ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អគ្គនាយកដ្ឋានយុវជន នៃក្រសួងអប់រំ យុវជន និងកីឡា បានប្រកាសជ្រើសរើសយុវជនស្ម័គ្រចិត្តចូលរួម កម្មវិធីនាវាយុវជនអាស៊ីអាគ្នេយ៍ និងជប៉ុន លើកទី៤៧ “The Ship for Southeast Asian and Japanese Youth Program-SSEAYP” ។ កម្មវិធីនឹងជ្រើសរើសយុវជនចំនួន១០រូបដើម្បីមានឱកាសក្លាយជាប្រតិភូយុវជនតំណាងកម្ពុជា ។
លក្ខខណ្ឌក្នុងការជ្រើសរើស ៖ ជាយុវជនទាំង២ភេទ មានសញ្ជាតិកម្ពុជា មានអាយុចាប់ពី១៨ឆ្នាំដល់៣៣ឆ្នាំ មានចំណេះដឹងជ្រៅជ្រះទាក់ទងនឹងប្រវត្តិសាស្ត្រ ភូមិសាស្ត្រ វប្បធម៌ និងរដ្ឋាភិបាលនៅកម្ពុជា, អាស៊ាន និងជប៉ុន ។ ជាមួយគ្នានេះ ត្រូវមានលិខិតឆ្លងដែនដែលមានសុពលភាពត្រឹមថ្ងៃទី០៥ ខែសីហា ឆ្នាំ២០២៤ និងធ្វើសកម្មភាពតាមកាលវិភាគកម្មវិធីប្រកបដោយសណ្ដាប់ធ្នាប់ មានស្ថានភាពផ្លូវកាយ និងផ្លូវចិត្តល្អប្រកបដោយស្មារតីជាក្រុម ។
កម្មវិធីនឹងប្រព្រឹត្តិទៅចំនួន២លើក ដោយលើកទី១នៅថ្ងៃទី១២ ដល់ថ្ងៃទី១៩ ខែវិច្ឆិកា ឆ្នាំ២០២៣ តាមរយៈប្រព័ន្ធអនឡាញ និងលើកទី២នៅថ្ងៃទី២៩ ខែវិច្ឆិកា ដល់ថ្ងៃទី០៩ ខែធ្នូ ឆ្នាំ២០២៣ នាទីក្រុងតូក្យូ ប្រទេសជប៉ុន ។
បេក្ខជនដែលមានចំណាប់អារម្មណ៍ក្នុងការដាក់ពាក្យសូមចូលទៅកាន់តំណភ្ជាប់ https://forms.gle/qgQFmhYhgW8P4wRR7 ឬអាចទំនាក់ទំនងទៅកាន់លោក ទុយ ច័ន្ទសុបញ្ញា (tuy.chansopanha@moeys.gov.kh) ។ សម្រាប់ព័ត៌មានបន្ថែមអំពីកម្មវិធីសូមចូលទៅកាន់តំណភ្ជាប់ https://www8.cao.go.jp/youth/kouryu/en/sseayp/sseayp.html ។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១៣ ខែសីហា ឆ្នាំ២០២៣ម៉ោង ៨:០០នាទីយប់ ។ បេក្ខជននឹងត្រូវអញ្ជើញទៅសម្ភាសន៍ថ្ងៃទី១៦ ខែសីហា ឆ្នាំ២០២៣ និងប្រកាសលទ្ធផលថ្ងៃទី២០ ខែសីហា ឆ្នាំ២០២៣ ៕
