ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យោងតាមការចេញផ្សាយដោយ វេទិកាសេដ្ឋកិច្ចពិភពលោក (WE Forum) បានឱ្យដឹងថា ការដើរនៅទីកន្លែង ដែលមានធម្មជាតិបៃតងរយៈពេល ៦០នាទី អាចជួយឱ្យភាពតឹងរបស់មនុស្សថយចុះបានមួយកម្រិត។ នេះគឺជាលទ្ធផលនៃការសិក្សាថ្មីមួយ ដោយក្រុមអ្នកស្រាវជ្រាវរបស់ Lise Meitner Group for Environmental Neuroscience នៃវិទ្យាស្ថាន Max Planck សម្រាប់ការអភិវឌ្ឍន៍មនុស្ស និងបានបោះពុម្ពផ្សាយនៅក្នុង Molecular Psychiatry ។
ក្រុមអ្នកស្រាវជ្រាវរកឃើញថា តំបន់ខួរក្បាលកណ្តាល ឈ្មោះ អាមីហ្កាដាឡា (amygdala) ដែលពាក់ព័ន្ធនឹងដំណើរការស្ត្រេស របស់មនុស្សដែលនៅទីជនបទ មិនសូវសកម្មនោះទេ បើធៀបទៅនឹងមនុស្សដែលរស់នៅទីក្រុង។
អ្នកស្រាវជ្រាវបង្ហាញថា ធម្មជាតិមានឥទ្ធិពលវិជ្ជមានទៅលើតំបន់ខួរក្បាល ដែលពាក់ព័ន្ធនឹងដំណើរការស្ត្រេស ហើយវាត្រូវបានគេសង្កេតឃើញ បន្ទាប់ពីពិសោធន៍លើការដើររយៈពេលមួយម៉ោង។ លទ្ធផលនៃការសិក្សានេះ គឺជាការរួមចំណែកដល់ការយល់ដឹងអំពីឥទ្ធិពល ដែលបរិយាកាសរស់នៅមានមកលើសុខភាពខួរក្បាល និងផ្លូវចិត្ត។
លើសពីនេះ សូម្បីតែការចំណាយពេលដ៏ខ្លីជាមួយធម្មជាតិ ក៏អាចរួមចំណែកធ្វើឱ្យសកម្មភាព អាមីហ្កាដាឡា (amygdala) ថយចុះបានដែរ។ ចំណុចនេះបង្ហាញថា ធម្មជាតិអាចដើរតួយ៉ាងសំខាន់ ក្នុងការបង្ការ និងប្រឆាំងនឹងការវិវត្តនៃបញ្ហាសុខភាពផ្លូវចិត្ត ព្រមទាំងអាចទប់ស្កាត់វិបត្តិផ្សេងៗ ដែលអាចកើតលើខួរក្បាល។
លទ្ធផលនេះស្របទៅនឹងការសិក្សាពីមុន (២០១៧, របាយការណ៍វិទ្យាសាស្ត្រ) ដែលបង្ហាញថា អ្នករស់នៅទីក្រុង ដែលជិតព្រៃ មានរចនាសម្ព័ន្ធ អាមីហ្កាដាឡា (amygdala) ដែលមានសុខភាពល្អ ហើយការរស់នៅរបៀបនេះអាចទប់ទល់នឹងភាពតានតឹងបានប្រសើរជាងមុន។ ការសិក្សាថ្មីនេះ បានសបញ្ជាក់ឱ្យឃើញពីសារៈសំខាន់សម្រាប់គោលនយោបាយរចនាទីក្រុងបៃតង ដើម្បីបង្កើនសុខភាពផ្លូវចិត្ត និងសុខុមាលភាពរបស់ប្រជាពលរដ្ឋ៕
