ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មានកត្តាជាច្រើន ដែលជំរុញឱ្យសិស្សនិស្សិត ក៏ដូចជាយុវជនទូទៅ ងាយកើតមានអាការថប់បារម្ភ ពិបាករក្សាទឹកចិត្តឱ្យមានស្មារតីល្អ ឬក៏ការធ្វើឱ្យមានអារម្មណ៍បំពេញកិច្ចការនីមួយៗមិនបានល្អ។ ទាំងនេះ គឺជាចំណោទបញ្ហាមួយ ងាយធ្វើឱ្យយុវជនងាយធ្លាក់ទៅក្នុងស្ថានភាពផ្លូវចិត្តមិនល្អ រួមទាំងធ្លាក់ចុះនូវការបំពេញការងារ និងការសិក្សា។ ដើម្បីជំរុញបាននូវអារម្មណ៍ល្អ គេហទំព័រ Yourtango បានចែករំលែកគន្លឹះ៣ចំណុច នៅខាងក្រោម ៖
១. បង្កើនភាពច្នៃប្រតិដ្ឋតាមរយៈរូបភាព ៖ សកម្មភាពដែលនាំបាននូវភាពច្នៃប្រតិដ្ឋ បានរួមចំណែកធ្វើឱ្យអារម្មណ៍ល្អ តួយ៉ាងសូម្បីការស្រមៃសាច់រឿងឱ្យទៅជារូបភាព ក៏អាចរាប់បានថា ជាការបង្កើននូវសកម្មភាពថ្មីៗ ឬការច្នៃប្រតិដ្ឋបន្ថែមដែរ។ មួយវិញទៀតការជ្រើសរើសទីតាំងកម្សាន្តប្លែកៗ និងការកត់ត្រាទុកអនុស្សាវរីយ រាល់គ្រប់កន្លែងដែលបានទៅ សុទ្ធសឹងតែបង្កើតបានរូបភាពមួយដែលផ្តល់នូវភាពរីករាយសម្រាប់ពេលក្រោយៗ ឬក៏ការស្រមើស្រមៃ ផែនការបែបជារូបភាព មិនថាការលេងកីឡា ទៅដើរកម្សាន្តនៅចុងសប្តាហ៍ ឬក៏សកម្មភាពធ្វើដើម្បីបំបាត់ភាពអផ្សុក ព្រោះការបង្កើត ឬរក្សាជារូបភាពបានបង្កើននូវភាពអត់ធ្មត់អំឡុងពេលរង់ចាំអ្វីមួយ។
២. ទម្លាប់សង្កេតបរិយាកាសជុំវិញខ្លួន ៖ រៀងរាល់ពេលធ្វើដំណើរកម្សាន្ត ការសង្កេតសកម្មភាព និងបរិយាកាសជុំវិញខ្លួន ជាជំហាននាំទៅរកភាពវិជ្ជមានមិនថា ទិដ្ឋភាពទូទៅ សម្លេងកើតឡើងជុំវិញខ្លួន ក្លិន ពណ៌ និងកត្តាផ្សេងៗទៀត ដែលចំណុចទាំងនេះ បានរួមចំណែកដល់ការបន្ថយអាការថប់បារម្ភ និងការបង្វឹកស្មារតីឱ្យស្ថិតក្នុងបច្ចុប្បន្នភាព និងភាពរីករាយក្នុងរយៈពេលវែង។
៣. ព្យាយាមរក្សាទស្សនៈវិជ្ជមាន ៖ ដើម្បីបង្កើនប្រសិទ្ធភាព នៃការរក្សាផ្នត់គំនិតខ្លួនឯងឱ្យរក្សាទម្លាប់គិតល្អៗ ពេលខ្លះការលេងហ្គេមជាមួយខ្លួនឯង ឬក៏ការកុហកខ្លួនឯងក្នុងរយៈពេលខ្លី ក៏ជាចំណែកមួយជួយឱ្យមានទម្លាប់គិតអំពីសកម្មភាពដែលអាចគ្រប់គ្រងបាន។ ឧទាហរណ៍ដូចជា ការញញឹមដាក់កញ្ចក់ទោះបីស្ថិតក្នុងស្ថានភាពមិនអំណោយផល ឬក៏ការស្រមៃទៅដល់រូបភាពដែលខ្លួនពិតជាចង់បានជាដើម។ ការរក្សាការគិតក្នុងន័យល្អៗទៀតសោត ត្រូវការពេលវេលា និងការហាត់ពត់ឱ្យបានជាប្រចាំ ទើបអាចបង្កើតទម្លាប់មួយនេះបាន៕
