កត់ត្រា និងការឆ្លុះបញ្ចាំងពេលអាន បង្កើនប្រសិទ្ធភាព នៃការស្រូបយកចំណេះដឹង

កញ្ញា សៀង សុខចេង អ្នកផលិតមាតិកាឯករាជ្យ អំពីការអភិវឌ្ឍខ្លួន និងអានសៀវភៅ បានឱ្យដឹងថា ការអានសៀវភៅប្រៀបដូចជាការទទួលទានអាហារដែរ ព្រោះគោលបំណង នៃការបរិភោគ គឺដើម្បីទទួលបានជីវជាតិ និងរសជាតិ! ចំណែកការអានវិញ គឺដើម្បីទាញយកចំណេះដឹងប្រកបដោយប្រសិទ្ធភាព, ដូច្នេះ ការកត់ត្រា និងការឆ្លុះបញ្ចាំងអំឡុងពេលអាន និងក្រោយពេលអាន គឺប្រៀបដូចជាផ្នែកមួយ ដែលយើងទំពាអាហារដូច្នោះដែរ។

តាមរយៈបទពិសោធន៍ជាង១៤ឆ្នាំ នៃការអានសៀវភៅ, ដំបូងៗកញ្ញា សុខ ចេង ពុំទាន់មានទម្លាប់កត់ត្រានៅឡើយទេ គឺអានគ្រាន់ជាការកម្សាន្ត និងការស្វែងរកខ្លួនឯងប៉ុណ្ណោះ។ ប៉ុន្តែនៅពេលអានសៀវភៅ បានចំនួនប្រហែល១០០ក្បាល រួចត្រឡប់ទៅមើលសៀវភៅចាស់ៗវិញ កញ្ញាក៏រកឃើញថា ហាក់ពុំចាំអ្វីទាំងអស់ រហូតមានពេលខ្លះ ភ្លេចថា បានអានសៀវភៅ ខណៈដែលក្នុងសៀវភៅទាំងនោះខ្លួនឯងធ្លាប់កត់ ធ្លាប់គូសចំណាំ។ នេះវាជាពេលមួយដែល កញ្ញា ចាប់ផ្តើមមើលឃើញពីគុណតម្លៃ នៃការកត់ត្រា និងការឆ្លុះបញ្ចាំងពេលអានសៀវភៅ រួមទាំងចាប់ផ្តើមពិសោធន៍ខ្លួនឯងទៅនឹងទម្លាប់នៃកត់ត្រា និងឆ្លុះបញ្ចាំងពេលអាន។

“យ៉ាងហោចណាស់សៀវភៅដែលធ្លាប់អាន ទោះមិនចាំទាំងអស់ ក៏នៅមានកន្លែងណាមួយដែលចាំ និងអាចចែករំលែកបន្តបាន! ដូច្នេះចំណុចទីមួយ ដែលយើងគួរសួរខ្លួនឯងជាមុន គឺថា តើយើងត្រូវការកត់ត្រាពេលអានដើម្បីអ្វី ព្រោះគោលបំណង នៃការអានសៀវភៅរបស់មនុស្សម្នាក់ៗ ខុសៗគ្នា”

កញ្ញា សៀង សុខចេង អ្នកផលិតមាតិកាឯករាជ្យ អំពីការអភិវឌ្ឍខ្លួន និងអានសៀវភៅ

ត្បិតវិធីសាស្រ្តពុំអាចឆ្លើយតបនឹងមនុស្សគ្រប់គ្នា ប៉ុន្តែយើងអាចពិសោធន៍ ឬស្វែងរកមើលអ្វីដែលយើងត្រូវការ ជាមួយគ្នានោះ សុខ ចេង បន្តចែករំលែកថា កញ្ញាចូលចិត្តកត់សម្រង់ពាក្យសម្តី គោលគំនិតសំខាន់ៗនៅក្នុងសៀវភៅ ការលើកយកហេតុផល និងភ័ស្តុតាងក្នុងការបញ្ជាក់ ។ ហើយជាបទពិសោធន៍ជាក់ស្តែងមួយទៀត គឺការកត់ត្រា រួចបម្លែងទៅជាវីឌេអូ និងអធិប្បាយអំពីអត្ថន័យសំខាន់ៗ ដើម្បីជាប្រយោជន៍សម្រាប់ខ្លួនឯងផង និងទស្សនិកជនផង។

