿងស្រវឹង ដើម្បីសម្រាលអារម្មណ៍ពីភាពថប់បារម្ភ នឹងរឹតតែថប់បារម្ភកាន់តែខ្លាំងនៅក្នុងរយៈពេលវែង។
៤. បញ្ចូលសកម្មភាពធ្វើឱ្យស្ងប់អារម្មណ៍នៅក្នុងទម្លាប់ប្រចាំថ្ងៃ ៖ សូមសាកល្បងចំណាយពេលយ៉ាងតិចមួយម៉ោងធ្វើសកម្មភាពមួយ ដែលធ្វើឱ្យអ្នកមានអារម្មណ៍កាន់តែល្អ ដូចជា អានសៀវភៅដែលអ្នកចូលចិត្ត គូរគំនូរ ឬសរសេរអត្ថបទ។ អារម្មណ៍មិនបានត្រៀមលក្ខណៈ និងប្រញាប់ប្រញាល់នឹងរឿងអ្វីមួយអាចបង្កឱ្យមានអាការៈថប់បារម្ភ និងភាពតានតឹងក្នុងចិត្តកើតឡើង។ ប្រសិនបើអ្នកដឹងថា អ្នកនឹងមានអ្វីមួយដែលសំខាន់នឹងកើតនៅក្នុងពេលខាងមុខឆាប់ៗ ដូចជាការប្រឡងនៅសាលារៀន ឬការបរិច្ឆេទកំណត់ប្រគល់ការងារនៅកន្លែងធ្វើការ សូមព្យាយាមរៀបចំផែនការជាមុន និងផ្ដល់ពេលវេលាឱ្យខ្លួនឯងសម្រាប់ត្រៀម។
៥. ស្វែងរកការគាំទ្របន្ថែម ៖ ប្រសិនបើអ្នកមានរោគសញ្ញាថប់បារម្ភជាប្រចាំ ដែលរំខានជីវិតប្រចាំថ្ងៃ សូមរកការគាំទ្របន្ថែម ឬការប្រឹក្សាដ៏ត្រឹមត្រូវ ។ សូមគិតអំពីផលប៉ះពាល់អវិជ្ជមាននៃភាពថប់បារម្ភមកលើគុណភាពជីវិត ការសិក្សា ការងារ ទំនាក់ទំនង និងសមត្ថភាពរបស់អ្នក។ ការសុំជំនួយ គឺជាសិទ្ធិមនុស្សរបស់អ្នក និងជាសញ្ញាបង្ហាញពីការយល់ដឹងអំពីខ្លួនឯង និងសេចក្ដីក្លាហានជម្នះអ្វីមួយដែលពិបាក។ ប្រសិនបើអ្នកមិនដឹងអំពីកន្លែងដែលទទួលជំនួយ សូមសួរអ្នកណាម្នាក់ ដែលអ្នកទុកចិត្ត ឬស្រាវជ្រាវតាមប្រព័ន្ធអនឡាញ ដើម្បីស្វែងរកការគាំទ្រសុខុមាលភាពផ្លូវចិត្ត៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់អនុបណ្ឌិត និងបណ្ឌិត ពីកម្មវិធី Australia Awards ប្រទេសអូស្រ្តាលី
ព័ត៌មានអាហារូបករណ៍, ព្រឹត្តិការណ៍
• 19/04/2023
កម្មវិធីអាហារូបករណ៍ «Australia Awards Scholarships Intake 2024» របស់រដ្ឋាភិបាលអូស្រ្តាលី សម្រាប់ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ចាប់ផ្តើមដំណើរការចុះឈ្មោះ...
អាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍រដ្ឋាភិបាល Hubei
ព័ត៌មានអាហារូបករណ៍, ព្រឹត្តិការណ៍
• 12/05/2025
កម្មវិធីអាហារូបករណ៍រដ្ឋាភិបាល Hubei ប្រកាសផ្ដល់អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Hubei សាកលវិទ្យាល័យវិទ្យាសាស្ត្រ និងបច្ចេកវិទ្យា Huazhong និង សាកលវិទ្យាល័យភូមិសាស្ត្រចិន បានប្រកាសផ្តល់អាហារូបករណ៍...
