ឪពុក​ម្តាយ​ចំណាយ​ពេល​នៅមុខ​មណ្ឌល​ប្រឡង​ ​បង្ហាញ​ក្តីបារម្ភ​ និង​មោទកភាព ​ខណៈ​កូន​ប្រឡង​បាក់ឌុប​យ៉ាង​ស្វិតស្វាញ​

​នៅ​ខាងក្រៅ​មណ្ឌល​ប្រឡង​បាក់ឌុប​ក្នុង​រាជធានី​ភ្នំពេញ​ ​ឪពុក​ម្តាយ​មួយចំនួន​បាន​ចំណាយ​ពេល​អង្គុយ​រង់ចាំ​ និង​ផ្តល់​កម្លាំងចិត្ត​ដល់​កូន​ៗ​របស់​ខ្លួន​ ​ដោយ​បង្ហាញ​ទាំង​ក្តីបារម្ភ​ ក្តីសង្ឃឹម​ និង​មោទកភាព ​ខណៈ​កូន​ៗ​កំពុង​ប្រឡង​សញ្ញាបត្រ​មធ្យមសិក្សា​ទុតិយភូមិ ​ឬ​បាក់ឌុប ​ដែល​ជា​ជំហាន​សំខាន់​ឆ្ពោះ​ទៅរក​ការ​សិក្សា​ ​និង​អនាគត​ការងារ​។​

​លោក​ ​អ៊ុន ​អ៊ុង ​ដែល​មាន​កូន​ប្រឡង​នៅ​វិទ្យាល័យ​ឥន្ទ្រ​ទេវី ​បាន​និយាយ​ថា​ ​ការ​មក​អង្គុយ​រង់ចាំ​កូន​នៅ​មណ្ឌល​ប្រឡង​ ​គឺជា​ផ្នែក​មួយ​នៃ​ការ​បំពេញតួនាទី​ជា​ឪពុក​ ​ដើម្បី​ផ្តល់​កម្លាំងចិត្ត​ ​និង​ជំរុញ​ឱ្យ​កូន​ខិតខំ​ប្រឹងប្រែង​ក្នុង​ការ​ប្រឡង​។​

​លោក​បន្ត​ថា​ ​តាម​ការ​រៀបរាប់​របស់​កូន​ ​ការ​ប្រឡង​កាលពី​ថ្ងៃ​ម្សិលមិញ​ ​ពេលព្រឹក​មិន​សូវ​មាន​បញ្ហា​ទេ ​ប៉ុន្តែ​វិញ្ញាសា​នៅ​ម៉ោង​ទី​២​មាន​ភាព​ពិបាក​បន្តិច​ ​ដោយសារ​មាន​ចំណុច​ខ្លះ​ដែល​កូន​មិន​ទាន់​បាន​រៀន​ ​ឬ​មិន​ទាន់​ចេះ​ច្បាស់​។ ​ទោះជា​យ៉ាងណា​ ​កូន​របស់​លោក​នៅតែ​សង្ឃឹម​ប្រហែល​ ​៨០​% ​ថា​នឹង​អាច​ប្រឡង​ជាប់​។​

​លោក​ ​អ៊ុន ​អ៊ុង ​និយាយ​ថា​ «​ទី​មួយ​ ​យើង​ចង់​ឃើញ​កូន​មាន​អនាគត​ល្អ​ និង​ក្លាយជា​មនុស្ស​ល្អ​នៅក្នុង​សង្គម​។ ​ក្នុង​នាម​ជា​ឪពុក​ម្តាយ​ ​យើង​ត្រូវ​ចំណាយ​ពេល​លើកទឹកចិត្ត​ ​និង​គាំទ្រ​កូន​នៅ​ពេល​ប្រឡង ​ដើម្បីឱ្យ​គាត់​មាន​ភាព​កក់ក្តៅ​ ​និង​ទំនុកចិត្ត​»​។​