“អ្នកដែលអានសៀវភៅ បើជ្រុលជាយកពេលអានហើយ គួរឆ្លៀតពេលបន្តិចទៀតដើម្បីកត់ត្រាទុកសម្រាប់ប្រើប្រាស់នៅថ្ងៃក្រោយ ទោះបីជាមិនដឹងថា ប្រើប្រាស់ក្នុងទម្រង់អ្វីក៏ដោយ ប៉ុន្តែវាជាប្រភពធាតុដើមមួយដែលមានតម្លៃ”

កញ្ញា សៀង សុខចេង អ្នកផលិតមាតិកាឯករាជ្យ អំពីការអភិវឌ្ឍខ្លួន និងអានសៀវភៅ

ងាកមករៀបរាប់ អំពីដំណើរការអាន និងការកត់ត្រាដែលមានប្រសិទ្ធភាពសម្រាប់ កញ្ញា សុខចេង ផ្ទាល់ គឺ ជំហានទីមួយ អានបែបណាក៏បាន មិនថាការកម្សាន្ត ឬការអប់រំ​ គឺអាចអានបណ្តើរ គូសចំណុចទាក់ទាញបណ្តើរ ឬពេលខ្លះទៀតសរសេរអំពីចំណាប់អារម្មណ៍របស់ខ្លួនឯង។ កញ្ញា សុខចេង បន្តថា ការអានសៀវភៅ ជារឿងមួយដែលឯកជនខ្លាំងណាស់ មនុស្សម្នាក់ៗ មានចំណាប់អារម្មណ៍ខុសៗគ្នា ដូច្នេះវាសំខាន់ណាស់ដែលយើងរកឱ្យឃើញថា តើខ្លួនឯងគិតយ៉ាងដូចម្តេចចំពោះចំណុចដែលបានអាន ឬគិតយ៉ាងម៉េច ចំពោះសៀវភៅដែលអានចប់។ បន្ទាប់មក យើងអាចយក​គោលគំនិតទាំងអស់មកប្រមូលផ្តុំចូលគ្នា ហើយវិភាគថា តើដូចនឹងអ្វីដែលយើងចូលចិត្ត ឬអត់? ដោយឡែក ការអានលើកទីពីរ មិនផ្តោតខ្លាំងដូចកាលពីលើកទីមួយពេកទេ ប៉ុន្តែនៅតែកត់ត្រា ចំណុចទាក់ទាញដដែល និងចាប់ផ្តើមសរសេរចេញមកក្រៅ ដូចជាសម្រង់សម្តីល្អៗ ទិន្នន័យល្អៗ និងទឡ្ហីករណ៍ដែលមានក្នុងសៀវភៅបានលើកឡើង។ ហើយអ្វីដែលកាត់តែពិសេសនៅត្រង់ចំណុចនេះ គឺការចម្រាញ់យកចំណុចដែលមានខ្លឹមបំផុតនៅក្នុងសៀវភៅ។

នៅដំណាក់កាលខ្លះ ប្រភេទសៀវភៅខ្លះ កញ្ញា សុខចេង បានអានជាលើកទីបី ជាពិសេសសៀវភៅទស្សនវិជ្ជា ដោយចម្រាញ់អត្ថន័យសៀវភៅឱ្យកាន់តែខ្លីជាងមុន ប៉ុន្តែរក្សាអត្ថន័យឱ្យនៅដដែល។ កញ្ញា រំលេចបន្ថែមថា ជំនាញក្នុងការសង្រួបសង្រួមអត្ថន័យឱ្យខ្លី ជាអ្វីដែលពិភពលោកកំពុងតែត្រូវការនាពេលបច្ចុប្បន្ន ពីព្រោះព័ត៌មានច្រើនសម្បូរបែប ដែលត្រូវការឱ្យទាញយកអត្ថន័យចាំបាច់តែប៉ុណ្ណោះ៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