ឱកាសសិក្សាវគ្គបំប៉នតាម Online សម្រាប់សិស្សថ្នាក់ទី១២ ដែលជាកូនវីរៈកងទ័ពជួរមុខ
ព័ត៌មានអាហារូបករណ៍, ព្រឹត្តិការណ៍
• 01/09/2025
ដើម្បីរួមចំណែកជាមួយរដ្ឋាភិបាលកម្ពុជាក្នុងការអភិវឌ្ឍធនធានមនុស្ស និងដើម្បីជួយសម្រាលបន្ទុកហិរញ្ញវត្ថុក្នុងគ្រួសារវីរៈកងទ័ពជួរមុខ សាលាបង្វឹកស្តាតអាប់ខមមីញ៉ូនីធី ប្រកាសផ្ដល់អាហារូបករណ៍១០០% ចំពោះកូនៗវីរៈកងទ័ពជួរមុខ សម្រាប់ការសិក្សាវគ្គបំប៉នតាម Online
អាហារូបករណ៍ថ្នាក់បរិញ្ញាបត្រជាន់ខ្ពស់នៅវិទ្យាស្ថាន Chulabhorn Graduate ប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 02/08/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅវិទ្យាស្ថានChulabhorn Graduate Institute (CGI) ពីកម្មវិធីអាហារូបករណ៍ Chulabhorn ...
ឱកាសសិក្សាអាហារូបករណ៍ Stamp Scholarship ២០២៣ នៅសាកលវិទ្យាល័យ Miami សហរដ្ឋអាមេរិក
ព័ត៌មានអាហារូបករណ៍, ព្រឹត្តិការណ៍
• 13/06/2023
កម្មវិធីអាហារូបករណ៍ Stamp Scholarship ២០២៣ ប្រកាសផ្ដល់អាហារូបករណ៍ថ្នាក់ឧត្ដមសិក្សា នៅសាកលវិទ្យាល័យ Miami សហរដ្ឋអាមេរិកឆ្នាំសិក្សា២០២៣ ។...
ក្រសួងអប់រំជ្រើសរើសនិស្សិតអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រ ទៅសិក្សានៅប្រទេសចិនចំនួន ៦៥នាក់
ព័ត៌មានអាហារូបករណ៍, ព្រឹត្តិការណ៍
• 27/11/2024
ក្រសួងអប់រំ យុវជន និងកីឡា កាលពីពេលថ្មីៗនេះ បានប្រកាសជ្រើសរើសនិស្សិតចំនួន ៦៥នាក់ ដើម្បីទទួលអាហារូបករណ៍របស់រដ្ឋាភិបាល នៃសាធារណរដ្ឋប្រជាមានិតចិន (CSC) សិក្សាថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រ សម្រាប់ឆ្នាំសិក្សា២០២៥-២០២៦។
អ្នកជាប់ ឬធ្លាក់ថ្នាក់ទី១២ មានឱកាសទទួលបានអាហារូបករណ៍១០០%ដូចគ្នា នៅ CGTI
ព័ត៌មានអាហារូបករណ៍, ព្រឹត្តិការណ៍
• 01/11/2024
សម្រាប់ប្អូនៗដែលមានបំណងចង់ទទួលយកអាហារូបករណ៍១០០% ក្នុងឆ្នាំ២០២៤-២០២៥ ប្រញាប់ឡើងចំនួនមានកំណត់ !!!
កម្មវិធីផ្លាស់ប្តូរការសិក្សាទៅសហរដ្ឋអាមេរិក TechGirls ឆ្នាំ២០២៦ ផ្តើមទទួលពាក្យ
ព័ត៌មានអាហារូបករណ៍, ព្រឹត្តិការណ៍
• 05/01/2026
ក្រសួងការបរទេសសហរដ្ឋអាមេរិក បានប្រកាសបើកទទួលពាក្យជាផ្លូវការសម្រាប់កម្មវិធី TechGirls 2026 ដែលជាកម្មវិធីផ្លាស់ប្តូរការសិក្សារដូវក្តៅដ៏ល្បីល្បាញ ក្នុងគោលបំណងលើកកម្ពស់យុវតីក្នុងវិស័យវិទ្យាសាស្ត្រ...
កម្មវិធីពិសេសរបស់ AMS EDUCATION
ព័ត៌មានសង្ខេប
