ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សិស្សដែលជាកូនៗពលរដ្ឋភៀសសឹក មកពីស្រុកអូស្មាច់ ខេត្តឧត្តរមានជ័យ ចំនួន៣នាក់ ត្រូវបានសាលារៀនវ៉េស្ទឡាញន៍ ចុះឈ្មោះឱ្យចូលរៀនបណ្តោះអាសន្នឥតគិតថ្លៃ នៅសាលារៀនវ៉េស្ទឡាញន៍ សាខាភ្នំពេញថ្មី ដើម្បីបន្តការសិក្សារបស់ពួកគេ រហូតដល់ស្ថានភាពវិលត្រឡប់មករកធម្មតាវិញ។
ពួកគេទាំង៣នាក់ ជាសិស្សសិក្សាថ្នាក់ទី៨ មកពីសាលាចំណេះទូទៅមានជ័យ និងសិក្សាថ្នាក់ទី៥ និងថ្នាក់មត្តេយ្យ មកពីសាលាបឋមសិក្សាអូរស្មាច់១ ។
បើតាមក្រសួងអប់រំ យុវជន និងកីឡា គិតមកទល់នឹងល្ងាចថ្ងៃទី១០ ខែធ្នូ ឆ្នាំ២០២៦ សាលារៀនក្នុងខេត្តជាប់បន្ទាត់ព្រំដែនជាមួយប្រទេសថៃចំនួន ៦ខេត្ត បានបិទទ្វារ ដែលមានសាលារៀនសរុបចំនួន ៨៨៣សាលា ប៉ះពាល់ដល់សិស្សចំនួន ២០៨៩៥៩នាក់។ ដោយឡែកខេត្តឧត្តរមានជ័យ មានសាលារៀនចំនួន ២៦០សាលា បានផ្អាកដំណើរការ ដែលធ្វើឱ្យប៉ះពាល់ដល់សិស្សចំនួន ៥៥ ៧៣១នាក់។
ក្នុងគ្រាដ៏លំបាកនេះ ឧកញ៉ាបណ្ឌិត ប៉ិច បូឡែន អគ្គនាយកបណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប តាមរយៈបណ្តាញសង្គម បានអំពាវនាវដល់សាលាឯកជនចំណេះទូទៅទាំងអស់ គួរសហការជាមួយសាលារដ្ឋ ជួយទទួលយកសិស្សដែលជាកូនៗភៀសសឹកចូលរៀនបន្តដោយឥតគិតថ្លៃជាបណ្តោះអាសន្ន រហូតដល់ស្ថានភាពធម្មតាដែលពួកគាត់អាចវិលទៅសាលាពួកគាត់វិញ។
នេះជាពេលវេលាដែលយើងជាខ្មែរត្រូវរួមគ្នាជាធ្លុងមួយ ជួយប្រជាជាតិ និងប្រជាជនយើង
ឧកញ៉ាបណ្ឌិត ប៉ិច បូឡែន មានប្រសាសន៍ថា បណ្តាញសាលារៀន Westline Education Group នឹងចូលរួមកិច្ចការនេះ ដោយមោទមនភាព។ ហើយអគ្គនាយកនៃ WEG ទាំងអស់ត្រៀមលក្ខណៈជួយសម្របសម្រួល៕