សាកលវិទ្យាល័យលីមកុកវីង ប្រកាសជ្រើសរើសសិស្សថ្នាក់ទី១២ ចូលរួមការប្រឡងសិស្សពូកែ

ព័ត៌មានអាហារូបករណ៍, ព្រឹត្តិការណ៍

• 03/03/2025

សាកលវិទ្យាល័យ លីមកុកវីង កំពុងប្រកាសជ្រើសរើសសិស្សវិទ្យាល័យថ្នាក់ទី១២ នៅទូទាំងប្រទេសចូលរួមប្រឡង «ការប្រឡងសិស្សពូកែទូទាំងប្រទេស» ប្រចាំសាកលវិទ្យាល័យ លីមកុកវីងសម្រាប់ឆ្នាំសិក្សា២០២៥។ ការប្រឡងនេះផ្ដល់ជូនសម្រាប់តែ...

អាហារូបករណ៍ថ្នាក់បរិញ្ញាបត្ររង សិក្សា​នៅប្រទេស​ចិន ចំនួន១៥កន្លែង

ព័ត៌មានអាហារូបករណ៍, ព្រឹត្តិការណ៍

• 10/03/2026

សមាគមសហប្រតិបត្តិការ​ដើម្បីជំរុញ​ការអប់រំ កម្ពុជា-អាស៊ាន-ចិន បានប្រកាស​ពីការ​ផ្តល់អាហារូបករណ៍ចំនួន១៥កន្លែង

ឱកាសសិក្សាអាហារូបករណ៍ ១០០% ពីមូលនិធី ស.អ នៃក្រសួងប្រៃសណីយ និងទូរគមនាគមន៍

ព័ត៌មានអាហារូបករណ៍, ព្រឹត្តិការណ៍

• 23/07/2025

ឱកាសសិក្សាអាហារូបករណ៍ ១០០% ចំនួន៧៥កន្លែង ជំនាន់ទី២ ពីមូលនិធី ស.អ នៃក្រសួងប្រៃសណីយ៍ និងទូរគមនាគមន៍ លើមុនជំនាញសន្តិសុខសាយប័រ (CyberSecurity)

អាហារូបករណ៍ France Excellence សិក្សាថ្នាក់បណ្ឌិតនៅប្រទេសបារាំង ឆ្នាំ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 25/03/2026

ជាឱកាសសម្រាប់និស្សិតកម្ពុជាដែលមានបំណងចង់បន្តការសិក្សានៅប្រទេសបារាំង។ ស្ថានទូតបារាំងប្រចាំកម្ពុជា បានប្រកាសបើកទទួលពាក្យសុំអាហារូបករណ៍ France Excellence (BFE) ថ្នាក់បណ្ឌិត...

អាហារូបករណ៍​ ​អ.ម​.​ត​ ​៦០​កន្លែង​ ​សិក្សា​នៅ​សាកលវិទ្យាល័យ​ភូមិន្ទ​វិចិត្រ​សិល្បៈ​ ​(​RUFA​)​ ​ឆ្នាំ​សិក្សា​២០២៦​-​២០២៧

ព័ត៌មានអាហារូបករណ៍, ព្រឹត្តិការណ៍

• 04/09/2026

អាហារូបករណ៍​សម្តេច​អគ្គ​មហា​សេនាបតី​តេជោ ហ៊ុន​ សែន ​និង​សម្តេច​កិត្តិ​ព្រឹទ្ធ​បណ្ឌិត​ ​តាមរយៈ​សម្តេច​មហា​បវរធិបតី​ ​ហ៊ុន​ ម៉ាណែត ​និង​លោក​ជំទាវ​បណ្ឌិត​ ​ពេជ ​ចន្ទ​មុន្នី ​នឹង​ផ្តល់​ជូន​ ​៦០​កន្លែង​...

