ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ស្ថានភាពតឹងតែងកើតមានចំពោះមនុស្សទូទៅ ប៉ុន្តែការរក្សាផ្នត់គំនិតវិជ្ជមានក្នុងស្ថានលំបាកទាំងឡាយ មិនមែនមនុស្សគ្រប់គ្នាសុទ្ធតែមានពីធម្មជាតិនោះទេ គឺត្រូវការវិធីសាស្រ្តក្នុងការដោះស្រាយ ក៏ដូចជាការថែទាំសុខភាពផ្លូវចិត្ត និងផ្លូវកាយឱ្យបានល្អ។ តាមរយៈគេហទំព័រ Hellomagazine បានបង្ហាញគន្លឹះ៩ចំណុច ដែលត្រូវយកចិត្តទុកដាក់ក្នុងការពង្រឹងផ្នត់គំនិតវិជ្ជមាន។
១. សុខភាព ៖ ការវិនិយាគចំពោះការថែទាំសុខភាព គេមិនដែលភ្លេចលើកឡើងអំពីលំហាត់ប្រាណនោះទេ ប៉ុន្តែមិនចាំបាច់ទាល់តែទៅក្លឹបហាត់ប្រាណ ឬធ្វើតាមក្បាច់ក្បូរនោះដែរ គ្រាន់តែធ្វើយ៉ាងណាឱ្យរាងកាយមានចលនា ទន្ទឹមគ្នានោះ ក៏ត្រូវជ្រើសរើសប្រភេទអាហារល្អៗ ផ្តល់សារធារតុចិញ្ចឹមទៅកាន់រាងកាយ។
២. ការរក្សាភាពស្ងប់ស្ងាត់ ៖ មានរឿងរ៉ាវ និងបញ្ហាជាច្រើនដែលត្រូវដោះស្រាយពីមួយថ្ងៃទៅមួយថ្ងៃ ដូច្នេះអ្វីដែលត្រូវអភិវឌ្ឍបន្ទាប់នោះគឺ រៀនទុកចន្លោះខ្លះៗដើម្បីសមាធិ និងដកដង្ហើមឱ្យបានវែងៗ។ បន្ថែមពីនោះនៅមានសកម្មភាពជាច្រើនទៀតដែលអាចជួយរក្សាភាពស្ងៀមស្ងាត់ គឺ អានសៀវភៅ នៅកន្លែងមានធម្មជាតិ ឬក៏ទៅកន្លែងម៉ាស្សាខ្លួនជាដើម។
៣. ក្ដីស្រឡាញ់ ៖ មិនថាស្ថិតក្នុងស្ថានភាពអ្វីក៏ដោយ សូមកុំផ្តាច់ខ្លួននៅតែម្នាក់ឯង ចំណាយពេលខ្លះនៅជាមួយមនុស្សជាទីស្រឡាញ់ ដូចជា គ្រួសារ មិត្តភ័ក្ដ្រ និងបុគ្គលណាម្នាក់ ដែលមានអារម្មណ៍ថាយល់ចិត្តបំផុត បន្ទាប់មកចែករំលែករឿងរ៉ាវដែលកំពុងតែជួបប្រទះខ្លះៗទៅកាន់ពួកគាត់។
៤. ដំណើរផ្សងព្រេង ៖ ទោះបីជាគ្មានអារម្មណ៍អ្វីសោះក្នុងខ្លួនក៏ដោយ ព្យាយាមជំរុញខ្លួនឯងឱ្យទៅកន្លែងថ្មីៗ រុករកបរិយាកាសប្លែកៗ ឬក៏ជ្រើសរើសរៀនមុខជំនាញថ្មីៗ ដើម្បីធ្វើយ៉ាងណាបង្កភាពស្រស់បស់ទៅកាន់សុខភាពខួរក្បាល។
៥. រក្សាស្ថេរភាព ៖ សកម្មភាពមួយចំនួនដែលគួររក្សាស្ថេរភាពគឺ ទម្លាប់ល្អប្រចាំថ្ងៃ ការគោរពពេលវេលា ចូលរួមព្រឹត្តិការណ៍បង្កើនឱកាស និងធ្វើយ៉ាងណាគ្រប់គ្រងវិន័យខ្លួនឯងឱ្យបានខ្ជាប់ខ្ជួន។
៦. វត្ថុបំណង ៖ មិនថាជាការងារគម្រោងផ្ទាល់ខ្លួន ឬក៏គម្រោងរបស់ក្រុមហ៊ុននោះទេ ការមានទម្លាប់ដាក់គោលដៅ មានក្ដីប្រាថ្នា មិនត្រឹមតែជួយសម្រួចសកម្មភាពប្រចាំថ្ងៃឱ្យដល់គោលដៅនោះទេ ប៉ុន្តែជាការរួមចំណែកកាត់បន្ថយភាពច្របូកច្របល់ និងភាពតានតឹងបន្ថែមមួយកម្រិតទៀត។
៧. ភាពច្នៃប្រតិដ្ឋ ៖ ចំណាយពេលទៅធ្វើរឿងរ៉ាវចម្រុះផ្សេងៗគ្នា ទើបអាចទាញភាពច្នៃប្រតិដ្ឋសម្បូរបែបបាន ដោយសកម្មភាពទាំងនោះមានដូចជា ចម្អិនម្ហូប គូរូប រៀនជំនាញថ្មីៗតាមរយៈអ៊ីនធឺណិត សរសេរប្រលោមលោកខ្លីៗ ព្រោះនៅពេលដែលបណ្តោយឱ្យខ្លួនឯងទៅធ្វើសកម្មភាពដែលល្អ និងចម្រុះបែបនេះ គឺជាកត្តាបន្ថយស្រ្តេស និងការផ្តាច់ការព្រួយបារម្ភដែលមិននាំនូវផលប្រយោជន៍។
៨. កម្សាន្ត ៖ ជ្រើសរើសសកម្មភាព ដែលផ្តល់នូវការកម្សាន្ត ប្រៀបបានជាឱសថបំបាត់ភាពព្រួយបារម្ភ និងជំរុញស្មារតីឱ្យស្រស់ស្រាយ បង្កើតទំនាក់ទំនង និងពង្រឹងរបៀបរបបនៃការគិត។
៩. អំពើល្អ ៖ ផ្តើមដោយការយកចិត្តទុកដាក់ និងធ្វើល្អជាមួយខ្លួនឯងជាមុន កាត់បន្ថយការនិយាយអវិជ្ជមានជាមួយខ្លួនឯង មានក្ដីសោមនស្សចំពោះរឿងរ៉ាវដែលបានកើតមាន ដែលចំណុចនេះហើយរួមចំណែកដល់ការរក្សាផ្នត់គំនិតវិជ្ជមានក្នុងស្ថានភាពតាងតឹង៕