​សម្រាប់​លោកស្រី​ ​ពេជ្រ ​លក្ខិណា ​ដែល​មកពី​ខេត្ត​ស្វាយរៀង​ ​និង​មាន​កូន​មក​រៀន​នៅ​ភ្នំពេញ​ ​ការ​មក​អង្គុយ​រង់ចាំ​កូន​នៅ​មណ្ឌល​ប្រឡង ​គឺ​ដើម្បី​ផ្តល់​កម្លាំងចិត្ត​ ​និង​ជួយ​កាត់បន្ថយ​ការ​ភ័យខ្លាច​របស់​កូន​។​

​លោកស្រី​បាន​និយាយ​ថា​ «​ខ្ញុំ​ស្រលាញ់​កូន​ ​ហើយ​រំពឹង​ថា​កូន​នឹង​ខិតខំ​ប្រឹងប្រែង​ធ្វើឱ្យ​បាន​ល្អ​ និង​ប្រឡង​ជាប់​តាម​បំណងប្រាថ្នា​»​។​

​លោកស្រី​ក៏​បង្ហាញ​ការ​ព្រួយបារម្ភ​ថា​ ​កូន​អាច​ធ្វើ​មិន​បាន​តាម​អ្វី​ដែល​បាន​រៀន​ ​ប៉ុន្តែ​នៅតែ​សង្ឃឹម​ថា​ ​កូន​នឹង​ប្រឹងប្រែង​ឱ្យ​អស់​ពី​សមត្ថភាព​ ​ដើម្បី​មាន​ឱកាស​បន្ត​ការ​សិក្សា​ ​និង​ស្វែងរក​ការងារ​ល្អ​នៅ​ថ្ងៃ​អនាគត​។

​ទន្ទឹម​នេះ​ លោក​ ប៊ុន ​អ៊ី ​ដែល​មាន​កូនស្រី​ប្រឡង​នៅ​មណ្ឌល​សាកលវិទ្យាល័យ​ភូមិន្ទ​នីតិសាស្ត្រ​ ​និង​វិទ្យាសាស្ត្រ​សេដ្ឋកិច្ច​ ​(​RULE​) ​ក៏​បាន​ចំណាយ​ពេល​អង្គុយ​រង់ចាំ​កូន​នៅ​ខាងក្រៅ​មណ្ឌល​ប្រឡង​។ ​សម្រាប់​លោក​ ​ការ​ប្រឡង​ឆ្នាំ​នេះ​មាន​អត្ថន័យ​ពិសេស​ ព្រោះ​ជា​ការ​ប្រឡង​បាក់ឌុប​លើក​ដំបូង​របស់​កូន​ ​និង​ជា​កូន​ដំបូង​របស់​លោក​ផងដែរ​។​

​ក្រៅពី​ការ​រង់ចាំ​ លោក​ក៏​បាន​ជួយ​មើល​ថែ ​និង​លើកទឹកចិត្ត​កូន​ ​មុន​ ​និង​អំឡុង​ពេល​ប្រឡង ​ដោយ​យកចិត្តទុកដាក់​លើ​ការ​សម្រាក​ និង​ការ​ហូប​អាហារ​ឱ្យ​បាន​គ្រប់គ្រាន់​។​

​លោក​ ប៊ុន ​អ៊ី ​ក៏​បញ្ជាក់​ថា​ ​លោក​មិន​ចង់​បង្ខំ​កូន​ឱ្យ​ជ្រើសរើស​ជំនាញ​ណាមួយ​ឡើយ​។ ​ប្រសិនបើ​កូន​ចង់​រៀន​ជំនាញ​អ្វី​ លោក​នឹង​គាំទ្រ​ឱ្យ​កូន​បន្ត​តាម​ចំណង់ចំណូលចិត្ត​របស់​ខ្លួន​ ព្រោះ​លោក​យល់​ថា​ ​មនុស្ស​ម្នាក់​ៗ​មាន​ផ្លូវ​ដែល​ខ្លួន​ស្រឡាញ់​ ​និង​ចង់​ដើរ​។