ក្រសួងអប់រំជ្រើសរើស​សិក្ខាកាម​ចូលរួមវគ្គ​បណ្តុះបណ្តាល​​នវានុវត្តន៍​បច្ចេកវិទ្យាអប់រំឌីជីថល ជំនួយ​លើ​វិធីសាស្រ្ត​បង្រៀន និង​រៀន​ក្នុង​បរិបទថ្មី

ព័ត៌មានអាហារូបករណ៍, ព្រឹត្តិការណ៍

• 15/07/2025

ក្រសួងអប់រំ យុវជន និងកីឡា បាន​ប្រកាស​ជ្រើសរើសសិក្ខាកាមចូលរួមវគ្គបណ្ដុះបណ្ដាល ស្ដីពី នវានុវត្តន៍បច្ចេកវិទ្យាអប់រំឌីជីថល ជំនួយលើវិធីសាស្រ្តបង្រៀន និងរៀនក្នុងបរិបទថ្មី រៀបចំដោយនាយកដ្ឋានបរិវត្តកម្មឌីជីថល...

អាហារូបករណ៍ អភិសន្តិបណ្ឌិត ស សុខា ៧០កន្លែង សិក្សានៅសាកលវិទ្យាល័យជាតិបាត់ដំបង សម្រាប់ឆ្នាំសិក្សា ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 16/09/2026

សម្រាប់សិស្សានុសិស្សដែលទើបប្រឡងបញ្ចប់ថ្នាក់ទី១២ ហើយ​កំពុងស្វែង​រក​ការ​បន្តការសិក្សា​ ពេលនេះកម្ម​វិធីអាហារូបករណ៍អភិសន្តិបណ្ឌិត ស សុខា ប្រកាសផ្ដល់អាហារូបករណ៍

អាហារូបករណ៍ Fulbright បញ្ចប់ការចុះឈ្មោះចុងខែមេសានេះ

ព័ត៌មានអាហារូបករណ៍, ព្រឹត្តិការណ៍

• 08/04/2026

នៅសល់មិនដល់មួយខែទៀតទេ ពោលគឺនៅចុងខែមេសានេះ កម្មវិធីអាហារូបករណ៍ Fulbright Foreign Student Program សម្រាប់ការសិក្សាកម្រិតក្រោយឧត្តមសិក្សា (ថ្នាក់បរិញ្ញាបត្រជាន់ខ្ពស់ ឬថ្នាក់បណ្ឌិត) នៅសហរដ្ឋអាមេរិក ឆ្នាំសិក្សា ២០២៧-២០២៨

រដ្ឋាភិបាលជប៉ុន ផ្តល់អាហារូបករណ៍ ៤កម្រិត សម្រាប់មន្រ្តីរាជការ សិស្សនិស្សិតកម្ពុជា ទៅបន្ត​ការ​សិក្សា​នៅ​ប្រទេស​ជប៉ុន ឆ្នាំ២០២៧

ព័ត៌មានអាហារូបករណ៍, ព្រឹត្តិការណ៍

• 04/05/2026

នៅក្នុងឆ្នាំ​២០២៦នេះ រដ្ឋាភិបាលជប៉ុន បានសម្រេច​ផ្តល់​អាហារូបករណ៍ ៤កម្រិត ដល់មន្រ្តីរាជការ និស្សិត និងសិស្ស​កម្ពុជា ដើម្បីទៅបន្ត​ការ​សិក្សា​នៅ​ប្រទេស​ជប៉ុន សម្រាប់ឆ្នាំ២០២៧ ដោយ​អាហារូបករណ៍នឹងរ៉ាប់រងសោហ៊ុយ...



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *