ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការបង្កើនផលិតភាព និងសុភមង្គលនៅផ្ទះ ឬកន្លែងការងារ និងការរំពឹងធ្វើយ៉ាងណាប្រើរយៈពេលធ្វើការតិចប៉ុន្តែទទួលលទ្ធផលច្រើន បានក្លាយជាប្រធានបទជជែកមិនដាច់ស្រេច ជាពិសេសចំពោះបុគ្គលដែលគិតគូរអំពីតុល្យភាពរវាងការងារ និងការថែរក្សាគ្រួសារ មិត្តភាព និងភារកិច្ចសំខាន់ដទៃទៀត។ ដោះស្រាយនឹងចំណោទមួយនេះ ការកាត់បន្ថយពេលដែលធ្វើឱ្យគេមានអារម្មណ៍ថារវល់ប៉ុន្តែមិនទទួលបានលទ្ធផល គឺជាការសន្សំពេលដើម្បីបញ្ចប់កិច្ចការសំខាន់ៗ និងបង្កើនអត្ថន័យចំពោះដំណើរជីវិត បន្ថែមពីនោះ តាមរយៈគេហទំព័រ Harvard Business Review បានបង្ហាញជំហាន មួយចំនួនដើម្បីរក្សាផលិតភាពបន្ថែម។
ជំហានទី១ ៖ កុំទាន់ចូលទៅដល់ការគិតសកម្មភាពស្មុគស្មាញច្រើន គឺចាប់យកក្រដាសទទេស្អាត រួចគូសពុះចែកជាពីរ ដោយគូសឱ្យចំកណ្តាលសន្លឹកនៃក្រដាសនោះ។
ជំហានទី២ ៖ សរសេរចេញនូវអ្វីដែលប៉ងប្រាថ្នា និងជាផ្នែកដ៏សំខាន់មួយដែលអ្នកចង់ឱ្យកើតមានក្នុងពេលខាងមុខ ឬក៏ការសរសេរក្ដីរំពឹងពាក់ព័ន្ធនឹងលទ្ធផលណាមួយឱ្យប្រសើរជាងមុន មួយវិញទៀតការប្តេជ្ញាកាត់បន្ថយស្រ្តេសក៏ត្រូវតែដាក់គោលដៅឱ្យជាក់លាក់ដែរ ប៉ុន្តែសរសេរជាចំណុចគោលៗប៉ុណ្ណោះ។ ជាឧទាហរណ៍ អ្នកមានគម្រោងពង្រីកវិសាលភាពនៃការគិតឱ្យមានភាពទូលំទូលាយជាងមុន។
ជំហានទី៣ ៖ បន្ទាប់ពីរកឃើញកិច្ចការសំខាន់ៗ ធំៗ ជាកិច្ចបន្ទាប់ គឺការយកចំណុចគោល ទាំងនោះទៅសរសេរពង្រាយជាសកម្មភាពតូចៗ មិនថាជាគោលដៅពាក់ព័ន្ធនិងការងារ ជីវិតផ្ទាល់ខ្លួន ឬក៏គ្រួសារនោះទេ គឺត្រូវបំបែកលម្អិតដូចគ្នា។ ឧទារហណ៍ ដើម្បីសម្រេចបំណងចង់ក្លាយជាមនុស្សមានគំនិតទូលំទួលាយជាងមុន គឺត្រូវមានសកម្មភាពដែលត្រូវបំពេញដូចជា ស្វែងរកឱកាសថ្មីៗ សរសេរឱ្យបានច្រើន អានឱ្យបានច្រើន និងសិក្សាស្វែងយល់ជានិច្ច៕