​សម្រាប់​ឪពុក​ម្តាយ​ទាំងនេះ​ ​សញ្ញាបត្រ​ថ្នាក់​ទី​១២​មិន​ត្រឹមតែ​ជា​លទ្ធផល​នៃ​ការ​ខិតខំ​រៀនសូត្រ​អស់​រយៈពេល​១២​ឆ្នាំ​របស់​កូន​ប៉ុណ្ណោះ​ទេ​ ​ប៉ុន្តែ​ជា​ចំណុច​ចាប់ផ្តើម​សម្រាប់​ការ​សិក្សា​ ​ការងារ​ និង​ការ​កសាង​អនាគត​។​

​ពួកគាត់​រំពឹង​ថា​ ​កូន​ៗ​នឹង​ប្រឡង​ជាប់​ ​និង​អាច​បន្ត​ការ​សិក្សា​តាម​ជំនាញ​ដែល​ខ្លួន​ស្រឡាញ់​ ​ខណៈ​អ្វី​ដែល​ឪពុក​ម្តាយ​ចង់​ឃើញ​ជាង​លទ្ធផល​ប្រឡង ​គឺ​កូន​មាន​អនាគត​ល្អ​ ក្លាយជា​មនុស្ស​ល្អ​ក្នុង​សង្គម​ និង​អាច​ចូលរួម​ជួយ​គ្រួសារ​ និង​សង្គមជាតិ​៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រុមប្រឹក្សា​យុវជនឯកអគ្គរដ្ឋទូតសហរដ្ឋអាមេរិក (AYC) ជ្រើសរើសសមាជិកជំនាន់ទី១៤

ព័ត៌មានអាហារូបករណ៍, ព្រឹត្តិការណ៍

• 02/02/2026

ជាឱកាស​សម្រាប់យុវជន​ក្នុងការ​ពង្រឹងភាពជាអ្នកដឹកនាំ ចូល​រួម​ក្នុង​សកម្មភាព​សហគមន៍ និង​ចែករំលែក​ទស្សនៈ​របស់ខ្លួន ក្នុងការ​ពិភាក្សា​ប្រកបដោយអត្ថន័យ។

តួកគី ផ្តល់អាហារូបករណ៍លើការ​បណ្តុះបណ្តាល ភាសា-វប្បធម៌ ដល់មន្ត្រីរាជការ និងបញ្ញវន្តកម្ពុជា សម្រាប់ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 13/05/2026

សម្រាប់ឆ្នាំសិក្សា២០២៦-២០២៧ នេះ សាធារណៈរដ្ឋ​តួកគីយ៉េ ​បាន​ប្រកាស​ផ្តល់​អាហារូបករណ៍​ដល់​មន្ត្រីរាជការ និង​បញ្ញវន្ត​កម្ពុជា សិក្សា​រយៈ​ពេល ៨ ខែ​ពេញ​ លើ​ការ​បណ្ដុះបណ្ដាល​ភាសា​ និង​វប្បធម៌​តួកគីយ៉េ សិក្សា​នៅ​សាធារណរដ្ឋ​តួកគីយ៉េ។

អាហារូបករណ៍សិក្សាថ្នាក់ក្រោយឧត្ដមសិក្សានៅប្រទេសសិង្ហបុរីពីកម្មវិធីអាហារូបករណ៍ SASEAF

ព័ត៌មានអាហារូបករណ៍, ព្រឹត្តិការណ៍

• 26/07/2023

ឱកាសសិក្សាអាហារូបករណ៍ថ្នាក់ក្រោយឧត្ដមសិក្សានៅប្រទេសសិង្ហបុរីពីកម្មវិធីអាហារូបករណ៍ SG Academies South-East Asia Fellowship ឬ SASEAF សម្រាប់បេក្ខជនពីប្រទេសមាជិកអាស៊ានសម្រាប់ឆ្នាំសិក្សា២០២៣

វិទ្យាស្ថានពហុបច្ចេកទេស​ខេត្តកំពង់ធំ ជ្រើសរើស​យុវជន​ឱ្យ​ចូលរៀនជំនាញបច្ចេកទេស ដោយឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 13/03/2025

វិទ្យាស្ថានពហុបច្ចេកទេស​ខេត្តកំពង់ធំ ប្រកាសជ្រើសរើស​យុវជន​ដែល​មក​ពី​គ្រួសារ​មាន​បណ្ណក្រីក្រ១ និងទី២ និង​គ្រួសារងាយរងហានិភ័យ ឱ្យ​ចូលសិក្សា​ជំនាញបច្ចេកទេស និង​វិជ្ជាជីវៈ ដោយ​ឥតបង់ថ្លៃ។

អាហារូបករណ៍ទៅ​សិក្សា​ថ្នាក់បរិញ្ញាបត្រ​នៅសាកលវិទ្យាល័យ Kent State សម្រាប់ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 12/08/2025

ឱកាសសិក្សាអាហារូបករណ៍ថ្នាក់បរិញ្ញាបត្រ និងក្រោយបរិញ្ញាបត្រនៅសាកលវិទ្យាល័យ Kent State សហរដ្ឋអាមេរិក ឆ្នាំសិក្សា២០២៦ ពីកម្មវិធីអាហារូបករណ៍ Kent State University Global Scholarship 2026 ។

ឱកាសអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Dayton ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 16/08/2023

ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Dayton ពីកម្មវិធីអាហារូបករណ៍ Dayton Merit Scholarship 2024។ អាហារូបករណ៍ផ្ដល់ជូនដល់និស្សិតបរទេសសិក្សា...

អាហារូបករណ៍ថ្នាក់ឧត្ដមសិក្សាពីអាហារូបករណ៍រដ្ឋាភិបាលចិនប្រភេទ B នៅសាកលវិទ្យាល័យ Shanghai ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 10/01/2025

កម្មវិធីអាហារូបករណ៍រដ្ឋាភិបាលចិនប្រភេទ B ប្រកាសផ្ដល់អាហារូបករណ៍ថ្នាក់ឧត្ដមសិក្សា សិក្សា​នៅសាកលវិទ្យាល័យ Shanghai សម្រាប់ឆ្នាំសិក្សា២០២៥ ដល់និស្សិតអន្តរជាតិជាច្រើននាក់។ អាហារូបករណ៍ផ្ដល់ការសិក្សា ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់...

ក្រសួងអប់រំផ្តល់អាហារូបករណ៍ពេញលេញ សម្រាប់ជំនាញ STEM ៣២០កន្លែង

ព័ត៌មានអាហារូបករណ៍, ព្រឹត្តិការណ៍

• 18/08/2026

ក្រសួងអប់រំ យុវជន និងកីឡា ប្រកាសជ្រើសរើសបេក្ខជនឱ្យសិក្សាអាហារូបករណ៍ពេញថ្លៃចំនួន ៣២០ កន្លែង សម្រាប់ថ្នាក់បរិញ្ញាបត្រ បរិញ្ញាបត្រជាន់ខ្ពស់ និង ថ្នាក់បណ្ឌិត នៅតាមគ្រឹះស្ថានឧត្តមសិក្សាសាធារណៈ ក្រោមឱវាទក្រសួង ក្នុងក្របខណ្ឌ...

ឱកាស​ចូលរួមវគ្គសិក្សាជាស៊េរី “មេរៀនអតីតកាល មាគ៌ា​ឆ្ពោះទៅអនាគត” ពី អ.វ.ត.ក.

ព័ត៌មានអាហារូបករណ៍, ព្រឹត្តិការណ៍

• 08/12/2025

ជាឱកាស​សម្រាប់គ្រូបង្រៀន សាស្រ្តាចារ្យបង្រៀន​លើ​មុខ​វិជ្ជាមនុស្សសាស្រ្ត ព្រមទាំ​ងអ្នក​ដឹកនាំ​ជំនាន់ក្រោយ​ទាំងអស់! ពេលនេះ អង្គជំនុំជម្រះវិសាមញ្ញ​ ក្នុង​តុលាការ​កម្ពុជា (អ.វ.ត.ក.) ប្រកាស​បើក​ដាក់ពាក្យ សម្រាប់ការ​ចូលរួម​វគ្គ​សិក្សា​...